Fréttablaðið - 14.10.2004, Blaðsíða 6
6 14. október 2004 FIMMTUDAGUR
Samkeppnisstofnun vill breytingu á auglýsingum:
Orkan ætlar
fyrir dómstóla
SAMKEPPNISMÁL Orkan ætlar að
leita réttar síns fyrir dómstólum,
að sögn Gunnars Skaptasonar for-
stjóra, ef samkeppnisyfirvöld
halda því til streitu að fyrirtækið
hætti að auglýsa með þeim hætti
sem það hefur gert.
Olís, Atlantsolía og Ego höfðu
sent Samkeppnisstofnun erindi
þar sem kvartað var yfir auglýs-
ingum Orkunnar þar sem notuð
væru orðin „ódýrast“ og „miklu
ódýrara.“
Samkeppnisstofnun leitaði
álits auglýsinganefndar, ráðgjaf-
arnefndar samkeppnisráðs, sem
komst að þeirri niðurstöðu að
Orkan hafi ekki sýnt fram á að al-
mennt sé verð á Orkustöðvunum
„ódýrast eða miklu ódýrara sam-
anborið við alla keppinauta“. Aug-
lýsingarnar standist því ekki
ákvæði 20. og 21. greinar sam-
keppnislaga.
Undir þetta tók Samkeppnis-
stofnun og beindi í gær þeim til-
mælum til Orkunnar, að hætta að
auglýsa með ofangreindum hætti.
Þá tilkynnti stofnunin að málið
yrði lagt fyrir samkeppnisráð til
ákvörðunar. ■
Verkalýðsfélögin
takast á um gjöld
Starfsmenn í Leifsstöð vilja greiða félagsgjöld til verkalýðsfélags í Sand-
gerði. Vinnuveitandinn greiðir þau hins vegar til félags í Keflavík. For-
maðurinn í Sandgerði sakar formanninn í Keflavík um stuld.
KJARAMÁL Óánægja er meðal fé-
lagsmanna í Verkalýðs- og sjó-
mannafélagi Sandgerðis sem
vinna á Keflavíkurflugvelli, því
vinnuveitandi þeirra greiðir fé-
lagsgjöld þeirra til Verkalýðs- og
sjómannafélags Keflavíkur.
Um níutíu starfsmenn vinna
hjá IGS á Keflavíkurflugvelli við
að ferma flugvélar og í vöru-
skemmu. Flestir þeirra eru skráð-
ir í félagið í Sandgerði en IGS
greiðir sjúkrasjóðsgjald, félags-
gjald og í orlofssjóð, samtals rúm
tvö prósent af launum, til félags-
ins í Keflavík. Í heild gætu
greiðslurnar numið um fjórum
milljónum króna á ári.
Baldur G. Matthíasson, for-
maður Verkalýðs- og sjómannafé-
lags Sandgerðis, segir allt á suðu-
punkti hjá starfsmönnum IGS.
„Þessir menn eru skráðir félags-
menn í Sandgerði og atvinnurek-
andanum ber að geiða gjöldin þar
því völlurinn er innan vinnusvæð-
is Sandgerðis. Hann tekur hins
vegar hinn kostinn, líklega til að
umbuna Keflvíkingum fyrir lin-
kind í kjaraviðræðum.“
Baldur segir Kristján Gunn-
arsson, formann Verkalýðs- og
sjómannafélags Keflavíkur, reyna
að sölsa undir sig land. „Sam-
starfsviljinn hjá Kristjáni er eng-
inn. Ég, formaður félagsins í
Sandgerði, greiði gjöld í Keflavík.
Þetta heitir á lagamáli fjárdráttur
en er annars nefnt þjófnaður.“
Einstaklingur sem var trúnað-
armaður félagsins í Sandgerði
kærði málið og er búist við því að
niðurstaða fáist í Hæstarétti í
nóvember. Halldór Bachman lög-
maður flytur málið. Hann segir að
krafa sé gerð um að félagsgjöldin
verði greidd í Sandgerði. „Vinnu-
veitandinn getur ekki tekið það
upp hjá sjálfum sér að greiða fé-
lagsgjöldin eitthvert annað.“
Kristján Gunnarsson, formað-
ur Verkalýðs- og sjómannafélags
Keflavíkur, segir að fyrirtækið sé
með kjarasamning við sitt félag
en ekki félagið í Sandgerði. Hann
segir að í tugi ára hafi Flugstöð
Leifs Eiríkssonar fallið undir fé-
lagssvæði Keflavíkur samkvæmt
lögum Alþýðusambandsins.
Starfsmenn í Leifsstöð geti skráð
sig í hvaða félag sem er en þeir
muni áfram greiða gjöldin í Kefla-
vík.
Halldór Bachman segir hins
vegar að réttur stéttarfélaganna
til að innheimta gjöld sé bundinn
við svæði og að flugstöðin sé öll á
félagssvæði stéttarfélagsins í
Sandgerði samkvæmt landa-
mörkum.
ghg@frettabladid.is
Of fáir hjúkrunarfræðingar:
Fresta þurfti
aðgerðum
ÍRLAND, AP Barnaspítali í Dublin er
svo illa haldinn af skorti á hjúkr-
unarfræðingum að hann hefur tví-
vegis þurft að fresta hjartaað-
gerðum á börnum síðustu daga.
Spítalinn sætir rannsókn yfir-
valda vegna láts tveggja ára
stúlku í júní í fyrra. Hún lést degi
eftir að hjartaaðgerð sem hún átti
að gangast undir var frestað.
Skortur á hjúkrunarfræðing-
um er ekki bundinn við barnaspít-
alann í Dublin. Gagnrýnt hefur
verið að hjúkrunarfræðingar fái
lítið borgað og því hefur þurft að
sækja fleiri þúsund hjúkrunar-
fræðinga til láglaunalanda. ■
Umhverfisnefnd:
Verði kynnt
verksmiðjan
UMHVERFISMÁL Margrét Sverris-
dóttir, fulltrúi Frjálslynda
flokksins í umhverfis- og heil-
brigðisnefnd Reykjavíkur, hef-
ur farið fram á að nefndin fái
formlega kynningu á úrskurði
Skipulagsstofnunar sem heimil-
aði byggingu Rafskautaverk-
smiðju í Hvalfirði. Landvernd
hefur kært úrskurðinn þar sem
starfsemi verksmiðjunnar valdi
mikilli losun svokallaðra PAH-
efna, sem séu krabbameinsvald-
andi efni. Vísaði hún auk þess í
upplýsingar sem fram komu í
opnu bréfi Odds Benediktssonar
prófessors til umhverfisráð-
herra um aukna mengun á höf-
uðborgarsvæðinu. ■
Suðurnesjamenn:
Fari veikir
á sjóinn
SJÁVARÚTVEGUR Í nýjum ráðning-
arsamningi sem útgerðarfélagið
Þorbjörn-Fiskanes á Suðurnesj-
um hefur boðið sjómönnum er
ákvæði um að „ekkert mæli á
móti því“ að veikur maður haldi
út á sjó með skipi sínu ef ljóst
má vera að hann verði orðinn
vinnufær innan örfárra daga.
Hermann Magnús Sigurðs-
son, formaður Sjómanna- og vél-
stjórafélags Grindavíkur segir
klárt að með ákvæðinu séu lög
brotin. „Það er ekki hægt að
taka með þessu móti af fólki
grundvallarmannréttindi svo
sem möguleikann á aðgangi að
heilbrigðisþjónustu í veikind-
um,“ segir hann og furðar sig á
að nokkur maður skuli taka í
mál að skrifa undir slíka samn-
inga.
- óká
■ LÖGREGLUFRÉTTIR
VEISTU SVARIÐ?
1Hvað vann íslenska unglingalandslið-ið það sænska með miklum mun á
þriðjudaginn var?
2Gera fjárlög ráð fyrir hækkun barna-bóta á næsta ári?
3Hvað heitir sjómaðurinn sem vann ívikunni mál gegn ríkinu fyrir Mann-
réttindadómstól Evrópu og fékk snúið
dómi Hæstaréttar?
Svörin eru á bls. 46
BRUTU NÍU RÚÐUR Níu rúður
voru brotnar í grunnskóla Snæ-
fellsbæjar á Hellissandi aðfara-
nótt sunnudagsins síðasta. Lög-
reglan á Snæfellsnesi er langt
komin með að upplýsa málið en
þegar hafa þrír unglingspiltar ját-
að að eiga þátt í rúðubrotunum.
STÁLU ÁFENGI OG TÓBAKI Brotist
var inn á veitingastaðinn Svörtu-
loft á Hellissandi aðfaranótt
sunnudags. Stolið var talsverðu
af áfengi og tóbaki auk þess sem
nokkrar skemmdir voru unnar.
ÁHEYRNARPRÓF
Fjöldi barna vill komast að hjá Leikfélagi
Akureyrar.
Leitað að Óliver:
Sviðið seiðar
LEIKLIST Börn fylltu Samkomuhús-
ið á Akureyri í gær þegar skráð
var í áheyrnarprufur fyrir söng-
leikinn um Óliver Tvist sem
Leikfélag Akureyrar frumsýnir
um jólin. Sjálfar prufurnar fara
fram á laugardag. Leitað er að
krökkum sem geta ýmist leikið,
sungið eða dansað eða jafnvel allt
í senn. Spenna ríkti meðal barn-
anna sem flest nutu aðstoðar
mæðra sinna við skráninguna.
Hafa þau haft rúman tíma til
undirbúnings enda uppihald í
náminu.
- bþs
AUGLÝSINGASTRÍÐ
Olís, Ego og Atlantsolía hafa öll kvartað
undan auglýsingum Orkunnar til sam-
keppnisyfirvalda.
BALDUR G. MATTHÍASSON
Baldur er formaður Verkalýðs- og sjómannafélags Sandgerðis en fær ekki að greiða fé-
lagsgjöld í eigið félag.
FR
ÉT
TA
B
LA
Ð
IÐ
/G
U
N
N
AR
E
R
N
IR
B
IR
G
IS
SO
N
06-07 13.10.2004 20:10 Page 2