Fréttablaðið - 04.11.2005, Blaðsíða 16

4. nóvember 2005 FÖSTUDAGUR16
fréttir og fróðleikur
> KOSNINGAÞÁTTTAKA Í SVEITARSTJÓRNAR-
KOSNINGUM Á LANDINU ÖLLU
SVONA ERUM VIÐ
Vilhjálmur Þ. Vilhjálmsson, borg-
arfulltrúi Sjálfstæðisflokksins
hefur langa reynslu af borgar-
málum í meirihluta og minnihluta.
Spyrja mætti hvers vegna flokks-
menn ættu í prófkjörinu í dag og
á morgun að setja hann í efsta
sæti framboðslistans eftir tólf ár í
minnihluta borgarstjórnar.
„Ég hef ekki verið í forystu
fyrir flokkinn fyrr en síðustu
þrjú árin. Ég tel að mín víðtæka
reynsla og þekking á borgarmál-
um og stjórnsýslu borgarinnar
muni nýtast okkur strax í vor
þegar við verðum að taka til hend-
inni og hrinda í framkvæmd mjög
mörgum brýnum hagsmunamál-
um borgarbúa. Ég nefni til dæmis
ástandið í skipulags-, lóða-, og
samgöngumálum. Nefna mætti
fjölmörg önnur mál sem ég hef
verið að kynna. Ég held að það sé
mjög mikilvægt fyrir okkar fram-
boðslista að þar fari saman víðtæk
reynsla og kraftur og ferskar hug-
myndir allra sem á listanum eru,
yngri sem eldri. Á listanum þarf
einnig að ríkja gott jafnvægi á
milli kynja.“
Hvernig metur þú stöðu þína við
upphaf prófkjörs?
„Ég er í fyrsta lagi mjög ánægð-
ur með það fylgi sem Sjálfstæð-
isflokkurinn í Reykjavík mæl-
ist með nú undir minni forystu.
Samkvæmt skoðanakönnunum
Gallups hefur fylgið farið úr um
40 prósentum í upphafi kjörtíma-
bilsins í um 57 prósent. Ljóst er að
ef við værum að mælast með til
dæmis 43 prósent væri mér sjálf-
sagt kennt um og kröfur kæmu
fram um að skipta um mann í
brúnni. En fylgið er 57 prósent og
ég er oddviti hópsins. Ef hann risi
ekki undir merkjum væri fylgið
vafalaust mun minna. Ég legg því
áherslu á að ég fái tækifæri til að
halda áfram því mikilvæga hlut-
verki sem Sjálfstæðisflokkurinn
hefur hér í Reykjavík. Ég er ekki
aðeins að vonast eftir að sigra í
prófkjörinu heldur einnig að við
sigrum næsta vor í borgarstjórn-
arkosningunum. Ég vona að öllum
sé ljóst að mín reynsla sé mjög
mikilvæg fyrir framboðslistann.“
Eyjabyggð, framtíðarhugmynd um
skipulag borgarinnar, var kynnt af
hálfu borgarstjórnarflokks Sjálf-
stæðisflokksins á vormánunuðum.
Ertu búinn að stinga þessum hug-
myndum undir stól?
„Síður en svo. Í okkar starfi
hef ég lagt áherslu á að litið sé til
framtíðar og hvernig borgin gæti
þróast og vaxið næstu áratugina en
ekki aðeins á næstu árum þótt það
sé einnig mikilvægt. Vinnuhópur
á vegum borgarstjórnarflokksins
vann hugmyndirnar og við höfum
kynnt þær víða um borgina. Þær
hafa fengið góðar undirtektir og
verða þróaðar áfram. Við gætum
séð þetta gerast á næstu 20 til 40
árum. Aðrar þjóðir reyna að horfa
þetta langt inn í framtíðina. Þetta
er ekki dýr leið og verði hún farin
gæti þetta leitt til lækkandi lóða-
verðs á svæðum þar sem lóða-
gjöldin eru orðin ógnvænlega há.
Eyjabyggð er djörf hugmynd og
við vinnum hana áfram. Við eigum
land til að byggja í náinni framtíð.
Við eigum Geldinganes, Úlfarsfell
og svo svæðið í Vatnsmýrinni að
minnsta kosti að hluta til.“
Ekki er gefið að Sjálfstæðisflokk-
urinn fái hreinan meirihluta í borg-
arstjórnarkosningunum næsta vor.
Með hverjum gætir þú hugsað þér
að mynda meirihluta ef sú staða
kæmi upp?
„Ég útiloka engan stjórnmála-
flokk sem fær kjörinn fulltrúa í
borgarstjórn á næsta kjörtíma-
bili. Það sem skiptir mestu máli er
það að við sjálfstæðismenn getum
komið áleiðis okkar stefnumálum.
Í hugsanlegum viðræðum mund-
um við leggja áherslu á þau. Við
gætum vel rætt við þá sem næst
stæðu okkar stefnumálum.“
Hvert er brýnasta verkefnið og hvað
þyrfti að þínu viti að ráðast í strax
ef þú kæmist í borgarstjórastólinn?
„Brýnasta verkefnið er að
breyta stefnunni í skipulags- og
lóðamálum borgarbúa. Við sjálf-
stæðismenn leggjum áherslu á
að þeir sem vilja byggja og búa í
Reykjavík geti gert það. Brýnasta
verkefnið er að stórauka framboð
á lóðum og lækka lóðaverð sem er
orðið gífurlega hátt. Svo hátt er
það orðið að venjulegt fólk ræður
vart við það. Með þessu erum við
að skuldsetja fólk sem byggir sér
húsnæði langt umfram það sem
eðlilegt er. Þetta á ekki síst við um
ungt fólk. Þessu vil ég breyta sem
fyrst. Innan tveggja ára þyrftum
við að vera búin að fullnægja þörf-
inni fyrir lóðir. Ég hef lagt áherslu
á að uppboð á lóðum verði afnum-
ið.
Síðan má auðvitað nefna mál á
borð við fjölskyldu- og skólamál. Í
skólunum vil ég draga úr miðstýr-
ingu og auka valfrelsi foreldra og
barna. Þá eru málefni eldri borg-
ara ofarlega á lista.“
Er prófkjör dýr leið að lýðræðinu og
vali á fulltrúum?
„Ég tel að við þurfum virki-
lega að staldra við og líta til þess
kostnaðar sem prófkjörið hefur í
för með sér fyrir marga frambjóð-
endur. Ekki síst þá sem berjast um
efstu sætin. Þessi kostnaður er að
verða of mikill en þegar tekist er
á vilja allir kynna sig og kostnað-
ur fylgir því að koma sjónarmið-
um á framfæri. Við þurfum að
staldra við því þetta er of dýrt og
ekki leggjandi á frambjóðendur að
safna kostnaði með þessum hætti,“
segir Vilhjálmur Þ. Vilhjálmsson
að endingu.
VILHJÁLMUR Þ. VILHJÁLMSSON BORGARFULLTRÚI „Ég held að það sé mjög mikilvægt fyrir okkar framboðslista að þar fari saman víðtæk
reynsla og kraftur og ferskar hugmyndir allra sem á listanum eru, yngri sem eldri. Á listanum þarf einnig að ríkja gott jafnvægi milli
kynja.“FRÉTTABLAÐIÐ/GVA
Gleðst yfir fylgi flokksins
Vilhjálmur Þ. Vilhjálmsson stefnir á efsta sæti framboðslista Sjálfstæðisflokksins í Reykjavík. Hann hefur
áralanga reynslu af borgarmálum og er nú oddviti borgarstjórnarflokksins. Hann segir að reynsla og fersk-
ar hugmyndir eigi að fara saman á framboðslistanum sem flokksmenn kjósa um í dag og á morgun.
Hópur fasteigna-
sala hefur tekið
saman höndum
og stofnað nýtt
félag, Landssam-
tök fasteignasala.
Þar með eru
starfandi tvö
félög á þessu
sviði því fyrir er
Félag fasteigna-
sala. Franz
Jezorski er einn
af stofnendum
Landssamtaka fasteignasala.
Hvers vegna var stofnað nýtt félag?
Það var þörf á nýjum hugmyndum og
nýjum áherslum.
Hvað eru margir í nýja félaginu?
Félagið er náttúrulega bara nýstofnað.
Það eru tíu löggiltir fasteignasalar í
félaginu sem standa fyrir fasteignasöl-
um þar sem starfa á bilinu 60 til 70
manns.
Þarf að bæta ímynd fasteignasala?
Já, það er algjörlega nauðsynlegt. Það
er staðreynd að almenningur þarf að
upplifa ímynd fasteignasala á mun
jákvæðari hátt en nú er.
Eru þið ósáttir við Félag fasteigna-
sala? Nei, samtökin eru ekki stofnuð
til höfuðs Félagi fasteignasala og við
óskum því félagi alls hins besta.
SPURT & SVARAÐ
NÝTT FÉLAG FASTEIGNASALA
Þörf á betri
ímynd
FRANZ JEZORSKI
Einn af stofnendum
Landssamtaka fast-
eignasala.
Á landsfundi Landssambands íslenskra útgerðarmanna hélt Ingibjörg
Sólrún Gísladóttir, formaður Samfylkingarinnar, ræðu sem vakið hefur
misjöfn viðbrögð stjórnmálamanna sem og útgerðar-
manna. Sögðu sumir að málflutningurinn hefði borið
það með sér að Samfylkingin hefði fallið frá hugmynd-
um sínum um fyrningarleiðina. Ingibjörg hefur sagt þá
ályktun vera á misskilningi byggða.
Hvernig virkar fyrningarleiðin?
Fyrningarleiðin felur það í sér að hið opinbera
fái eignarheimild yfir sjávarauðlindinni aftur. Þar
sem einkaaðilar eru með nýtingarrétt á henni
og treysta á þann rétt við starfsemi sína verður
að fara hægt í þær sakir að færa þennan rétt til
hins opinbera. Fyrningarleiðin virkar þannig að
veiðiheimildin myndi minnka um 3-5 prósent á
ári. Það þýðir að breytingin tæki 20 til 33 ár en þá
ætti heimildin að vera uppurin hjá einkaaðilunum sem öðluðust hana í
því kerfi sem nú er við lýði.
Hvað er gert við þá heimild sem fyrnist?
Hún yrði seld á markaði eða uppboði. Þannig er komið í veg fyrir að
menn geti grætt á því að selja eða leigja veiðiheimildirnar en nýti þær
ekki sjálfir.
Hverjir eru gallar fyrningarleiðarinnar?
Margir hafa mælt gegn því að veiðiréttur sem menn hafa
aflað sér af eigin rammleik sé tekinn af þeim með kerfis-
bundnum hætti. Telja þeir að slík aðferð muni kippa fótun-
um undan rekstri fjölmargra sjávarútvegsfyrirtækja og segja
hana skapa mikið óöryggi sem erfitt væri að fóta sig í
fyrir stærri fyrirtæki þar sem hún leiddi til stórfelldrar
eignaupptöku.
FBL. GREINING: FYRNINGARLEIÐ FISKVEIÐIHEIMILDA
Hið opinbera eignast kvótann aftur
FRÉTTAVIÐTAL
JÓHANN HAUKSSON
johannh@frettabladid.is
Karlar
Konur
1990 1994 1998 2002
84%
83%
87,1%
81,7 %
82,2%
86,1%
81,5%
82,3%
Fyrir fagmanninn
– úrval af hnífum og hnífasettum
Mánudaga til föstudagafrá kl. 8:00 til 18:00Laugardaga frákl. 10:00 til 14:00
Opnunartími í verslun RV: