Fréttablaðið - 07.12.2005, Blaðsíða 46

MIÐVIKUDAGUR 7. DESEMBER 2005 MARKAÐURINN12
H É Ð A N O G Þ A Ð A N
Birgir Þór Bieltvedt er á fleygi-
ferð í dönsku viðskiptalífi.
Hann er einn fjárfestanna í
Magasin du Nord og Illum og
er einnig stofnandi Domino’s
Pizza í Danmörku. Hafliði
Helgason ræddi viðskipti í Dan-
mörku og ganginn í Magasin
við Birgi yfir hádegisverði.
Birgir Þór Bieltvedt hefur undanfarin ár ver-
ið í viðskiptum í Danmörku. Hann stofnaði
Domino’s Pizza í Danmörku, en hann hafði
áður byggt upp slíka starfsemi hér á landi.
Hann hefur reyndar selt meirihlutann í Dom-
inos’s og látið af framkvæmdastjórn í fyrir-
tækinu, en sinnir stjórnarformennsku í Dom-
ino’s í Danmörku. Birgir Þór komst hins veg-
ar í sviðsljósið þegar hann ásamt Baugi og
Straumi keypti krúnudjásn danskrar verslun-
ar. Sjálft Magasin du Nord, en flaggskip þess
fyrirtækis stendur við Kóngsins Nýjatorg í
Kaupmannahöfn.
Birgir hafði haft augastað á Magasin og
kom að máli við forsvarsmenn Baugs með
hugmyndina. Ákvörðunin var tekin og kaupin
vöktu gríðarlega athygli. „Það er gegnum
gangandi í skoðunum og viðhorfum fólks, að
kaupin á Magasin du Nord eru þau viðskipti
sem allir tala um. Magasin kostaði hálfan
milljarð danskra króna, en KB
banki keypti FIH á hátt í átta
milljarða danskra til sam-
anburðar. Ég vissi að
þetta myndi vekja athygli
hérna, en mér datt aldrei í
hug að þetta yrði svona
stórt.“
MAGASIN ILLA REKIÐ
Kaupin voru viðkvæm fyrir suma Dani og
myndin sem máluð var af hópnum sem keypti
Magasin var sú að þarna færu fjárvana ævin-
týramenn sem væru einhvers konar af-
sprengi íslenskrar hlutabréfabólu sem væri
við það að springa. Birgir Þór segir enga
ástæðu til að fara í vörn yfir slíkri umræðu.
Umræðan hafi líka breyst og verið allt önnur
þegar sami hópur keypti vöruhúsið Illum.
„Fyrir okkur snýst þetta um að láta verkin
tala og sýna að það sé hægt að reka Magasin.
Fyrirtækið er 140 ára gamalt og var mjög illa
rekið síðustu ár. Staðsetning verslananna er
mjög góð og þetta er eitt þekktasta merkið í
smásölu á Norðurlöndunum.“ Birgir segir
mikið hafa gerst á þeim rúmu tólf mánuðum
sem hafa liðið frá því að Magasin var keypt.
„Við settum okkur skýr markmið og okkur
hefur tekist að ná þeim nánast öllum.“ Hann
segir að meðal mikilvægra áfanga sé frá-
gangur á sölu fasteignarinnar við Kongens
Nytorv og samvinna við Magasin du Nord
sjóðinn sem er í eigu fjölskyldu stofnend-
anna. „Ég held að það sé mjög mikilvægt
bæði út á við og fyrir okkur að halda tengsl-
um við fjölskylduna. Við héldum líka stærstu
útsölu sem haldin hefur verið í Magasin síð-
astliðinn janúar og náðum að minnka
vörulagerinn gríðarlega. Við losnuðum við
vörur sem voru búnar að fara á milli verslana
með miklum tilkostnaði.“ Hann segir að burt
séð frá kostnaði við þennan þvæling á vör-
unni sé það lykilatriði að taka inn nýjar vör-
ur. „Maður missir kúnnana ef ekki eru nýjar
vörur í búðunum.“
MIKIÐ GERST Á ÁRINU
Birgir Þór segir að þetta hafi verið eitthvað
sem menn hefðu átt að vera löngu búnir að
gera. „Það skipti máli að þetta var skráð félag
og menn höfðu áhyggjur af því að selja vöru
undir kostnaðarverði og sýna tap. Það skipti
okkur engu máli. Við vildum losa fé og losna
við vöruna til þess að geta komið með nýja
vöru inn. Síðan fórum við í að loka búðum sem
höfðu tapað gríðarlega miklum peningum og
við töldum ekki falla að okkar hug-
myndum um framtíðarrekst-
urinn. Kostnaðurinn við
það nam svipuðu og því
sem búðirnar töpuðu á
einu ári.“ Hann segir að
einnig hafi verið farið í
gegnum stjórnendateymið og
sterkir stjórnendur verið ráðnir inn. Þar við
bætist inntaka nýrra búða, ný vörumerki. „Við
höfum líka lagt mikla fjár-
muni í endurbætur á lykil-
verslunum okkar við Kong-
ens Nytorv.“
Birgir Þór segir samsetn-
ingu hópsins hafa skipt miklu
hversu vel kaupin gengu.
„Það skipti máli fyrir þá sem
seldu að í hópnum væri
reynsla af verslun. Þannig
skipti Baugur miklu. Straum-
ur kom með fjármögnunina
og þeir eru öflugir og gott að
vinna með þeim. Svo held ég
að það hafi líka skipt máli að
hafa einn sem býr hér og hef-
ur reynslu af rekstri í Dan-
mörku; að hafa einhvern sem
var á staðnum og þekkti
menninguna. Þetta hefur
verið mjög gott samstarf.“
Hann segir að stefnt sé að
því að sjóðstreymi verði já-
kvætt á næsta ári. „Okkur
mun takast það,“ segir hann.
Illum var keypt síðsum-
ars. Hann segir unnið að
samstarfi Illum og Magasin.
„Þessar búðir eiga að vera sjálfstæðar, en um
leið að ná fram hagræðingu sem liggur í sam-
spili fyrirtækjanna.“ Illum er ólíkt Magasin
og er meira fasteignafélag sem leigir frá sér
verslanarými en verslun. „Við veljum hins
vegar hverjum við hleypum inn í Illum og
metum hvort menn falla að heildarhugmynd-
inni um vöruhúsið.“
DANSKA REKSTRARUMHVERFIÐ ERFIÐARA
Birgir Þór byrjaði með Domino’s á Íslandi
1993. „Árið 1996 fannst mér þetta komið á það
stig að ég gæti farið frá því.“ Hann flutti út
1997 og hóf uppbyggingu Domino’s í Skandin-
avíu. „Markmiðið var að koma þessu af stað
en það gekk illa að finna góða aðila til að reka
þetta. Það bitnaði svo á þeim hugmyndum
okkar að fara áfram til Svíþjóðar. Danska
rekstrarumhverfið var erfiðara en við áttum
von á og sú þekking sem við komum með frá
Íslandi og Bandaríkjunum nýttist ekki eins og
vonir stóðu til. Það má því segja að við höfum
þurft að læra þetta allt aftur.“ Hann segir
uppbyggingu Domino’s hafa gefið sér mikla
reynslu í viðskiptaháttum Dana. „Danir eru
íhaldsamir og varkárir sem þarf ekki endilega
að vera slæmt. Þeir spá mjög mikið í krónur
og aura sem aftur er ekki ókostur. Ef við tök-
um Domino’s sem dæmi, þá
eru allir sammála um það að
við erum með langbestu
pitsurnar, mestu gæðin, al-
vöru ost og alvöru álegg.
Sama fólk segir pitsurnar úti
á horni óætar, en þar sem
það munar tuttugu til þrjátíu
dönskum krónum á verðinu,
þá eru þær frekar keyptar.
Hins vegar við séstök tæki-
færi eins og afmæli og
fleira, þá kaupa þeir okkar
pitsur.“ Hann segir margt af
Dönum að læra. „Maður
lærði það hér að fara með
innkaupapoka út í búð. Ég
hafði aldrei gert það á Ís-
landi.“ Hann segist stundum
spurður að því hvernig sé að
búa í Danmörku þar sem
skattar eru háir. „Ég er auð-
vitað ósáttur við þessa háu
skattlagningu en ég sé alla-
vega hvernig þeim er varið.
Ég sé að landið og borgin eru
hrein. Fólkið er opið og þeir
kunna sig sósíalt og börnin
eru glöð. Samfélagið er gott og fínt að búa
hérna fyrir mann eins og mig sem er til í að
grípa tækifærin sem Danir sjá en hika við að
taka sénsinn á.“
Hann segir Íslendinga meira horfa á gæði
og þjónustu. Munurinn er á fleiri sviðum eins
og framrásin í Danmörku hefur sýnt. „Við
erum sólgnari í tækifærin. Síðasta ár hefur
verið okkur Íslendingum gott. Það er einu
sinni þannig að mesti ávinningurinn fæst þeg-
ar maður tekur sénsa. Það segir sig sjálft að
eitthvað mun mistakast. Þá spyr maður sig
hvort betra sé að hafa tíu spennandi verkefni
í gangi og eitt til tvö ganga ekki upp, eða að
vera fastur í sömu sporunum.“
Hádegisverður fyrir tvo
á Norma
Eplaskífa með lifrarkæfu
Gufusoðinn léttsaltaður þorskur
Svínalundir
Drykkir
Sódavatn
Bjór
Kaffi
Verð danskar krónur 595
▲
H Á D E G I S V E R Ð U R I N N
Með Birgi Þór
Bieltvedt
fjárfesti í Danmörku
Gott
auðvald
Aurasálin er mjög hugsi eftir lest-
ur Lesbókar Morgunblaðsins um
helgina. Þar var meðal annars að
finna grein um hina nýríku og
muninn á hinu góða auðvaldi og
því vonda. Aurasálin tekur heils
hugar undir það með fyrrver-
andi ritstjóra Morgunblaðsins að
núverandi auðmenn kunni alls
ekki nógu vel að vera ríkir.
Það er er óþolandi vð þetta ný-
ríka fólk er hversu augljóslega
það hefur gaman af peningum –
en æðstuprestar gömlu ættar-
veldanna koma Aurasálinni ætíð
fyrir sjónir eins og þeir hörm-
uðu það hlutskipti sitt að vera
ríkir. Fyrir þeim var auðurinn
áþján – plikt sem örlögin höfðu
áskapað þeim. Þetta gamla góða
auðvald hafði vit á því að láta
sem heimsins áhyggjur hvíldu á
herðum þeirra og kunni að fara
með völd og ábyrgð.
Alþýðufólk öfundaði ekki góða
auðvaldið því að mörgu leyti var
svo augljóst að stórbokkarnir
voru venjulegu fólki fremri að
andlegu og líkamlegu atgervi
auk þess sem engum venjuleg-
um manni datt það í hug að
reyna að verða ríkur. Miklu
betra var að vera sæll og glaður
eignaleysingi heldur en að til-
heyra stétt hinna brúnaþungu og
vansælu auðmanna.
En nú er öldin heldur betur önn-
ur, eftir tóma pretti og tál – eins
og skáldið sagði. Nýja auðvaldið
leikur sér að peningunum sínum
eins og lítil börn. Það kaupir
snekkjur, sumarhallir og sport-
bíla og einn mun víst hafa keypt
tíu milljóna króna leðurjakka.
Þetta nýja (og vonda) auðvald
virðist þar að auki svo smekk-
laust á list og kúltúr að í stað
þess að einbeita sér að menn-
ingu sem er ofar skilningi alþýð-
unnar þá mæti þetta lið án þess
að skammast sín á popptónleika
og fótboltaleiki og hegðar sér
eins og unglingar.
Svo vílar þetta nýríka lið það ekki
fyrir sér að gera tilraunir til
þess að kaupa sér völd og áhrif.
Sumir hafa jafnvel gengið svo
langt að kaupa fjölmiðla! Aura-
sálin á vart orð yfir hversu illa
þetta fólk kann sig. Hefur eng-
inn sagt þeim að fjölmiðlar og
völd eru hlutir sem menn erfa –
en ekki kaupa?
A U R A S Á L I N
Birgir Þór Bieltvedt
Starf: Fjárfestir í Danmörku
Fæðingardagur: 15. desember 1967
Maki: Eygló Björk Kjartansdóttir
Börn: Stella Rín f. 1993, Birgir Þór f. 1999
og Anna Karin f. 2002
BIRGIR ÞÓR BIELTVEDT Birgir Þór segir Magasin du Nord hafa verið illa rekið og nýir eigendur hafi sett sér skýr mark-
mið um reksturinn sem allt bendi til að náist. Hann segir mikilvægt að það takist að sýna fram á að vel sé hægt að reka
Magasin du Nord.
Mikið gerst í Magasin du Nord
Fr
ét
ta
bl
að
ið
/H
af
lið
i H
el
ga
so
n
12_13_Markadur lesið 6.12.2005 14:08 Page 2