Fréttablaðið - 14.10.2004, Blaðsíða 18
ALÞJÓÐAMÁL Þekktur franskur
Íslandsvinur hefur oft gert að
gamni sínu með þeim hætti að
segja að Íslendingar eigi heiður
skilinn því þeir hafi uppgötvað
Ameríku næstum fimm hundruð
árum á undan Kólumbusi en þeir
hafi hins vegar öfugt við hann haft
vit á því að segja engum frá því!.
Franski blaðamaðurinn og rit-
höfundurinn Jacques Julliard, að-
stoðarritstjóri vikuritsins Nouvel
Observateur, myndi seint taka und-
ir slikan galgopahátt. Julliard er
vinstrimaður í stjórnmálum og
þekktur álitsgjafi í vikulegum
dálki í blaði sínu og í umræðuþátt-
um í frönsku sjónvarpi. Hann er
nýkominn úr þriggja vikna fyrir-
lestrarferð um Bandaríkin og flutti
fyrirlestur í gær hér á landi á
vegum Alliance francaise og
Háskóla Íslands.
Julliard leggur áherslu á að
Frakkar og Bandaríkjamenn séu
sögulega tengdar þjóðir; báðar hafi
þjóðirnar varpað af sér oki kon-
ungsveldis, stofnað lýðveldi og
verið bandamenn í tveimur heims-
styrjöldum að ógleymdu kalda
stríðinu. Jafnvel þótt slegið hafi í
brýnu nokkrum sinnum á síðustu
áratugum hafi þó ekki kólnað jafn
hressilega áður og eftir að stjórn
George W. Bush tók við völdum.
Kerry vinsæll
„Já, samskiptin breytast ef
Kerry vinnur,“ segir Julliard.
„Sigri Kerry, sem er orðið mun lík-
legra en áður, myndi því verða vel
tekið mjög víða í heiminum en sér-
staklega þó í Frakklandi. Kerry er
sennilega vinsælasti bandaríski
forsetaframbjóðandi í Frakklandi
síðan á dögum John F. Kennedy.
Kerry talar frönsku, á hús í Frakk-
landi og á franska ættingja, þar á
meðal Brice Lalonde, fyrrverandi
ráðherra og forsetaframbjóðanda
franskra græningja. Þessi frönsku
tengsl gera Kerry raunar ekkert
vinsælan heima fyrir! Frakkland,
Þýskaland, Rússland og Belgía,
lönd sem voru andsnúin stríðinu,
munu seint senda her til Íraks en
verði Kerry kosinn forseti verður
viðfangsefnið ekki að senda her-
menn til Íraks heldur kalla þá
heim. Það verður að gera án þess
að borgarastríð brjótist út. Þarna
geta Evrópumenn, sérstaklega
Frakkar, leikið stórt hlutverk
vegna sambanda sinna í araba-
heiminum. Ég er sannfærður um
að sigri Kerry, muni afstaða
Chiracs forseta og frönsku þjóðar-
innar snarbreytast.
Líklegast er að sigri Bush muni
hann halda sömu stefnu áfram og
jafnvel bæta í og fara með her
á hendur Íran. Það myndi hafa
varanlegan klofning hins vestræna
heims í för með sér.
Bush er að eyðileggja allt starf
forvera sinna hvort heldur sem um
er að ræða Atlantshafsbandalagið,
Sameinuðu þjóðirnar eða Evrópu-
sambandið. Hann hlustar ekki á
bandamenn sína í NATO, snið-
gengur Sameinuðu þjóðirnar og
reynir að kljúfa ESB. Það má færa
rök að því að ESB hefði ekki orðið
til ef forverar Bush hefðu ekki
beitt sér fyrir Marshall-aðstoðinni.
Rumsfeld reynir að ala á klofningi
„gömlu“ og „nýju“ Evrópu. Ég held
að slíkur klofningur Vesturlanda
gæti orðið mjög skaðlegur, sérstak-
lega í baráttunni gegn hryðjuverk-
um.“
Frakkar aðeins til Íraks
undir merkjum SÞ
–Segjum að Kerry myndi biðja
Frakka um að styðja sig með því að
senda her til Íraks. Myndi hann
gera það?
„Nei. Frakkar myndu þó hugs-
anlega senda her til Íraks undir
forystu Sameinuðu þjóðanna.
Frakkar myndu gera það til að
skilja að súnnímúslima, sjía og
Kúrda. Það er mikil hætta á
sundrun Íraks í þrennt þegar
Bandaríkjamenn hverfa á braut.
Við slíkar aðstæður gæti komið til
greina að SÞ sendi hermenn.
Frakkar myndu aðeins taka þátt
við slíkar aðstæður. Eins og þér vit-
ið eru átta lönd í bandalaginu búin
að kalla her sinn heim, ekki færu
Frakkar að hlaupa í skarðið!!“
Julliard hefur miklar áhyggjur
af þróun fjölmiðla í vestrænum
ríkjum á undanförnum árum. Hann
talar um „Murdoch-væðinguna“.
„Bandaríska pressan var fyrir-
mynd alls heimsins hvað varðar
sjálfstæði og fagleg vinnubrögð.
Því miður er þetta liðin tíð. Nú
vaða uppi auðjöfrar sem standa ný-
íhaldsmönnum nærri. Þeir vilja að
fjölmiðlar eigi ekki aðeins að upp-
18 14. október 2004 FIMMTUDAGUR
HITINN AÐ GERA ÚT AF VIÐ FÓLK
Aaron Skuse skellti sér út í næsta gos-
brunn til að kæla sig þegar hitastigið í
Sydney í Ástralíu fór í 37 stig. Veðurfræð-
ingar spá því að mánuðurinn sem nú er
vart hálfnaður verði heitasti októbermán-
uður í sögu Ástralíu.
Borgartúni 21 105 Reykjavík Sími 569 6900 Fax 569 6800 www.ils.is
1. flokki 1991 – 51. útdráttur
3. flokki 1991 – 48. útdráttur
1. flokki 1992 – 47. útdráttur
2. flokki 1992 – 46. útdráttur
1. flokki 1993 – 42. útdráttur
3. flokki 1993 – 40. útdráttur
1. flokki 1994 – 39. útdráttur
1. flokki 1995 – 36. útdráttur
1. flokki 1996 – 33. útdráttur
2. flokki 1996 – 33. útdráttur
3. flokki 1996 – 33. útdráttur
Frá og með 15. október 2004 hefst innlausn
á útdregnum húsbréfum í eftirtöldum flokkum:
Innlausnarverðið er að finna í Morgunblaðinu
fimmtudaginn 14. október.
Innlausn húsbréfa fer fram hjá Íbúðalánasjóði, í bönkum,
sparisjóðum og verðbréfafyrirtækjum og liggja þar einnig
frammi upplýsingar um útdregin húsbréf.
Innlausn
húsbréfa
Húsbréf
Íranar með fyrirheit um kjarnaáætlun sína:
Lofa að smíða ekki kjarnavopn
ÍRAN AP Íranar hétu Evrópuþjóðum
því að ef Evrópubúar létu þá í
friði varðandi framleiðslu á
kjarnorku myndu þeir lofa því að
smíða ekki kjarnorkusprengju.
Evrópsk og bandarísk yfirvöld
veltu því fyrir sér hvort fara
mætti aðra leið, hvort réttast væri
að greiða Írönum fyrir að hætta
framleiðslu á kjarnorku.
Tilboðið frá Írönum er ekki
nýtt af nálinni en kom á ögur-
stundu í ljósi þess þrýstings sem
Sameinuðu þjóðirnar beita nú
yfirvöld í Teheran í því skyni að
stöðva framleiðslu á auðguðu úr-
aníum.
„Það er kominn tími til þess að
Evrópubúar taki skrefið til fulls
og viðurkenni löglega framleiðslu
okkar á kjarnorku til friðsam-
legra nota. Þess í stað heitum við
því að kjarnorkuáætlun okkar
miði ekki að framleiðslu kjarna-
vopna,“ sagði utanríkisráðherra
Írans, Kamal Kharrazi.
Ekki voru taldar miklar líkur á
því að tilboð Írana létti á þrýstingi
um að þeir hætti alfarið við
kjarnaáætlun sína.
Bandaríkjamenn halda því
fram að Íranar vinni í leyni að
áætlun að smíði kjarnavopna en
Íranar segjast eingöngu nota
kjarnorku til framleiðslu raf-
magns. ■
UTANRÍKISRÁÐHERRA ÍRANS,
KAMAL KHARRAZI:
„Það er kominn tími til þess að Evrópu-
búar taki skrefið til fulls og viðurkenni lög-
lega framleiðslu okkar á kjarnorku til frið-
samlegra nota. Þess í stað heitum við því
að kjarnorkuáætlun okkar miðist ekki að
framleiðslu kjarnavopna.“
JACQUES JULLIARD
Segir Íslendinga aufúsugesti í hóp Evrópusambandsþjóða, en þeir geti ekki búist við
undanþágum frá fiskveiðistefnu þeirra.
FR
ÉT
TA
B
LA
Ð
IÐ
/E
.Ó
L.
Endurkjör Bush þýddi
klofning Vesturlanda
Franski blaðamaðurinn og stjórnmálaskýrandinn Jacques Julliard segir að mikið sé í húfi fyrir
framtíðarsamskipti Evrópu og Bandaríkjanna í forsetakosningunum í Bandaríkjunum. Hann
segist ekki hafa séð aðrar eins vinsældir og hjá John Kerry frá því Kennedy var og hét.
Hafnfirðingar:
Vilja nýja
sundhöll
SVEITARSTJÓRNARMÁL Hafnfirðingar
kölluðu á íbúaþingi sem haldið var
síðasta laugardag eftir úrbætum
vegna langra biðlista í tónlistar-
námi. Einnig var kallað eftir nýrri
sundhöll og bættri aðstöðu til iðk-
unar vetraríþrótta.
Íbúaþingið var haldið í íþrótta-
húsinu við Strandgötu og sóttu
það um 370 Hafnfirðingar. „Úti-
vist og stígar voru mikið til
umræðu og komu fram óskir
um bættar stígatengingar innan
bæjarins, við útmörkina og til
nágrannabæjanna,“ segir í til-
kynningu bæjarins og áréttað að á
þinginu hafi komið fram margar
gagnlegar ábendingar og hug-
myndir sem teknar verði til um-
fjöllunar í ráðum og nefndum
bæjarins.
- óká
Ekki alltaf heppinn:
Lögregla skaut
vinningshafa
SEATTLE, AP Maður sem féll fyrir
skotum lögreglu í ólátum sem
urðu fyrir utan íþróttaleikvang á
sunnudag var einn af þrettán
vinningshöfum sem deildu með
sér risalottópotti fyrir fjórum
árum.
Að sögn lögreglu var maður-
inn, Rick Camat, vopnaður
skammbyssu þegar atvikið átti
sér stað. Ættingjar Camats segja
að hann hafi einungis skotið upp í
loftið til að dreifa mannfjöldan-
um. Hann hafði notað sinn hlut af
rúmlega 600 milljóna króna vinn-
ingi til að kaupa hús handa móður
sinni og bíla fyrir systkini sín. ■
HAFNARFJÖRÐUR
Þeir sem þátt tóku í
íbúaþingi í Hafnar-
firði um síðustu
helgi eru sagðir
hafa fagnað tæki-
færinu til að hafa
áhrif á stefnumótun
í bæjarstjórninni.
AP
/M
YN
D
18-19 13.10.2004 19:06 Page 2