Tíminn - 17.11.1974, Blaðsíða 16
16
TÍMINN
Sunnudagur 17. nóvember 1974
með ungu fólki með ungu fólki með ungu
Þurlöur Bogadóttir
Ásdis Blöndal
Kristin Kvaran
Eisa Hansen
Margrét Jóhannesdóttir
Hvers vegna?
FÓSTRA
Þátturinn MEÐ UNGU
FÓLKI ræðir í dag við
fóstrunema i flokknum
HVERS VEGNA? og
fara svör fimm fóstru-
nema hér á eftir. Áður
hefur þátturinn rætt við
læknanema og húsa-
smiðanema um þær
ástæður, sem legið hafa
að baki þvi, að viðkom-
andi nemar hófu sitt
nám, og um sitthvað
fleira, sem við kemur
starfinu og náminu.
Tvær af fóstrunemun-
um, sem rætt er við i
dag, sitja nú i 2. bekk
Fósturskólans, sem er
til húsa i Lækjargötu 14b
og þrir fóstrunemarnir
eru i 1. bekk.
Laun i samræmi
við ábyrgðina
ÞURÍÐUR BOGADÓTTIR,
nemi 11. bekk svarar fyrst spurn-
ingum okkar:
— Ég hef mjög gaman af aö
umgangast börn og fylgjast meö
þroska þeirra, — og er þaö ein
aöaiástæöan fyrir þvi, aö ég valdi
þessa námsieiö.
Ég ákvað snemma aö gera
fóstrustarfið aö framtiðarstarfi
minu, en þó fannst mér rétt að
kynnast starfinu, áður en ég færi I
sjálft námið, og þvi vann ég i eitt
ár I fóstrustarfinu, og það er min
skoöun, að sá timi hafi verið mjög
góður undirbúningur undir nám-
ið.
Þuriður sagöi, að mjög margir
kostir væru við fóstrustarfið, en
nefndi að fyrst og fremst væri
starfið mjög fjölbreytt og lifandi,
þar sem unnið væri með lifandi
einstaklinga en ekki dauða hluti,
eins og við svo mörg störf i þjóö-
félaginu.
Svo sagði Þuriöur:
— Einnig finnst mér umtals-
veröur kostur, að fóstrur fá tæki-
færi til að vera mikið úti viö,
einkanlega yfir sumartlmann. Og
svo vil ég aö lokum nefna, að
starfið og námiö er mjög góður
undirbúningur undir framtið sér-
hverrar fóstru við t.d. uppeldi
eigin barna.
Við spuröum Þuriði um galla á
náminu sjálfu, og hún svarði
þeirri spurningu á eftirfarandi
hátt:
— Gallar við námskerfið eru
vafalaust einhverjir, en ég er svo
nýlega byrjuð á náminu, að ég get
ekki bent á neina sérstaka galla
við sjálft kerfiö, — en þó finnst
mér húsakynni skólans alveg frá-
munalega léleg og þröng, og
þyrfti nauðsynlega að bæta úr
þvi.
Að endingu lögöum við fyrir
Þuriði þá spurningu, hvort hún
heföi kynnt sér atvinnumöguleika
áður en hún hóf nám.
Þuriður sagði, að alltaf virtist
vera skortur á menntuðum fóstr-
um og dagvistunarheimilum færi
fjölgandi.
— Svo ég er ekki i neinum vafa
um, að ég fái vinnu aö loknu
námi. En hins vegar er kaup hjá
fóstrum alltof lágt, — en þar sem
starfið er mikið ábyrgðarstarf, er
almennt farið að viöurkenna það
meira, og ég vona að launa-
greiðslur verði metnar I sam-
ræmi við það.
Skapa þarf
skólanum
viðunandi aðstæður
ASDtS BLöNDAL, nemi i 2. bekk,
svarar:
— Ég hef alltaf haft mjög gam-
an af börnum og sem stelpa 14-17
ára vann ég alltaf á sumrin við
barnagæzlu og fannst það að
mörgu leyti gottstarf. En ég hafði
þá ekki hugsað mér að leggja
þetta fyrir mig og vildi reyna eitt-
hvað fleira. Ég fór I Verzlunar-
skólann og vann eitt sumar I
banka, en fann mig ekki I þvi
starfi.
Eftir 4. bekk I Verzlunarskólan-
um fór ég alvarlega að hugsa um
þaö, hvort ég ætti nú að ljúka stú-
dentsprófi eða fara i Fósturskól-
ann.
Hugsunin um Fósturskólann og
löngunin til að umgangast börn
var mjög sterk og eftir mikla um-
hugsun ákvað ég að setjast i skól-
ann.
Ég gat ekki hugsað mér að
vinna á skrifstofu eða viö
verzlunarstörf og auk þess var
ekkert annaö nám sem freistaði
min meira, — svo ég dreif mig i
Fósturskólann og sé ekki eftir
þvi.
Asdis sagði, að helzti kosturinn
við fóstrustarfið væri, hversu lif-
andi og tilbreytingarrfkt starfið
væri, en svo sagði hún:
— Fóstrur kynnast mörgum,
bæði börnunum og aðstandendum
þeirra. Auk þess er það visst
samband, sem skapast á milli
fóstrunnar og barnanna, sem
erfitt er að útskýra en gefur
manni mjög mikið. Svo má
náttúrulega ekki gleyma þvi, að
starfiö getur verið reglulega
skemmtilegt, þótt það á hinn bóg-
inn geti verið hræöilega erfitt á
stundum.
Fóstran er lika nokkuö frjáls I
starfi sinu. Hún getur gert svo
margt fyrir börnin, — sungiö og
dansað, málað og föndrað, og
margt fleira, sem henni kemur I
hug.
Útiveran og' hreyfingin er lika
stór kostur i starfinu. Að minu
áliti, er fóstrustarfið meö heilsu-
samlegustu störfum, að þvi leyti
til.
Um gallana á náminu sagði Ás-
dfs:
— Stærsti gallinn við námið er
sá, að skólinn býr við algjörlega
ófullnægjandi húsnæði. Að þvi
leyti er ýmislegt I náminu, sem
ekki er eins og bezt verður á kos-
iö.
Fólkið gerir kröfur til þess i
dag, aö það geti komiö börnum
sinum I gæzlu strax frá fæðingu,
og eins og flestum er ljóst mótast
börnin hvað mest á fyrstu árum
ævi sinnar, og þvi er augljóst, að
starf fóstrunnar er mjög mikil-
vægt fyrir framtið barnsins og
kannski mun mikilvægara en
kennarastarfið, — þótt ég sé með
þessum orðum engan veginn að
draga úr þvi starfi og áhrifum
þess á barnið.
Þess vegna er að minum dómi,
nauösynlegt og áriðandi aö
stjórnvöld geri sér þetta ljóst og
skapi skólanum viðunandi að-
stæður. Eitt af þvi, sem skólann
vantar tilfinnanlega er æfinga-
heimili og margt fleira mætti
telja.
Aðspurð sagöi Asdis, aö hún
hefði að vissu leyti kynnt sér at-
vinnumöguleika, áður en hún hóf
nám,
— Ég er frá Seyðisfiröi og alltaf
hefur veriö strlð að fá þangað
fóstrur eins og reyndar viöast
hvar annars staðar á landinu.
Ásdis sagði að lokum, að þær
fóstrur, sem útskrifuðust á
siöastliðnu vori, hefðu getað valið
úr störfum, svo hún þyrfti senni-
lega engu að kviða um að fá ekki
starf að náminu loknu.
Ekki hægt að vita
hvað kemur upp á
teninginn næsta dag
KRISTtN KVARAN 1. bekk svar-
aði þannig:
— Arið 1969 fór ég að vinna á
leikskólanum Árborg og held ég
að enginn vafi sé á þvi, að vinnan
þar og undir stjórn þáverandi for-
stöðukonu Rán Einarsdóttur hafi
haft þau áhrif á mig að ég ákvað
að fara i Fósturskólann. Áður en
ég hóf að vinna á leikskólanum
hafði ekki flogið að mér að iæra
neitt þessu likt.
Kristin sagði, að kostirnir væru
svo margir að erfitt væri að setja
einn sérstakan fram yfir annan..
— ...en þó er helzt að nefna, að
starfið býöur upp á svo mikla fjöl-
breytni, aö aldrei er hægt að vita,
hvað kemur upp á teninginn
næsta dag.
■ — Gallar i náminu? Ég er nú
svo nýbyrjuð i 1. bekk, að ég er
ekki hæf til þess aö dæma um
námsfyrirkomulagið, en húsnæði
skólans er mjög svo bágborið og
mikil þrengsli allstaöar.
Ekki kvaöst Kristin hafa kynnt
sér atvinnumöguleika áður en
hún hóf nám I skólanum, en sagði,
að hún hefði verið búin að vinna
það lengi á barnaheimili, að hún
vissi glöggt, að alltaf væri hörgull
á fóstrum.
Starfið örvar
lifsgleði okkar
ELSA HANSEN nemi I 2. bekk.
— Aðalástæðan er einfaldlega
sú, að ég hef mjög gaman af börn-
um. Ég hef mikið verið við barna-
gæzlu og aldrei leiðst það starf og
mér finnst ég sem sagt vera kom-
in á rétta hillu I lifinu.
I fyrstu var ég að hugsa um að
verða kennari, en svo vakti
fóstrustarfið forvitni mina og að
athuguðu máli sá ég, að þetta var
starf fyrir mig, — svo ég sótti um.
önnur ástæða var sú, að ég
vissi, að námið og starfið myndi
koma mér að ómetanlegu gagni i
framtiðinni, hvað svo sem ég á
annars eftir að gera, — þá ekki
aöeins i sambandi við börn, held-
ur og i almennri umgengni við
fólk.
Helzti kosturinn er tvimæla-
laust sá, hve lifandi þetta starf er
og sibreytilegt, — og einnig það,
að enginn dagur er eins, heldur
færir hver dagur manni alltaf
eitthvað nýtt og spennandi. Þetta
starf hlýtur að örfa lifsgleði okk-
ar, þvi börnin upplifa margt, —
sem við teljum hversdaglegt, — á
skemmtilegan hátt. Börnin gefa
hlutunum nýtt gildi þ.e.á.s. við
njótum þess, ef við erum opin fyr-
ir þvi sem gleður. í þessu starfi
fær maður aðstöðu til að tjá sig á
margan hátt i leikjum með börn-
unum, úti sem inni.
Tæpast er hægt að finna starf,
sem er jafn alhliða, og þar á ég
við, að það reynir bæði á hið and-
lega og likamlega. Þetta starf er
vissulega stundum erfitt, en við
höfum alltaf tækifæri til að sigr-
ast á erfiöleikunum, og það er
mjög mikilvægt að minu áliti.
Siöan sagði Elsa:
— Aðalgallinn I þessu námi er
hve gjörómögulegt húsnæði skól-
inn býr við. t fyrsta lagi er húsa-
kosturinn mjög þröngur og að-
staða þvi alls ófullnægjandi til
vinnu hópverkefna, föndurs og
myndiðar. Kennararnir eru mjög
hæfir á sinum sviðum, en fá á
engan háttnotið sin vegna lélegra
kennsluskilyrða. Engin aðstaða
er til að kalla okkur saman I einu
s.s. til að hlusta á fyrirlestra.
Verður þvi skólastjórinn að fá
fyrirlesarann til að flytja mál sitt
fjórum sinnum, svo allir megi
hlýöa á — og slikt er vissulega
mjög bagalegt fyrir alla aðila.
Engin aðstaða er heldur til
félagsstarfs. Ennfremur háir það
kennslunni mjög, að óskaplega
mikill hávaði berst utan frá göt-
unni og truflar það kennslu. Þá
má nefna mikla eldhættu I þessu
gamla húsi og mjög ófullnægjandi
brunavarnir.
Ég vissi I meginatriðum, hvað
kennt yrði i skólanum, og hef ekki
orðið fyrir vonbrigðum með nyt-
semi kennslunnar, — frekar
öfugt.
Elsa kvaðst ekki hafa kynnt sér
starfsmöguleika, áður en hún hóf
nám, en sagði, að nú vissi hún,
hversu mikil þörf væri fyrir fóstr-
ur, og þvi þyrfti hún ekki að óttast
atvinnuleysi að náminu loknu.
Starfið hagnýtt
fyrir lifið sjálft
MARGRÉT JÓHANNSDÓTTIR
svarar að endingu spurningum
okkar:
— 1 fyrsta lagi vegna þess, aö
Framhald á bls. 39.
með ungu fólki með ungu fólki með ungu
7