Fréttablaðið - 05.01.2006, Blaðsíða 12

12 5. janúar 2006 FIMMTUDAGUR
BANDARÍKIN, AP Jack Abramoff,
sem um árabil var einn áhrifa-
mesti hagsmunapotarinn í Wash-
ington, játaði á þriðjudag á sig
sakir í viðamikilli rannsókn á
spillingu innan bandaríska þings-
ins. Abramoff hefur samþykkt
að gefa saksóknara upplýsingar
um aðra sem taldir eru viðriðnir
málið, og í staðinn á hann von á að
fá vægari dóm en ella, eða níu og
hálft til ellefu ár í fangelsi.
Málið hefur vakið mikinn ugg
meðal fjölmargra áhrifaríkra
þingmanna innan Bandaríkja-
þings, en talið er að um tuttugu
þingmenn og aðstoðarmenn þeirra
séu flæktir í málið. „Spillingar-
vefurinn sem tengist Abramoff
er mjög víðtækur og við munum
halda áfram að rekja hann hvert
sem hann leiðir okkur,“ sagði
Alice Fisher, aðstoðardómsmála-
ráðherra á blaðamannafundi.
Einn þeirra er öldungardeild-
arþingmaðurinn Tom DeLay, sem
neyddist til að segja af sér sem
leiðtogi repúblikana í fulltrúadeild
Bandaríkjaþings. Saksóknarar
segja DeLay hafa þáð að minnsta
kosti andvirði 3,5 milljóna króna
í pólitískan stuðning frá Abram-
off. Í málsskjölum kemur fram
að skjólstæðingar Abramoffs
hafi greitt eiginkonu eins aðstoð-
armanna DeLays 50.000 dali, en
þessi skjólstæðingar hans nutu
góðs af því að frumvarp að nýjum
lögum um heimildir til rekstr-
ar fjárhættuspila á Netinu voru
útvatnaðar þannig að yfirvöld
fengu ekki eins rúmar heimildir
til að stöðva slíkan rekstur eins og
upprunalega stóð til. DeLay beitti
sér gegn samþykkt upprunalega
frumvarpsins.
Ekki hefur fengist staðfest
hvort George W. Bush Banda-
ríkjaforseti hafi átt í persónuleg-
um samskiptum við Abramoff, en
áheyrn hjá forsetanum er meðal
greiða sem talið er að hafi feng-
ist fyrir þær greiðslur til áhrifa-
manna í Repúblikanaflokknum
sem Abramoff átti milligöngu
um.
- smk, aa
Spilling á Bandaríkjaþingi
Játningar Jack Abramoffs, sem um árabil var einn áhrifamesti lobbýistinn í Washington, í viðamikilli rann-
sókn á spillingu innan Bandaríkjaþings valda nú miklum titringi þar á bæ, einkum í herbúðum repúblikana.
JÁTAR SEKT Jack Abramoff yfirgefur dómsal í Washington á þriðjudag. Abramoff hefur játað sig sekan um samsæri, skatt- og póstsvik.
FRÉTTABLAÐIÐ/AP
JARÐSKJÁLFTI Jarðskjálfti af styrk-
leikanum 7,3 á Richterskvarða,
samkvæmt bráðabirgðamælingu
bandarísku jarðvísindastofnun-
arinnar, varð undan Suður-Sand-
wich-eyjum syðst í Atlantshafi í
byrjun vikunnar.
Engar vísbendingar voru um
að skjálftinn hefði komið af stað
flóðbylgju en fréttir af honum ollu
þó því að þúsundir íbúa á strönd
Srí Lanka - í þúsunda kílómetra
fjarlægð - flýðu inn í land í örygg-
isskyni, að sögn AP.
Skjálftamiðjan er talin hafa
verið á tíu km dýpi undir hafs-
botni, 345 km suðaustur af Bris-
tol-eyju, sem er í Suður-Sand-
wich-eyjaklasanum sem heyrir
undir Bretland. ■
Jarðhræringar í S-Atlantshafi:
Skjálfti upp á
7,3 á Richter
SUÐUR-SANDWICH-EYJAR Gervihnattamynd
af Montagu-eyju í Suður-Sandwich-
eyjaklasanum. Skjálftinn varð undir hafs-
botni 345 km frá eyjunum.NORDICPHOTOS/AFP
HÚSNÆÐISMÁL Umboðsmaður
Alþingis hefur beint þeim til-
mælum til kærunefndar fjöl-
eignarhúsamála, sem starfar á
vegum félagsmálaráðuneytisins, að
nefndin taki að nýju upp mál sem
hún hafði úrskurðað í.
Málsatvik eru þau að eigandi
kjallaraíbúðar í fjölbýlishúsi
lagði fram kvörtun vegna álits
nefndarinnar um deilumál vegna
innkeyrslu við húsið. Nefndin
hafði úrskurðað að annar íbúi
í húsinu, sem á bílskúr í enda
innkeyrslunnar, hefði einn rétt
til að leggja í innkeyrsluna þó
að hún væri sameign allra eig-
enda hússins. Sagði nefndin að
bílskúrinn væri sérafnotaflötur
bílskúrseigandans. Þetta sætti
íbúi kjallaraíbúðarinnar sig ekki
við og kvartaði til umboðsmanns
Alþingis.
Umboðsmaður taldi að
hugtakið sérafnotaflötur fyndist
ekki í lögum og þá sagði hann að
þau rök kærunefndarinnar, að
bílskúrseigandinn hefði einn rétt
til að leggja í innkeyrsluna, ekki
samræmast lögum. Hann beindi því
þeim tilmælum til nefndarinnar að
hún tæki málið upp aftur. - sk
Umboðsmaður Alþingis fjallar um nágrannaerjur í Reykjavík:
Úrskurður kærunefndar rangur
NÁGRANNAERJUR Íbúum fjölbýlishúss í
Reykjavík kemur ekki saman um hvernig
nýta eigi innkeyrsluna við húsið. Myndin
tengist fréttinni ekki með beinum hætti.
FJARSKIPTI Póst- og fjar-
skiptastofnun hefur ákveðið að
fresta lokun NMT-farsímakerfis-
ins til ársloka 2008. Engu að síður
er stefnt að því að fyrir árslok
2007 verði búið að taka í gagnið á
NMT-tíðnisviðinu nýja stafræna
þjónustu. Tveir af þremur sem
vilja bjóða nýja þjónustu segjast
hafa hug á að keppa við þriðju
kynslóð farsímakerfis um fjar-
skipti í dreifbýli.
Stofnunin hefur tilkynnt
Símanum um frestunina, en
ákvörðunin er sögð byggjast á
viðbrögðum við umræðum um
framtíðarnotkun tíðnisviðsins
sem stofnað var til í haust. Alls
bárust níu umsagnir þar sem þrír
sögðust hafa áhuga á að byggja
upp nýtt fjarskiptanet. NMT-
kerfið hefur helst verið notað
af sjómönnum og svo þeim sem
mikið ferðast utan dreifbýlis.
Til greina kemur að NMT- kerf-
inu verði lokað fyrr, ef ljóst verð-
ur að nýtt fjarskiptakerfi verði
tilbúið, en það verður þá að liggja
fyrir í lok þessa árs, að því er fram
kemur í bréfi Póst- og fjarskipta-
stofnunar til Símans. „Ef NMT-
450-þjónustan verður starfrækt
eftir 31. desember 2007 hyggst
Póst- og fjarskiptastofnun gefa út
sérstaka tímabundna tíðniheimild
vegna þeirrar starfsemi. Sú tíðni-
heimild yrði þrengri en núgild-
andi heimild þar sem nauðsynlegt
er að samkeyra NMT- þjónustuna
og hina nýju stafrænu þjónustu í
einhvern tíma,“ segir talsmaður
stofnunarinnar. - óká
Lokun NMT-kerfisins frestað til ársloka 2008:
Stafræn þjónusta
mun taka við
TRILLA Á SJÓ Þeir sem mikið ferðast utan þéttbýlis hafa helst notað NMT-farsímakerfið.
PFS vill gera ráðstafanir svo að notendum standi ávallt til boða langdræg farsímaþjónusta.
FRÉTTABLAÐIÐ/VILHELM
SVÍÞJÓÐ Upp komst um sænskan
innbrotsþjóf þegar hann hringdi
óvart í lögregluna að sögn Dagens
Nyheter.
Maðurinn braust inn á heimili
en sonur eigendans var heimavið
og hringdi úr farsíma í lögreglu en
þjófurinn varð hans var og hirti af
honum símann áður en hann hafði
sig á brott. Þegar hann ætlaði að
nota símann studdi hann óvart
á endurval og fékk samband við
lögregluna. Honum brá og fleygði
símanum frá sér en gleymdi að
slökkva á honum þannig að lög-
reglan heyrði hann kalla á leigu-
bíl og náði honum fljótt. ■
Seinheppinn þjófur:
Hringdi óvart
í lögregluna
Á FLÓTTA Mæðgur af hamfarasvæðinu
í pakistanska hluta Kasmír bíða eftir
neyðaraðstoð í flóttamannabúðum í
Muzaffarabad í gær. Vetrarveður hrekur nú
marga sem lifðu af jarðskjálftann mikla í
haust niður úr fjöllunum. FRÉTTABLAÐIÐ/AP