Fréttablaðið - 24.02.2006, Síða 48

24. febrúar 2006 FÖSTUDAGUR36
menning@frettabladid.is
!
Listasafn Íslands teflir
saman í sölum sínum tveim-
ur meisturum íslenskrar
myndlistar, þeim Gunnlaugi
Blöndal og Snorra Arin-
bjarnar.
„Þeir Gunnlaugur og Snorri eiga
sér sameiginlegar rætur í evr-
ópskum expressjónisma og eiga
það sameiginlegt að nota and-
stæðuríkt litróf í verkum sínum.
Uppspretta þeirra beggja er á
margan hátt sú sama, en þeir
vinna úr henni á mjög ólíkan og
persónulegan máta,“ segir Ólafur
Kvaran, safnstjóri Listasafns
Íslands, um listamennina Gunn-
laug Blöndal og Snorra Arinbjarn-
ar.
Í kvöld verða opnaðar í safninu
sýningar á verkum þeirra beggja,
tvær sjálfstæðar sýningar sem þó
kallast á þar sem listamennirnir
tveir eiga margt sameiginlegt.
Sýningin á verkum Gunnlaugs
ber yfirskriftina „Lífsnautn og
ljóðræn ásýnd“, en sýningin á
verkum Snorra nefnist „Máttur
litarins og spegill tímans“.
„Tilgangurinn með því að hafa
sýningarnar saman er að skerpa á
þessum sterku höfundareinkenn-
um þeirra beggja sem birtast í
undirtitlum sýninganna,“ segir
Ólafur, sem er sýningarstjóri
ásamt Hörpu Þórsdóttur.
„Gunnlaugur er til dæmis
fyrsti listamaðurinn hér á landi
sem fjallar um konuna og nekt
hennar og þá lífsnautn sem hann
tengir konunni, á meðan listsögu-
legt hlutverk Snorra er fyrst og
fremst að lyfta fram hversdags-
leikanum, mannlífinu á bryggj-
unni og í þorpsgötunni. Gunnlaug-
ur er upphafinn, rómantískur og
ljóðrænn en list Snorra verður
aftur á móti eins og spegill tím-
ans, eins konar líking fyrir sam-
félagslegt ástand.“
Ákveðin tímamót urðu í Lista-
safni Íslands með samningi sem
gerður var við Samson nú fyrir
skemmstu, sem þýðir að ókeypis
aðgangur er á allar sýningar
safnsins og verður svo framveg-
is, í það minnsta næstu þrjú árin.
Ólafur segir þessa breytingu
vera þátt í ákveðinni lýðræði-
svæðingu safnsins, sem felst í því
að ná til fleiri hópa í samfélag-
inu.
„Við leggjum áherslu á að safn-
ið eigi brýnt erindi við almenn-
ing. Söfn eru öðrum þræði mennt-
unarstofnanir og við erum að
auka þjónustuna og jafnframt að
auðvelda gestum aðgengi að safn-
inu.“
Tveir meistarar litanna
ÓLAFUR KVARAN Safnstjóri Listasafns Íslands leggur áherslu á að auðvelda gestum aðgengi að safninu. Málverk Gunnlaugs Blöndal á
veggnum heitir Síldarstúlkur og er frá árinu 1941. FRÉTTABLAÐIÐ/PJETUR
Vetrarhátíð hófst í Reykjavík í
gær. Í kvöld verður heldur betur
líf og fjör í söfnum borgarinnar,
ókeypis inn í þau öll og ókeypis
strætóferðir á milli þeirra.
Faldir fjársjóðir í Þjóðminja-
safninu, sjórekin lík í Sjóminja-
safninu, samískt kvöld í Norræna
húsinu, upplýst tré í Grasagarðin-
um, sérviskusýning í Gerðubergi
og Önnudagskrá í Nýlistasafninu
– allt þetta er aðeins brot af öllum
þeim aragrúa viðburða sem verð-
ur á dagskrá Safnanætur, sem nú
er haldin í annað sinn í Reykjavík.
Safnanóttin verður sett í Þjóð-
minjasafninu klukkan 19 og
skömmu síðar fer Þórarinn Eld-
járn rithöfundur á stúfana og
fylgir fólki um Þjóðminjasafnið.
Hann ólst upp innan veggja þess
og ætlar að segja frá nánum kynn-
um sínum af földum og völdum
safngripum.
Í Norræna húsinu verður boðið
upp á samíska kvikmyndahátíð,
þar sem meðal annars verður
sýnd hin margrómaða kvikmynd
Leiðsögumaðurinn, þar sem Helgi
Skúlason fer með stórt hlutverk.
Einnig verður samískt tjald reist
fyrir utan Norræna húsið.
Í Grafíksafni Íslands opnar
Magdalena Margrét sýningu
klukkan 20 og í Ljósmyndasafni
Reykjavíkur tekur ljósmyndar-
inn Friðrik Örn á móti gestum á
heila tímanum frá klukkan 20 til
miðnættis.
Boðið er upp á ókeypis strætis-
vagnaferðir á milli safna borgar-
innar. Alls staðar er fjölbreytt
dagskrá í boði, hvort heldur fólk
leggur leið sína í Árbæjarsafnið
eða Ásmundarsafn, Borgarbóka-
safnið eða Nýlistasafnið, Borgar-
skjalasafnið eða Sögusafnið í
Perlunni, Listasafn Íslands eða
Listasafn Reykjavíkur. Og er þá
langt í frá allt upp talið. ■
Söfnin lifna við
ÞÓRARINN ELDJÁRN Lumar á ýmsum
leyndardómum Þjóðminjasafnsins, þar
sem hann ólst upp.
Íslenskir menningardagar standa nú yfir í El Raval-
hverfinu í Barcelona á Spáni. Í dag er þar opnuð
sýning á hönnun Guðrúnar Lilju Gunnlaugsdóttur í
norrænu hönnunarbúðinni Eskandal. Fjölmiðlar á
Spáni hafa veitt sýningunni mikinn áhuga, en hún
stendur yfir í einn mánuð.
Í dag og á morgun verða einnig sýnd vídeó-
verk eftir nokkra íslenska listamenn í galleríinu
KBB. Listamennirnir eru Sigurður Guðjónsson,
Ásdís Gunnarsdóttir, Haraldur Jónsson, Gunnhildur
Hauksdóttir, Ásmundur Ásmundsson, Gunnar Már
Péturson, Malin Stahl, Dodda Maggý, Carl Boutard,
Hulda Rós Guðnadóttir, Kristín Björk, Unnur Andrea
og Gjörningaklúbburinn. Tónlistarmennirnir Pétur
Þór Benediktsson og Þórhallur Skúlason munu spila
fyrir gesti gallerísins.
Núna um helgina verður svo dagskrá kvikmynda-
klúbbsins Void helguð íslenskum kvikmyndum og
stuttmyndum. Sýndar verða kvikmyndirnar Nói
Albinói og Voksne Mennesker eftir Dag Kára og
stuttmyndir eftir Dag Kára, Reyni Lyngdal, Rúnar
Rúnarsson, Bjargeyju Ólafsdóttur og Grím Hákon-
arson.
Íslenskir dagar í Barcelona > Ekki missa af ...
... tónleikum samísku söngkon-
unnar Marit Hætta Överli, sem
verða haldnir í Íslensku óper-
unni annað kvöld. Með henni
koma fram Klemet Anders
Buljo, Hilmar Örn Hilmarsson,
Sigtryggur Baldursson, Tómas
Tómasson, Steindór Andersen
og Guðmundur Pétursson ásamt
Bjarna og Bjössa úr Mínus.
... sýningu um götuleikhópinn
Svart og sykurlaust sem opnuð
verður í Gallerí Humar eða Frægð,
Laugavegi 59, í kvöld.
Kl. 19.00
Sérviskusýningin, nýstárleg
sýning á alls kyns sérviskulegum
hlutum sem nokkrir eldri borgar-
ar Breiðholts hafa safnað, verður
opin á Safnanótt í Menningarmið-
stöðinni Gerðubergi í Breiðholti í
tengslum við bæði Vetrarhátíð og
Breiðholtshátíðina.
Ljósmyndasafn Reykjavíkur verð-
ur opið til klukkan eitt í nótt á
Safnanótt Reykjavíkur. Þar stend-
ur nú yfir ljósmyndasýning Frið-
riks Arnar, „10.000 dagar með
myndavél“, og mun hann taka á
móti gestum í leiðsögn á heila tím-
anum frá klukkan 20.
Sýning Friðriks Arnar var
opnuð um síðustu helgi í tilefni
þess að hann hefur átt ljósmynda-
vél í tíu þúsund daga, eða 27 ár, og
sýnir afraksturinn á veggjum
safnsins.
Margt fleira verður um að vera
í Ljósmyndasafninu, sem er til
húsa á sjöttu hæð í Grófarhúsinu,
Tryggvagötu 15. Klukkan átta
hefst hraðnámskeiðið „Lærðu að
kaupa ljósmyndir“ þar sem Frið-
rik Örn leiðbeinir fólki um það
hvernig á að bera sig að við kaup á
ljósmyndum.
Einnig munu ljósmyndanemar
mynda gesti og verður afrakstur-
inn til sýnis á heimasíðu safnsins
og á heimasíðu Friðriks Arnar.
Klukkan tíu hefst síðan örnám-
skeið í ljósmyndun þar sem Krist-
ín Hauksdóttir ljósmyndari verð-
ur leiðbeinandi.
Ljósmyndasýning Jónu Þor-
valdsdóttur, Móðir jörð, verður
einnig opin á Safnanótt, en þar sýnir
Jóna ljósmyndir á myndvarpa.
Á morgun stendur Ljósmynda-
safn Reykjavíkur enn fremur
fyrir vetrarlegri ljósmyndasýn-
ingu í Egilshöll.
FRÁ OPNUN SÝNINGAR FRIÐRIKS ARNAR UM SÍÐUSTU HELGI Fjölbreytt dagskrá verður í
Ljósmyndasafni Reykjavíkur í kvöld.
Ljósmyndir fram á rauða nótt