Fréttablaðið - 18.12.2004, Blaðsíða 8
18. desember 2004 LAUGARDAGUR
Barnabólusetningar:
Landlæknir gagnrýnir
ummæli í útvarpi
HEILBRIGÐISMÁL Landlæknisemb-
ættið hefur gagnrýnt ummæli um
barnabólusetningar, sem látin
voru falla á Útvarpi Sögu.
Þar kom fram að tveir viðmæl-
endur þáttastjórnandans, annar
sálfræðingur, vöruðu foreldra ein-
dregið við notkun bólusetninga til
barna þeirra og báru við að bólu-
setningar gætu verið hættulegar,
hefðu slæm áhrif á ónæmiskerfi
og gætu stuðlað að eyrnabólgum.
Í ljósi heilsufars barna hér-
lendis er mikilvægt að réttar upp-
lýsingar um árangur barnabólu-
setninga séu ítrekaðar enn einu
sinni, segir landlæknir. Hann
bendir á að ein af meginástæðun-
um fyrir auknu langlífi Íslendinga
á liðinni öld sé sú að ungbarna-
dauði minnkaði verulega og þar
réði mjög miklu að alvarlegir
barnasjúkdómar á borð við barna-
veiki og mislinga voru kveðnir í
kútinn með bólusetningum. Eins
og flestir viti sé bólusetning
ónæmisaðgerð til að koma í veg
fyrir alvarlegan smitsjúkdóm,
svo sem barnaveiki, stífkrampa,
kíghósta, mænusótt, mislinga,
hettusótt eða rauða hunda, og loks
sé bólusett gegn tveimur bakterí-
um er valda bakteríu-heilahimnu-
bólgu í börnum og ungu fólki.
„Því er ástæða til þess að and-
mæla þeim sjónarmiðum er fram
komu í nefndum útvarpsþætti
sem ósönnuðum og röngum,“
segir Sigurður Guðmundsson
landlæknir. ■
Spáð er hvítum jólum
fyrir norðan og vestan
Á bilinu 65 til 95 prósent líkur eru á snjókomu á Norðurlandi og Vestfjörðum á jóla-
dag. Um 35 til 65 prósent líkur eru á hvítum jólum annars staðar á landinu.
VEÐUR Meira en 65 prósent líkur
eru á því að frost verði á landinu
öllu á jóladag, samkvæmt veður-
spá Evrópsku reiknimiðstöðvar-
innar í Reading í Englandi. Lík-
urnar á úrkomu, sem að lang-
mestu leyti myndi falla sem
snjókoma, eru á bilinu 35 til 95
prósent. Út frá þessu er nánast
öruggt að það snjói á annesjum
norðanlands og Vestfjörðum.
„Mikil þróun er í spám og
myndrænni framsetningu á
ýmsu sem tölvulíkönin eru að
búa til,“ segir Einar Svein-
björnsson, veðurfræðingur hjá
Veðurstofu Íslands. „Það hefur
nánast orðið bylting síðustu
fimm til tíu árin.“
Einar segir að aðferðin sem
beitt sé við spánna sé í stórum
dráttum sú að gerðar séu um 50
keyrslur á veðurlíkani þar sem
upphafsgildum sé hnikað lítil-
lega. Í einni keyrslunni er spáð
snjókomu norðanlands tiltekinn
dag á meðan önnur gerir það
ekki og svo framvegis. Hann
segir að samanlagt gefi þessar
50 tölvukeyrslur á einni öflug-
ustu tölvu heims líkindadreif-
ingu á ýmsum veðurþáttum.
Spárnar hafi sömu annmarka og
aðrar tölvureiknaðar veðurspár.
Mikið dragi úr áreiðanleika
þeirra eftir 6 til 8 daga.
Veðurstofan hefur ekki enn
gefið út formlega spá fyrir jóla-
veðrið í heild sinni. Spá fyrir að-
fangadag birtist í dag og á morg-
un verður spáð í jóladagsveðrið.
Einar segir að tölvuspárnar frá
Reading muni koma að góðum
notum við gerð þeirra spáa eins
og ætíð þegar Veðurstofan vinni
sínar veðurspár sex daga fram í
tímann.
trausti@frettabladid.is
Jólablað Gestgjafans er
komið í verslanir
Áskriftarsími: 5155500
164síður af frábæru
jóla- og áramótaefni
12. tbl. 2004, verð 899 kr. m. vsk.
5 690691 160005
Gestgjafinn 12. tbl.2004
Jólablað
jólablað
matur og vín
villibráð í veisluna-hreindýr, önd, gæs
meðlætið ogsósurnar
jólaveislan - áramótaveislan
150
uppskriftir
kalkúnakræsingar
Tónlist sem skiptir máli
www.Smekkleysa.is
Sigvaldi Kaldalóns
Svanasöngur á heiði
Hér er að finna mörg þekktustu
einsöngslög Sigvalda.
Flytjendur eru Sigrún Hjálmtýsdóttir,
Jóhann F. Valdimarsson, Sigríður
Aðalsteinsdóttir, Sesselía
Kristjánsdóttir, Snorri Wium, Ólafur
K. Sigurðarson og Jónas
Ingimundarson.
Björgvin Guðmundsson
Hljómblik
Landslið okkar þekktustu tónlist-
armanna og hópa leggst hér á eitt
við að koma völdum verkum eftir
þennan lagvísa frumkvöðul á
framfæri í fyrsta sinn.
Eivör, Diddú, Karlakórinn
Fóstbræður og margir fleiri koma við
sögu á þessari spennandi útgáfu.
Þórarinn Jónsson
Heildarútgáfa
Samtímamaður Jóns Leifs. Þetta ein-
staklega vandaða tveggja platna sett
inniheldur heildarútgáfu
einsöngslaga og kórverka á
rammíslenskri tónlist Þórarins.
Flytjendur: Sigrún Hjálmtýsdóttir,
Ólafur Kjartan, Ingveldur Ýr, Garðar
Thor, Bergþór Pálsson, Anna Guðný
og Karlakórinn Fóstbræður.
BÓLUSETNING
Ummæli um bólusetningar í útvarpi ósönn
og röng, segir landlæknir.
ÚRKOMUSPÁ FYRIR JÓLIN
Á kortinu má sjá spá um líkur á úrkomu frá klukkan 12 á aðfangadag
til 12 á jóladag. Á milli 65 og 95 prósent líkur eru á að úrkoma verði
meiri en 1 mm á annesjum norðanlands og á Vestfjörðum. Sú úrkoma
félli þá sem snjókoma út frá líkindaspánni um lofthitann. Líkurnar á
snjókomu 1 mm eða meiri eru minni annars staðar á landinu eða á
milli 35 og 65 prósent.
HITASPÁ FYRIR JÓLADAG
Á kortinu má sjá spá um líkur á því að hitinn verði undir frost-
marki klukkan 12 á jóladag. Gert er ráð fyrir að líkur á frosti
séu meiri en 65 prósent á landinu öllu. Yfir 95 prósent líkur
eru á því að frost verði norðanlands og á Vestfjörðum sem og
á hálendinu. Spáin segir hins vegar ekkert til um það hversu
mikið frostið verði. Til samanburðar eru frostlíkurnar innan við
5 prósent á Írlandi þennan sama dag.
5%
100%
95%
65%
35%
5%
100%
95%
65%
35%
08-09 17.12.2004 20:45 Page 2