Fréttablaðið - 01.05.2006, Page 4

4 1. maí 2006 MÁNUDAGUR
GENGIÐ
GENGI GJALDMIÐLA 28.04.2006
Gengisvísitala krónunnar
Bandaríkjadalur 74,54 74,9
Sterlingspund 134,75 135,41
Evra 93,51 94,03
Dönsk króna 12,53 12,604
Norsk króna 12,037 12,107
Sænsk króna 10,051 10,109
Japanskt jen 0,6522 0,656

SDR 109,57 110,23
HEIMILD: Seðlabanki Íslands
KAUP SALA
129,8152
FÆREYJAR Um helgina voru 6,2 kíló-
metra göng formlega opnuð milli
Austureyjar og Borðeyjar í Færeyj-
um, að því er fram kemur á vefsíðu
ganganna, www.tunnil.fo. Veggöng-
in, sem eru um hálfum kílómetra
lengri en Hvalfjarðargöngin, opna
akleið til Klakksvíkur, annars
stærsta bæjar Færeyja, og tengja
því kjarnahluta Færeyja við Norður-
eyjarnar.
Færeyingar fögnuðu opnun
Norðureyjaganganna með söng,
skrúðgöngu og ræðuhaldi í þrjá
tíma á laugardag og klukkan 16.30
voru göngin svo opnuð almenningi.
- smk
Veggöng í Færeyjum:
6,2 km göng
formlega opnuð
AUSTUREY Nú er búið að opna veggöng frá
Austurey til Borðeyjar í Færeyjum.
NORDICPHOTOS/AFP
VINNUMARKAÐUR Skiptar skoðanir
eru um þróunina á vinnumarkaði
þegar för verður gefin frjáls hér á
landi fyrir íbúa allra aðildarríkja
ESB eftir 1. maí. Gylfi Arnbjörns-
son, framkvæmdastjóri ASÍ, segir
að um 2.000 atvinnuleyfi hafi verið
gefin út á þessu ári til íbúa þessara
ríkja.
„Ég á ekki von á að það verði
nein sérstök breyting. Það er mikil
þensla á vinnumarkaði og fyrirtæki
eru stöðugt að leita að starfsmönn-
um. 2.000 atvinnuleyfi eru mjög
mikið og atvinnuleysi er með
minnsta móti,“ segir hann. - ghs
Framkvæmdastjóri ASÍ:
Býst við lítilli
breytingu
DÓMSMÁL Suður-afrísk kona,
Desiree Oberholzer, játaði að hafa
átt aðild að morðinu á Gísla Þor-
kelssyni, sem var myrtur í Suður-
Afríku í júlí árið 2005, við réttar-
höld á föstudaginn. Karlmaður
sem einnig er ákærður fyrir morð-
ið neitar sök.
Að sögn konunnar skaut mað-
urinn Gísla í hnakkann í bíl eftir
að þau höfðu sótt hann á flugvöll-
inn í Jóhannesarborg. Fólkið var
kunningjar Gísla og telur lögregla
að morðið hafi verið framið til að
komast yfir fjármuni. Lík Gísla
fannst 10. júlí falið í tunnu sem
fyllt hafði verið með steypu þannig
að aðeins sá í fætur þess. - sdg
Morð á Íslending í fyrra:
Kona játar
sök í morðmáli
Ofsaakstur við Hvolsvöll
Ökumaður mældist á 153 kílómetra
hraða á þjóðveginum við Hvolsvöll á
sunnudagsmorgun. Verður hann sviptur
ökuréttindum í mánuð. Fjórir aðrir voru
teknir á svæðinu á miklum hraða.
Bílvelta við Óshlíð Ökumaður velti
bíl við Óshlíð á laugardaginn. Valt bíllinn
niður fyrir vegkantinn en stöðvaðist
stutt frá. Ökumaður var einn í bílnum og
slasaðist nánast ekkert. Bíllinn er mikið
skemmdur.
Vinnuslys á borsvæði Maður
mjaðmagrindarbrotnaði á borsvæð-
inu í nágrenni við Keili á aðfaranótt
sunnudags. Krani í lögn sprakk með
þeim afleiðingum að rör skaust í
mjöðm mannsins, sem var að vinna við
kranann. Var hann fluttur á sjúkrahús í
Reykjavík til aðhlynningar.
LÖGREGLUFRÉTTIR
STJÓRNMÁL „Ef það er til brýnt mál
sem má svo auðveldlega hreinsa
útaf borðinu svo allir fái varan-
lega lausn sinna mála þá er það
þetta mál og ég skil sannast sagna
ekki af hverju þetta viðgengst ár
eftir ár,“ segir Ágúst Ólafur
Ágústsson, þingmaður Samfylk-
ingar og nefndarmaður í heil-
brigðis- og tryggingarnefnd.
Sú nefnd hefur ítrekað fjallað
um mál þeirra öldruðu sjúklinga
sem verða að gera sér að góðu að
dvelja mánuðum saman á sjúkra-
stofnunum í stað þess að njóta
mannsæmandi
aðbúnaðar á
hjúkrunar- eða
dvalarheimilum
en vandamálið
hefur sjaldan
verið stærra þó
ekki sé það nýtt
af nálinni.
Ágúst vísar
ábyrgð alfarið á
stjórnvöld, sem
hann segir liggja
í dvala vegna
þessara mála á
kostnað fólks
sem eyði ævi-
kvöldinu í
hræðslu og ein-
semd. „Aðgerð-
arleysi síðustu
ára hefur sýnt
að ríkisvaldinu
er ekki trey-
standi fyrir þess-
um málaflokki og vænlegast að
mínu viti að færa þessa þjónustu
alfarið yfir á sveitarfélögin.
Reykjavíkurborg hefur til að
mynda tekið frá fjármagn til upp-
byggingar íbúða vegna aldraðra
sjúklinga en það hefur ekki komist
af stað þar sem ríkið dregur lapp-
irnar hvað varðar mótframlag.“
Formaður nefndarinnar, Jónína
Bjartmarz, Framsóknarflokki,
tekur undir með Ágúst Ólafi og
segir fátt brýnna í stjórnmálum
en að finna varanlega lausn vegna
þess fólks sem býr inni á sjúkra-
stofnunum. „Slík lausn krefst sam-
starfs allra flokka og einnig sam-
starfs ríkis og sveitarfélaga. Við
höfum í öllum okkar álitum til
fjárlaganefndar síðustu ár bent á
nauðsyn þess að veita fé í þetta
verkefni og að úrbóta sé þörf. Þá
erum við ekki aðeins að benda á
vanda aldraðra sjúklinga eingöngu
heldur einnig yngri sjúklinga sem
einnig eiga í fá hús að venda. En
svo er það í höndum fjárlaga-
nefndar að ákveða í hvað pening-
unum er varið.“
Fram hefur komið að tæplega
hundrað eldri sjúklingar á Land-
spítala - Háskólasjúkrahúsi bíði
nú hjúkrunarrýma og hefur for-
stjóri þess, Magnús Pétursson,
látið hafa eftir sér að ástandið sé
óvenju slæmt. Fjörutíu og tveir
einstaklingar létust á síðasta ári
meðan þeir biðu úrlausnar.
Ekki náðist í Siv Friðleifsdótt-
ur, heilbrigðis- og tryggingaráð-
herra.
albert@frettabladid.is
Eyða ævikvöldinu í
hræðslu og einsemd
Heilbrigðis- og trygginganefnd hefur um árabil lagt til úrbætur vegna aldraðra
sem dvelja þurfa langdvölum á spítölum þar sem hjúkrunarheimili eru yfirfull.
Allt að áttatíu aldraðir sjúklingar á ári verða að gera sér langa spítalavist að góðu.
MANNSKEMMANDI BIÐ Tæplega hundrað aldraðir einstaklingar verða að sætta sig við að
búa á spítala þessa dagana þar sem ekki er pláss fyrir þá annars staðar.
DÓMSMÁL Kona í Hafnarfirði var
dæmd til greiðslu fimmtíu þúsunda
króna fyrir Héraðsdómi Reykja-
ness vegna brota á dýraverndarlög-
um en hún var umráðamaður fjög-
urra katta sem fundust illa til reika
í íbúð hennar.
Fundust kettirnir læstir inni á
baðherbergi í nóvember síðastliðn-
um. Voru þeir vannærðir og skítugir
og greinilegt var að ekkert hafði
verið um þá hirt um tíma. Er það
skýrt brot á lögum um dýravernd og
þar sem konan játaði brot sín ský-
laust þótti dómara rétt að dæma
hana til greiðslu sektar auk rúmlega
sextíu þúsund króna greiðslu til lög-
manns síns vegna málsins. - aöe
ILLA KOMIÐ FRAM VIÐ DÝRIN Fjórir
vannærðir og skítugir kettir fundust læstir
inni á heimili konu. Myndin tengist ekki
umfjöllunarefni greinarinnar.
Brot á dýraverndarlög:
Læsti kettina
inni á baði
ÍSRAEL, AP Ísraelska þingið sam-
þykkti í gær að láta byggja bráða-
birgðavarnarmúr umhverfis Jerús-
alem og tengja hann varnarmúr
sem Ísraelsmenn hófust handa við
að byggja fyrir fjórum árum síðan
umhverfis hernumdu svæðin á
Vesturbakkanum. Ákvörðunin var
liður í áætlun sitjandi forsætisráð-
herra, Ehud Olmert, um að setja
endanleg landamæri Ísraels sem
allra fyrst, burtséð frá skoðunum
Palestínumanna á rétt þeirra til
landsins.
Palestínubúar gagnrýndu
ákvörðunina og sögðu Ísraela vera
að koma fram vilja sínum á
umdeildu landsvæði sem Ísrael her-
tók árið 1967. Ísraelar segja Jerús-
alem vera höfuðborg sína, en Pal-
estínumenn vilja gera austurhluta
hennar, þar sem íbúar eru aðallega
arabar, að höfuðborg framtíðarríkis
síns. Að sögn ráðamanna í Ísrael er
tilgangurinn með múrnum að koma
í veg fyrir að öfgasinnaðir Palest-
ínubúar með sprengjur innanklæða
komist inn í borgina. Olmert sagði
að múrinn yrði jafnframt tekinn til
grundvallar þegar endanleg landa-
mæri Ísraels yrðu ákveðin. Bygg-
ingu múrsins, sem verður 760 kíló-
metra langur, mun ljúka fyrir lok
ársins, að sögn Olmerts. Mannrétt-
indasamtök segja að múrinn muni
trufla líf þúsunda Palestínumanna
sem búa utan borgarmarkanna en
starfa eða stunda nám innan
þeirra. - smk
Ísraelska þingið tekur umdeilda ákvörðun:
Varnarmúr um Jerúsalem
VARNARMÚR Ísraelska þingið ákvað í gær
að ljúka byggingu varnarmúrs umhverfis
Jerúsalem, en Palestínumenn segja hluta
borgarinnar tilheyra sér. FRÉTTABLAÐIÐ/AP
JÓNÍNA BJARTMARZ
ÁGÚST ÓLAFUR
ÁGÚSTSSON