Fréttablaðið - 28.12.2005, Page 30

28. desember 2005 MIÐVIKUDAGUR6
Hið árlega jólaball Sportkafara-
félags Íslands var haldið á dögun-
um. Það sem gerir þetta jólaball
frábrugðið öðrum er að það fer
fram á tíu metra dýpi í Silfru við
Þingvallavatn.
Fyrir um sjö árum tóku nokkr-
ir kafarar sig saman og héldu
jólaball í Kleifarvatni. Það þótti
heppnast svo vel að ákveðið var
að gera það að árlegum viðburði.
18. desember héldu þrjátíu kaf-
arar þessari hefð við og dansað
var í kringum jólatré á tíu metra
dýpi. „Síðastliðin ár höfum við
haldið jólaballið í Þingvalla-
gjánni Silfru en hún er algjör
kafaraparadís,“ segir Sveinbjörn
Hjálmarsson formaður Sportkaf-
arafélags Íslands. „Við sökkvum
jólatré með seríu og skrauti og
svo höfum við verið með neð-
ansjávarhátalara svo við getum
hlustað á jólatónlist.“
Í ár var brugðið út af vananum
og notast við týrustauta (glow-
sticks) í stað rafmagnsljósa því
kuldinn hefur hrellt ballgesti. „Í
fyrra og árið á undan var 18-20°C
frost þannig að það fraus allt og
við lentum í bölvuðu basli með
tækin,“ segir Sveinbjörn.
Þá liggur beinast við að spyrja
hvort ballgestum verði ekki kalt?
Á þessum tíma árs er vatnið í
gjánni vart meira en 2°C og ekki
er hægt að kafa í lopapeysu. „Nei
þetta er ekkert kalt,“ segir Svein-
björn. „Búnaðurinn er orðinn svo
góður að maður finnur ekki fyrir
neinum kulda nema aðeins í and-
litinu. Þegar menn koma upp eftir
rúmar fjörutíu mínútur er þeim
kannski aðeins farið að kólna en
versti parturinn er að hýrast upp
á bakkanum. Vatnið er eiginlega
heitt miðað við það.“
Þar sem jólasveinninn hefur
ekki kafararéttindi er Sveinbjörn
sérlegur sendisveinn hans á ball-
inu. Sveinbjörn skartar myndar
skeggi og jólasveinahúfu á ballinu
og leiðir hópinn í dans en sökum
tæknilegra örðugleika er söngn-
um sleppt. Næsta blautball Sport-
kafarafélagsins verður haldið í
Silfru 8. janúar en þá mæta allir
í grímubúningum. Áhugasömum
er bennt á www.kofun.is.
tryggvi@frettabladid.is
Jólaball í bólakafi
Sveinbjörn Hjálmarsson formaður Sportkafarafélags Íslands. SVEINBJÖRN HJÁLMARSSON