Fréttablaðið - 05.01.2006, Side 67

FIMMTUDAGUR 5. janúar 2006 51
HANDBOLTI Baldvin Þorsteinsson,
hornamaðurinn knái úr Val, hefur
neyðst til að draga sig úr íslenska
landsliðshópnum sem fer á EM
í Sviss vegna veikinda. Baldvin
hefur greinst með einkirningssótt
og þarf að taka sér frí frá æfingum
í að minnsta kosti tvær til fjórar
vikur.
Viggó Sigurðsson lands-
liðsþjálfari hefur þegar valið
Fylkismanninn Heimi Örn
Árnason í hópinn í stað Baldvins
en hann hefur leikið mjög vel
með Árbæjarliðinu í vetur og
hefur verið einn besti leikmaður
Íslandsmótsins.
„Baldvin hefur verið slappur í
mjög langan tíma og við vissum
það þegar hann var valinn
upphaflega. Hann hélt að hann
væri að hressast en svo kemur
í ljós að hann er með þennan
alvarlega vírus,“ segir Viggó.
Fjarvera Baldvins hefur það
í för með sér að Guðjón Valur
Sigurðsson er eini náttúrulegi
vinstri hornamaðurinn í hópnum
og fari svo að Jaliesky Garcia verði
ekki orðinn leikfær fyrir mótið er
fyrirhugað að Guðjón Valur muni
spila nokkuð í skyttustöðunni.
„Það er augljóst að það borgar
sig ekki að vera valinn í vinstra
hornið,“ sagði Viggó í léttum túr í
gær. Sigurður Eggertsson, Arnór
Atlason og jafnvel Snorri Steinn
Guðjónsson eru allt leikmenn
sem geta leyst stöðu vinstri
hornamanns. „Hornið er ekki
þeirra staða en þetta er viðunandi
mannskapur og vel það. Viggó vill
ekki útiloka þann möguleika að
velja Loga Geirsson fari svo að
Garcia verði ekki með en hann er
á 24 manna lista sem HSÍ skilaði
til mótstjórnar EM og kemur því
til greina. „En hann má ekki byrja
að æfa aftur fyrr en 16. janúar svo
að það er hæpið.“
- vig
Landsliðið í handbolta verður fyrir enn einu áfallinu:
Baldvin dregur sig út úr hópnum
HEIMIR ÖRN ÁRNASON Er
á leið á EM í Sviss.
FÓTBOLTI Milan Baros, tékkneski
framherjinn sem fór til Aston
Villa frá Liverpool í sumar, segist
óðum vera að nálgast sitt besta
form eftir erfiða byrjun á tíma-
bilinu. Baros átti við ökklameiðsli
að stríða í haust en hefur í síðustu
leikjum náð vel saman við Juan
Pablo Angel í framlínunni.
„Þetta var ekki auðvelt fyrir
mig í upphafi því maður vill sanna
sig hið fyrsta þegar komið er til
nýs félags. Það gerði ég ekki og ég
var ekki ánægður með formið sem
ég var í. En nú líður mér vel og ég
held að það sjáist í leikjum.“ - vig
Milan Baros:
Ég er að komast
í gott form
MILAN BAROS Hefur spilað vel að undan-
förnu.
FÓTBOLTI Jose Mourinho, knatt-
spyrnustjóri Chelsea, segir að
Michael Essien muni ekki fara á
Afríkumót landsliða síðar í mán-
uðinum eins og til stóð vegna
meiðslanna sem hann hlaut í leikn-
um gegn West Ham um helgina.
„Essien fer ekki. Hann þarf á
meðferð að halda og fyrst svo er
þá er betra fyrir hann að vera
hjá okkur en ekki í Egyptalandi,“
segir Mourinho en Essien verð-
ur frá keppni í að minnsta kosti
mánuð.
- vig
Michael Essien:
Fer ekki á
Afríkumótið
FÓTBOLTI Martin Jol, knatt-
spyrnustjóri Tottenham, er viss
um að framherji liðsins Jermain
Defoe muni komast í enska lands-
liðshópinn fyrir heimsmeistar-
amótið í Þýskalandi en hann hefur
að undanförnu þurft að sætta sig
við að sitja á varamannabekknum
hjá Tottenham.
Jol vonast til þess að Defoe
sýni sitt rétt andlit í næstu leikj-
um. „Defoe er frábær leikmaður
sem hefur verið í svolítilli lægð
að undanförnu. Hann hefur hins
vegar staðið sig vel á æfingum
og á eflaust eftir að tryggja sér
sæti í landsliðshópnum fyrir HM
í Þýskalandi.“ - mh
Martin Jol:
Defoe verður í
landsliðinu
JERMAIN DEFOE Defoe byrjaði leiktímabilið
vel en hefur ekki fundið sig nógu vel að
undanförnu. FRÉTTABLAÐIÐ/GETTY
SKJÁREINN
á fimmtudögum
E
N
N
E
M
M
/
S
ÍA
/
N
M
19
8
6
2
Fimmtudagskvöld eru pottþétt sjónvarpskvöld
á SKJÁEINUM.
Family Guy kl. 20.00
Malcolm in the Middle kl. 20.30
Will & Grace kl. 21.00
King of Queens kl. 21.30
House kl. 22.00
Sex inspectors kl. 22.50
fim