Fréttablaðið - 07.12.2005, Blaðsíða 24

7. desember 2005 MIÐVIKUDAGUR24
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 5.157 -0,12% Fjöldi viðskipta: 225
Velta: 1.294 milljónir
HLUTABRÉF Í ÚRVALSVÍSITÖLU: Actavis 46,20 +0,40% ... Bakkavör
50,50 +1,00% ... FL Group 16,40 +0,00% ... Flaga 4,95 -1,20% ...
HB Grandi 9,55 +0,50%... Íslandsbanki 16,70 -0,60% ... Jarðboranir
24,10 +0,00% ... KB banki 662,00 +0,00% ... Kögun 60,00 +0,30%
... Landsbankinn 23,80 -0,80% ... Marel 65,20 +0,00% ... SÍF 4,18
+0,70% ... Straumur-Burðarás 15,50 +0,00% ... Össur 111,50 -1,30%
MESTA HÆKKUN
Bakkavör +1,00%
SÍF +0,72%
HB Grandi +0,53%
MESTA LÆKKUN
Össur -1,33%
Flaga -1,20%
Mosaic Fashions -1,16%
Evrópskar kauphallir náðu í gær
hæstu gildum í meira en þrjú og
hálft ár en einnig hækkuðu hluta-
bréf í Bandaríkjunum.
Olíuverð hefur haldist undir
sextíu dölum á fatið, sem sem
hefur jákvæð áhrif á hlutabréfa-
markaði, en einnig voru birtar
tölur um 4,7 prósenta framleiðni-
aukningu í Bandaríkjunum á
öðrum ársfjórðungi, sem er mesta
hækkun í tvö ár.
Hlutabréf í Ericsson hækkuðu
um fjögur prósent vegna risa-
samnings við Hutchison’s - þriðju
kynslóðar fjarskiptafyrirtækis-
ins.
Bankar og smásalar eins og
Next og Royal Bank of Scotland
hækkuðu á breska markaðnum.
Kuldakast í Bretlandi hefur örvað
smásölu til muna og hækka kaup-
menn því útsöluverð. - eþa
Hækkanir á
mörkuðum
Kögun hf. hefur skrifað undir
samning um kaup á bandarísku
hugbúnaðarfyrirtæki.
Ekki hefur verið greint frá
nafni fyrirtækisins. Það verður
ekki gert fyrr en áreiðanleika-
könnun hefur verið framkvæmd
af hálfu endurskoðenda og lög-
fræðinga Kögunar. Gert er ráð
fyrir að endanlega verði gengið
frá samningnum í lok desember.
Fyrirtækið, sem er í einkaeign,
hefur verið starfrækt frá árinu
1979 og hjá því starfa um þrjátíu
manns. Það er sérhæft í sölu og
innleiðingu viðskiptahugbúnaðar
Microsoft og er á miklu vaxtar-
svæði í Bandaríkjunum. Kaupverð
á fyrirtækinu er trúnaðarmál en
að sögn Gunnlaugs M. Sigmunds-
sonar, forstjóra Kögunar, er fyrir-
tækið í góðum rekstri og ýmis nöfn
meðal viðskiptavina þess sem allir
Íslendingar þekkja.
Gunnlaugur segir þetta aðeins
fyrstu fjárfestingu af mörgum
í Bandaríkjunum og fyrirtækið
stefni á mikinn vöxt þar. „Við erum
að kaupa okkur móðurskip til að
byrja á. Fleiri kaup munu fylgja
í kjölfarið á og innan tveggja ára
verðum við komin með almenni-
lega veltu í Bandaríkjunum.“
Kögun stefnir hátt á sviði við-
skiptalausna og hefur það að mark-
miði að verða meðal þeirra fimm
stærstu í Bandaríkjunum á því
sviði. Hann bendir á að Kögun sé
ekki ókunnug Bandaríkjamarkaði
enda hafi fyrirtækið verið stofn-
að í Los Angeles og fyrstu árum í
rekstri þess eytt þar. Það renni því
ekki blint í sjóinn með markmið
sín. Það sé hins vegar ekki ætlunin
að fara í útrás með þeim hætti að
setja sjálft upp útibú í Bandaríkj-
unum. Frekar verði fjárfest í vel
reknum bandarískum fyrirtækj-
um í sóknarhug og þau sameinuð
með tímanum.
- hhs
Kögun kaupir hugbúnaðar-
fyrirtæki í Bandaríkjunum
GUNNLAUGUR M. SIGMUNDSSON, FORSTJÓRI KÖGUNAR, SEGIR KÖGUN STEFNA HÁTT Meðal viðskiptavina nýja fyrirtækisins eru nöfn sem
allir Íslendingar þekkja.
MARKAÐSPUNKTAR
Seðlabanki Kanada hækkaði stýrivexti
úr 3% í 3,25%. Segir bankinn að
jafnvel þurfi að hækka vexti enn frekar
til þess að draga úr verðbólgu. Búist er
við að Seðlabanki Bandaríkjanna geri
slíkt hið sama á næstunni.
Á þriðja ársfjórðungi 2005 námu tekjur
af erlendum ferðamönnum alls 18,8
milljörðum króna og hafa þær aldrei
verið jafn miklar. Þar af voru 12,7 millj-
arðar króna neysla þeirra hérlendis
og fargjaldatekjur námu 6,1 milljarði
króna.
Gengisvísitala krónunnar hækkaði um
0,28 prósent í gær og veiktist krónan
sem því nemur. krónan hefur lækkað
töluvert að undanförnu og stendur
vísitala krónunnar nú í 107,20 stigum.
Spádómsgáfa Greenspan
Greiningardeild KB banka rifjar upp að 5. desember
voru níu ár frá því að Alan Greenspan, seðlabanka-
stjóri Bandaríkjanna, lét þau orð falla að hlutabréfa-
markaðurinn stjórnaðist af óskynsamlegri bjartsýni.
Síðustu hundrað ár hefur nafnvöxtun hlutabréfa
verið 10,1 prósent á ári, en frá því að orð
Greenspan féllu hefur Nasdaq vísitalan
hækkað um 6,3 prósent á ári, Dow
Jones um 5,95 prósent og S&P um
6,23 prósent. Hærri ávöxtunarkrafa
er gerð til hlutabréfa en skuldabréfa,
en þegar Greenspan lét orð sín falla
var ávöxtunarkrafa ríkisskuldabréfa
6,23 prósent. Greining KB banka segir
að ekki verði annað séð en að orð
Greenspan hafi staðist tímans tönn. Það
verður eftirsjá af þessum spámannlega
vaxna öldungi þegar hann stígur úr stóln-
um sínum um næstu áramót.
Ford lúffar fyrir afturhaldi
Bílaframleiðandinn Ford hefur hlotið mikla gagnrýni
fyrir ákvörðun um að hætta að auglýsa í tímrit-
um homma og lesbía. Ford lét undan þrýstingi
afturhaldssamra samtaka um fjölskyldugildi og
vísar til þess að fyrirtækið ráði því sjálft hvar það
auglýsi. Samtök homma og lesbía hafa mótmælt
harðlega og meðal þeirra sem hafa krafið
fyrirtækið svara eru samkynhneigðir starfs-
menn fyrirtækisins. Stjórnendur félgasins
fullyrða að þrátt fyrir þessa ákvörðun
sé engrar stefnubreytingar að vænta í
starfsmannastefnu fyrirtækisins í sömu
átt. Eina bílamerkið sem er undan-
skilið varðandi auglýsingar í tímaritum
homma og lesbía er Volvo. Ekki kemur
fram hvers vegna það er undanskilið,
en Volvobílar höfða
til þeirra sem setja
öryggið á oddinn.
Peningaskápurinn
Framleiðni í Bandaríkjunum jókst
meira en væntingar stóðu til um á
þriðja ársfjórðungi þessa árs, um
4,7 prósent. Þetta er mesti fram-
leiðnivöxtur þar vestra í tvö ár.
Athygli vekur að þessi mikli fram-
leiðnivöxtur verður þrátt fyrir að
að þúsundir starfa hafi tapast eftir
að fellibylirnir Ríta og Katrín riðu
yfir suðurströnd Bandaríkjanna.
Bandaríska viðskiptaráðuneytið
hefur hækkað hagvaxtarspá sína
og er nú gert ráð fyrir 4,3 prósenta
hagvexti á árinu. Fyrri spá hljóðaði
upp á 3,8 prósenta hagvöxt. Þessi
kröftugi framleiðnivöxtur hefur
þó ekki leitt til aukins launakostn-
aðar en tólf mánaða launakostnað-
ur lækkaði um eitt prósent á þriðja
ársfjórðungi. ■
Framleiðniaukning
í Bandaríkjunum
„Aðgangur að lánsfé og kjör er
snerta húsnæðiskaup eða bygg-
inga hafa ekki áður verið betri hér
á landi. En hinu er ekki að leyna að
stór hluti bankakerfisins er senni-
lega að greiða niður húsnæðis-
lán sín um þessar mundir,“ sagði
Davíð Oddsson seðlabankastjóri
á fundi Viðskiptaráðs á mánudag-
inn.
Davíð sagði að þetta kynni auð-
vitað að vera meðvituð áhætta og
lánveitendur gætu hagnast vel
þegar vextir hér yrðu líkir því
sem annars staðar gerðist. - bg
Stór hluti greiðir
niður íbúðalánin
DAVÍÐ ODDSSON
SEÐLABANKASTJÓRI
Í lok september námu erlendar
skuldir hagkerfisins 2.334 millj-
örðum króna, sem er fjögurra
prósenta aukning milli mánaða,
samkvæmt nýjum tölum frá Seðla-
bankanum. Hálf fimm fréttir KB
banka greina frá þessu. Það sem af
er ári hafa erlendar skuldir þjóðar-
búsins aukist um fjörutíu prósent
en frá árinu 2003 hafa þær aukist
um 98 prósent. Það má að miklu
leyti rekja til mikillar aukningar
erlendra skulda hjá innlánsstofn-
unum. Þær hafa aukist um rúm
fimmtíu prósent frá áramótum og
um 157 prósent frá lok ársins 2003.
Stærsti hluti þess er skuldabréfa-
útgáfa innlendu bankanna erlendis
sem hefur tæplega tvöfaldast frá
áramótum og nemur nú tæpum
1.500 milljörðum króna. Erlendar
skuldir hins opinbera hafa hins
vegar dregist saman um sextán
prósent. Erlendar skuldir þjóð-
arbúsins nema nú um 235,3 pró-
sentum af vergri landsframleiðslu
samanborið við tæp 200 prósent við
lok ársins 2004. Umtalsvert flæði
erlends gjaldeyris inn í hagkerfið
hefur hjálpað til við að halda gengi
krónunnar sterku og greiða fyrir
methalla á viðskiptum við útlönd.
Hrein staða við útlönd, erlend-
ar eignir að frádregnum erlend-
um skuldum, er hins vegar nei-
kvæð upp á 858 milljarða króna
en hallinn hefur aukist um tæp
25 prósent milli ára og er nú um
89 prósent af vergri landsfram-
leiðslu. ■
Erlendar skuldir
aukast milli mánaða