Fréttablaðið - 17.12.2004, Blaðsíða 6

6 17. desember 2004 FÖSTUDAGUR
Sögunni endalausu lokið:
Guðjón til Keflavíkur
FÓTBOLTI Knattspyrnuþjálfarinn
Guðjón Þórðarson batt enda á
marga mánaða vangaveltur um
framtíð hans í gær er hann skrif-
aði undir þriggja ára samning við
bikarmeistara Keflavíkur.
Fyrir tæpum tveim mánuðum
var hann næstum búinn að semja
við Grindavík en hætti við á ell-
eftu stundu og flaug til Englands
þar sem hann gerði sér vonir um
að fá starf. Það gekk ekki upp hjá
Guðjóni og því ákvað hann að
koma heim á nýjan leik.
„Við erum að sjálfsögðu geysi-
lega ánægðir með að hafa fengið
Guðjón til okkar enda höfum við
haft áhuga á honum lengi. Þetta er
jólagjöf knattspyrnudeildarinnar
til Keflvíkinga,“ sagði kampa-
kátur formaður knattspyrnudeild-
ar Keflavíkur, Rúnar Arnarsson, í
gær. „Það er ekki nokkur spurn-
ing að við duttum í lukkupottinn
með að fá Guðjón og hið sama má
segja um íslenska knattspyrnu-
unnendur því það er mikill hval-
reki fyrir íslenska knattspyrnu að
fá Guðjón aftur í boltann hér
heima.“
- hbg
Kaupin á verkum
Sigmunds einsdæmi
Listfræðingar segja 18 milljóna króna kaup forsætisráðuneytisins á verkum teiknarans Sigmunds ekkert fordæmi
eiga sér í listasögu Íslendinga. Fjárhæðin er nærri tvöföld árleg fjárveiting Listasafns Íslands til listaverkakaupa.
STJÓRNMÁL Samningur upp á 18
milljónir sem forsætisráðuneytið
hefur gert við teiknarann Sigmund
um kaup á 10 þúsund myndum hans
sem birst hafa í Morgunblaðinu
hefur vakið talsverða athygli. Fjár-
hæðin er nærri tvisvar sinnum sú
upphæð sem Listasafn Íslands fær
á fjárlögum til listaverkakaupa.
Ólafur B. Kvaran, forstöðumaður
Listasafnsins, segir að sú upphæð
hafi farið lækkandi, hafi til skamms
tíma verið 12,5 milljónir króna en
hafi nú verið lækkuð í 10,8 milljón-
ir.
Listfræðingar eru á einu máli
um að ekkert fordæmi sé fyrir því
að listaverk séu keypt af einum
listamanni fyrir slíka fjárhæð. Hall-
dór Björn Runólfsson listfræðingur
segir að 18 milljónir séu gríðarlega
há fjárhæð í hinum fjárvana ís-
lenska listheimi. Þannig slagar fjár-
hæðin upp í árlegan rekstrarkostn-
að Listasafns Akureyrar og er fimm
milljónum hærri en fjárveiting
Listasafns Reykjavíkur til lista-
verkakaupa. Halldór Björn segir að
þetta sé út úr öllu korti: „Þegar
þetta er borið saman við fjárveit-
ingar ríksins til listaverkakaupa
getur maður ekki annað sagt en að
þetta sé svívirða.“
Hannes Sigurðsson, listfræð-
ingur og forstöðumaður Listasafns
Akureyrar, segir að engin dæmi
séu fyrir slíkum stórkaupum af
einum myndlistarmanni: „Sig-
mund tilheyrir óneitanlega sjón-
listum. Var gengið framhjá Lista-
safni Íslands, sem á lögum sam-
kvæmt að vera til ráðuneytis um
listaverkakaup?“
Halldór Björn Runólfsson bendir
svo á að teikningar Sigmunds hafi
birst í Morgunblaðinu og á bókum
og upphaflegu teikningarnar hafi
ekkert sérstakt gildi. „Þær hafa
ekkert ákveðið grafískt gildi.“
Í fréttatilkynningu forsætisráðu-
neytisins segir að verk Sigmunds
hafi verið keypt í tilefni 60 ára
afmælis lýðveldisins Íslands og
jafnframt í tengslum við 100 ára af-
mæli heimastjórnar. Fréttablaðið
óskaði eftir viðtali við Halldór Ás-
grímsson forsætisráðherra um
þetta mál en hann svaraði ekki
skilaboðum þar að lútandi.
a.snaevarr@frettabladid.is
Fáskrúðsfjarðarhreppur:
Leikskólapláss
ekki til boða
LEIKSKÓLAPLÁSS „Það er verið að
neyða fólk til að flytja til Austur-
byggðar,“ segir Friðmar Gunnarsson,
oddviti Fáskrúðsfjarðarhrepps, í við-
tali við Austurgluggann, en stúlku
þaðan hefur verið sagt upp leikskóla-
plássi fyrir að hafa ekki samið við
Austurbyggð um vistun barna.
Fjölskyldufaðir á Fáskrúðsfirði
færði lögheimili sitt til Austur-
byggðar til að geta sótt um leik-
skólapláss fyrir dóttur sína, en Fá-
skrúðsfjarðarhreppur veitir ekki
slíka þjónustu. Lögheimili fjöl-
skyldunnar var fært á ný í lögsögu
Fáskrúðsfjarðarhrepps og leik-
skólaplássinu sagt upp í kjölfarið. ■
Leiðrétting
Þakkarauglýsing frá Ísaki Mána og
fjölskyldu birtist á röngum stað í
blaðinu í gær. Þar var fólki sem séð
hefur um umönnun Ísaks Mána
þakkað alúðlegt starf á árinu.
Fréttablaðið biðst afsökunar á mis-
tökum sínum, um leið og það óskar
Ísaki Mána og fjölskyldu velfarnar.
Auglýsingin birtist að nýju á blað-
síðu 52 í blaðinu í dag. ■
■ LÖGREGLUFRÉTTIR
■ JÓLAFRÉTTIR
VEISTU SVARIÐ?
1Hvaða eiturefni fannst í miklum mælií líkama Viktors Júsjenkó, forseta-
frambjóðanda í Úkraínu?
2Hvaða ár tefldi Bobby Fischer viðBoris Spasskí í Júgóslavíu?
3Hvað hefur körfuboltamaðurinn KobeBryant sakað Karl Malone um að
hafa gert?
Svörin eru á bls. 62
„Heillandi skáldsaga“
2. prentun
komin í
verslanir
1. prentun
uppseld
Penninn Eymundsson
og Bókabú›ir MM
8. – 14. des.
2.
Allar bækur
Þórarinn Eldjárn
„Sagan um baróninn á Hvítárvöllum
er heillandi saga.“
Halldór Guðmundsson, Frbl.
„Baróninn er frábærlega vel skrifuð bók og söguleg
skáldsaga eins og þær gerast bestar.“
Jón Ólafsson, Mbl.
LYF
Sala lyfjaverslana jókst meira en til dæmis
áfengissala.
Sala lyfjaverslana:
Jókst um
fimm prósent
VERSLUN Sala lyfjaverslana jókst um
fimm prósent í nóvember í ár miðað
við sama mánuð í fyrra, samkvæmt
upplýsingum Samtaka verslunar og
þjónustu. Áfengissmásalan jókst
um 2,9 prósent í nóvember miðað
við sama tíma í fyrra og smásölu-
velta dagvöru á föstu verðlagi jókst
um 2,3 prósent.
Verðhækkanir á þessum vörum
miðað við nóvember í fyrra reynd-
ust 1,3 prósent í dagvöru, 0,8 pró-
sent í áfengi og 3,6 prósent í lyfja-
smásölu. ■
LEYND SKILABOÐ Leyndur jóla-
sveinaleikur er orðinn mjög vin-
sæll meðal skrifstofufólks í Bret-
landi, sem getur varla beðið eftir
því að fá að draga nafn vinnufé-
laga sinna úr hatti og gefa þeim
gjafir. Níu af tíu Bretum segja
þetta skemmtilega leið til að
fagna jólunum og fullkomið að
nota tækifærið til að senda leynd
skilaboð. Meira en helmingur
Breta segir leikinn fullkomið
tækifæri til að koma á framfæri
skilaboðum um leyndar ástir.
HÆTTUR VIÐ LJÓSRITUN Bretar
hafa nú verið varaðir við hættum
sem fylgja því að ljósrita sína lík-
amshluta, sem þykir stundum
góð hugmynd eftir nokkur vín-
glös í jólaveislum vinnustaða.
Gler ljósritunarvéla getur brotn-
að við álagið með slæmum afleið-
ingum, eftir því sem öryggissér-
fræðingar sögðu í síðustu viku.
Sú hefð að kyssast undir mistil-
teini getur einnig leitt til lögsókn-
ar um kynferðislega áreitni á
vinnustað.
Kolgrafarfjörður:
Hver kílómetri
á 130 milljónir
STJÓRNMÁL Hver kílómetri sem
sparast við að Kolgrafarfjörður á
Snæfellsnesi hafi verið brúaður
kostar rúmar 128 milljónir króna.
Brúin yfir fjörðinn er talin mikil
samgöngubót á nesinu og í raun
forsenda þess að norðanvert Snæ-
fellsnesið verði sameiginlegt at-
vinnusvæði. Sturla Böðvarsson
samgönguráðherra, sem sjálfur
er frá Stykkishólmi, segir af og
frá að þessu fé sé illa varið: „Þetta
er stórkostleg samgöngubót“.
Sturla bendir að auki á að ef ekki
hefði verið ráðist í þessa fram-
kvæmd hefði þurft að verja fé í
framkvæmdir annars staðar.
Kristinn Jónasson, bæjarstjóri
í Snæfellsbæ segir að með brúar-
lagningunni sé sneitt hjá veðravíti
og hættulegum vegarkafla þar
sem mörg slys hafi orðið og bend-
ir á að ekki þyki tiltökumál að
byggja samgöngumannvirki á
höfuðborgarsvæðinu fyrir 3-4
miljarða. „Af hverju má ekki eyða
900 milljónum í samgöngubætur
úti á landi?“
Hins vegar segir Kristinn ljóst
að íbúar á utanverðu Snæfellsnesi
muni áfram fara Fróðarheiðina til
að fara suður, að minnsta kosti
þegar veður leyfi.
- ás
GUÐJÓN ÞÓRÐARSON
Þjálfar bikarmeistara Keflavíkur næstu þrjú
árin.
FÉLL AF VÉLSLEÐA Sextán ára
piltur var fluttur á Fjórðungs-
sjúkrahúsið á Akureyri eftir að
hafa fallið af vélsleða skammt
frá Ólafsfirði. Hann kenndi til
eymsla í baki og hálsi og gisti á
sjúkrahúsinu til öryggis en hann
reyndist ekki vera alvarlega slas-
aður. Pilturinn var ekki með rétt-
indi til að aka vélsleða en til þess
þarf að hafa bílpróf.
BRÚ YFIR KOLGRAFARFJÖRÐ
Bæjarstjóri Snæfellsbæjar líkir ástandinu sem nú er verið að vinna bug á við að Reykvík-
ingar þyrftu að fara upp í Bláfjöll á leið til Hafnarfjarðar.
FR
ÉT
TA
B
LA
Ð
IÐ
/P
JE
TU
R
SIGMUND OG HALLDÓR ÁSGRÍMSSON
Samningur sem talinn er einstakur í íslenskri listasögu handsalaður.
Fjárveiting til listaverkakaupa Lista-
safns Íslands: 10,5 milljónir
Kaup forsætisráðuneytisins á verkum
Sigmunds: 18 milljónir
06-07 16.12.2004 20:39 Page 2