Fréttablaðið - 18.12.2004, Blaðsíða 18

18
MEÐALFULLNÆGING KONUNNAR
TEKUR 13-51 SEKÚNDU
Samkvæmt bókinni Fullnæging eftir
Katerinu Janouch.
SVONA ERUM VIÐ
„Mál hafa þokast nokkuð áfram, en
þó eru vandamál til staðar sem enn
eru óleyst,“ sagði Gunnar Snorri
Gunnarsson, ráðuneytisstjóri í utanrík-
isráðuneytinu, þegar hann var spurður
að því hvað liði úrlausn mála sem
snerta kaup og kjör starfsmanna
Bandaríkjahers á Keflavíkurflugvelli.
Í sumar féll dómur í máli Verkalýðs-
og sjómannafélags Keflavíkur á hend-
ur Varnarliðinu vegna vanefnda á
greiðslu starfsmenntaálags, en að
auki kom á árinu í ljós að umsamdar
launaskriðshækkanir skiluðu sér ekki
til starfsfólks. Í sumar sagði Gunnar
Snorri að ríkið greiddi það sem upp á
vantaði á launagreiðslur Bandaríkja-
hers til starfsmanna í málum þar sem
dómur væri fallinn, en ætti svo gagn-
kröfu á bandarísk stjórnvöld. „Við
höfum komið á framfæri slíkum kröf-
um, en ekki hefur borist uppgjör eða
greiðslur til baka, þannig að þær eru
útistandandi,“ sagði Gunnar Snorri og
áréttaði að staðan væri dálítið flókin.
Hann segir herinn bundinn af
ákveðnu hámarksþaki í launagreiðsl-
um auk ákvæða í lögum um að
launahækkanir megi ekki vera hraðari
en hækkanir hjá opinberum starfs-
mönnum hér. „Samkvæmt þeirra
reiknireglum telja þeir að launaskrið
starfsmanna sé meira en gerist og
gengur á markaði hér,“ sagði hann og
bætti við að enn væri unnið í málinu.
Í sumar stóðu vonir til þess að í kjöl-
far dómsins næðist lending í málum
annarra starfsmanna og segir Gunnar
Snorri það hafa gengið eftir í nokkrum
tilvikum. „En þó ekki öllum.“
Ríkið á útistandandi kröfur á Bandaríkin
EFTIRMÁL: KJARAMÁL STARFSFÓLKS BANDARÍKJAHERS Á KEFLAVÍKURFLUGVELLI
18. desember 2004 LAUGARDAGUR
Hrærður yfir viðtökunum
Raggi Bjarna fékk afhenta gullplötu í gær fyrir sölu á 5.500 eintökum af nýju
geislaplötunni. Útgáfufyrirtækin vildu ekki gefa plötuna út svo hann gaf hana
út sjálfur. Hann hefur þegar selt fyrir útlögðum kostnaði.
ÚTGÁFA „Ég er bara mjög hrærður
yfir því hve platan hefur selst
vel,“ sagði söngvarinn ástsæli
Raggi Bjarna þegar honum var
óskað til hamingju með fyrstu
gullplötuna á ferlinum, sem hann
fékk þegar afmælisplatan Vertu
ekki að horfa hafði selst í meira
en 5.500 eintökum. „Þetta er
fyrsta gullplatan sem ég fæ per-
sónulega, en í gamla daga var ekki
talið eins og í dag, þótt salan væri
góð. Plata Sumargleðinnar fór í
gull 1981 og ég var á henni ásamt
fleiri góðum listamönnum,“ segir
Raggi, sem sjálfur gaf út afmælis-
plötuna sem inniheldur lög frá
hálfrar aldar söngferli hans.
„Ég gerði það bara að gamni
mínu og vildi prófa það strax
þegar ekki samdist við þá tvo út-
gefendur sem ég talaði við. Auð-
vitað kostar skildinginn að gera
svona og allt eftir því hvað menn
leggja mikið í plötuna, en viðmið-
ið er þrjú til fjögur þúsund plötur.
Ég er að minnsta kosti kominn
réttu megin við strikið að borga
kostnaðinn,“ segir hann hlæjandi
og ánægður.
Þegar Raggi er spurður hvers
vegna platan fór í gull segir hann
ástæðuna vera þær gullnu melódí-
ur sem alltaf hafi vinninginn fram
yfir tískusveiflur. „Ég hafði alltaf
svo mikla trú á þessari plötu. Var
með toppfólk í hverju rúmi og það
hjálpar auðvitað mikið til við út-
komuna. Ég býst við að margir
samferðamenn mínir hafi keypt
plötuna svo og yngra fólkið sem
ólst upp við lögin mín og á við þau
ljúfar minningar.“
Raggi á sér draum um að
syngja inn á fallega jólaplötu um
næstu jól. „Ég hef ekki sungið
nema fjögur útgefin jólalög um
dagana; en það eru Hvít jól með
Ellý, Litli trommuleikarinn, Þegar
líða fer að jólum og nú lagið í jóla-
þætti Hemma; Vors barn er fætt.
Mig langar að fá almennilegan
mannskap í lið með mér og skella
mér í jólaplötu. Er einmitt með
þessa gamaldags Bing Crosby-
jólarödd,“ segir hann og hlær dátt
úti í snjónum. thordis@frettabladid.is
ar
g
u
s
–
0
4-
07
73
GUNNAR SNORRI GUNNARSSON
RÁÐUNEYTISSTJÓRI
Gunnar Snorri segir mál vegna deilna um
launagreiðslur Varnarliðsins sem náðu há-
marki í sumar hafa þokast nokkuð síðan þá,
en þó ekki svo að í þeim hafi náðst lending.
Jólablað Húsa og híbýla er komið út!
Áskriftasími: 515-5555
Netfang: askrift@frodi.is
Diddú, Ragnheiður Gröndal, Herdís Egilsdóttir og fleiri frægir pakka inn jólagjöfum. • Smekkmaðurinn Sævar Karl.
Jólahugmyndir og jólaskreytt heimili. • 101 hugmynd að jólagjöfinni í ár.
Kalt á Kára-
hnjúkum
VEÐUR Frostið var um tuttugu stig
á Kárahnjúkum í gær. Vindur var
hægur og skyggni ágætt.
Áfram verður kalt í veðri og
búast má við snjókomu á morg-
un.Virkjanaframkvæmdirnar
ganga ágætlega. Frost í jörðu
hefur ekki valdið teljandi töfum. ■
Bændur á ferð
FERÐALÖG Fjöldi bænda hyggst
leggja land undir fót á nýju ári og
kynna sér búskaparhætti í Dan-
mörku og á Nýja-Sjálandi.
Um 50 bændur hafa þegar boð-
að för sína á hina árlegu landbún-
aðarsýningu Agrómek sem frænd-
ur okkar Danir halda í janúar og
heldur fleiri, eða 60, ætla að sækja
andfætlinga okkar á Nýja-Sjálandi
heim um miðjan febrúar. ■
GULLKÁLFURINN RAGGI BJARNA
Gaf út afmælisplötuna sína sjálfur og seldi hana í 5.500 eintökum upp í gull. Hann langar að gera jólaplötu næst, en hefur aðeins sungið
fjögur útgefin jólalög á ferlinum.
FRÉTTAB
LAÐ
IÐ
/E.Ó
L.
18-19 (24klst) 17.12.2004 20:03 Page 2