Fréttablaðið - 18.12.2004, Blaðsíða 42

Olían skiptir máli
Athugaðu olíuna reglulega því vél sem er ósmurð getur auðveldlega brennt úr
sér og eyðilagst. Fólk sem sækir sér bensín aðeins í gegnum sjálfsafgreiðslu á
það til að gleyma að athuga olíuna og jafnvel kann það ekki. Lærðu að gera
það eða láttu aðstoða þig á næstu afgreiðslubensínstöð.[ ]
ALLT Á EINUM STAÐ
• HEILSÁRSDEKK
• OLÍS SMURSTÖÐ
• BÓN OG ÞVOTTUR
• HJÓLBARÐAÞJÓNUSTA
• NAGLADEKK
• RAFGEYMAÞJÓNUSTA
• BREMSUKLOSSAR
• PÚSTÞJÓNUSTA
SBD, SÆTÚNI 4, SÍMI 562 6066
Öryggis-
hurðir
B Í L S K Ú R S
OG IÐNAÐAR H U RÐ I R
Smíðað
eftir máli
Hurðir til
á lager
Eldvarnar-
hurðir
ÁRMÚLA 42 - SÍMI 553 4236
Bíldshöfða 18 • 110 Rvk
Sími 567 6020 • Fax 567 6012
opið mán. - fös. kl. 8.00 - 18.00
www.abvarahlutir.is • ab@abvarahlutir.is
B O S S A V E R M I R
Er kalt í bílnum?
Sætisáklæði í bílinn með hita
Aðeins 4.900 kr
Klettháls 9 • s: 587 5547 • www.ag-car.is/motorsport
Fæst einnig hjá
Bónstöðinni,
Njarðarnesi 1,
Akureyri
Ford Mustang sportbíll sem stendur gljáandi fagur í sýningarsal Brimborgar.
Um er að ræða dýrustu og flottustu úgáfu af bílnum
eða svokallaða GT-útgáfu með V8-vél sem skilar 300
hestöflum. Sýningarbíllinn sem stendur í sýningarsal
Brimborgar er virkilega glæsilegur, gljáandi svartur
að utan, með rauðu leðuráklæði að innan og skartar
18“ álfelgum og öflugustu hljómflutningstækjum sem
völ er á. Brimborg hefur nú þegar tekið við staðfest-
um pöntunum á nokkrum bílum. Sölumenn Brimborg-
ar hafa fundið fyrir gífurlegum áhuga á sýningarbíln-
um og er nú unnið að því að útvega fleiri bíla. Er þetta
í samræmi við mikinn áhuga á þessum bíl í Bandaríkj-
unum en Ford Mustang hefur verið vinsælasti sport-
bíll í Bandaríkjunum frá því hann kom á markað árið
1964.
Grunngerðin á Ford Mustang 2005 kostar frá kr.
2.780.000 með V6-vélinni. Í GT-útfærslu með V8-vél-
inni verður hann frá kr. 3.700.000. Sýningarbíllinn
sem Brimborg pantaði til landsins með öllum hugsan-
legum búnaði kostar rúmar 4,2 milljónir. Verð Brim-
borgar innifelur allan kostnað við að koma bílnum á
götuna og full þriggja ára ábyrgð er innifalin. ■
Hæsta einkunn
Audi A6 í árekstraprófi.
Audi A6 fékk bestu einkunn í
árekstraprófi Euro NCAP. Hinn
nýi Audi A6 náði besta árangri
sem náðst hefur í flokki stórra
fólksbíla í tilraunum með öryggi í
akstri. Audi A6 náði samtals 33,30
stigum og var sæmdur fimm
stjörnum fyrir öryggi í akstri.
Hann varð þannig efstur í þessum
flokki.
Í fréttatilkynningu frá Heklu,
sem hefur umboð fyrir Audi hér á
landi, er bent á að hönnuðir Audi
leggi mjög hart að sér við að
tryggja öryggi bílstjóra og far-
þega eins og framast er unnt. Bíll-
inn er búinn ýmiss konar öryggis-
búnaði, eins og nýjustu útgáfunni
af háþróuðu rafrænu hemlakerfi
og úrvals ökuljósum. Allt er gert
til að tryggja að ökumaður eigi
sem auðveldast með að stjórna
bílnum án þess að þreytast og gott
útsýni til allra átta tryggir öllum
vegfarendum mikið öryggi. ■
Áfram veginn
Einar Elí Magnússon kemst leiðar sinnar
Vinstri umferð
Árið 1907 var ákveðið að hér á landi skyldi vera vinstri umferð. Það
var einkum gert vegna ríðandi kvenfólks sem notaði söðla og sat með
báða fætur á vinstri síðu hestsins. Það var svo árið 1968 sem skipt
var yfir í hægri umferð, líklega vegna þess að kvenfólk í söðlum var
þá orðið fátíð sjón. Samt eru þeir furðumargir enn þann dag í dag
sem sakna þess að keyra vinstra megin og halda sig eins nálægt vin-
stri vegarhelmingi og þeir geta.
Þar sem fleiri en ein akrein eru gildir sú regla að hæg umferð
heldur sig hægra megin (einfalt að muna: Hægt = hægri) og hleypir
þeim sem vilja fara hraðar fram úr sér vinstra megin. Þá vaknar sú
spurning hvenær maður keyri nægilega hægt til að eiga að vera á
hægri akgreininni. Einfaldasta svarið kunna allir sem hafa keyrt á
Autobahn í Þýskalandi: „Þegar þú ert fyrir bílnum fyrir aftan þig“.
Þar í landi er þessi góða regla virt í hvívetna, enda bjóða fá lönd í
Evrópu upp á jafn ánægjulega og auðvelda umferðarmenningu og
Þýskaland. Á hraðbrautunum eru 3-5 akreinar og ökumaður velur ak-
rein eftir umferðarhraða. Á Íslandi eru þeir bílar alltaf fremstir sem
ekið er hægast, og keyra hlið við hlið.
Auðvitað skiptum við um akrein ef við ætlum að beygja til vinstri,
en það þarf ekki að gera það fleiri kílómetrum áður og stífla með því
umferðaræð.
Það er ekki hlutverk borgaranna að stilla umferðarhraða annarra
ökumanna. Slíkt háttalag getur orsakað óhöpp, ekki síður en
hraðakstur og aðrir ósiðir í umferðinni. Þá hangir stressaða liðið fyr-
ir aftan okkur, helst ekki meira en svona 30 sentímetrum, og leitar
logandi ljósi að glufu til að skjótast fram úr okkur. Fjarlægð milli
bíla er ofmetin og flest höfum við nokkuð góða hugmynd um hvað
gerist þá.
Munum því þessa einföldu reglu þegar við keyrum á vinstri akrein:
Ef við keyrum ekki hraðar en umferðin hægra megin við okkur skul-
um við víkja yfir á þá akrein og leyfa umferðinni að hafa sinn gang.
Konur ríðandi í söðli eru sérstaklega beðnar um að halda sig bæði
frá hægri og vinstri akrein og nota frekar reiðstíga, sé það möguleiki.
Gljáandi svartur Ford Mustang
Nýr Ford Mustang 2005 er kominn til landsins og stendur í sýningarsal Brimborgar.
Bíllinn er klæddur að innan með eldrauðu leðuráklæði.
42-43 (2-3) bílar ofl lesið 17.12.2004 14:49 Page 2