Fréttablaðið - 17.12.2004, Síða 48

Uppáhald Stjána bláa
Spínat er herramannsmatur sem inniheldur mikið af járni. Ferskt spínat er gott í salat ásamt
ristuðum sólblómafræjum og tómötum. Spínat er sérstaklega gott með rjómaosti og er snið-
ugt að bræða ostinn í örlitlum rjóma og láta spínatið sjóða í blöndunni og hella svo yfir pasta.[ ]
SÓMABAKKAR
Nánari uppl‡singar á somi.is
*Gildir a›eins ef panta› er fyrir meira en 3.000 kr.
PANTA‹U Í SÍMA 565 6000 / FRÍ HEIMSENDING*
Ljúffeng máltíð með lágmarks fyrirhöfn
Balti • Korma • Sweet & Sour • Tikka Masala
Svitinn sprettur fram á
ennið við fyrsta bitann
Þorláksmessa nálgast og þá gæða margir sér
á skötu. Steingrímur Ólason í fiskbúðinni við
Sundlaugarveg segir vinsældir þessa vest-
firska lostætis sífellt vera að aukast.
„Flestir kaupa skötuna tilbúna í pottinn saltaða og
svona miðlungs kæsta. Samt fær hún mann alveg til
að hósta svolítið og svitann til að spretta fram á
ennið við fyrsta bitann,“ segir Steingrímur og brosir
sínu glettnislega brosi. Hann býður líka upp á vest-
firska skötu sem eingöngu er kæst. „Hana verður að
salta í pottinn,“ segir hann en kveðst ekki geta gefið
fólki ráð um hversu mikið á að salta. „Það verður að
vera „að hætti hússins“ enda fer það eftir smekk
hvers og eins,“ segir hann og bendir í þriðja lagi á
smáskötu. „Þetta er vestfirska tindabikkjan, hún er
fyrir þá sem vilja gráta þegar þeir borða!“
Steingrímur viðurkennir að skötunni fylgi sterk
lykt þegar hún er elduð en bendir á hvernig lág-
marka megi óþægindin. „Það er mikilvægt að hella
soðinu niður um leið og búið er að veiða skötuna upp
úr því og þvo pottinn strax með sápu og eins að
henda afgöngunum um leið og búið er að borða því
hvort tveggja gefur sterka lykt,“ segir hann.
Steingrímur segir þá sem ekki borði skötu fá sér
gjarnan saltfisk á Þorláksmessu. Hann fæst líka til-
búinn í pottinn hvort sem er útflattur, í flökum, eða
sem þunnildi. „Þunnildi af stórum fiski eru herra-
mannsmatur,“ bendir Steingrímur á en segir þó sköt-
una langvinsælasta. „Mér finnst neysla skötu á
Þorláksmessu fara vaxandi ár frá ári. Það er orðið
svo algengt að fólk safnist saman í skötuveislur,“
segir hann. Með skötunni er borðaður vestfirskur
hnoðmör eða hamsatólg. Steingrímur segir hnoðmör-
inn bræddan í vatnsbaði. „Sumir búa til skötustöppu
úr skötu og hnoðmör en þá er ég farinn að tala um
matreiðslu sem ég er ekki nógu kunnugur. Hinsveg-
ar veit ég að rúgbrauð, rófur og kartöflur eru ómis-
sandi atriði með skötunni,“ segir hann að lokum.
gun@frettabladid.is
Með tilkomu bjórsins hefur drykkjuhefð breyst til hins
betra hér landi að margra mati. Í kjölfar bjórsins hafa aðrar
vörur með alkólinnihaldi um 5% fylgt á eftir svo sem áfeng-
ar gosblöndur. Einnig hafa fengist drykkir sem margir þekk-
ja óáfenga úr stórmörkuðum, síder (cider) sem er að upp-
lagi ávaxtavín og fellur því undir lægri tollaflokk en þeir
drykkir sem eru blandaðir sterku víni. Eru því betri kaup í
slíkum drykkjum en gosblöndum aukinheldur sem síderinn
verður að teljast töluvert heilnæmari!
Í Vínbúðunum Heiðrúnu og í Kringlunni er fáanlegur mest
seldi síder Svíþjóðar, Rekordelig Cider. Í Svíþjóð er rík hefð
fyrir síder og Svíar stórtækir í framleiðslu. Rekordelig Cider
fæst í fjórum bragðtegundum, skógarberja, ástríðuávaxta,
peru og stikkilsberja. Cider er tilvalinn fordrykkur eða bara
einn og sér og sniðugur fyrir þá sem ekki vilja bjór.
Verð í Vínbúðum 256 kr.
REKORDELIG CIDER:
Sniðugur fyrir þá sem ekki vilja bjór
Nýtt í Vínbúðum
Steingrímur segir flesta kjósa miðlungs kæsta skötu.
FR
ÉT
TA
B
LA
Ð
IÐ
/V
AL
LI
Brjálaðist út
af samloku
Devlin B. Nelson var staddur
á veitingastað í Houston í
Bandaríkjunum.
Hann pantaði
sér ostasamloku
og reiddist svo
um munaði því
honum fannst
samlokan of köld. Framkvæmdastjóri
staðarins bauðst til að bæta honum
þetta upp en Nelson henti lokunni í
stjórann og vildi endurgreiðslu. Því
næst hafði hann uppi morðhótanir í
garð hans og hótaði að sprengja veit-
ingastaðinn í loft upp. Lögreglan var
fljót á staðinn og handtók Nelson en
þetta sýnir okkur hve ástríðufullt fólk
getur orðið út af matnum sínum. ■
48-49 (8-9) Allt matur ofl 16.12.2004 13.33 Page 2