Fréttablaðið - 07.12.2005, Blaðsíða 72

7. desember 2005 MIÐVIKUDAGUR42
Hverjir verða hvað?
Brátt verða kynslóðaskipti í dægur-
og stjórnmálalífi okkar Íslendinga.
Gömul andlit draga sig smám saman í
hlé og ný stíga fram í sviðsljósið til að
dvelja þar í náinni framtíð. Það er ekki
auðvelt að feta í fótspor þessa fólks
sem hefur yljað okkur um hjartaræt-
urnar svo árum eða áratugum skipt-
ir. Þegar horft er yfir sviðið kemur
hins vegar í ljós að við þurfum engu
að kvíða því krónprinsar og -prins-
essur eru á hverju strái. Þetta er því
eingöngu spurning um hver hreppir
hnossið.
Í fljótu bragði hefðu margir ætlað Gísla Marteini Baldurssyni þetta
hlutskipti. Ljósir lokkar nægja hins vegar ekki til að feta í fótspor
forsetans. Dagur B. er menntamaður eins og forsetinn en þeir hafa
báðir lokið ströngu háskólanámi. Þeir eru auk þess báðir á vinstri
væng stjórnmálanna, sem hefur þótt ágætis stökkpallur á Bessa-
staði. Þó Dagur sé dökkhærður skemmir það ekki fyrir því báðir
tveir skarta sérstakri hárgreiðslu sem hefur markað þeim sérstöðu
meðal íslenskra stjórnmálamanna.
ÓLAFUR RAGNAR
GRÍMSSON
DAGUR B.
EGGERTSSON
Vala Matt var vel sett sem arkitekt áður en hún heillaði íslensku
þjóðina upp úr skónum á sokkabandsárum Stöðvar 2. Íslenskt þjóð-
líf án hennar væri eins og harðfiskur án smjörs, þurrt og leiðinlegt.
Vala er þó ekki eingöngu skemmtileg sjónvarpskona heldur einnig
með eindæmum heillandi karakter. Í fljótu bragði er engin ung kona
í íslenskum fjölmiðlum sem gæti tekið við af henni og það þurfti
því að leita út fyrir hin þrönga heim sjónvarpsins en arftaki hennar
fannst í poppsöngkonunni Svölu Björgvins. Þrátt fyrir að „meik“ til-
raunir hennar hafi ekki gengið sem skyldi hefur Svala vakið athygli
fyrir einstaka smekkvísi og ætti auðveldlega að geta orðið næsti
„trendsetter“ Íslands þegar hún leggur loksins sönginn á hilluna.
Ljósa hárið skemmir ekki fyrir samanburðinum.
VALA
MATT
SVALA
BJÖRGVINS
RÚNAR
JÚL
FROSTI
LOGASON
Rúni Júl hefur sýnt að það nægir ekki að vera bara sætur og kunna
að spila á hljóðfæri. Menn þurfa að hafa toppstykkið í lagi, geta horf-
ið til annarra starfa þegar tónlistaferillinn líður undir lok en geta
haldið „coolinu“. Þetta er ekki hverjum gefið og margir tónlistar-
menn rembast við að lifa á fornri frægð á meðan útgáfufyrirtæki
Keflavíkurgoðsins gefur út Hjálma og Baggalút.
Sennilega verður bara einn Rúni Júl en sá sem kemst næst honum
er Frosti Logason úr Mínus. Kunnugir segja að hann sé bæði heil-
inn og hjartað í hljómsveitinni en hann er auk þess dagskrárstjóri á
Xinu. Þar að auki er margvíslegt sameiginlegt með einkalífi þessara
rokkhunda því Frosti er oft nefndur á nafn sem hugsanlegur vonbið-
ill Unnar Birnu Vilhjálmsdóttur fegurðardrottningar. Fáar sögur eru
hins vegar til af afrekum gítarleikarans á knattspyrnuvellinum.
Svanhildur Jakobsdóttir er einhver glæsilegasta söngkona sinnar
kynslóðar og heldur sér ótrúlega vel. Enn þann dag í dag heillar hún
karlpeninginn upp úr skónum, unga jafnt sem aldna. Þrátt fyrir lang-
an starfsaldur hefur Svanhildur, ólíkt mörgum öðrum konum í sinni
stétt, aflað sér virðingar meðal kynsystra sinna en slíkt hefur reynst
nánast ógjörningur þegar kemur að konum og sviðsljósinu. Aðeins
ein stúlka sem er áberandi í mannlífinu í dag gæti orðið hugsan-
legur arftaki hennar. Birgitta Haukdal hefur þennan stelpusjarma
sem brætt hefur hjörtu táningsdrengja og hún er jákvæð fyrirmynd
allra stúlkna sem sjá ekkert illt í henni. Þokki Birgittu virðist vera
ótæmandi og ef að líkum lætur verður Birgitta með okkur um öld og
ævi... líkt og Svanhildur.
SVANHILDUR
JAKOBSDÓTTIR
BIRGITTA
HAUKDAL
Þrátt fyrir augljósan metnað til að taka við af Halldóri Ásgrímssyni
forsætisráðherra verður það hlutskipt Björns Inga að verða land-
búnaðarráðherra og taka við hlutverki Guðna Ágústssonar sem
stuðboltinn í Framsókn. Björn Ingi hefur hinn sérstaka framsóknar-
húmor alveg á hreinu og flaggar honum óspart í þáttum eins og Silfri
Egils. Það myndi ekki vefjast fyrir Birni að hrósa íslensku mjólkinni,
pylsunni og kúnni. Þá hefur Björn einnig einstakan sjarma sem gæti
nýst honum á ferðalögum sínum um landið og nýtt heilsusamlegt
útlit hans á eftir að heilla húsmæðurnar upp úr skónum.
Guðni Ágústsson hefur verið í framvarðarsveit Framsóknarflokks-
ins og er eitt af aðaltrompum hans í kosningabaráttunni enda fáir
stjórnmálamenn sem hafa meiri hæfileika til að laða fram bros á
vörum kjósenda. Flokkurinn þarf ekki að kvíða að hann verði laus
við glens og grín þegar Guðni stígur niður því Björn Ingi er verðugur
arftaki hans.
GUÐNI
ÁGÚSTSSON
BJÖRN INGI
HRAFNSSON
Þrátt fyrir yfirlýsta andúð á sjónvarpsþætti Hemma, Það var lagið,
getur Egill ekki skorast undan ábyrgð sinni. Íþróttaferillinn, konurn-
ar og djammið, þarf að segja meira? Egill ratar beina leið í sjón-
varpið og þó hann stjórni að öllum líkindum ekki söngþætti gæti það
verið „Fræga fólkið lyftir lóðum“ eða „Boxað í beinni“. Aukinn þroski
mun veðra helsta rembinginn af kraftajötninum sem verður alltaf
hrezz á kantinum. Þótt þjóðin voni auðvitað að Hemmi verði með
henni sem lengst þarf hún ekki að kvíða að enginn komi í staðinn
fyrir hannn því Gillzeneggerinn mun með bros á vör taka við krún-
unni sem eftirlæti þjóðarinnar.
HERMANN
GUNNARSSON
EGILL
GILLZENEGGER