Fréttablaðið - 18.12.2004, Blaðsíða 25
Með skattabreytingum sínum telur
ríkisstjórnin sig ná mest og best til
fjölskyldna með millitekjur, unga
fólksins með mestu greiðslubyrðina.
Það er fólkið sem greiðir 10-20 pró-
sent af tekjum sínum í afborganir af
húsnæðislánum. Þetta fólk er líka að
greiða stóran hluta af tekjum sínum
í afborganir af námslánum og þess
vegna er mikilvægt að ná til þessa
hóps,“ segir Halldór. Hann telur lítt
marktækt að bera saman hópa, fólk
með 400 þúsund í mánaðartekjur
við fjölskyldur með tvær milljónir í
mánaðartekjur eða einstætt foreldri
með 150 þúsund á mánuði. Það séu
mjög fáir með hæstu tekjurnar og
þess vegna sé sá samanburður lítt
marktækur. Hann telur mestu skipta
að ná til millitekjufólksins sem beri
uppi langstærstan hluta skattanna.
Til þessa fólks náist ekki nema með
því að lækka skattprósentuna.
Halldór minnir á að skattprósentan
hafi verið 35,2 prósent þegar stað-
greiðslukerfið var tekið upp
1987/1988 og þá hafi verið sam-
staða í öllum stjórnmálaflokkum um
að hafa skattprósentuna ekki hærri,
t.d. til að koma í veg fyrir skattsvik.
Þetta sé einfalt kerfi sem eftirsóknar-
vert sé að halda í. Til að ná meiri
jöfnuði þurfi að flækja kerfið með
fleiri skattprósentum og það sé and-
stætt þróuninni í nágrannalöndun-
um. „Einfaldleikinn í íslenska skatt-
kerfinu er mikils virði.“
Barnabætur líka til þeirra
tekjuháu
Halldór segir koma til álita að lækka
matarskattinn en hefur greinilega
ekki mikla trú á þeirri jöfnunarleið.
„Þeir sem eru með meiri tekjur eyða
meiru í mat en þeir sem eru með
minna í tekjur. Barnabæturnar eru
besta jöfnunartækið og við erum að
beita því í stórum mæli,“ segir hann
og telur jöfnunina koma vel út eftir
skattabreytingarnar þó að þeir tekju-
hæstu fái líka myndarlegar ótekju-
tengdar barnabætur til viðbótar við
annan ávinning. „Þeir fá skertar
barnabætur þó að þær séu óskertar
með yngstu börnunum. Það kemur
vel út í öllum útreikningum,“ segir
hann.
Halldór telur skattabreytingarnar
góðar. Kaupmáttur fjölskyldna í land-
inu hækki á bilinu 6-10 prósent á
sama tíma og meðalkaupmáttur
hækki um 4-4,5 prósent. „Stóra
spurningin er hvort við viljum halda í
þetta kerfi sem við tókum upp
1987/1988 með 35 prósenta skatti
eða viljum við fara frá því. Ég tel
rangt að víkja frá því. Mér finnst að
við eigum að nálgast aftur þá skatt-
prósentu sem við byrjuðum með og
það erum við að gera. Svo tókum
við upp fjármagnstekjuskatt á sínum
tíma og í því nefndaráliti var eindreg-
ið mælt með því að eignaskattar
yrðu lagðir niður enda er að mínu
mati miklu heilbrigðara að leggja
skatt á tekjurnar af eigninni í stað
þess að leggja skatt á eignirnar,“ seg-
ir hann.
Getum leyft okkur þetta
Skuldir ríkisins sem hlutfall af þjóðar-
framleiðslu hafa lækkað úr 35 pró-
sentum 1995 í 17 prósent í lok
næsta árs þannig að ríkissjóður er
með lægri skuldir en í nágranna-
löndunum. „Tekjur ríkisins hafa vaxið
svo mikið vegna aukinna þjóðar-
tekna að við getum leyft okkur það
að láta minni hluta af tekjuaukanum
renna inn í ríkissjóð. Þess vegna er
eðlilegt að nota hluta til að lækka
skatta. Ég tel að þarna sé farið fram
af fullri varúð,“ segir hann.
Reiknað er með að hagvöxtur
minnki á næstu árum og hafa hag-
fræðingar lýst áhyggjum sínum
vegna þess. Halldór bendir á að nýj-
ar og ófyrirsjáanlegar fjárfestingar
geti komið upp, til dæmis sé áhugi á
að halda áfram uppbyggingu í orku-
frekum iðnaði og þjónustuiðnaður-
inn vaxi mjög mikið. „Hagvöxtur milli
þriðja ársfjórðungs 2003 og þriðja
ársfjórðungs 2004 er yfir sjö prósent-
um þannig að það gengur mjög vel í
efnahagsmálum Íslendinga. Þess
vegna finnst mér engin ástæða til
annars en að vera bjartsýnn.“
ghs@frettabladid.is
25LAUGARDAGUR 18. desember 2004
HALLDÓR ÁSGRÍMSSON
Forsætisráðherra telur að farið
sé fram af varúð í skattabreyt-
ingum ríkisstjórnarinnar. Nýjar
og ófyrirsjáanlegar fjárfestingar
geti komið upp á næstu árum
og því sé „engin ástæða til ann-
ars en að vera bjartsýnn“.
Halldór Ásgrímsson forsætisráðherra telur að
skattabreytingar ríkisstjórnarinnar komi þorra fólks
til góða, fólkinu með millitekjurnar. Þetta fólk sé með
mestu greiðslubyrðina í þjóðfélaginu.
Ástæða til bjartsýni
FRÉTTAB
LAÐ
IÐ
/G
VA
24-25 (360) Skattabreytingar 17.12.2004 14.29 Page 3