Fréttablaðið - 14.10.2004, Blaðsíða 44
Bergur Felixson, framkvæmda-
stjóri Leikskóla Reykjavíkur, er
67 ára í dag en segist ekki gera
mikið úr afmælinu svona á sein-
ni árum, meira hafi verið um
það áður fyrr. „Konan hefur
hóað saman öllum í fjölskyld-
unni, en mér finnst langbest að
vera með fjölskyldunni á svona
dögum,“ segir Bergur sem hef-
ur þó haldið nokkrum sinnum
veglega upp á afmælið og síðast
þegar hann var sextugur og
taldi hann það afskaplega
skemmtilegt.
„Ég minnist þó helst þrítugs-
afmælis míns sérstaklega, sem
var eftirminnilegt kannski helst
fyrir þær sakir að það var fyrs-
ta stórafmælið sem ég hélt upp
á sem fullorðinn og giftur mað-
ur,“ segir Bergur sem var þá ný-
giftur og leit framtíðina björt-
um augum og í dag er hann rík-
ur af börnum og barnabörnum.
„Mér finnst reyndar alveg
ótrúlega stutt síðan ég var þrí-
tugur, það er svo merkilegt með
tímann hvað hann líður hratt,“
segir Bergur. Á tímum þegar
framkvæmdastjórum er oft
skipt út getur Bergur státað sig
af 29 ára starfi sem fram-
kvæmdastjóri Leikskóla Reykja-
víkur og telur hann sig lánsaman
að hafa tekið þátt í þeirri geysi-
legu breytingu sem þar hefur átt
sér stað. „Allt starf leikskólanna
er komið í fastari skorður en
áður var, auk þess sem ákveðnar
kröfur eru lagðar fram. Þannig
að foreldrar geta nokkuð vel
treyst okkur fyrir börnunum
sem er forsenda starfsins,“ seg-
ir Bergur. Á vinnustaðnum segir
hann ekki hefð fyrir því að mæta
með köku á afmælisdaginn en
stórafmælum er sérstaklega
fagnað.
„Við erum svo sem ekki alltaf
að halda upp á eitthvað hérna í
vinnunni en það er hættulega
mikið um utanlandsferðir sem
verður til þess að sælgæti safn-
ast á hættulega staði hjá okkur
sem þurfum að passa okkur,“
segir Bergur hlæjandi. Ekki seg-
ist hann vera mikið gefinn fyrir
gjafir og hefur reynt að draga úr
því ef eitthvað er, hinsvegar hafi
hann meira gaman af því að gefa
sjálfur. „Best finnst mér bara að
eiga góða stund með fólkinu
mínu,“ segir Bergur.
kristineva@frettabladid.is
44 14. október 2004 FIMMTUDAGUR
DWIGHT „IKE“ EISENHOWER
Hershöfðingi og fyrrverandi
Bandaríkjaforseti fæddist á þess-
um degi árið 1890.
Fjölskyldan langbest
BERGUR FELIXSON FÆR FJÖLSKYLDUNA Í MAT TIL SÍN Á 67 ÁRA AFMÆLINU
„Hver sá maður sem vill verða forseti er ann-
að hvort brjálaður egóisti eða klikkaður.“
- Eisenhower vissi sjálfsagt ýmislegt um embætti Bandaríkjaforseta en
það er spurning hvort George W. Bush og John Kerry væru tilbúnir að
kvitta undir þessi orð afmælisbarnsins.
timamot@frettabladid.is
BERGUR FELIXSON Gerir ekki veður úr 67 ára afmælinu, eyðir deginum í vinnunni og mun njóta kvöldverðar með fjölskyldunni að
vinnudegi loknum. „Konan hefur hóað saman öllum í fjölskyldunni, mér finnst langbest að vera með fjölskyldunni á svona dögum.“
Á þessum degi árið 1944 heimsóttu tveir þýskir
herforingjar stríðshetjuna Erwin Rommel og gerðu
honum ljóst að hann gæti valið á milli þess að
stytta sér aldur með því að taka inn blásýru eða
verða dreginn fyrir dómstóla fyrir að hafa tekið þátt
í samsæri um að steypa Adolf Hitler af stóli.
Rommel kaus blásýruna enda vitað mál að í kjölfar
dóms yrði hann leiddur fyrir aftökusveit.
Rommel gerði síðan eiginkonu sinni og syni grein
fyrir stöðu mála og fór síðan afsíðis og tók inn blá-
sýruhylki sem gestirnir höfðu fært honum.
Rommel kom sér þannig undan niðurlægingunni
sem réttarhöld hefðu haft í för með sér en hann
var sagður hafa látist af stríðssárum og ríkið kost-
aði útför hans.
Rommel fæddist í Þýskalandi árið 1891 og sýndi
fyrst fram á ótvíræða leiðtogahæfileika sína í fyrri
heimsstyrjöldinni en vaskleg
framganga hans og einstakt
hugrekki vöktu eftirtekt þar
sem hann barðist í Frakk-
landi, Rúmeníu og Ítalíu.
Hann fékk ekki verðug verk-
efni í upphafi seinni heims-
styrjaldarinnar en þegar
hann var sendur til Norður-
Afríku árið 1941 fékk hann
að sýna hvað í honum bjó
þegar han gerði Bretum
margar skráveifur með
lymskulegum skyndiárásum
sínum sem urðu til þess að
hann fékk viðurnefnið Eyði-
merkurrefurinn.
14. OKTÓBER 1944
Erwin Rommel styttir
sér aldur til að komast
hjá aftöku.
ÞETTA GERÐIST MERKISATBURÐIR
1954 Leikstjórinn Cecil B. DeMille
byrjar tökur á kvikmynd
sinni Boðorðin tíu í Egypta-
landi. 25.000 manns koma
fram í myndinni.
1962 Kúbudeilan hefst þegar
bandarísk njósnaflugvél
nær myndum af uppbygg-
ingu Sovétmanna á eld-
flaugaskotpöllum á eyjunni.
1964 Dr. Martin Luther King hlýt-
ur friðarverðlaun Nóbels.
1970 Anwar el-Sadat verður for-
seti Egyptalands eftir að
Nasser fellur frá.
1987 Jessica McClure, 18 mánaða
gömul stúlka, fellur ofan í
yfirgefinn brunn í Texas.
Björgunaraðgerðir stóðu yfir
í 58 klukkustundir.
1992 Rússneski fjöldamorðinginn
og mannætan Andrei
Chikatilo er dæmdur til
dauða eftir að hafa verið
fundinn sekur um 52 morð.
Rommel fær afarkosti
AFMÆLI
Sigurður Grétar
Guðmundsson, pípu-
lagningameistari,
Lýsubergi 6 í Þorláks-
höfn, er 70 ára í dag,
14. október. Í tilefni af
þessum merkisat-
burði ætla hann og
kona hans, Helga
Harðardóttir, blóma-
skreytir, að taka á móti ættingjum, vin-
um og velunnurum föstudaginn 15.
október í Félagsheimili Kópavogs milli
klukkan 17 og 19.
Böðvar Bjarki Pétursson, leikstjóri og
kvikmyndaframleiðandi, er 42 ára.
Adda Steina Björnsdóttir guðfræðingur
er 41 árs.
Þórður Guðjónsson knattspyrnumaður
er 31 árs.
ANDLÁT
Ásta Eyjólfsdóttir, áður Álagranda 10,
Reykjavík, lést 2. október.
Ármannía Kristjánsdóttir, Aðalgötu 56,
Ólafsfirði, lést 8. október.
Birta Sævarsdóttir, Dverghömrum 28,
Reykjavík, lést 10. október.
Friðrik Stefánsson, Hvanneyrarbraut 2,
Siglufirði, lést 10. október.
Ingibjörg Sigurðardóttir, Bollatanga 11,
Mosfellsbæ, lést 11. október.
Jakobína S. Þorbjörnsdóttir, Hampson,
Manchester, lést 11. október.
Ásdís Arnfinnsdóttir, Krókahrauni 6,
Hafnarfirði, lést 12. október.
JARÐARFARIR
13.30 Helgi Guðbjörnsson, Kárastöðum,
Þingvallasveit, verður jarðsunginn
frá Bústaðakirkju.
lést á Landspítalanum við Hringbraut aðfaranótt
13. október síðastliðinn.
Gíslína Erna Einarsdóttir
Ragnar Georg Gunnarsson Guðríður Sigurjónsdóttir
Eiríkur Gunnarsson Bára Jensdóttir
Már Gunnarsson Erna Sigurðardóttir
Einar Gunnarsson Matthildur Sigurðardóttir
Sveinn Gunnarsson Jóna Birna Guðmannsdóttir
Aldís Gunnarsdóttir Hafsteinn Örn Guðmundsson
Hulda Gunnarsdóttir
Örn Gunnarsson
Elskulegur eiginmaður minn, faðir okkar
og tengdafaðir
Gunnar Haukur Eiríksson
Flétturima 6, Reykjavík
Mótmæli með þátttöku
Ljóðskáldið Kristian Guttesen hef-
ur gefið út sína fimmtu ljóðabók,
Mótmæli með þátttöku, en þar fet-
ar hann nýjar brautir í skáldskap
sínum. „Bókin ber undirtitilinn
„bítsaga“ og er safn ljóðaprósa í
anda forms sem Danir kalla
punktroman en þó að þetta séu að-
greindir prósar mynda þeir saman
heildstæða frásögn,“ segir skáldið
sem áður hefur áður gefið út ljóða-
bækurnar Afturgöngur, Skugga-
ljóð, Annó & Ígull.
„Ljóðmælandinn er á mörkum
ljóss og myrkurs og hann sér svip-
myndir úr lífi sínu renna hjá eins
og í kvikmynd. Hér fara saman
skörp myndskeið og hugrenningar
sem gefa lesanda aðra sýn á veru-
leikann.“
Kristian segist hafa byrjað að
yrkja þegar hann var 21 árs og
dvaldi í Ísrael með tímabundna
vegabréfsáritun og vann svart á
kóralbáti við nyrstu bakka Rauða
hafsins. Fyrsta ljóðabókin, Aftur-
göngur, kom út ári síðar en þar seg-
ir hann frá svaðilförum sínum í
suðurhöfum.
„Ég dvaldi síðan í Bretlandi
næstu ár á eftir og sendi frá mér
tvær bækur, á ensku og á íslensku,
sem segja frá hraðri atburðarás og
kynnum mínum af bresku andófi tí-
unda áratugarins eða „skemmtana-
lífinu í Helvíti“ eins og ég kýs að
kalla það,“ segir Kristian.
Kristian gaf út ljóðabókina Íg-
ull fyrir síðustu jól en hann segir
hana hafa selst grimmt í götusölu.
Hann hefur hingað til gefið verk
sín út sjálfur en Mótmæli með
þátttöku kemur út hjá bókaútgáf-
unni Sölku.
„Salka er í mikilli sókn en á
þessu ári gefa þær út 30 bækur.
Áður gáfu þær mest út handbækur
og önnur rit fyrir konur en hafa í
seinni tíð gefið út sífellt meira af
skáldverkum, sem er mikilvægt
fyrir íslenskan markað, að því leyti
að það er mikilvægt að fleiri en
tveir til þrír aðilar sjái um þann
flokk.“ ■
KRISTIAN GUTTESEN Segir að vissulega sé nýja ljóðabókin tilraunakennd þótt hann
byggi í raun á gömlum grunni: „Sem ljóðabók er hún framsækin en að mínu viti var Jón
úr Vör þó einn af fyrstu mönnunum sem setti fram samhangandi myndir, nokkurs konar
slideshow, með óhefðbundnum ljóðum.
44-45 (28-29) Tímamót 13.10.2004 20:51 Page 2