Fréttablaðið - 04.11.2005, Blaðsíða 89

FÓTBOLTI Knattspyrnukappinn
Jóhann Þórhallsson skrifaði ekki
undir samning við Val í gær eins
og fastlega var reiknað með en
hann sjálfur átti von á því að klára
sín mál í gær. Jóhann hefur verið
eftirsóttur af fjölda félaga frá því
hann gaf það út að hann ætlaði að
hætta að leika með KA á Akureyri.
Fljótlega fækkaði möguleikunum
en valið stendur í dag á milli Vals
og Grindavíkur.
Fréttablaðið hefur áreiðanleg-
ar heimildir fyrir því að Jóhann
muni fara í Val en hann hitti þjálf-
ara liðsins, Willum Þór Þórsson,
að máli í gær. Erfiðlega gekk að
ná tali af Jóhanni í gær en þegar
Fréttablaðið náði tali af honum í
gærkvöldi sagðist hann enn vera
óákveðinn.
„Þetta er alveg rosalega erfið
ákvörðun og ég er ekki enn búinn
að gera upp hug minn,“ sagði
Jóhann sem var harðákveðinn í að
klára málið í gær en gat það ekki
einhverra hluta vegna. Aðspurð-
ur á hverju málið strandaði sagði
Jóhann: „Ég get því miður ekkert
tjáð mig um það. Þið verðið að
bíða aðeins lengur eftir að heyra
hvar ég spila næsta sumar.“
Grindvíkingar heyrðu ekkert
frá Jóhanni í gær en hann átti
að svara samingstilboði þeirra á
miðvikudag. Jónas Þórhallsson,
formaður knattspyrnudeildar
Grindavíkur, sagði um miðjan
daginn í gær að tilboð þeirra
stæði að minnsta kosti út gærdag-
inn en þeir yrðu að skoða stöðuna
á ný í dag ef þeir myndu ekkert
heyra frá Jóhanni. Þó kæmi ekki
til greina að hækka núverandi til-
boð. Ennfremur kvaðst Sigurður
Jónsson, þjálfari liðsins, ekkert
hafa heyrt frá Jóhanni í gær en
hann sagði að tilboð Grindvíkinga
stæði og það væri leikmannsins að
ákveða framhaldið.
- hbg, - vig
48 4. nóvember 2005 FÖSTUDAGUR
Ekki enn gert upp hug sinn
Knattspyrnumaðurinn Jóhann Þórhallsson hefur enn ekki ákveðið hvort hann
gangi til liðs við Val eða Grindavík. Heimildir Fréttablaðsins herma engu að
síður að Jóahnn muni ganga til liðs við Val.
SKRIFAR HANN UNDIR Í DAG Þessir tveir einstaklingar gætu hæglega setið við þetta borð
í dag og skrifað undir samning. Um er að ræða framherjann Jóhann Þórhallsson og Börk
Edvardsson, formann knattspyrnudeildar Vals. Myndin er samsett. SAMSETT MYND/ RÓBERT
NightClub
Hafnarstræti 17 - 101 Reykjavík • Sími/Tel. 848 4830
�������������
���������������
��������������������������������������������������������������
���������� ������������������������������������
���������
����������
FÓTBOLTI Byggingarfyrirtækið
sem sér um að endurreisa hin
fornfræga þjóðarleikvang Eng-
lendinga, Wembley, tilkynntu í
gær að kostnaður við byggingu
hins nýja leikvangs myndi verða
tæpum sjö milljörðum hærri en
upphaflegar áætlanir gerðu fyrir.
Gert var ráð fyrir því þegar
framkvæmdir hófust að þær
myndu kosta um 70 milljarða
króna, en hækkandi heimsverð á
stáli, auk ósættis milli verktaka
og stálfyrirtækisins CBUK sem
varð til þess að fyrirtækið hætti
við sinn hlut í verkefninu, hafa
orðið til þess að heildarkostnað-
urinn hækkar til muna og jafn-
vel um meira en fyrrgreinda sjö
milljarða.
Fyrirtækið Multiplex, sem
hefur veg og vanda að gerð hins
nýja Wembley, hefur þegar hafið
undirbúning að málaferlum gegn
CBUK en nýtt stálfyrirtæki hefur
þegar verið fengið til að útvega
efni til framkvæmdanna og ættu
þær því að haldast á áætlun.
Kostnaður við hinn nýja Wembley er mikill:
Sjö milljarða umfram áætlanir
Í FRAMTÍÐINNI Þessi mynd sýnir
hverng hinn nýi Wembley mun
koma til með að líta út þegar
framkvæmdum er lokið. Sannarlega
glæsilegt mannvirki.
Í DAG Þessi mynd var tekin í lok sumars þegar framkvæmdir við Wembley stóðu sem hæst.
KÖRFUBOLTI Margra augu verða á
Los Angeles Lakers í vetur enda er
Phil Jackson aftur tekinn við lið-
inu og undir hans stjórn er maður
að nafni Kobe Bryant sem hefur
ekki alltaf látið vel að stjórn.
Kobe stimplaði sig engu að
síður vel inn í tímabilið með sigur-
körfunni í fyrsta leik Lakers. Kom
hún 0,6 sekúndum fyrir lok fram-
lengingar gegn Denver Nuggets
og vann Lakers því 99-97.
„Sigurinn var ekkert mikil-
vægur fyrir mig. Hann var mik-
ilvægur fyrir liðið,“ sagði Phil
Jackson hógvær eftir leikinn.
Kobe skoraði 33 stig í leiknum og
hann fékk einnig tækifæri til þess
að klára leikinn undir lok venju-
legs leiktíma en þá brást honum
bogalistin.
„Þetta var vissulega mikilvæg-
ur sigur fyrir okkur enda erum
við mjög ungt lið,“ sagði Kobe
eftir leikinn en hann átti ekki að
taka síðasta skotið samkvæmt
leikkerfinu. Hann tók því ekki
sem móðgun. „Hann reynir stund-
um að koma andstæðingnum á
óvart. Hann treystir mér og veit
að ég tek af skarið ef kerfið geng-
ur ekki upp.“ - hbg
Los Angeles Lakers byrjar vel í NBA-deildinni:
Kobe með sigurkörfuna
í framlengingu
KOBE BRYANT Fagnar hér sigurkörfunni
gegn Denver. FRÉTTABLAÐIÐ/GETTY IMAGES
FÓTBOLTI 2. deildarlið Fjarða-
byggðar gekk í gær frá þriggja
ára samningi við fyrrum lands-
liðsmanninn Þorvald Örlygsson en
hann þjálfaði síðast lið KA.
„Þetta leggst mjög vel í mig. Ég
þekki aðeins til hjá liðinu og mér
finnst þetta vera mjög spennandi
verkefni,“ sagði Þorvaldur við
Fréttablaðið í gær en hann var
orðaður við þjálfarastöðu Fram
og Víkings fyrir skömmu.
Fjarðabyggð endaði í fjórða
sæti annarrar deildarinnar síð-
asta sumar og var aðeins fjórum
stigum frá því að komast upp í
fyrstu deild. Þorvaldur segir að
hann ætli ekki að byrja á því að
kaupa fjölda manna til liðsins.
„Ég ætla
fyrst að skoða
mannskapinn
og reyna að
halda öllum
sem fyrir eru
hjá félaginu.
Þetta eru
ungir spræk-
ir strákar
sem hafa lagt
mikið á sig
og ég vil hjá-
lpa þeim að verða betri,“ sagði
Þorvaldur sem mun áfram búa á
Ákureyri en fer reglulega aust-
ur til að kíkja á þá stráka sem
þar eru. Hann mun síðan flytjast
búferlum yfir sumartímann. - hbg
Fjarðabyggð ætlar sér stóra hluti á komandi árum:
Þorvaldur ráðinn þjálfari