Fréttablaðið - 11.04.2005, Qupperneq 12

12 11. apríl 2005 MÁNUDAGUR
Hefur farið til 144 landa
Ingólfur Guðbrandsson
ferðamálafrömuður er
líklega víðförlasti Íslend-
ingurinn. Hann fór fyrst
til útlanda árið 1950 og er
nýkominn frá Kína. Í
haust fer hann með hóp
fólks til Asíu.
55 ár eru síðan Ingólfur fór fyrst til
útlanda, þá til náms í Bretlandi.
Síðan þá hefur hann farið óteljandi
ferðir en telst til að áfangastaðirn-
ir séu 144. Geri aðrir betur.
„Ég fór fyrst út til náms í tónlist
og tungumálum,“ segir Ingólfur
þegar hann hugsar rúma hálfa öld
aftur í tímann. Í ár er hins vegar
slétt öld síðan hann stofnaði Ferða-
skrifstofuna Útsýn og leiddi fólk
um götur Lundúna og Parísar.
„Fyrstu ferðir Útsýnar voru þang-
að og ég man að það kostaði fólk að
jafnaði tvenn til þrenn mánaðar-
laun að heimsækja þessar borgir í
nokkra daga. Nú geta hinir fjöl-
mörgu tekjuháu Íslendingar farið í
lúxusferð umhverfis hnöttinn sem
tekur mánuð, fyrir aðeins ein mán-
aðarlaun.“
Ingólfur segist ekki eiga eftir að
koma til einhverra tiltekinna landa,
hann hafi í raun komið þangað sem
hann helst vilji fara. „Mig langar
til dæmis ekki til heimskautaland-
anna og býst ekki við að ferðast um
miðhálendi Asíu. Ástæðan er sú að
ég er í eðli mínu hitabeltisdýr og
við höfum alveg nóg af kuldanum
hér.“
Ingólfur hefur leitt margan Ís-
lendinginn í fjölda ævintýrafara til
fjarlægra landa og í haust stendur
en slík fyrir dyrum. „Þetta verður
stór viðburður í íslenskum ferða-
málum. Ég ætla að þræða merk-
ustu staðina á norðurhveli jarðar,
fara til menningarlandanna sem ég
kalla Lönd morgunroðans,“ segir
Ingólfur sem er nýkominn frá
Kína.
Ferðin hefst í Indlandi þar sem
margar af stórkostlegustu og fall-
egustu byggingum heims eru. „Við
skoðum til dæmis Taj Mahal en
enginn getur annað en horft af að-
dáun á þessa byggingu og hlakkað
til að koma þangað aftur og aftur.“
Frá Indlandi verður farið til
Tælands, þaðan til Kína, svo Japan,
þá Hawaii og loks til San
Francisco. „Tæland er vanmetið á
Íslandi, það er dauður maður sem
ekki heillast af að sjá Kína í dag, í
Tokyo búum við á einu glæsileg-
asta hóteli heims og þar njótum við
leiðsagnar Ingimundar Sigfússon-
ar, fyrsta sendiherra Íslands í Jap-
an, og á Hawaii verðum við á
Waikiki sem er ein allra frægasta
baðströnd heims,“ segir Ingólfur
sem ætlar að kynna nákvæma
ferðatilhögun á fundi á Grand hót-
eli á fimmtudagskvöld.
Ingólfur hefur verið meira og
minna á ferðalagi síðan hann fyrst
hélt út fyrir landssteinana. Og
hann ferðast ekki bara ferðalag-
anna vegna. „Ferðalangar lifa
dýpra lífi en aðrir því ferðalög
breyta sýn fólks á lífið. Það er hluti
af lífsgæðum nútímans að láta það
eftir sér að skoða heiminn,“ segir
Ingólfur Guðbrandsson hinn víð-
förli. bjorn@frettabladid.is
ÍBÚAR TÁLKNAFJARÐAR ERU 326
Karlar eru 14 fleiri en konur. Heimild: Hag-
stofan
SVONA ERUM VIÐ
Nýtt sorphirðukerfi var tekið í notkun
hjá Reykjavíkurborg um áramót sem
fólst í að fólki býðst að vera með
grænar ruslatunnur sem eru losaðar á
tveggja vikna fresti í stað vikulega.
Þeir sem eru með grænar tunnur
greiða helmingi lægri sorphirðugjöld,
4.850 krónur í stað 9.700 krónur.
Guðmundur Friðriksson, deildarstjóri
sorphirðu hjá Reykjavíkurborg segir
Reykvíkinga hafa tekið grænu tunnun-
um vel. „Alls hafa 2.300 manns óskað
eftir grænni tunnu en það er ekki
endanleg tala, því fólk er enn að
hringja inn og biðja um tunnur,“ segir
hann. Í janúar höfðu 1.900 manns
fengið sér tunnu og hafa því hvorki né
færri né fleiri en 400 tunnur verið
pantaðar á undanförnum þremur
mánuðum.
„Það er lítið um að fólk sé að
skila tunnunum vegna þess að
það ræður ekki við þetta og við
sjáum fram á enn frekari aukn-
ingu,“ segir Guðmundur. „Við sett-
um okkur lágmarksmarkmið og
erum löngu búin að ná því.“
Sjálfur er Guðmundur með græna
tunnu og segir það lítið mál að
flokka rusl. „Maður þarf að vita
hvernig úrgang maður setur í
tunnuna og líka að hugsa um
rúmmál. Það er ekki hægt að
setja Cheerioos pakkann beint í
tunnuna, það þarf að brjóta hann
saman. En ég hef alltaf flokkað
pappír og flöskur. Eina vinnan
sem maður bætir við sig er að
hugsa um hvað maður setur í
tunnuna.“
Á þriðja þúsund hafa fengið sér tunnu
EFTIRMÁL: GRÆNAR TUNNUR Í REYKJAVÍK
„Ég verð að viðurkenna að ég hef
aldrei fyllilega skilið þetta páfaemb-
ætti,“ segir Haraldur Freyr Gíslason
trommuleikari þegar hann er spurður
hvort hann hafi skoðun á því hver ætti
að verða næsti páfi.
Hinn 18. apríl koma 115 kardínálar
saman til að kjósa eftirmann Jóhann-
esar Páls II. Til greina kemur að hör-
undsdökkur páfi verði kjörinn í fyrsta
skipti í fyrsta sinn. „Ég held að það sé
hið besta mál ef páfinn verður svartur,“
segir Haraldur. „Fjölbreytileiki er alltaf
jákvæður og hver veit nema að það
komi til með að hafa áhrif á afstöðu
kirkjunnar til getnaðarvarna, þar sem
alnæmisfaraldurinn er jú skæðastur í
Afríku.“
Haraldur horfði ekki á útför páfa í sjón-
varpinu, en kvartar ekki yfir athyglinni
sem málið fékk í fjölmiðlum. „Ef manni
leiðist það sem er í sjónvarpinu er
alltaf hægt að slökkva eða skipta um
stöð.“
HARALDUR FREYR GÍSLASON
Gott ef hann
verður svartur
NÝR PÁFI
SJÓNARHÓLL
ÞAÐ FÓR VÍST Á ANNAN VEG
FR
ÉT
TA
B
LA
Ð
IÐ
/E
.Ó
L
Ársfundur Lífeyrissjó›s verzlunarmanna ver›ur haldinn
mánudaginn 11. apríl 2005 kl. 17 í Hvammi á Grand Hótel.

Dagskrá fundarins:
1. Venjuleg ársfundarstörf.
2. Önnur mál.
Sjó›félagar og lífeyrisflegar sjó›sins eiga rétt til setu á ársfundinum.
Fundargögn ver›a afhent á fundarsta›.
Reykjavík 11. mars 2005
Stjórn Lífeyrissjó›s verzlunarmanna
Sími: 580 4000 • Myndsendir: 580 4099 • Netfang: skrifstofa@live.is
Ársfundur 2005
E
N
N
E
M
M
/
S
ÍA
/
N
M
15
52
3
INGÓLFUR GUÐBRANDSSON Fór fyrst til útlanda fyrir 55 árum og hefur um ævina heimsótt 144 lönd.
FR
ÉT
TA
B
LA
Ð
IÐ
/G
VA