Fréttablaðið - 18.12.2004, Blaðsíða 83
67LAUGARDAGUR 18. desember 2004
Tenderfoot - Without Gravity
PLÖTUBÚÐ FYRIR ÞÁ SEM VILJA ALVÖRU TÓNLIST.
KJÖRGARÐI - LAUGAVEGI 59
OPIÐ: VIRKA DAGA 12-18, FÖS. 12-19 OG LAU. 12-18
SÝNINGIN HUMAR EÐA FRÆGÐ OPIN DAGLEGA.
Jagúar - Hello Somebody!
Slowblow - SlowblowNúm - Summer Makes Good Jan Mayen - Home Of The Free IndeedSke - Feelings Are Great
Ný íslensk tónlist frá Smekkleysu SM
Björk - Medúlla
Söngkonan Beyoncé Giselle Knowles fæddist
4. september árið 1981 í Houston í Texas.
Fjölskylda hennar er frekar auðug og hún og
yngri systir hennar, Solange Knowles, fengu
strangt kristilegt uppeldi. Yngri systir henn-
ar hljóp stundum í skarðið á þeim tíma sem
Farrah átti það til að skrópa á tónleika. Hún
reyndi síðar fyrir sér sjálf í tónlistarbransan-
um með litlum árangri.
Þrátt fyrir að rödd Beyoncé hafi borið lög
Destiny’s Child uppi hefur stjarnan reynt
hvað hún getur til þess að deila sviðsljósinu
með frænku sinni Kelly Rowland og Michelle
Willams. Hún er frekar þekkt fyrir málamiðl-
anir en ekki sömu launráð og Diana Ross
bruggaði í sönghópi sínum The Supremes.
Helstu góðgerðarmál sem Beyoncé hefur
tekið þátt í eru að styðja við bakið á Nelson
Mandela í mannréttindabaráttu hans.
Beyoncé virðist hafa þó nokkurn áhuga á
kvikmyndaleik. Auk þess að hafa leikið í
Austin Powers-myndinni og hiphop-útgáfu
óperunnar Carmen fór hún með annað aðal-
hlutverk myndarinnar The Fighting Temp-
tations. Þar lék hún á móti Óskarsverðlauna-
leikaranum Cuba Gooding Jr. Næst sjáum við
hana leika í kvikmyndinni The Pink Panther,
þar sem Steve Martin setur sig í hlutverk
varðstjórans Clouseau sem Peter Sellers
gerði ódauðlegan. Hlutverk hennar þar er þó
ekki stórt. ■
Beyoncé fékk kristilegt uppeldi
BEYONCÉ GISELLE KNOWLES
Hún er aðalstjarnan í Destiny’s Child en reynir
að miðla málum svo stöllur hennar komist að.
Og þá voru eftir þrjár
Stúlkurnar ákváðu að halda áfram
sem tríó í stað þess að bæta við
annarri stúlku. Árið 2000 hafði ver-
ið skipbrotsár fyrir stúlkurnar,
þrátt fyrir gífurlegar vinsældir, og
þar með fæddist sú mynd sveitar-
innar sem við þekkjum í dag.
Beyoncé, Kelly og Michelle
hljóðrituðu það árið lagið
Independent Woman pt. 1 fyrir
kvikmyndina Charlie’s Angels og
áttu þar með sinn stærsta smell.
Lagið eyddi 11 vikum í toppsæti
bandaríska smáskífulistans og fjöl-
miðlar kepptust við að nefna sveit-
ina stærstu R&B-sveit allra tíma.
Eftir öll vandræði ársins á undan
fundu stúlkurnar metnað og kraft
til þess að gera þriðju plötu sína,
Survivor.
Titillag plötunnar var tilvísun í
spaug þar sem útvarpsmaður í Los
Angeles líkti sveitinni við þátttak-
endur í raunveruleikaþáttinn vin-
sæla Survivor. Hann gerði þannig
grín að örum mannabreytingum
innan sveitarinnar með því að segja
að þær væru að kjósa hverja aðra
burt, eina á eftir annarri. Lína í lag-
inu varð svo til þess að LaToya og
LaTavia ákváðu að kæra Beyoncé
og Kelly aftur, í þetta skiptið fyrir
að skjóta illilega á sig með línunni
„Thought I wouldn’t sell without
you, sold nine million,“ sem þær
tóku afar persónulega. Þegar þær
höfðu náð „sáttum“ við stúlkurnar í
fyrri deilunni var klausa í samning-
um sem bannaði öllum stúlkunum
að tjá sig um málið opinberlega og
töldu þær LaToya og LaTavia þetta
vera brot á því samkomulagi.
Með fráhvarfi LaToyu og La-
Taviu öðlaðist Beyoncé meira frelsi
innan sveitarinnar og fékk nú að út-
setja nokkur lög á þriðju plötunni
sjálf. Aðallega sá hún um raddút-
setningar en stúlkan hafði orð á sér
fyrir að vera vandvirk í hljóðverinu.
Stuttu síðar greindu stúlkurnar
frá því að þær ætluðu sér allar
þrjár að einbeita sér að því næstu
tvö árin að hrinda af stað sólóferl-
um sínum. Margir ályktuðu að þar
með væru dagar Destiny’s Child
taldir.
Destiny’s Child fer í stutta pásu
Michelle Williams varð sú fyrsta
til þess að gefa út sólóplötu. Hún
heitir Heart to Yours og hún átti
töluverðum vinsældum að fagna á
kristnum útvarpsstöðvum í Banda-
ríkjunum.
Kelly sló rækilega í gegn í
heimalandinu með plötu sinni
Simply Deep. Lagið Dilemma, sem
hún gerði með stórstjörnunni
Nelly, varð gífurlega vinsælt og
saman hrepptu þau Grammy-
verðlaunin fyrir lagið.
Beyoncé tók sér örstutt frí frá
tónlist, varð ástfangin af rapparan-
um Jay-Z og einbeitti sér að kvik-
myndaleik. Hennar fyrsta hlut-
verk var í hiphop útgáfu Carmen-
óperunnar sem VH1 framleiddi.
Henni var strax boðið hlutverk í
þriðju mynd Mike Myers um
njósnarann Austin Powers. Þar lék
hún stereótýpuna Foxxy Cleopatra
og átti sinn fyrsta slagara ein með
laginu Work It Out sem hún gerði
sérstaklega fyrir myndina í sam-
starfi við The Neptunes, betur
þekktir sem tveir þriðju af NERD.
Næst birtist Beyoncé þegar hún
söng inn á lag kærasta síns, ‘03
Bonnie and Clyde. Stjarna hennar
var orðin svo blindandi þegar hún
ákvað loksins að gefa út sólóplötu í
fyrra að það kom engum á óvart að
platan skyldi gera hana eina
stærstu poppstjörnu okkar tíma.
Fyrir plötuna fékk Beyoncé sex
Grammy-verðlaun.
Nýja Destiny’s Child-platan var
unnin í miklum flýti, enda stúlk-
urnar allar orðnar mjög uppteknar
í sínu horni. Platan var gerð á
þremur vikum og þegar upptökur
hófust höfðu stelpurnar ekki hist í
langan tíma. Þær voru þó stað-
ráðnar í því að halda hópinn og
sýna fram á að vel væri hægt að
halda áfram, þrátt fyrir að þær
hefðu allar náð góðum árangri ein-
ar. Þær hafa þó aldrei gefið í skyn
að þær ætli sér að halda endalaust
áfram sem heild. Titill plötunnar,
Destiny Fulfilled, þykir líka gefa í
skyn að þarna sé um endakaflann
að ræða. Hvað sem því líður höfum
við ábyggilega ekki heyrt það
síðasta frá stúlkunum þremur
sem starfa saman undir nafninu
Destiny’s Child. ■
82-83 (66-67) Fólk lesið so far 17.12.2004 18:52 Page 3