Fréttablaðið - 03.12.2005, Page 30

3. desember 2005 LAUGARDAGUR30
Almenningsgarðar skipa jafnan stóran sess í öllum betri borgum og nægir að
nefna Central Park í New York,
Hyde Park í London og Frognerpark
í Osló því til stuðnings. Með
talsverðri víðsýni má kannski kalla
Hljómskálagarðinn og Miklatún
vísi að slíkum garði en lengra nær
það ekki.
Hugmyndir að almenningsgarði
eru sannarlega til og meira að
segja gert ráð fyrir honum sem
hugsanlegum framtíðarmöguleika
á aðalskipulagi borgarinnar.
Nýja Hringbrautin gæti hins
vegar sett strik í reikninginn. Gatan
er orðin sannkallað olnbogabarn
og sá þykir varla maður með
mönnum í borgarstjórn sem hefur
ekki barið sér á brjóst og annað
hvort beðist afsökunar eða svarið
af sér ábyrgð á framkvæmdinni.
Styttri stokkur
Meðal þeirra hugmynda sem
komu fram um nýja Hringbraut
var að setja hana í stokk. Höfuð-
borgarsamtökin lögðu til að
stokkurinn næði frá Bústaðavegi
vestur fyrir Njarðargötu, nokk-
urn veginn á sama svæði og nýja
Hringbrautin liggur um núna.
Sú hugmynd var afskrifuð af
yfirvöldum, þótt nú virðist vera
komið annað hljóð í strokkinn,
hversu raunhæft sem það kann
að vera að leggja hið gríðarlega
umferðarmannvirki sem Hring-
brautin er í stokk.
Önnur hugmynd sem kom fram
á sínum tíma fólst í að leggja
stuttan kafla Hringbrautarinnar,
frá Njarðargötu og vestur fyrir
Melatorg, í stokk með það að
markmiði að létta umferð og skapa
betri og öruggari tengingu milli
háskólasvæðisins og miðbæjarins.
Hugmyndin lýtur fyrst og fremst
að því að leysa staðbundinn
umferðarvanda. Að sögn Stefáns
Finnsonar hjá framkvæmdasviði
Reykjavíkurborgar aka um þrjátíu
til fjörutíu þúsund bílar um þetta
svæði daglega og gæti stokkur
minnkað umferð á yfirborðinu
um allt að helming og lækkað
slysatíðni.
Tjörnin yfir Hringbraut
Ekki hafa komið fram hugmyndir
um að reisa hús á yfirborðinu.
Svæðið að ofanverðu myndi
því sóma sér vel sem stór
almenningsgarður og hefur finnski
arkitektinn Alvar Alto meðal
annars útfært hugmyndir þar
sem Tjörnin heldur áfram sunnan
við Hringbrautina. Þá er hægt að
koma fyrir hjóla- og göngustígum
og búa til blómlegt útivistarsvæði.
Að sögn Dags B. Eggertssonar,
formanns skipulagsráðs Reykja-
víkurborgar, þykir þessi hugmynd
einn af nokkrum raunhæfum fram-
tíðarmöguleikum. Aðrar fram-
kvæmdir eru þó taldar brýnni, þar
á meðal Sundabraut, Miklabraut
og Öskjuhlíðargöng.
Engin frumhönnun liggur fyrir
á hugmyndinni um stokkinn á
þessu svæði sem hér um ræðir svo
ekki er hægt að meta kostnaðinn
af framkvæmdinni.
Steinn í götu
Það er hins vegar ljóst að aðrar
stokkalausnir eru sennilega arð-
bærari hvað varðar landrými og
lóðaverðmæti, sem gera þennan
kost ólíklegri en ella. Dagur
fullyrðir þó að ekkert sé útilokað
og bíður meðal annars eftir
afrakstri hugmyndasamkeppni
um um framtíðarskipulag Vatns-
mýrarinnar.
Annar vandi sem þótti standa
þessari framkvæmd fyrir þrifum
var áhrifin sem hún gæti haft á
vatnsbúskap tjarnarinnar sem og
fuglalíf í grenndinni.
Eins og Örn Sigurðsson hjá
Höfuðborgarsamtökunum bendir
á hlýtur því hins vegar ávallt
að fylgja rask þegar borgir eru
byggðar. Það megi hins vegar
takmarka með því að þétta byggð
en ekki dreifa henni um holt og
hæðir eins og gert hefur verið
í Reykjavík með ófyrirséðum
afleiðingum á fuglalíf. Þá telur
Örn að auðveldlega megi leysa
vatnsbúskap Tjarnarinnar með
því að dæla vatni úr Vatnsmýrinni
í hana en að hans sögn er það hægt
með litlum tilkostnaði. ■
LO
FT
M
YN
D
IR
/S
A
M
SE
TT
M
YN
D
: K
R
IS
TI
N
N
Endur í vegi framfara
Með því að leggja Hringbraut í stokk frá
Njarðargötu vestur fyrir Melatorg gæti Reykjavík
eignast glæsilegan almenningsgarð og tengt
háskólasvæðið við miðborgina. Bergsteinn
Sigurðsson skyggndist inn í framtíðina.
SU
Ð
U
RG
AT
A
ÞJÓÐAR-
BÓKHLAÐAN
SKOTHÚSVEGUR
NJ
AR
ÐA
RG
AT
A
HRINGBRAUT
NORRÆ
NA
HÚSIÐ
H
ÁS
KÓ
LI
ÍS
LA
N
D
S