Fréttablaðið - 14.10.2004, Blaðsíða 48

32 14. október 2004 FIMMTUDAGUR
MÖRKIN
0-1 Henrik Larsson 24.
0–2 Marcus Allback 27.
0–3 Henrik Larsson 39.
0–4 Christian Wilhelmsson 45.
1–4 Eiður Smári Guðjohnsen 66.
DÓMARINN
Massimo Busacca Góður
BESTUR Á VELLINUM
Christian Wilhelmsson Svíþjóð
TÖLFRÆÐIN
Skot (á mark) 6–12 (3–7)
Horn 3–4
Aukaspyrnur fengnar 15–22
Rangstöður 4–3
GÓÐIR HJÁ ÍSLANDI
Hermann Hreiðarsson Íslandi
Brynjar Björn Gunnarsson Íslandi
Eiður Smári Guðjohnsen Íslandi
Hjálmar Jónsson Íslandi
ÍSLAND 1–4 SVÍÞJÓÐ
FÓTBOLTI Íslenska landsliðið olli
miklum vonbrigðum á Möltu á
laugardag og fyrir leikinn gegn
Svíum í gær talaði Eiður Smári
um að að liðið skuldaði þjóðinni og
sér sjálfu góða frammistöðu gegn
Svíum. Það er eins gott að Eiður
er vel efnaður því hann og ís-
lenska landsliðið skulda þjóðinni
ansi mikið eftir hörmungarnar
sem þeir buðu upp á gegn Svíum í
gær.
Eftir ágæta byrjun á leiknum
þar sem íslenska liðið varðist
grimmilega, og skipulega, í anda
Maltverjanna sem því þótti of
varnarsinnaðir, hrundi varnar-
leikur liðsins eins og spilaborg.
Sænsku snillingarnir opnuðu ís-
lensku vörnina eins auðveldlega
og mjólkurfernu og tóku að raða
inn mörkum. Henrik Larsson var
fyrstur á blað er hann skallaði í
netið af stuttu færi en Kristján
Örn Sigurðsson lét það eiga sig að
dekka Larsson og spilaði furðu-
lega rangstöðutaktík á Svíann
knáa.
Næst var komið að Marcusi
Allback en hann fylgdi eftir skoti
Larssons, sem Árni Gautur varði
vel, og skoraði auðveldlega í tómt
markið. Larsson stakk síðan ís-
lensku vörnina af sex mínútum
fyrir leikhlé og kláraði færið af
stakri snilld. Gestirnir létu ekki
þar við sitja því aðalkonfektmol-
inn var eftir en hann kom frá
manni leiksins, Christian Wil-
helmsson, er hann tók boltann á
lofti utan teigs og hamraði honum
í netið með viðkomu í stönginni.
Stórkostlegt mark og stórkostlega
frammistaða Svíanna í fyrri hálf-
leik þar sem þeir hreinlega jörð-
uðu íslenska liðið.
Þeir héldu sig síðan aðeins til
baka í seinni hálfleiknum, gíruðu
sig niður í annan gír og höfðu það
frekar huggulegt. Það verður ekki
tekið af íslenska liðinu að það
sýndi nokkurn karakter í seinni
hálfleik en það var of lítið og of
seint. Eiður Smári skoraði gull af
marki 25 mínútum fyrir leikslok
en lengra komst íslenska liðið
ekki. Það var fátt um fína drætti í
íslenska liðinu í gær. Hermann
Hreiðarsson, Brynjar Björn
Gunnarsson og Eiður Smári
Guðjohnsen komust nokkuð vel
frá sínu og innkoma Hjálmars
Jónssonar var með miklum sóma.
Aðrir áttu dapran dag – sumir
daprari en aðrir.
Það þarf ekkert að velkjast í
vafa um það að við mættum miklu
sterkara liði í gær en sú afsökun
ein og sér dugir ekki til þess að
breiða yfir lélega frammistöðu ís-
lenska liðsins á þessu ári. Liðið er
búið að spila níu leiki – vinna einn,
gera tvö jafntefli og tapa sex.
Markatalan er þar að auki ellefu
mörk í mínus – 10-21. Eini leikur-
inn sem unnist hefur á árinu er
vináttuleikur gegn Ítölum sem
skipti nákvæmlega engu máli.
Þegar fjórar umferðir eru búnar í
riðlinum situr íslenska liðið á
botninum með eitt stig og marka-
töluna 4-10. Það er því miður eng-
an veginn ásættanlegur árangur.
Ekki einu sinni fyrir litla Ísland
sem ætlaði sér nú einu sinni stóra
hluti í þessum riðli. Þær skýja-
borgir voru greinilega byggðar á
mjög veikum grunni.
Vissulega erum við lítil þjóð
sem á fáa frambærilega knatt-
spyrnumenn. En við getum gert
miklu betur en við höfum sýnt á
þessu ári. Það sýndi sig í síðustu
keppni. Leikur liðsins hefur vald-
ið vonbrigðum í öllum leikjum
þessa riðils. Sóknarleikurinn hef-
ur verið máttlítill, miðjan slök og
vörnin hriplek sem gengur engan
veginn hjá liði eins og Íslandi.
Það er nú einu sinni þannig að í
knattspyrnuheiminum eru menn
dæmdir af verkum sínum og öll
þau verk sem Ásgeir og Logi hafa
sett upp á þessu ári hafa fengið
falleinkunn. Því verður það að
teljast með ólíkindum ef forysta
KSÍ skiptir ekki um menn í brún-
ni núna. Þeir félagar eru komnir á
leiðarenda.
Við erum úr leik í þessum riðli
og þar sem það er langt í næsta
leik væri þjóðráð hjá Eggerti
Magnússyni að hleypa nýjum
manni að sem gæti notað þá leiki
sem eftir eru í þessum riðli til
þess að undirbúa slaginn í næstu
keppni.
henry@frettabladid.is
MARK HJÁ EIÐI SMÁRA Eiður Smári Guðjohnsen sést hér hleypa af þrumuskotinu sem endaði í marki sænska liðsins á 66. mínútu
leiksins í gærkvöld án þess að sænski varnarmaðurinn Teddy Lucic kæmi vörnum við. Fréttablaðið/Vilhelm
Vörnin minnti á ónýtan volvo
Sænska landsliðið tók það íslenska í kennslustund á Laugardalsvelli í gær. Þeir kláruðu leikinn á
aðeins 45 mínútum og gátu leyft sér að hafa það huggulegt í síðari hálfleik.
1. deild kvenna í gær:
Naumt hjá
Grindavík
KÖRFUBOLTI Grindavík vann nauman
þriggja stiga sigur, 44-41, í Njarð-
vík í annarri umferð 1. deildar
kvenna í körfubolta sem hófst
með tveimur leikjum í gær.
Grindavík hafði sex stiga forskot í
hálfleik, 24-30 en jafnt var eftir
þriðja leikhlutann, 34-34, eftir að
Njarðvíkurliðið hafði skorað tíu
stig í röð og komist yfir í 34-32. Í
lokaleikhlutanum voru gestirnir
hinsvegar sterkari og unnu að lok-
um þriggja stiga sigur.
Ólöf Helga Pálsdóttir skoraði
11 stig og stal 6 boltum hjá
Grindavík, Erla Þorsteinsdóttir
var með 9 stig og 7 fráköst og
Petrúnella Skúladóttir var með 9
stig á 16 mínútum.
Hjá Njarðvík skoraði Helga
Jónasdóttir 13 stig og tók 17 frá-
köst, Jamie Woudstra var með 11
stig og 13 fráköst og Díana B.
Jónsdóttir bætti við 7 stigum.
Grindavík hefur unnið fyrstu tvo
leiki sína en Njarðvík er enn án
sigurs en sýndu aftur á móti mun
betri leik en í fyrstu umferð þeg-
ar þær töpuðu stórt fyrir Kefla-
vík.
Keflavík vann 17 stiga sigur á
Haukum, 77-60, í tímamótaleik
Önnu Maríu Sveinsdóttur sem var
með 16 stig og 11 fráköst í sínum
300. deildarleik í efstu deild.
Haukaliðið stóð í heimstúlkum
framan af leik, Keflavík hafði tvö
stig yfir eftir fyrsta leikhluta, 20-
18 en munurinn var kominn upp í
11 stig í hálfleik, 39-28. Keflavík
hafði síðan mjög góð tök á leikn-
um í seinni hálfleik.
Reshea Bristol var stigahæst
hjá Keflavík með 23 stig, 7
stoðsendingar og 5 stolna bolta,
Rannveig Randversdóttir var með
12 stig, 9 stolna bolta, 8 stoðsend-
ingar og 6 fráköst og Bryndís
Guðmundsdóttir bætti við 12 stig-
um og 17 fráköstum Hjá Haukum
var Helena Sverrisdóttir með 22
stig, 17 fráköst og 7 stoðsending-
ar, Pálína Gunnlaugsdóttir kom
henni næst með 13 stig, Kristrún
Sigurjónsdóttir skoraði 8 og
Hanna Hálfdánardóttir skoraði 6
stig og tók 6 fráköst. ■
Sími 562-3811
15%
afsláttur
af öllum vörum
fimmtudag, föstudag, laugardag
Nýtt kortatímabil
Eiður Smári Guðjohnsen, fyrirliði Íslands, styður landsliðsþjálfarana heilshugar:
Allt tal um þjálfaraskipti út í hött
FÓTBOLTI Fréttablaðið ræddi við Eið
Smára Guðjohnsen, fyrirliða
íslenska liðsins, eftir leikinn í gær
og hann var fyrst spurður hvort
úrslitin væru ekki gríðarleg von-
brigði.
„Jú, það er eiginlega frekar
vægt til orða tekið. Við vorum
búnir að gera okkur miklar vonir
og væntingar og þetta var svona
allt í lagi framan af, vorum ágæt-
lega skipulagðir og þeir voru ekki
að skapa neitt mikið. Siðan sýnd-
um við visst reynsluleysi og vor-
um kannski eitthvað taugaveikl-
aðir. Alla veganna brotnuðum við
niður eftir fyrsta markið og það
sást þá bersýnilega hversu brot-
hætt sjálfstraustið í liðinu er – það
má ekki mikið út af bera – þannig
er það nú bara.
En við sýndum þó alla vega
stolt í seinni hálfleik og sýndum
að við ætluðum ekki að láta niður-
lægja okkur neitt enn meira, ætl-
uðum í það minnsta að tapa með
sæmd, ef það er á annað borð
hægt,“ sagði Eiður Smári
Sat Möltuleikurinn í ykkur?
„Auðvitað gerði hann það, við
fórum í þann leik til að ná okkur í
sjálfstraust, því það vantaði nátt-
úrulega en náðum því ekki. Það
var mikið fjallað um þann leik og
mikið hamrað á honum og það fór
náttúrulega ekki framhjá okkur
heldur. Ég held að það sé ljóst að
okkur tókst ekki að hrista þann
leik af okkur. Að sjálfsögðu erum
við ósáttir með gengið hingað til
en við eigum þó mun meira inni
og vonandi fellur þetta aðeins
meira með okkur það í þeim leikj-
um sem eftir eru. Við erum komn-
ir niður á lægsta plan og leiðin
getur ekki annað en legið upp á
við.“
Er ekki kominn tími á að skipta
um þjálfara, er það ekki deginum
ljósara?
„Nei, allt tal um þjálfaraskipti
á þessum tímapunkti er út í hött
og einungis til þess fallið að eyði-
leggja liðið frekar. Við megum
ekki við því.“
Líður hræðilega
„Mér líður hræðilega og veit
ekki hvort ég er að koma eða
fara,“ sagði örþreyttur Hermann
Hreiðarsson eftir leikinn við Sví-
þjóð. Líkt og flestir aðrir leik-
menn liðsins stoppaði Hermann
ekki allan leikinn en það dugði
skammt gegn frísku liði Svía.
„Þetta var hræðilegt vegna þess
að við vorum að komast inn í leik-
inn og öðlast sjálfstraust þegar
þeir skora fyrsta markið sitt. Þá
hrundi þetta hjá okkur um tíma
og við komumst í raun aldrei inn
í leikinn aftur. Ég er mjög
svekktur því við vorum allir af
vilja gerðir.“ ■
GRÍÐARLEG VONBRIGÐI Eiður Smári Guðjohnsen, fyrirliði íslenska liðsins, var að
vonum vonsvikinn eftir leikinn gegn Svíum í gærkvöld og sagði úrslitin vera gífurleg von-
brigði. Fréttablaðið/Teitur
48-49 (32-33) Sport 13.10.2004 22:35 Page 2