Fréttablaðið - 30.05.2005, Qupperneq 38

22 30. maí 2005 MÁNUDAGUR
Það kom eflaust mörgum á óvart
sem lásu greinina „Fagra Ís-
land“ í Fréttablaðinu síðastliðna
helgi að Fellahverfið í Breið-
holti var eitt af þeim hverfum
sem átta hundruð Íslendingar
töldu fallegasta stað landsins
sem tóku þátt í skoðanakönnun
Fréttablaðsins . Það er engin
launung á því að Fellahverfið
hefur aldrei talist sérstaklega
fallegt og hefur fylgt því óorð
frá fyrri tíma sökum fjölda fé-
lagslegra íbúða í hverfinu.
En Fellahverfið er vissulega
vanmetið hverfi. Þar er gott að
búa og afskaplega barnvænt þó
sumar fréttir úr hverfinu máli
skrattann á vegginn og gefi það
andstæða til kynna.
Fellahverfið tilheyrir Breið-
holtinu sem skiptist í Efra-
Breiðholt, Neðra-Breiðholt og
Seljahverfið. Byrjað var að
skipuleggja landið í Breiðholt-
inu upp úr 1960 og hófst bygging
á Fellahverfinu upp úr 1970.
Breiðholtið var eitt fyrsta út-
hverfi borgarinnar og flykktist
þangað aðflutt fólk að lands-
byggðinni og fólk sem bráðvant-
aði húsnæði. Í Breiðholtinu
hafði landslag og veðurfar mikil
áhrif á skipulagið og voru fjöl-
býlishúsin byggð efst í byggð og
lægri hús þegar neðar dró.
Sökum veðurfars þurfti að
tryggja alhliða þjónustu fyrir
íbúa Breiðholtsins og þar var
Fellahverfið ekki undanskilið. Í
hverfinu er Menningarmiðstöð-
in í Gerðubergi, Fellaskóli,
Fella- og Hólakirkja, verslunar-
kjarninn við Eddufell, leikskóli,
Fjölbrautaskólinn í Breiðholti
og íþróttamiðstöð og liggur
svokölluð „Fellagata“ utan um
allar stofnanir borgarinnar.
„Fellagatan“ er líka þaulúthugs-
að fyrirbæri þar sem hún geng-
ur í hring um hverfið svo auð-
veldara sé fyrir strætisvagna að
ganga þar.
Fellahverfið er gott dæmi um
úthverfi frá þessum tíma þar
sem öll skipulagning er hugsuð
út frá staðarháttum og starf-
semi. Fellahverfið hefur dafnað
og blómstrað á síðustu árum og
er það sannkölluð útivistarpara-
dís með Víði- og Elliðarárdal í
göngufjarlægð og stuttar og
skjólgóðar gönguleiðir innan
hverfisins.
lilja@frettabladid.is
Skipulagt út frá staðarháttum og starfsemi
Fellahverfið hefur sjaldan vakið hrifningu borgarbúa af
einhverjum ástæðum. Skipulagning Fellahverfisins er
þaulúthugsuð og er hverfið byggt með það í huga að þjónusta
íbúa sem best. Síðan er hverfið líka afar fallegt, í góðum
tengslum við náttúruna og þar er mjög gott að búa.
7
3
5
6
4
1
2
Nýútsprungnir Fíflar teygja blóm
sín til himins og bera eflaust
þann draum í hjarta að verða einn
daginn hærri en Æsufellsblokkin, sem
sést í bakgrunni.
Það er ekki bara mennskt fólk
sem býr í Fellunum heldur kíkja
álfar stundum í heimsókn sem gæða
hverfið yfirnáttúrulegum og töfrandi
blæ.
Verið er að leggja túnþökur á
Leiknisvöllinn fyrir sumarið
enda ófáir Breiðhyltingar sem æfa fót-
bolta á vellinum með Leikni og bjóða
andstæðingum sínum í heimsókn í sitt
heimahverfi.
Sumarið er greinilega komið hjá
krökkunum í Fellaskóla sem eru
eflaust farin að hlakka til sumarfrísins
svo þau geti hjólað lengra enn í skól-
ann.
Ekki vantar gönguleiðirnar í
Fellahverfinu og um að gera að
tylla sér á heimilislegan bekk og virða
útsýnið fyrir sér áður en haldið er
lengra á vit ævintýranna í Fellunum.
Eitt af fjölmörgum mörkum í
Fellahverfinu enda sterk hefð
fyrir boltaleikjum, bæði hjá atvinnu-
mönnum og okkur hinum.
„Langa vitleysan“ svokallaða
teygir anga sín svo langt sem
augað eygir.
Fréttablaðið/Vilhelm
1
2
3
4
5
6
7