Fréttablaðið - 14.10.2004, Blaðsíða 43
FIMMTUDAGUR 14. október 2004
Salsa- Salsa
Harpa og Heiðar kenna ekta
Kúbu-Salsa frá kl.21-22.
Síðan verður Salsastemning
fram eftir kvöldi.
Opus 7 Hafnarstræti 7
Fyrstu tónleikar starfsársins hjá
Sinfóníuhljómsveit Norðurlands
verða í Glerárkirkju í kvöld. Á
efnisskránni eru Sellókonsert
eftir R. Schumann og Sinfónía nr.
4 eftir J. Brahms. Einleikari á
tónleikunum verður Nicole Vala
Cariglia sellóleikari. Nicole, sem
er starfandi sellóleikari í Boston,
hóf nám sitt í sellóleik á Akur-
eyri en stundaði framhaldsnám í
Bandaríkjunum. ■
Sinfónía og selló
Eyþór Ingi Jónsson orgelleikari
heldur tónleika í Laugarneskirkju
á sunnudaginn 17. október, klukkan
17.00. Tónleikarnir verða þeir
fyrstu á fullklárað orgel kirkjunn-
ar, en að sögn Gunnars Gunnars-
sonar organista var orgelið vígt í
desember 2002. „Þá átti að vísu eft-
ir að setja í það þrjár mikilvægar
raddir. Þær voru settar í orgelið í
vor,“ segir Gunnar. „Síðan höfum
við Sigurður Flosason tekið upp
einn disk á orgelið, sem er ekki
kominn út – en þetta eru fyrstu tón-
leikarnir sem haldnir eru á orgelið
fullklárað.
Orgelið í Laugarneskirkju er ís-
lenskt; stærsta hljóðfæri orgel-
smiðsins Björgvins Tómassonar og
óvenju hljómmikið. Segir Gunnar
það passa Laugarneskirkju mjög
vel vegna þess að þar sé hljóm-
burður einstakur og henti afar vel
fyrir orgeltónlist. Til gamans má
geta þess að þetta er 26. orgelið
sem Björgvin hefur smíðað – og
hefur hann smíðað nokkur síðan.
Á efnisskránni hjá Eyþóri verða
verk eftir Sweelinck, Frescobaldi,
Buxtehude og Bach en einnig tvö
verk eftir Jón Nordal. Eyþór mun
kynna verkin jafnóðum og fjalla
um þau.
Eyþór Ingi Jónsson lauk
kantorsprófi frá Tónskóla Þjóð-
kirkjunnar árið 1998, þar sem
Hörður Áskelsson var orgelkenn-
ari hans. Eftir að hafa starfað sem
organisti í Akureyrarkirkju vetur-
inn 1998-1999
hóf hann nám
við kirkjutón-
listardeild Tón-
listarháskólans
í Piteå í Sví-
þjóð. Eftir að
því námi lauk
hóf hann fram-
haldsnám við
einleikaradeild-
ina í sama skóla. Þar er hann enn
við nám.
Eyþór hefur einbeitt sér sér-
staklega að flutningi norður-þýskr-
ar barokk-tónlistar og nútímatón-
listar. Hann hefur tekið þátt í fjöl-
mörgum námskeiðum víða um Evr-
ópu og haldið fjölda tónleika á Ís-
landi og annars staðar á Norður-
löndum. Eyþór starfar nú sem kór-
stjóri og aðstoðarorganisti við Ak-
ureyrarkirkju. ■
LAUGARNESKIRKJA: ÍSLENSK VÖLUNDARSMÍÐ
Tónleikar á
fullklárað orgel
EYÞÓR INGI
JÓNSSON
42-43 (26-27) Menning 13.10.2004 19:28 Page 3