Fréttablaðið - 28.12.2005, Síða 57

MARKAÐURINN
S P Á K A U P M A Ð U R I N N
27MIÐVIKUDAGUR 28. DESEMBER 2005
Ég er nú einu sinni þannig, þrátt
fyrir að vera mikill raunsæis-
maður að ég les alla spádóma
sem ég kemst yfir. Ekki það að
ég taki fullt mark á þeim, en allur
er varinn góður þegar athafnir
manns krefjast þess að sjá hið
ófyrirséða.
Ég hef nokkrum sinnum farið
til spákonu og haft gaman af
og er ekki frá því að þær hafi
stundum hitt naglann á hðfuðið.
Alla vega sú sem sagði við mig,
þegar ekkert í fari mínu gaf til
kynna að ég ætti eftir að ná langt,
að ég ætti eftir að verða ríkur og
gæfusamur í einkalífi og gott ef
hún minntist ekki á að kynlífið
ætti eftir að verða gott. Ekki get
ég rengt þennan spádóm, án þess
að ég kunni skýringar á hvernig
sú gamla rataði á rétta framtíð
fyrir mig.
Eitt hef ég hins vegar aldrei
skilið. Það er að ég sem bý ekki
yfir neinum dulrænum hæfileik-
um, en veit mínu viti um markað-
inn, hef grætt svona mikið meðan
spákonurnar sitja við eldhúsborð
úr Rúmfatalagernum í íbúð á
vegum Féló og spá í bolla fyrir
tvöþúsund kall.
Ef þær vita hvað er á seyði, þá
ættu þær náttúrlega að fjárfesta
svolítið til að hafa það betra. Það
er kannski verkefni fyrir mig
á næsta ári að sameina krafta
spákaupmanna og spákvenna og
búa til úr því ósigrandi fjárfest-
ingarfélag.
Jæja, maður þarf nú reynd-
ar ekki að vera með beint sam-
band við almættið til að sjá að
Straumur er í þann veginn að
selja hlutinn sinn í Íslandsbanka.
Gæti meira að segja hafa gerst
þegar pistillinn birtist. Annars
þarf sennilega meiri spádóms-
gáfu en oft áður til þess að koma
vel út úr næsta ári. Ég fór alveg
óttalaus inn í þetta sem nú er að
líða og sé ekki eftir því. Kominn
með góðan hagnað af verulega
skuldsettum stöðum í hlutabréf-
um. Ég var allan tímann sann-
færður um að krónan yrði sterk
út árið og hafði engar áhyggjur
af veikingartali. Það voru dýrar
jólagjafi heima hjá mér þessi
árin og ég er ekki svefnlaus yfir
því að plasmassjónvarpið endist
ekki nema í í fimm ár. Þá kaup ég
mér bara nýtt.
Næsta ár er flóknara. Ég spái
því að KB banki kaupi banka-
starfsemi Sampó og klári loks-
ins kaup á verðbréfafyrirtæki
í Bretlandi. Þeir gætu líka átt
eftir að styrkja sig í Hollandi
eða Luxemburg. Hinir bankarn-
ir verða áfram í útrásarhug og
spennandi að sjá hvaða áherslur
muni fylgja nýjum hluthöfum í
íslandsbanka.
Ég sé líka fyrir mér að trygg-
ingafélög eigi eftir að fara í frek-
ari útrás. Synd hvað fá þeirra eru
á markaði. Kannski að það breyt-
ist aftur á árinu. Hver veit.
Krónan á sennilega eftir að
gefa eftir á síðari hluta ársins
og þá hugsanlega hlutabréfa-
markaðurinn einnig. Ég ætla
alla vega að vera minna skuld-
settur í hlutabréfum á komandi
ári, en ég var á þessu. Ég fékk
smá hroll eftir Avionútboðið og
hækkunina á FL Group. Keypti
auðvitað hlut í Avion, enda gar-
anteruð veisla framundan í þeim
bréfum. Samt verður maður smá
stressaður þegar allir á markaðn-
um virðast kaup með það fyrir
augum að innleysa hagnað fljótt.
Markaðurinn er komin með smá
greater fool einkenni og þá gæti
toppurinn verið skammt undan.
Maður hefur séð slíkt áður og
náð að forða sér í tíma.
Samt verður örugglega fullt
í gangi. Ég býst líka við því að
Bakkavör kaupi félag á árinu
framundan og noti tækifærið og
auki hlutaféð sitt smá. Ég hef
trölla trú á þeim. Annað fyr-
irtæki sem gæti átt eftir að
blómstra, sérstaklega ef krónan
bakkar er Marel. Þar eru spenn-
andi hlutir í gangi og þetta félag
sem er eitt af mínum uppáhalds
í gegnum tíðina gæti átt eftir
að koma á óvart á árinu. Össur
og Actavis lofa líka ágætu og
spennandi að sjá hvernig vinnst
úr Alpharmakaupunum. Ef vel
tekst til að vinna úr fjárfestingu
Actavis í Bandaríkjunum, spái
ég því að félagið verði skráð á
Nasdaq, en ekki London eins og
margir hafa haldið.
það verður spennandi að
fylgjast með Straumi á nýju ári.
Bankinn mun sennilega verða
meira í útlöndum en hér heima. Ég
spái því að Straumur eigi eftir að
verða meira áberandi í erlendum
fjárfestingum Björgólfs Thors.
Björgólfur verður sjálfur vænt-
anlega á fleygiferð á komandi ári.
Hann þarf að púsla saman þess-
um símafjárfestingum sínum og
tengja þær saman. Ég býst við að
Straumur komi að einhverju leyti
inn í þær breytingar.
FL Group og Baugur verða
áfram áberandi á komandi ári.
FL Group mun fara yfir tuttugu
prósent í easyJet og jafnvel
reyna yfirtöku. Baugur á líka
eftir að kaupa stórt fyrirtæki í
Bretlandi á næsta ári, ef þetta
eilífðar Baugsmál verður ekki
enn og aftur að þvælast fyrir
þeim.
Er ég að gleyma einhverju?
Alveg örugglega. Þó ég hafi ekki
jafn mikla trú á næsta ári og því
sem er að líða, þá er ég sann-
færður um að það eru nokkuð
góðir tímar framundan. Þeir sem
hafa farið fremstir í viðskiptalíf-
inu eru ekkert farnir að hægja
á sér og ekkert útlit fyrir stöðn-
un í bráð. Veislan heldur áfram
vel fram á næsta ár, en þá taka
kannski við óvissari tímar. Þá
verð ég búinn að tryggja mig
sæmilega gegn hugsanlegum
áföllum og held áfram að taka
réttar ákvarðanir á réttum tíma,
enda er það mér í blóð borið og
ég get ekkert að því gert.
Spákaupmaðurinn á horninu.
Þeir sem fljóta sigra straum tímans
Nánari upplýsingar á www.visa.is/visalan
eða í síma 525 2000
Spurðu um
+ Staðgreiðsluverð
+ Lægri vextir
+ Lægri kostnaður
+ Til allt að 36 mánaða
+ Framlengdur ábyrgðartími
+ Flutningstrygging
+ Vildarpunktar
Dreifðu staðgreiðslunni
VISA Lán er ný og hagstæð leið til greiðsludreifingar
við kaup á vörum eða þjónustu.
– HAGSTÆÐAR AFBORGANIR
Ný
tt!