Fréttablaðið - 18.12.2004, Blaðsíða 10

18. desember 2004 LAUGARDAGUR
Félag íslenskra bifreiðaeigenda:
Kvörtunum vegna
Bandaríkjabíla fjölgar
BÍLAKAUP Kvörtunum hefur heldur
farið fjölgandi að undanförnu í kjöl-
far bílakaupa einstaklinga beint frá
Bandaríkjunum, að sögn Stefáns
Ásgrímssonar hjá Félagi íslenskra
bifreiðaeigenda. Þangað berast nú
einhverjar kvartanir í viku hverri.
Landsmenn hafa í auknum mæli
notfært sér lágt gengi dollarans og
keypt bíla beint frá Bandaríkjunum,
eins og Fréttablaðið greindi frá fyrr
í vikunni. Meðal annars hafa bílar
verið keyptir af uppboðsmarkaðin-
um eBay.
Stefán sagði að þeir sem leituðu
til FÍB með sín mál væru með bíla
sem hefðu bilað eða reyndust jafn-
vel vera tjónaðir, sem þeir hefðu
ekki átt að vera við kaupin.
„Bílar eru framleiddir fyrir til-
tekin markaðssvæði og þeir bílar
sem þarna eru keyptir í eins konar
lausasölu eru ekki fyrir Evrópu-
markað,“ sagði Stefán. „Framleið-
endaábyrgð á þeim gildir einfald-
lega ekki hér, þannig að menn geta
setið uppi með skaða. Ef þeir vilja
sækja rétt sinn verða þeir einfald-
lega að fá sér lögfræðing og fara í
mál.“
Stefán sagði nauðsynlegt að fólk
vissi af því að ekki væri hægt að
sækja ábyrgðir til umboða hér
vegna bíla sem það hefði keypt og
flutt inn. - jss
Samþykkja sjálfstæði
Kýpur-Grikkja
Evrópusambandið náði tímamótasamkomulagi við tyrknesk stjórnvöld í gær.
Tyrkir hafa fallist á kröfu sambandsins um að viðurkenna stjórn Kýpur-Grikkja.
TYRKLAND Tyrknesk stjórnvöld
hafa fallist á kröfu Evrópusam-
bandsins um að viðurkenna
stjórn Kýpur-Grikkja á Kýpur.
Fréttastofa BBC greindi frá
þessu í gær. Samkomulagið er
forsenda þess að viðræður milli
Tyrklands og Evrópusambands-
ins um aðild Tyrkja að samband-
inu geti hafist.
Tyrkir þurfa að leggja fram
skriflega yfirlýsingu um að þeir
samþykki stækkun sameiginlegs
tollabandalags með tilkomu nýju
aðildarríkjanna en á meðal þeirra
er Kýpur, sem er í Evrópusam-
bandinu. Þessi yfirlýsing verður
að liggja fyrir fyrir þann 3. októ-
ber á næsta ári og þá geta aðild-
arviðræður hafist. Tyrkir, sem
ráða yfir norðurhluta Kýpur,
höfðu áður þvertekið fyrir að við-
urkenna stjórn Kýpur-Grikkja.
Joschka Fischer, utanríkisráð-
herra Þýskalands, lýsti í gær yfir
ánægju með samkomulagið. Tony
Blair, forsætisráðherra Bret-
lands, blés á þær gagnrýnisradd-
ir sem sagt hafa að Tyrkland eigi
ekki heima í Evrópusambandinu,
menningarheimur Tyrkja sé of
ólíkur evrópskri menningu.
„Þó að Tyrkland sé íslamskt
ríki þýðir það ekki að landið eigi
að verða útilokað frá Evrópu,
heldur þvert á móti,“ sagði Blair.
„Ef það uppfyllir mannréttinda-
skyldur sínar geta múslimar og
kristnir vel búið og unnið saman.“
Þó að viðræður milli Tyrklands
og Evrópusambandsins hefjist
hugsanlega á næsta ári getur það
tekið Tyrkland allt að fimmtán ár
að verða aðili að Evrópusamband-
inu. Svo langt og flókið er samn-
ingaferlið. Þá er alls ekki víst að al-
menningur í Tyrklandi sætti sig við
að sjálfstæði Kýpur-Grikkja verði
viðurkennt. Á það mun reyna á
næstu mánuðum. ■
VEGAGERÐ Framkvæmdir við tvö-
földun akreina á Vesturlandsvegi,
frá Víkurvegi í Grafarvogi að
Skarhólabraut í Mosfellsbæ,
standa yfir. Verklok eru áætluð í
október á næsta ári.
Hafliði Jónsson, verkefnastjóri
á suðvestursvæði hjá Vegagerð
ríkisins, segir Jarðvélar vinna
verkið. Fyrirtækið hafi átt lægsta
boð, 576 milljónir króna.
Jóhann Bergmann, deildarstjóri
framkvæmda á norðvestursvæði,
segir framkvæmdirnar ganga
ágætlega: „Hins vegar erum við á
eftir áætlun með að hleypa umferð-
inni á nýja veginn til bráðabirgða.
Það orsakast af magnaukningu í
jarðvinnu en er ekki til neinna
vansa og háir verkinu ekki í heild.“
Hafliði segir tvö hringtorg
verða á leiðinni, annað við Úlfars-
fellsveg og hitt við Korpúlfsstaða-
veg. Ekki verði miklar tafir á um-
ferð en hún verði leidd um hjáleið-
ir: „Næsta sumar hefjast fram-
kvæmdir við að byggja nýjar brýr
yfir Úlfarsá. Við það verða þreng-
ingar og tafir á umferð þar.“
- gag
Vi› segjum fréttir
Flestir velja Fréttablaðið!
Fréttablaðið er sá miðill sem flestir Íslendingar velja
sem sinn á hverjum degi
Vertu séður, auglýstu þar sem viðskiptavinur þinn er.
69%
FBL MBL
49%
GALLUP NÓV. 2004
TVÆR AKREINAR Í HVORA ÁTT
Unnið er að tvöföldun Vesturlands-
vegar, frá Víkurvegi í Grafarvogi að
Skarhólabraut í Mosfellsbæ.
Unnið að tvöföldun Víkurvegar fram í
október á næsta ári:
Jarðvinna tefur
framkvæmdir
INNFLUTNINGUR
Landsmenn hafa notfært sér lágt gengi
dollarans og keypt bíla beint frá Bandaríkj-
unum.
AÐILD Á NÆSTA LEITI
Tyrknesk kona gengur undir skilti sem sýnir hvernig fánar Tyrklands og Evrópusambands-
ins eru að renna saman.
10-11 17.12.2004 20:31 Page 2