Fréttablaðið - 17.12.2004, Síða 8

8 17. desember 2004 FÖSTUDAGUR
BREYTTIR TÍMAR
Efnahagsástandið hefur batnað mikið í
Kína. Endurspeglast það meðal annars í
bílakosti landsmanna. Nokkrir vegfarendur
í Peking gátu ekki annað en skoðað
þennan forláta sportbíl af gerðinni
Lamborghini Diablo.
Talsvert um veikindi hjá landsmönnum þessar vikurnar:
Niðurgangs- og hitapestir að ganga
HEILBRIGÐISMÁL Slæmar um-
gangspestir hafa herjað á lands-
menn undanfarnar vikur og gera
enn, samkvæmt upplýsingum
Þórólfs Guðnasonar, læknis hjá
sóttvarnalækni. Er um að ræða
niðurgangspestir og hitapestir.
Þórólfur sagði að talsvert hefði
borið á svokallaðri Parainflúensu,
sem ylli öndunarfærasýkingum,
hita, hósta og svo oft barkabólgu
hjá börnum. Adenoveira, sem
einnig hefði verið á ferðinni og
væri enn, bæri með sér háan hita
og hálsbólgu.
Hann sagði enn fremur að
tvær tegundir niðurgangspesta
hefðu verið að ganga. Önnur teg-
undin stafaði af Rotaveiru, sem
greindist einkum hjá börnum.
Noroveira ylli hinni, en það væri
sama tegund og herjað hefði á
fólk í Húsafelli á dögunum.
„Það sem gildir til að forðast
þessar pestir er hreinlæti, þar á
meðal að muna eftir að þvo sér oft
og vel um hendurnar,“ sagði
Þórólfur.
Hann sagði að inflúensan eina
og sanna hefði ekki greinst hér á
landi enn sem komið væri, né
heldur RS-veiran sem veldur
kvefi og jafnvel öndunarerfiðleik-
um hjá litlum börnum. Báðar síð-
astnefndu pestirnar væru árvissir
gestir hér á landi. - jss
Nýkvæntum Úkraínu-
manni vísað úr landi
Úkraínumanni sem hafði verið hér sem námsmaður var vísað úr landi. Námsmannaleyfið var
runnið út. Maðurinn kvæntist íslenskri konu og sótti um makaleyfi en því var synjað.
ÚTLENDINGASTOFNUN Nýkvæntum
23 ára gömlum Úkraínumanni
var vísað úr landi í lok nóvember
þar sem hann hafði dvalið ólög-
lega í landinu um hríð. Maðurinn
hafði sótt um makaleyfi í maí síð-
astliðnum, skömmu eftir að hann
kvæntist íslenskri konu. Útlend-
ingastofnun synjaði manninum
um leyfið eftir að hann hafði ekki
lagt fram umbeðin gögn.
Hildur Dungal, forstöðumað-
ur stjórnsýslusviðs Útlendinga-
stofnunar, segir að maðurinn
hafi komið til landsins haustið
2003. Þá hafi hann fengið náms-
mannaleyfi á grundvelli þess að
hann hafi ætlað að stunda nám í
Háskóla Íslands. Það leyfi hafi
síðan runnið út síðasta vetur þar
sem hann hafi ekki lengur upp-
fyllt skilyrðin fyrir því. Í fram-
haldinu hafi maðurinn sótt um
makaleyfi.
„Honum var synjað um leyfið
á grundvelli þess að hann var
ekki orðinn eldri en 24 ára eins
og kveðið er á um í lögum,“ segir
Hildur. „Synjunin var kærð en
dómsmálaráðuneytið staðfesti
synjunina. Eftir það fóru hjónin
fram á að við myndum endur-
skoða málið. Til þess að gera það
þurftum við að fá upplýsingar
eða gögn um eitthvað nýtt sem
studdi mál hjónanna.Við gáfum
þeim færi á að leggja fram ný
gögn en þau gerðu það ekki. Á
endanum gátum við ekki beðið
lengur og urðum því að vísa
manninum úr landi því hann
hafði verið svo lengi hér án leyfa.
Forsendan fyrir brottvísun hans
úr landinu var því ólögleg dvöl
hans í landinu.“
Hildur segir að þó einhverjum
sé synjað um makaleyfi þýði það
ekki að viðkomandi geti ekki sótt
um annars konar leyfi. Maðurinn
hefði því getað sótt um framleng-
ingu á námsmannaleyfi eða dval-
ar- og atvinnuleyfi hefði hann
viljað vera hér áfram. Honum
hafi verið bent á þann möguleika
en hann hefði ekki nýtt hann.
trausti@frettabladid.is
Árekstur á Sandgerðisvegi:
Voru ölvaðir
í bílferð
LÖGREGLA Jeppi og fólksbíll sem
kom úr gagnstæðri átt lentu sam-
an klukkan rúmlega fjögur í
fyrrinótt á Sandgerðisvegi
skammt frá veginum að
Rockville. Ökumaður og farþegi
jeppans, sem báðir reyndust
vera ölvaðir, sluppu ómeiddir en
þeir voru handteknir og færðir í
fangageymslur. Þeir voru yfir-
heyrðir um miðjan dag í gær
þegar þeir höfðu sofið úr sér
vímuna. Ökumaður fólksbílsins
meiddist lítillega. Bílarnir
skemmdust mikið og voru fjar-
lægðir með dráttarbíl.
- hrs
jólagjöf
Hugmynd að
fyrir hann
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
Gönguskór
Colorado GTX - fyrir kröfuharða.
Verð áður 17.990 kr.
Jólatilboð kr.14.990
Göngustafir
Komperdell og Leki.
Verð frá kr.4.990
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
66
32

12
/2
00
4

Vírus dulbúinn sem jólakveðja:
Óvenjuskæð
óværa í tölvum
UPPLÝSINGATÆKNI Óvenjuskætt af-
brigði tölvuorms fer mikinn í
tölvupósti þessa dagana, en óvær-
an ber með sér vírus að nafni
zafi.d.
Björn Davíðsson, þróunar-
stjóri hjá vírusvarnafyrirtækinu
Snerpu á Ísafirði, segir að á tíma-
bili hafi annað hvert tölvuskeyti
sem fór um hjá fyrirtækinu verið
sýkt af óværunni, en fyrst bar á
sendingunum síðasta miðvikudag.
„Vel uppfærðar vírusvarnir grípa
þetta strax, en þeir sem eru
óvarðir, eða láta hjá líða að upp-
færa hjá sér varnirnar, fá þetta
athugasemdalaust í tölvupóstinn
sinn,“ segir hann.
Vírusinn, sem áframsendir sig
sjálfur, dulbýst sem jólakveðja og
bætir við skeytið undirskrift með
nafni sendanda sýktu tölvunnar. Í
jólakveðjunni er lítil .gif hreyfi-
mynd af brosköllum sem hnoðast
hvor á öðrum og svo er zip-skrá í
viðhengi. „Fólk á alltaf að sýna
ákveðna tortryggni gagnvart
svona viðhengjum sem berast í
tölvupósti,“ segir Björn. - óká
Smári Geirsson ósáttur:
Forstjórinn
er fluttur
AUSTURLAND Smári Geirsson, forseti
bæjarstjórnar Fjarðabyggðar, er
ósáttur við að Tómas Már Sigurðs-
son, forstjóri Fjarðaáls, ætli að
flytja frá Fjarðabyggð til Egils-
staða. Þetta kemur fram í Austur-
glugganum.
Upplýsingafulltrúi Fjarðaáls
segir að fyrirtækið muni ekki skuld-
binda starfsmenn um búsetu á
ákveðnum stað og það eigi einnig
við um forstjórann. Smári Geirsson
segist ekki gera þá kröfu að búseta
allra starfsmanna Fjarðaáls verði
skilyrt, en finnst að forsvarsmenn
stærstu fyrirtækja og stofnana eigi
að búa í viðkomandi sveitarfélagi. ■
Ísrael:
Þrír falla
GAZA, AFP Þrír palestínskir víga-
menn féllu á Gaza-ströndinni í
gær eftir að hafa ráðist á ísra-
elska varðstöð og bifreiðar ísra-
elska hersins á miðvikudag. Þeir
sem féllu tilheyrðu Islömsku
Jihad, Al-Aqsa og Abu Rish sem
tilheyrir Fatah-hreyfingunni.
Fimm Ísraelsmenn, fjórir her-
menn og einn borgari, særðust.
Samkvæmt tölum AFP hafa
4.622 látist síðan í september
2000, þegar uppreisn Palestínu-
manna hófst, þar af 3.579 Palest-
ínumenn og 968 Ísraelar. ■
HANDÞVOTTUR
Mjög mikilvæg leið til að koma í veg fyrir
smit er að þvo sér vel og reglulega um
hendurnar.
FRÁ LEIFSSTÖÐ
Embætti Ríkislögreglustjóra sér um framkvæmd brottvísana þeirra sem synjað er um leyfi
til að dvelja á Íslandi. Úkraínumaðurinn fór frá landi í nóvember með flugi frá Leifsstöð.
Athugið að myndin er tekin við annað tilefni.
BJÖRN DAVÍÐSSON
Þróunarstjóri Snerpu segir vírusvarnir fólks
bara duga á meðan þær eru uppfærðar.
Hafi fólk ekki uppfært vírusvarnirnar síðan
í byrjun vikunnar sleppi til dæmis zafi.d
vírusinn í gegn óáreittur.
BLEKKJANDI SKILABOÐ
Ef viðhengið sem fylgir tölvupósti með
zafi.d vírusnum er keyrt upp þá birtast
þessi skilaboð á skjánum. Tölvan er þá
sýkt og tekur að dæla frá sér tölvuskeytum
með vírusnum.
08-09 16.12.2004 20:13 Page 2