Fréttablaðið - 14.10.2004, Blaðsíða 4

4 14. október 2004 FIMMTUDAGUR
Stimpilgjöld:
Fjármálaráðherra
tregur til að lækka
STJÓRNMÁL Margret Frímannsdótt-
ir, þingflokksformaður Samfylk-
ingarinnar, lagði fram fyrirspurn
til fjármálaráðherra á Alþingi í
gær þar sem hún spurði um álit
ráðherrans á lækkun eða afnámi
stimpilgjalda. Í máli þingmanns-
ins kom fram að Samfylkingin
teldi að almenningur nyti ekki
vaxtalækkunar á húsnæðislánum
sem skyldi vegna „óréttlátrar
skattlagningar í formi stimpil-
gjalda“.
Geir H. Haarde fjármálaráð-
herra sagði koma til greina að
endurskoða stimpilgjöld „heild-
stætt“. Hann benti á að sumir
teldu að lækkun eða afnám stimp-
ilgjalda í fasteignaviðskiptum
kynnu að auka þenslu í þjóðfélag-
inu. Sagðist hann fyrst og fremst
fús til að endurskoða stimpilgjöld
í þeim tilfellum þegar leiðrétta
þyrfti samkeppnisstöðu banka.
Hins vegar væri hann síður fús að
lækka þinglýsingargjöld vegna
fasteignaviðskipta.
Talið er að ríkið hafi fjögurra
milljarða tekjur af stimpilgjöld-
um en hluti þess fjár rennur til
baka í vasa almennings í formi
vaxtabóta. -ás
Framsókn stöðvar
lækkun matarskatts
Flokkar sem fengu 82% atkvæða í kosningum eru fylgjandi lægri matarskatti.
Framsókn er á móti og útlit fyrir að málið sofni á þingi. Halldór Ásgrímsson
forsætisráðherra segir þó að lækkun komi til greina ef „svigrúm“ gefist.
STJÓRMÁL Fátt bendir til þess að
matarskattur verði lækkaður
þrátt fyrir að „bullandi þverpóli-
tískur vilji sé til þess“ eins og
Össur Skarphéðinsson, formaður
Samfylkingarinnar, orðar það.
Össur er flutningsmaður tillögu
þess efnis að matarskattur verði
lækkaður úr fjórtán í sjö prósent.
Tveir stærstu stjórnmálaflokk-
arnir á Alþingi börðust fyrir því
fyrir kosningar að lækka matar-
skattinn og fulltrúar Vinstri
grænna og Frjálslyndra hafa líka
verið hlynntir málinu í umræðum
á Alþingi. Framsóknarflokkurinn
fékk rúm sautján prósent at-
kvæða í síðustu kosningum. „Það
er bara einn flokkur sem stoppar
þetta, Framsóknarflokkurinn,“
segir Össur.
Geir H. Haarde fjármálaráð-
herra hefur þannig ítrekað bent á
andstöðu Framsóknarflokksins
við þetta mál. „Það er ágreiningur
um virðisaukaskattinn,“ sagði
Geir við kynningu fjárlagafrum-
varpsins.
Halldór Ásgrímsson, forsætis-
ráðherra og formaður Framsókn-
arflokksins, segist þó ekki útiloka
lækkun matarskatts ef til þess
gefist „svigrúm“ eins og hann orð-
ar það. Hann segir skattalækk-
anaáform stjórnarflokkanna hins
vegar liggja fyrir. Hann segir að
stjórnarflokkarnir hafi gengið frá
þriggja ára langtímaáætlun og
þar sé ekki gert ráð fyrir lækkun
matarskatts í alls tuttugu millj-
arða skattalækkunum.
Fjögurra prósenta lækkun
tekjuskatts ein og sér kostar að
minnsta kosti sextán milljarða,
eignaskattur lækkar um þrjá
milljarða og erfðafjárskattur um
einn milljarð og því er augljóst að
lækkun virðisaukaskatts er ekki á
dagskrá.
Halldór Ásgrímsson segir:
„Við erum ekkert endilega á móti
því en þetta er spurning um svig-
rúm. Ef það skapast meira svig-
rúm í ríkisfjármálum þá kemur
ýmislegt til greina. Við gætum
lækkað matarskattinn, en það
hefur líka verið talað um stimpil-
gjöldin sem mörgum þykja órétt-
lát og aðflutningsgjöld sem
leggjast á ýmsar vörur og félag
iðnrekenda hefur lagt sérstaka
áherslu á.“
a.snaevarr@frettabladid.is
■ MIÐ-AUSTURLÖND
Á ríkið að auka tekjur sveitar-
félaga til að liðka fyrir samning-
um við kennara?
Spurning dagsins í dag:
Horfðir þú á landsleik Íslendinga og
Svía í fótbolta sem fram fór í gær?
Niðurstöður gærdagsins
á visir.is
36%
65%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Barnaheill bent á barna-
klám:
Fjórtán ís-
lensk tilvik
BARNAKLÁM Fjórtán ábendingar
um barnaklám, sem vistað er í
tölvum á Íslandi, bárust Barna-
heill á fyrstu sex mánuðum árs-
ins. Tíu slíkar bárust á sama
tíma í fyrra.
Barnaheill taka við ábending-
um um barnaklám á netinu,
hvort sem það leynist í tölvum á
Íslandi eða í útlöndum og bárust
alls 364 tilkynningar á fyrstu
sex mánuðum ársins eða 60 á
mánuði. Af þeim reyndust 110
lúta að barnaklámi en aðrar
snéru að annars konar klámefni
sem misbauð fólki, svo sem
dýraklámi og fleiru. Alls bárust
272 tilkynningar á sama tíma í
fyrra og nemur aukningin 34
prósentum. Bæði er um að ræða
tilkynningar um vefsvæði sem
eru öllum opin og eins efni sem
vistað er á lokuðum vefsvæðum.
Eru slík tilvik illviðráðanlegri.
Barnaheill koma upplýsing-
um um klám á netinu til viðeig-
andi yfirvalda, lögreglu á Ís-
landi ef svo ber undir, netþjón-
ustufyrirækja eða systursam-
taka í útlöndum. Slóð samtak-
anna er barnaheill.is.
BÞS
Utanríkismálanefnd:
Krefjast gagna um Íraksmálið
STJÓRNMÁL Steingrímur J. Sigfús-
son, formaður Vinstri grænna
krafðist þess á fundi utanríkis-
málanefndar í gær að íslensk
stjórnvöld skýrðu nefndinni frá
því hvaða samtöl og eða bréfa-
skriftir áttu sér stað á milli ís-
lenskra ráðuneyta og erlendra
ríkisstjórna áður en ákvörðun var
tekin um að Ísland yrði á lista yfir
„hinar viljugu þjóðir“ sem studdu
innrás Bandaríkjamanna og Breta
í Írak.
Ráðuneytisstjóri utanríkis-
ráðuneytisins kom á fund nefnd-
arinnar en Steingrímur J. sagði
lítið hafa verið upplýst um at-
burðarásina frá 17.-19. mars þeg-
ar ákvörðunin var tekin. „Við
erum rétt að byrja að fara ofan í
saumana á þessu.“
Sólveig Pétursdóttir, formaður
utanríkismálanefndar, segir að
talsvert af gögnum hafi verið af-
hent í dag, þar á meðal þjóðréttar-
leg afstaða ýmissa ríkja. Hins
vegar hefði hún vissa fyrirvara á
sumum óskum formannsins um
gögn. „Hins vegar þegar upp er
staðið var þetta pólitísk ákvörðun
um að standa með bandamönnum
okkar.“ ÁS
FRELSUNAR RIGA MINNST Um
2.000 manns, mest megnis aldraðir
rússneskumælandi borgarar, komu
saman í Riga, höfuðborg Lettlands,
í gær til að minnast þess að 60 voru
liðin frá því Rauði herinn frelsaði
borgina úr höndum Þjóðverja í
seinni heimsstyrjöldinni.
ENDURBÓTUM Á KIRKJUM HÆTT
Deilur Artemije biskups, yfir-
manns serbnesku hreintrúarkirkj-
unnar í Kosovo, og yfirvalda hafa
orðið til þess að umbótum á kirkj-
um sem Kosovo-Albanar ýmist
skemmdu eða eyðilögðu þegar
þeir réðust gegn Serbum í vor hef-
ur verið hætt. Biskupinn hafnaði
samkomulagi sem hafði náðst um
fjármögnun framkvæmda.
TIMBURSMYGLARAR HANDTEKNIR
Spænska strandgæslan lagði hald
á 33 tonn af ólöglegum brasilísk-
um við og handtók sex smyglara.
Viðurinn er metinn á um 250 millj-
ónir króna og kemur úr um þús-
und trjám sem bannað var að fella
fyrir meira en áratug.
HERFORINGJA VIKIÐ FRÁ STÖRF-
UM Ísraelskum herforingja hef-
ur verið vikið frá störfum vegna
gruns um að hann hafi skotið
þrettán ára stúlku til bana á
Gaza-svæðinu. Stúlkan var á
gangi nærri flóttamannabúðun-
um Rafah þegar hún var skotin.
Ísraelar segja hana hafa verið á
bannsvæði og að hermenn hafi
talið hana vera með sprengju á
sér.
MARGRÉT FRÍMANNSDÓTTIR
Segir 60% stimpilgjalda greidd úr vasa
heimilanna.
FRAMSÓKN Á MÓTI
Lækkun matarskatts er sögð stranda á Framsóknarflokknum. Halldór Ásgrímsson segir
skattalækkanaáform stjórnarflokkanna liggja fyrir.
UTANRÍKISMÁLANEFND RÆDDI ÍRAK
Steingrímur J. krafðist upplýsinga um samtöl við erlenda ráðamenn.
Þjóðarhreyfing:
Vilja landið
af listanum
UTANRÍKISSTEFNA Þjóðarhreyfingin –
með lýðræði segir Alþingi hafa ver-
ið sýnd óvirðing með ákvörðun for-
sætis- og utanríkisráðherra um að
setja Ísland á lista stuðningsþjóða
innrásarinnar í Írak án þess að
ákvörðunin væri borin undir utan-
ríkismálanefnd Alþingis. Hreyfing-
in segir að brotið hafi verið gegn 24.
grein þingskapalaga með þessu.
Hreyfingin krefst þess að landið
verði tekið af „lista hinna fúsu og
staðföstu“ og að ráðherrarnir játi
mistök sín og biðji afsökunar á því
að hafa beitt þjóðina blekkingum
um ástæður innrásarinnar og lög-
mæti hennar. ■
Reyðarfjörður:
Hafnargerð
hófst í sumar
IÐNAÐUR Næstu tvö ár vinnur hafna-
sjóður Fjarðarbyggðar við gerð ál-
vershafnar við Hraun í Reyðarfirði.
„Bryggjan verður 380 metra löng
með 14,3 metra dýpi, en það er
mesta dýpi sem þekkist við bryggju
hér á landi,“ segir í tilkynningu bæj-
arfélagsins, en allt að 100 þúsund
tonna skip eiga að geta lagst að
bryggjunni. Inn- og útflutningur um
bryggjuna er áætlaður um 1,2 millj-
ónir tonna á ári.
Verkið hófst í sumar þegar -
Arnarfell hóf að sprengja 40 þúsund
rúmmetra af klöpp, dýpka og fylla
um 260 þúsund rúmmetra og reka
niður 450 metra langt stálþil. Boðin
var 261 milljón króna í verkið og
fimmtungur sagður vera að baki.
- óká
■ EVRÓPA
04-05 13.10.2004 21:51 Page 2