Fréttablaðið - 17.12.2004, Blaðsíða 28
Vinur okkar allra
Sveinn Jónsson, Mosfellsbæ, skrifar:
Í dag eru margir sem segja að einhvers
konar tímamót séu komin fyrir mannkynið.
Sumir spá endalokum og aðrir vitundar-
breytingu. Allar bókabúðir eiga fullt af slík-
um bókum. Fyrir mér er flest af þessu
óvönduð skrif en þó er einn boðskapur
sem stendur uppúr og fyrir mér hefur ekki
fallið neinn fölskvi á þó ég hafi oft skoðað
þetta mál alvarlega, m.a. farið til útlanda á
fyrirlestur um þetta mál. Sá boðskapur var
fyrst settur fram árið 1974 af Benjamin
nokkrum Creme. Hann segir að sá maður
sem Kristnir kalla Krist, Múhameðstrúar-
menn Imam Mahdi og Búddatrúarmenn
hinn fimmta Búdda sé þegar kominn fram.
Nafn hans sé Maitreya. Mannkynið hefur
það hins vegar í sínum höndum að bera
kennsl á hann. Hann hefur á seinni árum
gert ótrúlegan fjölda kraftaverka sem hafa
orðið til þess að tímaritið Life sagði á for-
síðu sinni „Trúirðu á kraftaverk“ og sagði að
flóðbylgja kraftaverka hefði gerst í seinni
tíð. Tímaritið Time tileinkaði árið 1995 átta
síðna opnu þessum kraftaverkum. Með
þessu hefur Maitreya tilkynnt komu sína.
Maitreya tilheyrir hópi þeirra sem eru
lengra komnir í andlegri þróun en flestallt
mannkyn, reyndar fer hann þar fremstur í
flokki. Samtök að nafni Share International
voru stofnuð til að tilkynna komu Maitreya.
Þau starfa í fjölmörgum löndum og vekja
athygli á Maitreya og þeim boðskap sem
hann hefur fram að færa. Maitreya segist
koma sem m.a. kennari, verndari, sem
vinur og leiðsögumaður fyrir hvern sem vill,
fyrir allt mannkyn. Boðskapur hans lýtur
mikið að ójafnri dreifingu auðs í heimin-
um. Þegar bændum í N-Ameríku og Evr-
ópu er borgað fyrir að framleiða minna far-
ast milljónir úr hungri í heiminum á ári
hverju t.d. Ég hvet alla til að skoða heima-
síðu samtakanna Share International.
Veffangið er www.share-international.org.
Özur Lárusson, framkvæmda-
stjóri sauðfjárbænda, heldur
áfram að halla réttu máli hér í
blaðinu á miðvikudag í svari við
greinum mínum um alltof hátt
verðlag á mjólk og kjötvörum,
kannski skiljanlegt enda illt að
vera málsvari vitlausasta land-
búnaðarkerfis á Vesturlöndum.
Kerfi sem hvort tveggja í senn
leiðir til hæsta matvælaverðs sem
þekkist á byggðu bóli og heldur
bændum jafnframt við fátæktar-
mörk. Í greinum mínum hér í
blaðinu hef ég bent á að opinbert
verðsamráð á mjólkurafurðum sé
lítið skárra en verðsamráð á olíu
svo dæmi sé tekið, og að opinbert
viðmiðunarverð Landssambands
sauðfjárbænda falli kannski ekki
að heilbrigðum viðskiptaháttum.
Özur vill ekki trúa könnunum
evrópsku tölfræðistofnunarinnar,
Eurostat, sem sýna að verðlag á
kjötvörum á Íslandi og í Noregi er
helmingi hærra (52%) en meðal-
talið í Evrópu. Lítum þá nær
heimahögunum í von um að hann
trúi okkar eigin fólki betur. Í
skýrslu Samtaka atvinnulífsins frá
því í apríl 2003, um leiðir til lífs-
kjarabóta, kemur fram að miðað
við útlönd er alltof hátt verðlag á
matvörum á Íslandi. Þar kemur
fram að matvöruverð hér á landi
árið 2000 var 31% hærra en í Dan-
mörku (sem er nota bene með því
allra hæsta sem þekkist í Evrópu)
þrátt fyrir að virðisaukaskattur
hér á landi sé aðeins 14% en 25% í
Danmörku. Jafnframt er vitnað í
samanburð Baugs frá 6. nóvember
2002 þar sem fram kemur að verð
á mjólk er 76% hærra í Bónus á Ís-
landi en í Netto í Kaupmannahöfn,
og verð á kjötvörum 36% dýrara.
Einhverja hluta vegna virðist
Özur þó frekar vilja bera saman
epli og appelsínur; eða réttara sagt
kjötvörur og bifreiðar. Í síðustu
grein sinni, til varnar háu kjötverði
á Íslandi, fer hann allt í einu að tala
um verð á bílum, sem er hærra í
Danmörku en á Íslandi. Hvernig
það getur dugað sem vörn fyrir
alltof háu kjötverði á Íslandi er
mér hulin ráðgáta. Og hann gerir
það ekki endasleppt, rökþrotið er
slíkt að undir lok greinar sinnar er
sú eina vörn eftir að það sé jú bara
svo dýrt að vera Íslendingur, og fer
svo að bera sauðkindina saman við
sjálft tungumálið, sem sé víst
einnig dýrt. Spyr í öfugmælavísu
hvort ekki sé líka hagkvæmara að
taka upp ensku? Hér er enn verið
að bera saman epli og appelsínur;
það er nefnilega ekki bannað með
lögum að mæla á enska tungu á Ís-
landi, en það er hinsvegar bannað
með lögum að flytja hingað inn
ódýrari kjöt- og mjólkurvörur frá
útlöndum. En kannski að það sé
vilji sauðfjárbænda; að banna út-
lensku með lögum? ■
Símastrákur Samfylkingarinnar
Nú hefur verið upplýst hver hlýðir kallinu
símastrákur Samfylkingarinnar, en það
er enginn annar en Jóhann Ársælsson,
ríflega sextugur þingmaður af Vestur-
landi. Þessi stráklingur hefur setið á
þingi fyrir Samfylkinguna og þar áður Al-
þýðubandalagið nær samfellt frá árinu
1991. Hann var í miðstjórn þess flokks
frá árinu 1987 og þess má einnig geta
að drengurinn var fyrst kjörinn bæjarfull-
trúi á Akranesi árið 1974, þá rúmlega þrí-
tugur að aldri. Þessi skamma reynsla af
starfi að stjórnmálum á líklega sinn þátt
í því að hann ber virðingartitilinn síma-
strákur innan flokksins.
Vefþjóðviljinn á andriki.is
Óháð eða ekki?
En ef það er virkilega stefna aðstand-
enda Mannréttindaskrifstofunnar, að
hún sé óháð ríkisvaldinu, þá færi auðvit-
að bezt á því að þeir byggju þannig um
hnútana að starfsemi hennar væri ekki
undir því komin hvort hún fengi fjár-
framlög frá hinu opinbera eða ekki.
Minna má í því sambandi á að mann-
réttindasamtökin Amnesty International
hafa þá stefnu að þiggja ekki framlög frá
stjórnvöldum né stjórnmálaflokkum,
hvort sem er hér á landi eða erlendis, í
því skyni að tryggja hlutleysi sitt og að
samtökin séu óháð slíkum aðilum. Gild-
ir einhver önnur formúla um Mannrétt-
indaskrifstofu Íslands í þessum efnum?
Hjörtur J. Guðmundsson á ihald.is
17. desember 2004 FÖSTUDAGUR28
AF NETINU
Þingkosningar fara fram í Noregi á
næsta ári. Á því ári munu Norð-
menn einnig halda hátíðlegt 100 ára
afmæli sjálfstæðistöku Noregs.
Það er þegjandi samkomulag
norskra stjórnmálamanna að
hreyfa ekki við umsókn Noregs um
aðild að Evrópusambandinu fyrr en
eftir 100 ára afmælið og þingkosn-
ingarnar næsta ár. En eftir það
getur allt gerst í þessum efnum.
Bendir ýmislegt til þess að Norð-
menn muni sækja um aðild að Evr-
ópusambandinu jafnvel þegar árið
2006. Skoðanakannanir í Noregi
leiða í ljós, að mikill stuðningur er
nú við aðild Noregs að Evrópusam-
bandinu. Og margir sem áður voru
andsnúnir aðild eru nú fylgjandi
henni. Ef Noregur sækir um aðild
að ESB 2006 má reikna með, að Ís-
land sigli fljótlega í kjölfarið. Um
leið og Noregur yfirgefur EFTA,
Fríverslunarsamtök Evrópu, og
gengur í ESB eru örlög EFTA ráðin
og raunar örlög EES, Evrópska
efnahagssvæðisins, einnig. Það yrði
mjög erfitt að reka EES-samning-
inn með aðeins tvö EFTA ríki og
nánast ókleift. Auk þess sem reikna
má með að ESB hefði lítinn áhuga á
því að viðhalda EES með aðeins
tveimur EFTA ríkjum. Áhugi ESB á
EES hefur farið minnkandi undan-
farin ár og sá áhugi mundi enn
minnka og ef til vill hverfa alveg.
Allt eru þetta veigamiklar rök-
semdir fyrir því, að Ísland mundi
feta í fótspor Noregs og sækja
einnig um aðild að ESB. En auk
þess mundi samkeppnisstaða Nor-
egs á mörkuðum ESB batna, ef
landið gengi í sambandið og Noreg-
ur því standa betur að vígi í sam-
keppni við Ísland á þessum mörk-
uðum. Sú röksemd mundi einnig
þrýsta á Ísland að sigla í kjölfar
Noregs varðandi aðild að ESB.
En hvað vinnst við aðild að Evr-
ópusambandinu? Ísland er með
mjög góðan samning við Evrópu-
sambandið að því er varðar toll-
frelsi fyrir íslenskar sjávarafurðir
á mörkuðum ESB, betri samning
en Noregur hefur. Flestar sjávar-
afurðir Íslands njóta fulls tollfrels-
is. Það eru aðeins örfáar sjávaraf-
urðir sem ekki fá fulla tollaniður-
fellingu. Við aðild að ESB fengjum
við væntanlega fullt tollfrelsi fyrir
þær einnig en auk þess yrðum við
með í ákvarðanatöku innan Evr-
ópusambandsins. Í dag er það svo,
að Ísland og Noregur verða að taka
einhliða við 70-80 % af öllum til-
skipunum ESB. Þessi EES lönd fá
að taka þátt í vissum nefndum,
sem undirbúa tilskipanir en þau fá
ekki að vera með þegar ákvarðanir
eru teknar. Valdamestu stofnanir
ESB eru ráðherraráðið, fram-
kvæmdastjórnin og þingið. Ísland
og Noregur fá að sjálfsögðu ekki
að taka þátt í þessum stofnunum
og ekki heldur í sveitarstjórnar-
ráði ESB. Ein helsta röksemdin
fyrir aðild að ESB er að fá að vera
með við ákvarðanatöku. Núver-
andi ríkisstjórn segir, að aðild Ís-
lands að ESB sé ekki á dagskrá. Og
núverandi utanríkisráðherra hefur
verið alfarið á móti aðild Íslands
að sambandinu. Þetta mundi hins
vegar gerbreytast, ef Noregur
gengi inn. Þá ætti Ísland ekki auð-
velt með að standa fyrir utan. Ég
spái því, að ef Noregur gengur inn
fljótlega eftir næstu kosningar
muni Ísland fylgja í kjölfarið. Það
yrði þá hlutskipti Davíðs Odds-
sonar að koma Íslandi í Evrópu-
sambandið. ■
Á að banna útlensku á Íslandi?
EIRÍKUR BERGMANN EINARSSON
STJÓRNMÁLAFRÆÐINGUR
UMRÆÐAN
LANDBÚNAÐAR-
KERFIÐ
Hér er enn verið að
bera saman epli og
appelsínur; það er nefnilega
ekki bannað með lögum að
mæla á enska tungu á Ís-
landi, en það er hinsvegar
bannað með lögum að flytja
hingað inn ódýrari kjöt- og
mjólkurvörur frá útlöndum.
,,
BRÉF TIL BLAÐSINS
Gengur Noregur í Evrópu-
sambandið 2006?
BJÖRGVIN GUÐMUNDSSON
VIÐSKIPTAFRÆÐINGUR
UMRÆÐAN
EVRÓPUSAMBANDIÐ
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar.
ÆVINTÝRI GRIMS
28-29 Umræðan 16.12.2004 13.03 Page 2