Fréttablaðið - 07.12.2005, Blaðsíða 36

Hafliði Helgason
skrifar
Allt stefnir í að farþegar um Flug-
stöð Leifs Eiríkssonar verði 1,8
milljónir í ár, en þeir voru 460
þúsund þegar skóflustunga var
tekin að flugstöðinni árið 1983.
Áætlanir gera ráð fyrir að farþeg-
ar verði 3,2 milljónir árið 2015.
Í gær voru kynntar áætlanir
um stækkun norðurbyggingar
flugstöðvarinnar á næstu árum og
á að hraða framkvæmdum eins og
kostur er. Stækkunin er til að
bregðast við sívaxandi farþega-
fjölda næstu ára.
Sjálft athafnarýmið til verslun-
ar og þjónustu við farþega stækk-
ar mikið. Þjónusta við farþega
verður stóraukin og bætt með
ýmsu móti. Nýr tæknibúnaður
eykur afkastagetu flugstöðvar-
innar, ekki síst á það við um öflugt
farangursflokkunarkerfi sem sett
verður upp og tekið í notkun árið
2007.
Flugstöðvarbyggingin verður
stækkuð til suðurs og skipulagi
fyrstu og annarrar hæðar jafn-
framt breytt svo mikið að líkja
má við umbyltingu. Framkvæmd-
ir sem eru þegar hafnar verða í
tveimur áföngum og er áætlað að
þeim ljúki vorið 2007.
Höskuldur Ásgeirsson, for-
stjóri flugstöðvarinnar, segir ný-
bygginguna eiga að duga til árs-
ins 2015. „Við vitum að það geta
alltaf verið frávik í svona spám
og fylgjumst við með þróuninni.“
Farþegum hefur fjölgað um
fimmtíu prósent frá árinu 2002.
Þegar hefur verið fjárfest í
stækkun fyrir tvo milljarða
króna, en gert er ráð fyrir að
fimm milljarðar fari í verkið til
viðbótar að meðtöldum búnaði. Í
nýrri byggingu verður fullkom-
inn flokkunarbúnaður fyrir
farangur.
Höskuldur segir að þegar í svo
stóra framkvæmd sé ráðist fari
ekki hjá því að röskun verði á
starfseminni. Þegar næsta
fimmtudag verður inngangur
brottfararfarþega færður. Áætl-
að er að fyrsta áfanga ljúki í upp-
hafi næsta sumars.
Eftir stækkun verður heildar-
stærð flugstövarinnar 55 þúsund
fermetrar. Gert er ráð fyrir að
breytingarnar hafi í för með sér
fjölgun verslana um tíu til tólf og
að þær fyrstu taki til starfa vorið
2006.
Vika Frá áramótum
Actavis Group 3% 27%
Bakkavör Group 5% 105%
Flaga Group 1% -19%
FL Group 5% 64%
Grandi 1% 18%
Íslandsbanki 4% 50%
Jarðboranir -2% 19%
Kaupþing Bank 3% 50%
Kögun 2% 29%
Landsbankinn 3% 96%
Marel 2% 33%
SÍF -1% -15%
Straumur 1% 62%
Össur 2% 46%
*Miðað við gengi í Kauphöll á mánudag
MIÐVIKUDAGUR 7. DESEMBER 2005 MARKAÐURINN2
F R É T T I R
G E N G I S Þ R Ó U N
Sjö milljarða stækkun
mætir farþegafjölgun
Framkvæmdir eru hafnar við stækkun Flugstöðvar Leifs Eiríkssonar. Þær munu
kosta sjö milljarða og áætlað að þeim ljúki vorið 2007. Gert er ráð fyrir að far-
þegar verði 3,2 milljónir árið 2015.
Sænski skuldabréfamarkaðurinn
er að nokkru leyti seljanlegri en
sá íslenski segir í sérefni sem
greiningardeild KB banka sendi
frá sér í gær. Munurinn á seljan-
leikanum er þó ekki mikill í til-
viki verðtryggða
markaðarins að
mati starfsmanna
greiningardeild-
arinnar en heldur
meiri ef litið er til
óverðtryggða
markaðarins.
„Seljanleiki
á íslenskum
s k u l d a -
bréfamarkaði hefur aukist mikið
á undanförnum árum. Markaður-
inn hefur stækkað í kjölfar auk-
innar útgáfu verðtryggðra bréfa
auk þess sem umbætur hafa átt
sér stað á markaðinum sem stuðl-
að hafa að auknum seljanleika,“
segir í grein KB banka. Þetta
skipti miklu máli til dæmis fyrir
erlenda fjárfesta sem vilja
ekki lokast inni á íslenska
skuldabréfamarkaðnum.
– bg
Hreiðar Már Sigurðsson, for-
stjóri KB banka, er í 22. sæti á
nýjum lista Financial News yfir
hundrað rísandi stjörnur. Listinn
var birtur samhliða lista tíma-
ritsins yfir 100 áhrifamestu ein-
staklinga á evrópskum fjár-
magnsmörkuðum. Listinn gerir
grein fyrir þeim aðilum undir
fertugu sem tímaritið telur lík-
legt að muni verma FN100 í
framtíðinni.
Financial News leit til fjög-
urra þátta við val og uppröðun á
listann. Hvað menn höfðu áorkað
í starfi, hver hafði leiðbeint þeim
að komast þangað, hvaða auðlind-
ir viðkomandi höfðu til umráða
og hversu líklegt þætti að þeir
kæmust á FN100 listann. Heild-
artölunni var svo deilt með aldri
viðkomandi og sætið þannig
fundið út miðað við hversu hratt
er þotið upp metorðastigann. - hhs
Stjórnendur Fiskmarkaðar Ís-
lands óttast framtíð fiskmarkaða
vegna mikils flutnings veiði-
heimilda yfir á færri hendur.
„Það hefur verið mikil sala
bæði í krókaaflamarki og afla-
marki. Kvótinn hefur hækkað um
50 prósent á einu ári á sama tíma
og fiskverð hefur lækkað eins og
sést á uppgjörum okkar. Margir
einyrkjar, sem selja á markaðina,
hafa verið að yfirgefa greinina
en þeir sem hafa verið að kaupa
heimildirnar hafa að mestu verið
stórar útgerðir. Þetta er slæmt
fyrir fiskmarkaðina og þá sem
þurfa að byggja sína hráefnisöfl-
un á kaupum á fiskmörkuðum,“
segir Tryggvi Leifur Óttarsson,
framkvæmdastjóri Fiskmarkaðs
Íslands.
Samþjöppun á aflaheimildum í
krókaaflamarkskerfinu, það er
„litla kerfinu“, er að þróast á
sama veg og hefur verið um langt
skeið í stóra kerfinu – aflamarks-
kerfinu. Framboð afla á fisk-
markaði hefur þar af leiðandi
minnkað, enda kjósa margir
þessara kaupenda að verka sinn
fisk sjálfir í stað þess að selja
hann á markaði.
„Í sjálfu sér erum við uggandi
yfir þessari þróun því hún er al-
varleg. En við ætlum ekki að
leggja árar í bát og gefast upp.
Við verðum þá bara að finna okk-
ur eitthvað annað að gera ef við
fáum minna af fiski í sölu.“ - eþa
Óttast framtíð fiskmarkaða
Framboð afla minnkar vegna flutnings kvóta á færri hendur.
Seljanlegri skuldabréf
Hreiðar rísandi stjarna
Forstjóri KB banka álitinn áhrifamikill á
evrópskum fjármálamarkaði.
„Því miður fellur Ísland í þann
flokk ríkja sem hafa gert fáa tví-
sköttunarsamninga við önnur
ríki þó þeir séu á þriðja tug,“ seg-
ir í riti sem Viðskiptaráð Íslands
hefur tekið saman og er unnið af
Jóni Elvari Guðmundssyni.
„Enn hefur ekki tekist að gera
tvísköttunarsamninga við öll ríki
ESB og gildir samningar eru 23.
Ríki sem hafa staðið sig vel í
þessum efnum hafa gert um eða
yfir eitt hundrað tvísköttunar-
samninga. Því er lagt til að
áhersla á gerð tvísköttunarsamn-
inga verði aukin, sérstökum
starfsmönnum í stjórnkerfinu
falið að vinna eingöngu í því og
að samráð verði haft við aðila úr
atvinnulífinu við undirbúning og
gerð slíkra samninga,“ segir í
greininni. – bg
FRAMTÍÐ Í FLUGSTÖÐINNI Farþegum hefur fjölgað um helming frá árinu 2002. Gert er
ráð fyrir að 1,8 milljónir farþega fari um Flugstöð Leifs Eiríkssonar á þessu ári og þeim fjölgi
í 3,2 milljónir til ársins 2015.
Sóst eftir Low&Bonar
Magnús Jónsson, forstjóri At-
orku Group, vill ekki tjá sig um
það hvort Atorka eigi í viðræðum
við stjórn Low & Bonar um yfir-
töku á því. Stjórn Low & Bonar
greindi frá því í síðustu viku að
ónefndur aðili hefði sett sig í
samband við hana og lýst yfir
áhuga á að eignast félagið.
Félagið hefur hækkað um tæp
20 prósent á einum mánuði.
Atorka á um fimmtungshlut í
breska fyrirtækinu sem sérhæfir
sig meðal annars í framleiðslu á
gólfefnum, garni og vefnaði. Low
& Bonar er með höfuðstöðvar í
London en rekur dótturfélög víðs
vegar um heiminn. - eþa
HREIÐAR MÁR SIGURÐSSON, FOR-
STJÓRI KB BANKA Er á lista Financial
News yfir rísandi stjörnur á evrópskum fjár-
magnsmarkaði.
Fáir samningar um tvísköttun
Gildir tvísköttunarsamningar við önnur ríki eru 23.
FJÁRMÁLARÁÐHERRA Það er á höndum
fjármálaráðuneytisins að gera tvísköttunar-
samninga við önnur lönd.
ERLENDAR FJÁRFESTING-
AR Seljanleiki skiptir máli til
að fá erlent fjármagn inn í
landið.
Davíð Oddsson seðla-
bankastjóri sagði á
fundi Viðskiptaráðs á
mánudaginn það vera
sitt mat að stjórnend-
um Seðlabankans
væri ekki síst borgað
fyrir að gefa áhættu-
þáttum efnahagslífs-
ins gaum. Það væri
fullkomlega eðlilegt
að framsæknir bankar
í örum vexti, sem
skynjuðu að hinn smái íslenski
markaður þrengdi að þeim,
leituðu allfast eftir erlendu fjár-
magni í viðleitni sinni til útrásar
og ábata. Innri styrkur banka-
kerfisins væri í góðu horfi.
„En vandinn er bara sá, að
það er ekki endilega öruggt að á
hverjum tíma ráði þessar mikil-
vægu forsendur einar ferðinni.
Það gera þær eingöngu meðan
allt er með felldu á
markaðnum. En mark-
aðurinn getur verið
kvikur, ekki síst þegar
ójafnvægi ríkir í heims-
búskapnum,“ sagði
Davíð.
Sem dæmi nefndi
Davíð að sparnaður
væri í lágmarki í
Bandaríkjunum, fjár-
lagahalli mikill og við-
skiptahalli slægi ný
met. Evrópa hefði ekki enn náð
sér á strik og nýleg vaxtahækk-
un evrópska seðlabankans hefði
verið gagnrýnd.
„Allir þessir þættir í um-
hverfi okkar kalla á eðlilega var-
færni, ekki síst þegar útgáfa
skuldabréfa íslenskra fjármála-
stofnana hefur vaxið svo hratt
og orðið svo fyrirferðarmikil á
markaði.“ – bg
Aðstæður kalla á varfærni
Seðlabankastjóri hvetur fjármálastofnanir til að
fara varlega. Markaðurinn geti verið kvikur.
SEÐLABANKASTJÓRI
Davíð Oddsson gefur
áhættuþáttum efnahags-
lífsins gaum.
02_03_Markadur hálfl 6.12.2005 15:23 Page 2