Fréttablaðið - 17.12.2004, Qupperneq 46

Persónuleg púsluspil
Í verslun í Álfabakka 12 í Breiðholti er hægt að fá sniðugar jólagjafir.
Í verslunarklasanum Mjódd í
Breiðholti er lítið, sætt fyrirtæki
sem heitir Merkt. Eins og nafnið
gefur til kynna sérhæfa þau sig í
að merkja alls kyns hluti, eigin-
lega allt sem hugurinn girnist.
Merkt býður upp á sérstakar
og persónulegar jólagjafir. Hægt
er að koma með mynd af ein-
hverju eða einhverjum til þeirra
og þau prenta myndina á púslu-
spil. Hægt er að fá púslin í tveim-
ur stærðum, A4 og A3. Minni
gerðin er þrjátíu púsla og kostar
2.190 krónur og stærri gerðin er
sextíu púsla og kostar 2.590
krónur. Samkvæmt starfsmönn-
um fyrirtækisins hafa þessi púsl
verið afskaplega vinsæl, sérstak-
lega í jólapakkana.
Í Merkt er einnig prentað á
bolla, músarmottur, klukkur og
boli svo eitthvað sé nefnt og
einnig taka þau að sér að sauma í
ýmislegt fyrir einstaklinga og
smærri hópa. ■
Handmálaðar kúlur með
íslenskum jólasveinum
Í Jólahúsinu á Skólavörðustíg er að finna heilan heim af fallegu skrauti
og mikið úrval af íslensku skrauti.
„Venjulega eru það útlendingar
sem kaupa mest af íslenska
skrautinu en Íslendingar hafa
fallið fyrir því líka og þá sérstak-
lega handmáluðu glerkúlunum
með íslensku jólasveinunum,“
segir Elín Anna Þórisdóttir í Jóla-
húsinu. Brynja Eldon hannar
myndirnar á kúlurnar sem eru
svo handblásnar og handmálaðar í
Austurríki. „Þetta er tilvalinn
gripur til að safna,“ segir Elín
Anna en hún segir það hafa færst
í vöxt að fólk fari að safna sér til-
teknu jólaskrauti og kaupi sér
einn og einn hlut reglulega og
dreifi þannig kostnaðinum yfir
árið. Verslunin er opin allt árið og
er mesti annatíminn um jólin og
svo á sumrin þegar ferðamenn-
irnir koma.
Mikið er af hefðbundnu skrauti
í versluninni en einnig tísku-
skrauti ef svo má að orði komast.
„Í ár er mikið að koma inn af
björtum litum og erum við til
dæmis með kúlur sem eru skær-
bleikar með doppum,“ segir Elín
Anna og bætir við að alltaf sé
pantað inn nýtt skraut á hverju
ári.
„Þetta gamla er líka að koma
aftur og erum við með mikið af
skrauti sem lítur út fyrir að vera
mjög gamalt,“ segir Elín Anna og
hlær en bætir við að það sé virki-
lega sjarmerandi og skemmtilegt
skraut og þar á meðal sé að finna
gervijólatré úr við eins og tíðk-
aðist í gamla daga.
„Við leggjum áherslu á að vera
með sérhæft skraut þannig að
þeir sem koma til okkar finni
alltaf eitthvað sem ekki fæst
annars staðar,“ segir Elín Anna að
lokum. ■
Sérmerktu púslin hafa vakið mikla lukku.
FR
ÉT
TA
B
LA
Ð
IÐ
/S
TE
FÁ
N
Birna Rebekka Björnsdóttir og Elín Anna Þórisdóttir.
FR
ÉT
TA
B
LA
Ð
IÐ
/E
.Ó
L.
Gamaldags tréjólatré sem ætti að end-
ast í fjöldamörg ár og veldur engu of-
næmi.
17. desember 2004 FÖSTUDAGUR
46-47 (6-7) jólin koma 16.12.2004 14.09 Page 2