Fréttablaðið - 21.05.2005, Síða 35

3LAUGARDAGUR 21. maí 2005
Áfram veginn
Einar Elí Magnússon kemst leiðar sinnar
Reglustikureglugerðin
Það er ekki tekið út með sældinni að vera jeppamaður. Í fyrsta lagi er
það kostnaðarsamt að uppfylla þessa ástríðu sína, í öðru lagi eru mal-
biksbúar oft með ranghugmyndir og fordóma í garð okkar og í þriðja
lagi er maður aldrei heima um helgar og getur því ekki verið fullur
niðri í bæ að berja fólk, eins og sumum finnst gaman að gera.
Og nú er það opinberlega staðfest að stjórnvöldum er líka illa við
jeppafólk.
Fyrir utan óhóflegar álögur á dísilolíu, sem taka gildi í sumar, er
nú ætlunin að útiloka alveg vetrarferðir um hálendið. Innan tveggja
vikna mun umhverfisráðherra undirrita reglugerð þess efnis að jörð
verði að vera þakin 50 cm snjólagi til að keyra megi á henni. Það sama
gildir um til dæmis vélsleðaumferð en ekki um hesta, sem þó skilja
víða eftir sig ljótari sár en ökutæki eru fær um.
Í dag er akstur utan vega bannaður, að undanskildum akstri á jökl-
um og jörðu sem er frosin og snævi þakin. Og þessu fara flestir eftir.
Þeir sem ekki gera það munu ekki virða nýja reglugerð frekar en þau
lög sem nú eru í gildi.
Við hin erum hins vegar í vondum málum. Af hverju 50 cm? Sá sem
stakk upp á því virðist ekki vita mikið um snjó eða íslenskt veðurfar.
Og allra síst hálendið.
Til að byrja með er alveg sama hvaða leið maður keyrir – maður
getur aldrei komist frá A til B án þess að vera einhverntíma á grynnri
snjó en 50 cm. Ofan á það blása stundum vindar á Íslandi. Segjum sem
svo að mér takist að keyra á Hveravelli í metradjúpum púðursnjó og
gisti þar yfir stormasama nótt. Daginn eftir er aðeins 20 cm lag af
grjóthörðum og frosnum snjó eftir á hálendinu. Hvað á ég þá að gera?
Ég veit að mér væri óhætt að keyra heim án þess að það hefði áhrif á
undirlagið... en ég mætti það ekki.
Ekki veit ég hvernig ætlunin er að framfylgja þessari reglugerð en
viðurlög við brotum eru allt að tveggja ára fangelsi.
Auðvitað er sjálfsagt að hugsa vel um hálendið okkar en þetta
ákvæði er stórfurðulegt og virkar á mig sem farið sé offari gegn úti-
vistarfólki. Og það á sama tíma og hálft hálendið er undirlagt af virkj-
unarframkvæmdum og tilheyrandi þungaumferð.
Ég veit um marga jeppaeigendur sem sjá fram á að selja bílana
sína og fara að stunda miðbæjarbarsmíðar í staðinn. Sjálfur er ég
svoddan písl að ég hef ekkert í það að gera. Ég er því að hugsa um að
bæta frekar við einu sæti í jeppann til að geta tekið kerfiskarl með
reglustiku með mér í ferðir sem passar að ég sé alltaf hálfum metra
yfir jörðu. ■
Hágæða Polyurethane húðun í öllum litum

 









 


 

 
KIA í Reykjavík
SÖLUUMBOÐ OPNAÐ VIÐ HLIÐ
HEKLU EN VERÐUR LÍKA ÁFRAM Í
GARÐABÆ.
KIA-umboðið á Íslandi opnar á mánu-
daginn næstkomandi söluumboð að
Laugavegi 172 við hlið Heklu hf., en
Hekla keypti rekstur KIA-umboðsins
fyrr á þessu
ári. KIA er
einnig
með sýn-
ingarsal að
Flatahrauni í Hafnarfirði og mun verða
þar áfram. KIA er sú tegund sem
einna mest hefur vaxið hér á landi á
þessu ári en sala KIA-bíla hefur fjór-
faldast og er markaðshlutdeild KIA nú
um 3%.
Kia Motors Corporation er sá bílafram-
leiðandi sem er í mestum vexti á
heimsvísu. Fyrirtæk-
ið var stofnað
árið 1944 og
er elsta bíla-
smiðja Kóreu.
Nýi Discover 3 jeppinn frá Land Rover
hefur slegið í gegn.
B&L í Eyjum um
helgina
ÁHERSLA LÖGÐ Á BREIDDINA Í ÚRVALI.
B&L verður með bílasýningu í Eyjum
nú um helgina, í samstarfi við Bíla- og
vélaverkstæði Harðar og Matta. Yfir-
skrift sýningarinnar er „Gerðu eitthvað
skemmtilegt um helgina – komdu í
reynsluakstur“.
„Áherslan er lögð á breiddina sem ein-
kennir úrvalið hjá okkur og mun sýn-
ingin því vonandi höfða til sem flestra.
Sem dæmi get ég nefnt 5 dyra bílinn
Getz og nýja fjölskyldubílinn Sonata,
sem eru báðir frá Hyundai, auk spor-
tjeppanna Tucson og Santa Fe og 7
manna fjölnotabílinn Trajet. Úr úrvals-
deildinni verður að sjálfsögðu mættur
nýi Discovery 3 jeppinn frá Land Rover
ásamt nýju 1 línunni frá BMW, auk
þess sem Megane-línan frá Renault
mun eiga sinn fulltrúa,“ segir Helga
Guðrún Jónasdóttir, kynningarstjóri hjá
B&L.
B&L bílasýningin verður opin frá klukk-
an 12 til 16 bæði í dag og á morgun.
Bílabúð Benna hefur hafið sölu
á mótorhjólum og öllum þeim
vörum sem tengjast þeim, og af
því tilefni var efnt til mótor-
hjólasýningar á dögunum sem
var vel sótt af áhugamönnum
um mótorhjólaíþróttina.
Bílabúðin verður aðallega
með Kawasaki og Yamaha-hjól
en önnur merki munu einnig
slæðast inn. Áhersla er lögð á að
veita sérfræðiþekkingu og geta
útvegað viðskiptavinunum allt
sem til þarf til að takast á við
mótorsportið, en Bílabúðin býð-
ur upp á sérpöntunarþjónustu.
„Við ákváðum að blanda okkur í
slaginn og bæta þessu við hjá
okkur,“ segir Ragnar Ingi Stef-
ánsson hjá Bílabúð Benna.
Að hans sögn er verið að
mæta kröfum viðskiptavina auk
þess sem þetta er eitthvað sem
viðskiptavinir og starfsfólk
Bílabúðarinnar hefur sýnt mik-
inn áhuga.
Tveggja hjóla tryllitæki
Mótorhjól eru nú til sölu í fyrsta sinn í Bílabúð Benna.
Bílabúð Benna selur nú mótorhjól.
Ragnar Ingi Stefánsson situr fákinn.