Fréttablaðið - 21.05.2005, Side 68

44 21. maí 2005 LAUGARDAGUR
Kraftmikil kamelljón
Rokksveitin Queens of the Stone Age, sem spilar á Reykjavík Rocks-hátí›inni í Egilshöll ásamt Foo Fighters,
var stofnu› upp úr rústum hljómsveitarinnar Kyuss. Freyr Bjarnason fór yfir sögu sveitarinnar.
Rokksveitin Queens of the Stone
Age, sem spilar á Reykjavík
Rocks-hátíðinni í Egilshöll 5. júlí
ásamt Foo Fighters, var stofnuð
upp úr rústum hljómsveitarinnar
Kyuss sem hætti störfum 1995.
Meðlimir Kyuss voru söngvar-
inn og gítarleikarinn Josh
Homme, trommarinn Alfredo
Hernandez og Nick Oliveri sem
plokkaði bassann. Þeir áttu eftir
að spila síðar saman undir nafn-
inu Queens of the Stone Age
ásamt gítar- og hljómborðsleikar-
anum Dave Catching.
Queens of the Stone Age hefur
allt frá byrjun verið nokkurs kon-
ar samansafn tónlistamanna und-
ir styrkri stjórn forsprakkans
Josh Homme. Eftir að Homme
hafði farið í tónleikaferð með
hljómsveitinni Screaming Trees
skömmu eftir upplausn Kyuss
fékk hann til liðs við sig þá Van
Conner úr Screaming Trees, Matt
Cameron úr Soundgarden og Mike
Johnson úr Dinosaur Jr. til að taka
upp nokkrar stuttskífur sem upp-
haflega voru gefnar út undir nafn-
inu Gamma Ray. Fljótlega var
sveitin endurskírð Queens of the
Stone Age og Homme fékk þá
trommarann Hernandez til að að-
stoða við upptökur á fyrstu plötu
sveitarinnar, sem var samnefnd
henni og kom út 1998. Skömmu
síðar gekk Olivieri til liðs við sína
gömlu félaga eftir að hafa yfirgef-
ið hljómsveitina The Dwarves.
Dave Catcher gekk skömmu síðar
til liðs við hópinn.
Árið 2000 gaf Queens of the
Stone Age út sína aðra plötu,
Rated R. Í stað Hernando á
trommunum voru nú komnir þeir
Gene Trougman og Nicky Lucero,
sem skiptust á að lemja húðir fyr-
ir sveitina. Eftir umfangsmikla
tónleikaferð og eftirminnilega
frammistöðu á Rock in Rio-hátíð-
inni í Brasilíu og Ozzfest hóf
Queens of the Stone Age vinnu við
sína þriðju plötu. Dave Grohl,
fyrrum trommari Nirvana og for-
sprakki Foo Fighters, hafði lengi
lýst yfir aðdáun sinni á hljóm-
sveitinni. Samþykkti hann, mörg-
um að óvörum, að tromma á nýju
plötunni og fara í tónleikaferð
með sveitinni. Á sama tíma var að
koma út ný plata frá Foo Fighters
en Grohl frestaði tónleikaferð til
að fylgja henni eftir til að geta
djammað með einni af sínum upp-
áhaldssveitum.
Platan, sem kom út 2002, fékk
heitið Songs For the Deaf og sló
rækilega í gegn um heim allan.
Grohl fór á kostum á trommunum
og Queens of the Stone Age var
orðin eitt af heitustu rokkböndun-
um í bransanum. Lagið No One
Nows átti stóran þátt í þeim vin-
sældum. Grohl var ekki eina
gestastjarnan á plötunni því
einnig voru Homme innan handar
þeir Mark Lanegan, fyrrum
söngvari Screaming Trees, og
Troy Van Leeuwen, gítar- og
hljómborðsleikari A Perfect
Circle.
Eftir tónleikahald og starf liðs-
manna með öðrum hljómsveitum
kom Queens of the Stone Age aft-
ur saman til að taka upp nýja
plötu, Lullabies to Paralyze.
Homme hafði á þessum tíma-
punkti rekið samstarfsfélaga sinn
til margra ára, Oliveri, og kom
það mörgum í opna skjöldu. Eftir
sátu þeir Homme, Joey Castillo,
Alain Johannes, Van Leeuwan og
Lanegan. Brotthvarf Oliveri virð-
ist ekki hafa haft mikil áhrif því
platan hefur fengið frábærar við-
tökur og hefur styrkt stöðu
Queens of the Stone Age sem ein
besta rokksveit heims.
Ýmislegt hefur þó gengið á eft-
ir að platan var tekin upp. Oliveri
gekk aftur til liðs við sveitina en
Lanegan hætti. Engu máli virðist
samt skipta hverjir eru í sveitinni
svo lengi sem Homme heldur um
stjórnartaumana.
Íslendingar eiga væntanlega
von á hörkutónleikum í Egilshöll í
sumar, því Queens of the Stone
Age þykir framúrskarandi góð á
sviði. Hver veit síðan nema Grohl
laumi sér á bak við trommusettið
og rifji upp gamla takta? Íslensk-
ir tónleikagestir geta fengið úr
því skorið þann 5. júlí. ■
QUEENS OF THE STONE AGE Rokksveitin öfluga spilar í Egilshöll í sumar ásamt Foo Fighters.