Fréttablaðið - 18.12.2004, Blaðsíða 72

S ögu Blíðfinns er lokið meðBlíðfinni og svörtu teningun-um. „Ég hef sleppt Blíðfinni
inn í Ljósheima og slepp sjálfur
með skrekkinn,“ segir höfundur-
inn Þorvaldur Þorsteinsson. „Þetta
hefur verið eins og æviferill og
þegar ég horfi til baka sé ég að
Blíðfinnur stendur mér nær en ég
gerði mér raunverulega grein
fyrir. Nú þegar hann er farinn frá
okkur og hefur lokið ferðalagi sínu
þá er ég undrandi og þakklátur
fyrir að standa sjálfur eftir tiltölu-
lega heill og á lífi og hafa ekki
þurft að fara með honum.“
Blíðfinnur kom fyrst út í bók
árið 1998 og lokabindið er fjórða
bókin í flokknum. „Ég hef haft
Blíðfinn með mér í sex ár og
reyndar miklu lengur. Hann á sér
mikla forsögu sem er ómögulegt
að segja frá en birtist í setninga-
brotum, bútum og skissum langt
aftur í tímann. Blíðfinnur var lengi
að fæðast en þegar hann kom þá
var það með hvelli, enda hafði ég
góða ljósmóður,“ segir Þorvaldur
og sér ekki ástæðu til að skýra
þetta frekar.
Barnið og hinir fullorðnu
Blíðfinnsbækurnar hafa þegar
komið út í átta löndum og hvar-
vetna fengið mjög jákvæð við-
brögð. Fyrir nokkrum vikum var
bókin Ert þú Blíðfinnur? kölluð
„fílósófískt meistaraverk“ í
þýsku pressunni auk þess að fá
fimm stjörnur (af fimm möguleg-
um) á tveimur þýskum netsíðum
um bókmenntir. Lokabindið, sem
nú kemur út, hefur ekki síður
fengið góða gagnrýni.
En eru bækurnar um Blíðfinn
barnabækur?
„Ég get eiginlega ekki svarað
þessu nema með því að segja að
Blíðfinnur er eins og heil mann-
eskja fyrir mér,“ segir Þorvaldur.
„Hann er að gera öll grundvallar-
mistökin og sveiflast frá því að
vera auli yfir í að vera snillingur.
Hann er fulltrúi svo margra
mannlegra eiginleika og svo má
spyrja: Á að ganga út frá því að
börn séu bara hálfar manneskjur
eða að þau séu heilar manneskj-
ur? Ég treysti mér ekki til að
skammta ofan í börn. Ég kann
ekki að tala barnamál. Ég kann
ekki að hugsa eins og fjölmargar
barnabækur gera ráð fyrir að
börn hugsi. Einu sinni bjó ég til
myndlistarverk sem er svona:
Fullorðins karlmannsskór standa
á stöpli. Ofan í þeim standa agn-
arsmáir drengjaskór. Verkið heit-
ir Staða og lýsir því á mjög ein-
faldan og skýran hátt að þótt við
séum fullorðin þá erum við með
barnið inni í okkur. Ég trúi því
líka að hvert barn hafi fullorðinn
mann inni í sér. Við erum eitt og
við erum allt og erum hluti af
heild. Þess vegna er Blíðfinnur
barnabók, já. Fullorðinsbók? Já.
Unglingabók? Tvímælalaust. Ég
er ánægður með að hafa ratað á
að gera bók sem felur í sér barnið
og fullorðna inni í barninu.“
Tilfinning fyrir skáldsögu
Og nú þegar Blíðfinnur er allur,
hvað er þá næst á döfinni?
„Ég er kominn með tilfinningu
fyrir skáldsögu,“ segir Þorvaldur.
„Stundum fær maður alla söguna í
sig og þá í formi tilfinningar. Mað-
ur heyrir í sögunni í hjartslættin-
um. Þetta gerist ekki svo oft en ég
veit alveg hvað þetta þýðir: Þarna
er bók. Annars er ég á fullu að
skrifa kvikmyndahandrit. Leikrit
er líka á döfinni, eitt sem búið er
að panta og tengist börnum og svo
annað sem ég ætla að skrifa í
framhaldi af reynslunni af And
Björk of Course. Mig langar til að
gera leikrit sem fer ennþá lengra í
þá átt sem ég stefndi að þar. Þessu
er ómögulegt að lýsa en snýst
kannski meira um aðferðafræði en
inntak. Inntakið er hins vegar aðal-
atriðið í skáldsögunni sem ég
nefndi. Það er svo gaman að vinna
leikrit og skáldsögu samhliða
einmitt vegna þess hvað aðferðirn-
ar geta verið ólíkar. Ég hef ekki
alltaf miklar áhyggjur af því hvað
fólk segir á sviðinu, fremur hvað
það gerir, en textinn skiptir hins
vegar töluverðu máli í skáldsögu.
Svo dreymir mig alltaf um að
skrifa fleiri barnabækur sem ég
myndskreyti sjálfur, eins og gerð-
ist með Skilaboðaskjóðuna á sínum
tíma.“ kolla@frettabladid.is
56 18. desember 2004 LAUGARDAGUR
ALLAR BÆKUR
KLEIFARVATN
Arnaldur Indriðason
BARÓNINN
Þórarinn Eldjárn
SAMKVÆMISLEIKIR
Bragi Ólafsson
SAKLEYSINGJARNIR
Ólafur Jóhann Ólafsson
ARABÍUKONUR
Jóhanna Kristjónsdóttir
KARÍTAS ÁN TITILS
Kristín Marja Baldursdóttir
BELLADONNA SKJALIÐ
Ian Caldwell
ÍSLENDINGAR
Sigurgeir Sigurjóns. og Unnur Jökulsd.
DA VINCI LYKILLINN
Dan Brown
HEIMSMETABÓK GUINNES
Vaka Helgafell
SKÁLDVERK - INNBUNDNAR BÆKUR
KLEIFARVATN
Arnaldur Indriðason
BARÓNINN
Þórarinn Eldjárn
SAMKVÆMISLEIKIR
Bragi Ólafsson
SAKLEYSINGJARNIR
Ólafur Jóhann Ólafsson
KARÍTAS ÁN TITILS
Kristín Marja Baldursdóttir
BELLADONNA SKJALIÐ
Ian Caldwell
DAUÐANS ÓVISSI TÍMI
Þráinn Bertelsson
FÓLKIÐ Í KJALLARANUM
Auður Jónsdóttir
BÍTLAÁVARPIÐ
Einar Már Guðmundsson
LÖMUÐU KENNSLUKONURNAR
Guðbergur Bergsson
LISTINN ER GERÐUR ÚT FRÁ SÖLU DAGANA 08.12. -
14.12. 2004 Í BÓKABÚÐUM MÁLS OG MENNINGAR,
EYMUNDSSON OG PENNANUM
1
2
3
4
5
6
7
8
9
10
1
2
3
4
5
6
7
8
9
10
EYMUNDSSON
MÁL OG MENNING
PENNINN
[ METSÖLULISTI ]
Á þessum degi árið 1870 fæddist í Burma H.H. Munro, betur þekktur sem smásagnahöf-
undurinn Saki. Hann var sonur lögreglumanns í Burma en var sendur í fóstur til stjórn-
samra frænkna sinna tveggja ára gamall. Ungur sneri hann sér að blaðamennsku. Hann
varð fréttaritari dagblaðs í London og bjó í nokkrum löndum. Undir höfundarnafninu Saki
skrifaði hann smásögur sem allflestar byggðust upp á óvæntum endi. Munro settist að í
London árið 1908 en lést á vígvelli í Frakklandi í fyrri heimsstyrjöldinni.
„Ef ég vildi eyðileggja þjóð mundi ég gera
það með því að gefa henni of mikið af öllu og
innan skamms væri hún orðin sýkt, gráðug,
aumingi inn í merg.“
- John Steinbeck
UPPISTAND Á BROADWAY
FIMMTUDAGINN 30. DESEMBER
MIÐASALA Í VERSLUNUM SKÍFUNNAR, BT Á AKUREYRI & SELFOSSI,
Á SKIFAN.IS, EVENT.IS OG Í SÍMA 575 1522. MIÐAVERÐ AÐEINS 3.500 KR.
Vinningar verða afhendir hjá Office 1 Superstore, Skeifunni. Með því að taka þátt ertu kominn í SMS klúbb BT. SMS kostar 199 kr.
VILTU MIÐA!
Sendu SMS skeytið
BTL JKF á númerið
1900 og þú gætir
unnið.
Vinningar eru
Miðar á Jamie Kennedy,
DVD myndir, CD ś og
margt fleira.
BÓKASKÁPURINN
Chrichton afneitar gróðurhúsaáhrifum
Hinn 62 ára gamli Michael Chrichton hefur sent frá sér
nýja bók, State of Fear. Þetta er spennusaga en það vek-
ur athygli að í henni afneitar Chrichton hættunni sem
talin er stafa af gróðurhúsaáhrifum. Í bókinni reyna
Græningjar að sviðsetja náttúruhamfarir í því skyni að
sýna fram á að gróðurhúsaáhrifin séu að eiga sér stað.
Chrichton lagðist í miklar rannsóknir vegna bókarinnar
og leggur fram það sem hann segir vera sannanir fyrir
því að engin hætta sé á ferðum. Þessi nýja spennusaga
er um 600 síður og fær afleita dóma í New York Times.
Chrichton er sem kunnugt er höfundur Jurassic Park og
fleiri vinsælla spennusagna.
Happdrætti Bókatíðinda 2004
Árlegt happdrætti Bókatíðinda er í fullum gangi en eitt númer verður dregið út daglega fram að jólum. Happdrættis-
númerið er að finn innan á kápubaki Bókatíðinda. Vinninga er hægt að vitja í næstu bókabúð gegn framvísun númers-
ins. Hver vinningshafi fær bækur að eigin vali að upphæð 10.000 kr.
Vinninga ber að vitja fyrir 1. júlí 2005.
Eftirtalin númer voru dregin út 12.-18. desember:
12. des.
2479
13. des.
61167
14. des.
63731
15. des.
94147
16. des.
33400
17. des.
14280
18. des.
23131
ÞORVALDUR ÞORSTEINSSON
„Ég er ánægður með að hafa ratað
á að gera bók sem felur í sér barnið
og fullorðna inni í barninu.“
Eins og æviferill
SÖGU BLÍÐFINNS ER LOKIÐ MEÐ BLÍÐFINNI OG SVÖRTU TENINGUNUM
72-73 (56-57) bækur lesið 17.12.2004 14.09 Page 2