Fréttablaðið - 21.05.2005, Side 6

6 21. maí 2005 LAUGARDAGUR
Þrýstingur eykst á Úsbekistanstjórn:
Kalla› eftir rannsókn
á bló›súthellingum
ÚSBEKISTAN, AP Atlantshafsbanda-
lagið og Evrópusambandið bættust
í gær í lið með Sameinuðu þjóðun-
um í að þrýsta á ráðamenn Ús-
bekistans um að heimila alþjóðlega
rannsókn á því sem gerðist er mik-
ill fjöldi mótmælenda féll fyrir
byssukúlum öryggissveita í bæn-
um Andijan í austurhluta landsins
fyrir viku. Ríkisstjórnin hvikaði
hins vegar hvergi frá andstöðu
sinni við slíka rannsókn og ein-
beitti sér þess í stað að því að elta
þá uppi sem hún grunar um að hafa
tekið þátt í uppþotunum.
Viku eftir hina umdeildu at-
burði bættist Jaap de Hoop
Scheffer, framkvæmdastjóri
NATO, í hóp þungavigtarmanna á
alþjóðavettvangi sem krafist hafa
slíkrar rannsóknar. Hann sagðist
hafa orðið fyrir „miklum von-
brigðum“ með að Islam Karimov,
forseti Úsbekistans, hefði hafnað
kröfu Kofi Annan, framkvæmda-
stjóra Sameinuðu þjóðanna, um
óháða rannsókn á atburðunum.
„Ég ítreka áskorun mína um að
stjórnvöld í Úsbekistan fallist á
þessa rannsókn,“ sagði Scheffer.
Búist er við því að utanríkis-
ráðherrar Evrópusambandsins
samþykki á mánudaginn ályktun
þar sem krafist er rannsóknar og
stjórnvöld í Úsbekistan eru for-
dæmd fyrir óhóflega valdbeit-
ingu. Frá þessu greindi Cristina
Gallach, talsmaður Javiers Sol-
ana, utanríkismálastjóra sam-
bandsins. ■
KÚBA, AP Ríkisstjórnir Þýskalands
og Tékklands eru æfar eftir að
tveimur þingmönnum frá þessum
löndum var vísað frá Kúbu í fyrra-
dag fyrirvaralaust. Andstæðingar
Kúbustjórnar stilltu saman strengi
sína í gær, í fyrsta sinn í 46 ár.
Þingmennirnir höfðu komið til
eyjarinnar til viðræðna við þar-
lenda stjórnarandstæðinga. Tékk-
inn var í sturtu á hótelherbergi sínu
þegar lögreglan ruddist inn og skip-
aði honum að taka næstu flugvél
heim.
Stjórnvöld í Berlín og Prag köll-
uðu sendiherra Kúbu á sinn fund í
gær og kröfðu þá skýringa. „Það er
sjálfsagður réttur þýskra og tékk-
neskra stjórnmálamanna að hitta
kúbverska starfsbræður sína,“
sagði Joschka Fischer, utanríkisráð-
herra Þýskalands, í yfirlýsingu
sinni um málið.
Þrátt fyrir þetta héldu stjórnar-
andstæðingar sínu striki og veltu
vöngum yfir hvernig koma mætti á
lýðræðisumbótum í landinu. Þetta
er í fyrsta sinn sem þeir fá að halda
slíka samkomu síðan kommúnista-
stjórn Castros tók við völdum fyrir
46 árum.
„Hér eftir munum við tala um
fyrir og eftir 20. maí,“ sagði Martha
Beatriz Roque, forsvarsmaður ráð-
stefnugesta. ■
Myndir af Saddam
fáklæddum fordæmdar
Myndir af Saddam Hussein hálfnöktum voru í gær birtar í æsifréttablö›um í
Bretlandi og Bandaríkjunum. Birtingin hefur valdi› miklu fja›rafoki.
ÍRAK, AP Bresk og bandarísk dag-
blöð birtu í gær ljósmyndir af
Saddam Hussein í nærfötunum
einum klæða, en birting mynd-
anna olli strax miklu fjaðrafoki.
Myndirnar kváðu vera teknar fyr-
ir um ári og sýna Íraksleiðtogann
fyrrverandi vera að setja plögg af
sér í þvottavél þar sem honum er
haldið í fangelsi. Forsvarsmenn
Bandaríkjahers brugðust ókvæða
við og boðuðu flýtirannsókn á því
hvernig myndirnar væru til
komnar. Talsmenn Alþjóða Rauða
krossins sögðu myndbirtinguna
hugsanlega brot á Genfarsáttmál-
anum um meðferð fanga.
Að sögn æsifréttablaðanna The
Sun í Bretlandi og New York Post
í Bandaríkjunum eru myndirnar
fengnar hjá ónafngreindum
starfsmanni Bandaríkjahers.
Myndbirtingin reitti ekki aðeins
Bandaríkjaher til reiði, heldur er
fastlega búist við því að hún kyndi
undir andúð á Bandaríkjamönn-
um í Írak.
Aðallögmaður Saddams, Ziad
al-Khasawneh, sagði að lögfræð-
ingateymi hans væri að undirbúa
lögsókn á hendur The Sun fyrir að
birta það sem hann kallaði „móðg-
un við mannkyn, araba og írösku
þjóðina“.
„Það sést glögglega að þessar
myndir eru teknar innan veggja
fangelsisins, sem þýðir að banda-
rískir hermenn hljóta að hafa tek-
ið þær,“ sagði al-Khasawneh í
símaviðtali við AP.
Hann sagði myndbirtinguna
þátt í „víðtæku stríði gegn
múslima- og arabaþjóðum“, ásamt
misþyrmingum fanga í Abu
Ghraib-fangelsinu í Bagdad,
meintri vanvirðingu Kóransins í
Guantanamo-fangabúðunum og
fleiru.
George W. Bush Bandaríkjafor-
seti tjáði fjölmiðlum í gær að hann
teldi slíka myndbirtingu ekki til
þess fallna að kynda undir hatri á
Bandaríkjamönnum í Írak. „Ég
held að ljósmynd sé morðingjum
ekki innblástur,“ sagði hann spurð-
ur um viðbrögð við myndbirting-
unni á blaðamannafundi með And-
ers Fogh Rasmussen, forsætisráð-
herra Danmerkur, sem var í heim-
sókn í Hvíta húsinu. ■
Árangur af Kínaför:
Rita› undir
tvo samninga
UMHVERFISRÁÐHERRA Sigríður Anna
Þórðardóttir, umhverfisráðherra,
hefur undirritað tvo samstarfs-
samninga á sviði umhverfismála
við kínversk yfirvöld.
Samningarnir eru á sviði jarð-
skjálftavár og umhverfisverndar og
koma í kjölfar funda í Kína.
Stefnt er að því að þróa sam-
vinnu og miðla þekkingu á sviði
jarðskjálfta, eldfjalla, jarðeðlis-
fræði, jarðskjálftaverkfræði og
jarðskjálftaforvarna, auk tæknilegs
samstarfs á svið umhverfismála.
- mh
RÚSSLAND
KANADA
FRÆÐIV
E
R
K
Hugbúnaðarverkfræði
Tölvunarfræði
Tölvuverkfræði
Rafmagnsverkfræði
Vélaverkfræði
Iðnaðarverkfræði
Efnaverkfræði
Byggingarverkfræði
Umhverfisverkfræði
VERKFRÆÐIDEILD
HÁSKÓLA ÍSLANDS
www.verk.hi.is
Nánari upplýsingar og rafræn
umsóknareyðublöð á www.hi.is
E
N
N
E
M
M
/
S
IA
/
N
M
15
2
9
2
VATNIÐ HVARF Íbúum
Bolotnikovo í Nizhegorodskaya-
héraði í Rússlandi brá heldur bet-
ur í brún í fyrradag þegar þeir
sáu að stöðuvatnið sem þorpið
stendur við hafði horfið spor-
laust. Jarðvísindamenn segja að
það hafi að líkindum horfið ofan í
sprungu en eldri kona kenndi
Bandaríkjunum um vatnshvarfið.
FJÓRTÁN UPPREISNARMENN
DREPNIR Rússneskar hersveitir
voru stórtækar í Tsjetsjeníu í
vikunni og réðu
fjórtán þarlenda
uppreisnarmenn
af dögum. Þar á
meðal var Alash
Daudov, sem að
sögn Interfax-
fréttastofunnar
er hægri hönd
Sjamíl Basajev,
skipuleggjanda
gíslatökunnar í
Beslan. Tólf menn voru hand-
teknir.
STJÓRNIN HÉLT VELLI Minnihluta-
stjórn Paul Martin í Kanada hélt
naumlega velli í fyrrakvöld þegar
vantrauststillaga gegn henni var
felld. Atkvæði þingforseta þurfti til
að bjarga stjórninni.
FORSÍÐA SUN Breska æsifréttablaðið The Sun flennti eina hinna umdeildu mynda yfir alla
forsíðuna.
Myndir þú frekar kaupa bíl
sem gengur fyrir dísilolíu en
bensíni?
SPURNING DAGSINS Í DAG:
Átti Ísland skilið að detta út í
forkeppni Söngvakeppni Evr-
ópskra sjónvarpsstöðva?
Niðurstöður gærdagsins á visir.is
42,6%
57,4%
Nei
Já
Farðu inn á fréttahluta visir.is
og segðu þína skoðun
KJÖRKASSINN
FR
ÉT
TA
B
LA
Ð
IÐ
/A
P
ALGERLEGA ÓVELKOMNIR Þýska þingmanninum Arnold Vaatz var vísað frá Kúbu í fyrra-
dag ásamt tékkneskum starfsbróður sínum. Þeir hugðust hitta kúbverska stjórnarand-
stæðinga en fengu ekki.
OFBELDI MÓTMÆLT Ungmenni mótmæla ofbeldinu í Úsbekistan með táknrænum hætti
fyrir framan sendiráð landsins í Bishkek, höfuðborg nágrannalýðveldisins Kirgisistan.
FR
ÉT
TA
B
LA
Ð
IÐ
/A
P
Evrópskum þingmönnum vísað frá Kúbu:
Handtekinn í sturtunni og rekinn heim