Fréttablaðið - 01.05.2006, Page 38

1. maí 2006 MÁNUDAGUR18
Manngerðir útileikvellir eru oft augnayndi með sínum
litglöðu tækjum og tilheyrandi lífi.
Barnaleikvellir eru staðir sem búa yfir krafti. Þar safnast
yngsta kynslóðin saman til að fá klifurgetu og hreyfiþörf
sinni svalað í öruggu umhverfi og eiga skemmtilegar stund-
ir meðal jafningja og vina. Í sandkössunum eru byggðir
hinir glæstustu kastalar og í rólunum komast menn næst
því að fljúga. Jafnvægislistin þjálfast í vegasöltunum og
erfiðið við að príla uppí rennibrautina er margfalt endur-
goldið með hinni tveggja sekúndna salibunu niður. Á leik-
völlunum eiga sér stað heimspekilegar umræður og oft
reynir á samskiptahæfni einstaklinganna sem þar verja
sínum stundum. Að öllu samanlögðu eru leikvellir hin merk-
ustu mannvirki og mikils um vert að þeir séu vel úr garði
gerðir.
Þar sem lífið snýst um leiki
Voldug róla sem rennur eftir streng á sjálfu Miklatúni.
Litskrúðugur hani sem ljósmyndarinn hitti á einum leikvellinum.
Vegasaltið býður uppá spennu fyrir smáfólkið. Boltinn getur sem best fylgt með á völlinn.
Fígúrur í fjörugum litum auka á gleði.
Það býr margt í þessum ungu kollum. FRÉTTABLAÐIÐ/VILHELM