Tíminn - 24.02.1974, Blaðsíða 3

Sunnudagur 24. febrúar 1974.
TÍMINN
3
1 Svefneyjum 31/7. 1971.
Húsin i Svefneyjum. Séö úr Seley 30/7. 1971.
Melgras á fjárhúsþökum i Hvallátri 26. júli 1971.
i Skáleyjum 28. júli I971.llúsrnjóli, melgras.
Ingólfur Davíðsson:
Byggt og búið
í gamla daga
XVIII
Teistur á grjótgarði i Hvallátri 28. júli 1971.
Sumarveðrátta er mild i
Breiðafjarðareyjum og koma
þar sjaldan næturfrost um
vaxtartimann. En garðar
þurfa að vera i skjóli fyrir
særoki, enda eru flestir gömlu
kartöflugarðarnir girtir grjót-
görðum. Vóða sjást lika gömul
grjótbyrgi, þ.e. gamlir
skreiðarhjallar, þaklausir.
Mun þar oft hafa verið björgu-
legt að lita á fiskránum.
Fuglalif er mikið i eyjunum og
unaðslegt, einkum á vorin.
Talsverð hlunnindi af æðar-
varpi, fuglatekju og landsel.
Fjáreign nokkur en fáar kýr.
Féð er flest flutt i land á vorin.
Jarðvegur er viða frjósamur
af fugladriti. Leggja æðarfugl,
lundi, rita, kria, teista,
skarfur og svartbakur drjúgt
til. Af Vestureyjum eru nú i
byggð Flatey, Hvallátur,
Svefneyjar og að nokkru Skál-
eyjar. En i Suðureyjum eigin-
lega aðeins Brokey.
Samkvæmt athugunum Haf-
steins Guðmundssonar i
Flatey og Gisla E. Jóhannes-
sonar i Skáleyjum verpa um
30 fuglategundir árlega á
þessum slóðum. Þar að auki
sjást um 20 tegundir öðru
hverju. Um 130 jurtategundir
vaxa i Flatey, samkvæmt
athugunum undirritaðs, um
100 tegundir i Hvallátri og
heldur fleira i Skáleyjum og
Svefneyjum, enda er þar mis-
hæðóttara landslag. Myndir
þær, sem hér eru birtar, eru
teknar i skoðunarferðum
minum um Vestureyjar 1971,
þann 26.-31. júli. Myndin af
húsunum i Svefneyjum uppi á
sjávarbakkanum er tekin úr
Seley, handan við grunnan
vog, sem ganga má yfir á
háfjöru. Lét hátt i kriunni i
mýrunum á aðaleynni, og
margt sást annarra fugla. Af
Þinghóli, skammt frá bænum,
hefur Eggert Ólafsson eflaust
oft horft út yfir Breiðafjörð. Á
hinni myndinni frá Svefn-
eyjum stendur Þorlákur litli
bóndason i njólarunnum, rétt
við gamlan réttarvegg, en
teistur sitja hinar spökustu á
veggnum. Fuglahópar synda
fyrir landi skammt frá.
Teistur sátu lika hvarvetna á
grjótveggjum i Hvallátri eins
og myndin frá 28. júli sýnir.
Margar sátu einnig i holum i
veggjunum. Á fjárhúsþökum á
Hvallátri (sjá mynd) og viðar
hefur melgras verið flutt á
þökin, þrifst prýðilega og
gefur hlýlegan svip. 1 Skál-
eyjum standa tvö ibúðarhús.
Annað sést á myndinni við
hliðina á melgrasvöxnu
fjárhúsi. Njóli i forgrunni. A
hinni Skáleyjamyndinni gefur
að lita fjárhús, einnig vaxið'
melgrasi. Sérhverri aðaley
fylgja úteyjar, hólmar og
sker. Má sums staðar ganga
milli margra eyja um háfjöru,
og er svipur eyjanna þá allur
annar en á flóði. Breiða-
fjarðareyjar mega kallast
óteljandi. 1 einni þeirra
fæddist „Rifgirðinga
kóngurinn" Sigurður Breið-
fjörð. ,,Þúfur sinar sérhver
átti', sem að eyjar voru þá,”
segir hann, er hann minnist
æsku sinnar i mansöng i
Númarimum. í þættinum 4.
nóv. 1973 eru birtar nokkrar
myndir úr Breiðaf jarðar-
eyjum, flestar teknar 1942.
Nokkrar fleiri þeirra og
sumar eldri koma i næsta
þætti.
Fjárhús i Skáleyjum, melgras á þaki. 28. júli 1971.