Fréttablaðið - 24.02.2006, Qupperneq 8

8 24. febrúar 2006 FÖSTUDAGUR
VEISTU SVARIÐ
1 Hvað heitir danska kvikmynda-húsakeðjan sem Sambíóin hafa fest
kaup á?
2 Hver er aðalritari stríðsglæpadóm-stóls SÞ í Haag?
3 Hverjar urðu lokatölur í leik Chelsea og Barcelona sem fram fór í fyrra-
kvöld?
SVÖR Á BLS. 50
RÚSSLAND, AP Að minnsta kosti 49
menn fórust og 29 særðust þegar
snævi þakið íhvolft þak hrundi á
markaði í Moskvu í Rússlandi
snemma í gærmorgun.
Unnið var að því hörðum hönd-
um að losa fórnarlömbin úr rúst-
unum með járnklippum og vökva-
stýrðum lyfturum. Auk þess blésu
björgunarsveitir heitu lofti inn í
rústirnar til að koma í veg fyrir
að þeir sem fastir sátu ofkældust,
því hitastig var nærri frostmarki
í Moskvu í gær. Margir þeirra
sem fastir sátu notuðu farsíma
sína til að hringja í ættingja og
auðveldaði það mjög leit að fólk-
inu, að sögn yfirvalda.
Öll fórnarlömbin voru starfs-
menn borgarinnar og markaðar-
ins, en ekki var búið að opna
sölubásana þegar þakið hrundi.
Að sögn borgarstjóra Moskvu,
Júrí Luzhkov, voru hinir látnu
allir utanbæjarmenn sem störf-
uðu í markaðinum. Talið var að
þeir hefðu eytt nóttinni í bygg-
ingunni.
Húsið var byggt fyrir um þrjá-
tíu árum og líklegast þótti að
ástæða hrunsins væri galli í
hönnun þess. Rúmlega hálfs
metra þykkt snjólag hafði safnast
saman ofan á þakinu, sem var
hannað þannig að ekki þyrfti að
losa snjó af því. - smk
Þak á markaði hrundi í Moskvu í gær:
Fjörutíu og níu fórust
og margir slösuðust
ÞAKIÐ HRUNDI Tugir manna fórust og enn fleiri slösuðust þegar þak hrundi á markaði í
Moskvu í gær. FRÉTTABLAÐIÐ/AP
1 dálkur x 100mm
Allt til
flutninga
����������������������������
Kerrur
�����������
LONDON, AP Vopnaðir menn dul-
búnir sem lögreglumenn réðust
inn í miðstöð öryggisfyrirtækisins
Securitas í Tonbridge í Englandi
aðfaranótt miðvikudags og rændu
á milli þremur og sex milljörðum
króna. Engan sakaði í ráninu, sem
er eitt hið stærsta sem framið
hefur verið í sögu Bretlands. Féð
er í eigu Englandsbanka, seðla-
banka Bretlands, en breska lög-
reglan hefur heitið 230 milljóna
króna verðlaunum fyrir upplýs-
ingar sem gætu leitt til endur-
heimtingar fjárins.
Hálfgerður ævintýrabragur er
yfir ráninu og augljóst að menn-
irnir sem á bak við það stóðu hafa
eytt löngum tíma í undirbúning,
að sögn lögreglu. „Þessir menn
vissu hvar peningarnir voru og
hversu mikið var geymt hér,“
sagði peningaþvættissér-
fræðingurinn
Jeffrey Robinson í
samtali
við
bresku
fréttastofuna BBC. „Þeir skipu-
lögðu hvernig þeir kæmust inn og
hvernig þeir kæmust út aftur.“
Ránið hófst á því að nokkrir
þjófanna, dulbúnir sem lögreglu-
menn, stöðvuðu framkvæmda-
stjóra fyrirtækisins þegar hann
var á heimleið um klukkan 18:30 á
þriðjudagskvöldið. Hann settist
inn í bíl þeirra í þeirri trú að hann
væri að ræða við lögregluna, en
var þá handjárnaður. Um sama
leyti tilkynntu aðrir dulbúnir
þjófar eiginkonu framkvæmda-
stjórans að maður hennar hefði
lent í slysi og fengu hana og átta
ára gamlan son þeirra til að koma
með sér undir því yfirskini. Farið
var með fjölskylduna á gamlan
bóndabæ þar sem lífi konunnar og
barnsins var hótað ynni fram-
kvæmdastjórinn ekki með þjófun-
um. Fjölskyldunni var haldið í
gíslingu í yfir sex tíma.
Um eittleytið um nóttina fóru
ræningjarnir í miðstöð Securitas,
bundu fimmtán starfsmenn og
hlóðu bankaseðlum í stóran flutn-
ingabíl, samkvæmt upplýsingum
lögreglu. Ræningjarnir eyddu
meira en klukkustund í miðstöð-
inni og óku síðan á brott. Um
klukkustund síðar tókst starfs-
fólkinu að leysa sig og hringdi þá í
lögreglu.
Lögregla rannsakar nú málið
og leitaði mannanna enn síðdegis í
gær.
Talsmaður Englandsbanka
greindi frá því í gær að Securitas
hefði endurgreitt bankanum 25
milljónir punda, jafnvirði þriggja
milljarða króna, og tók fram að
ef fengurinn reyndist stærri
myndi fyrirtækið greiða það sem
upp á vantaði svo breskir skatt-
greiðendur þyrftu ekki að borga
brúsann. smk@frettabladid.is
Dulbjuggu sig sem lögreglu
og stálu milljónum punda
Bíræfnir þjófar brutust inn í miðstöð Securitas í Tonbridge á Englandi aðfaranótt miðvikudags, rændu
framkvæmdastjóranum og fjölskyldu hans og stálu að minnsta kosti andvirði þriggja milljarða króna.
SAMKEPPNISMÁL „Við fáum engin
svör við fyrirspurnum okkar og
erum orðnir langþreyttir á þessari
kyrrstöðu sem við erum í og þess
vegna kærum við,“ segir Samúel
Jón Samúelsson hjá Landssam-
bandi sendibílstjóra.
Bílstjórarnir gera athugasemd-
ir við sífellt stærri hlutdeild
Íslandspóst á þeirra markaði, sem
þeir telja niðurgreidda af einka-
leyfisstarfsemi. Hefur sambandið
sent Samkeppniseftirlitinu bréf
þar sem þess er farið á leit að
kannað verði hvort flutningar
Íslandspósts á vörum sem ekki
falla undir einkarétt fyrirtækisins
séu niðurgreiddir með einhverjum
hætti. Fullt tilefni sé til að kanna
slíkt enda segja þeir verðlagningu
Íslandspósts á þjónustu sinni langt
undir því sem eðlilegt geti talist.
Slíkt skekki alla samkeppnisstöðu
og sé brot á samkeppnislögum.
Íslandspóstur tekur að sér
flutninga á stærri munum á sömu
bílum og notaðir eru við póstdreif-
ingu en þeir bílar eru undanskildir
ákvæðum um ökurita sem sendi-
bílstjórum er skylt að hafa í sínum
bílum. Það gerir þeim kleift að ná
betri nýtingu úr bílunum en ann-
ars væri hægt, að mati sendibíl-
stjóra, og segja þeir það annað
dæmi um mismunun þá er ráði
ríkjum. - aöe
ÓSANNGJÖRN SAMKEPPNI Sendibílar
Íslandspósts þurfa ekki að vera með öku-
rita eins og skylda er í öðrum sendibílum
samkvæmt lögum.
Landssamband sendibílstjóra hefur kært Íslandspóst til samkeppnisyfirvalda:
Telja samkeppnislög brotin
LÖGREGLUMÁL Lögreglan í Reykja-
nesbæ fann um fjögur grömm af
hassi við leit í bíl pars sem var að
koma frá Reykjavík, á leið til
Reykjanesbæjar.
Parið, sem oft hefur komið við
sögu lögreglu áður, hafði keypt
fíkniefnin í Reykjavík og hugðist
nota þau til einkanota.
Lögreglan fann fíkniefnin við
leit í fötum karlmannsins. Lög-
reglan ákvað í kjölfarið að gera
húsleit á heimili fólksins. Sú leit
bar ekki árangur og var fólkinu
sleppt að lokinni stuttri yfir-
heyrslu á lögreglustöð.
Málið er talið að fullu upplýst.
- mh
Fíkniefni fundust í klæðum:
Ætluðu efnin
til einkaneyslu
Vill láta ákæra Íransforseta
Ísraelskur lögfræðingur hefur beðið
þýska saksóknara um að ákæra Mah-
moud Ahmadinejad Íransforseta fyrir að
afneita helför nasista gegn gyðingum í
seinni heimsstyrjöldinni. Þýskaland er
eitt ellefu Evrópuríkja þar sem afneitun
á helförinni er bönnuð og liggur allt að
fimm ára fangelsisdómur við.
ÍSRAEL
�����������������
VETTVANGSRANNSÓKN Lögregla rannsakar
nú ránið sem framið var í miðstöð Secu-
ritas í Tonbridge í Suður-Englandi, þaðan
sem þjófar rændu andvirði milljarða króna
aðfaranótt miðvikudagsins. FRÉTTABLAÐIÐ/AP