Fréttablaðið - 01.05.2006, Qupperneq 60

1. maí 2006 MÁNUDAGUR40
Þó svo að Jóel hafi verið í óða önn að gera sig tilbúinn fyrir tón-
leika á Stúdentakjallaranum gaf hann sér tíma til að lýsa drauma-
húsinu. „Það sem fyrst kemur upp í hugann er ekki húsið sjálft,“
segir Jóel, „heldur andlitin á þeim sem í því búa.“ Þarna á Jóel við
konu sína og strákana sína tvo. „Það er eiginlega draumahúsið
mitt, sama hvernig það lítur út svo lengi sem þau eru í því.“
Það eru þó ýmis atriði sem húsið mætti prýða, fyrst á annað
borð allt er leyfilegt. „Ég vil búa í húsi með sögu, hvort sem sú
saga er ný eða gömul. Ég er líka orðinn háður því að sjá til sjávar,
en húsið sem ég bý í núna er við sjóinn, og ég vildi halda því
útsýni.“
Vistarverurnar þyrftu ekki að vera stórar, bara þannig að rúmt
væri um alla. Umhverfis húsið væri gróinn garður en Jóel vill als
ekki hafa hann stóran. „Þar sem ég bý núna er risastór garður og
það er martröð að slá hann,“ segir Jóel og hlær.
Síðustu íbúð sína keypti Jóel vegna bílskúrsins. Ekki vegna
þess að hann vildi eiga bílnum sínum samastað, heldur vegna
þess að þar setti hann upp stúdíó. „Það er ekki hitamál lengur
þar sem ég er kominn með aðstöðu annars staðar,“ segir Jóel.
„Nú geymi ég græjurnar mínar úti í Örfirisey og þarf því ekki
pláss fyrir þær heima.“
DRAUMAHÚSIÐ MITT: JÓEL KRISTINN PÁLSSON TÓNLISTARMAÐUR
Íbúarnir skipta öllu máli
JÓEL PÁLSSON SEGIR AÐ ÞEIR SEM BÚI Í HÚSINU GERI ÞAÐ AÐ
DRAUMAHÚSI. FRÉTTABLAÐIÐ/VALLI
Bæjarráð Kópavogs vill kaupa
upp hesthúsin í Glaðheimum.
Meirihluti bæjarráðs Kópvogs
hefur ákveðið að óska eftir við-
ræðum við eigendur hesthúsa og
lóða á svæði hestamannafélagsins
Gusts um kaup á eignum þeirra.
Verðið sem bærinn býður er
291.000 krónur á fermetra, sam-
tals rúmlega einn milljarður
króna. Gert er ráð fyrir að önnur
hesthús á svæðinu í eigu félags-
manna Gusts verði keypt á mun
lægra fermetraverði á næstunni.
Bæjarstjórinn í Kópavogi, Gunnar
I. Birgisson, þurfti að víkja af
fundi ráðsins þar sem hann á eitt
af hesthúsunum á svæðinu en
hann kom þó að undirbúningi
málsins.
Ásókn í lóð-
ir Gusts
Glaðheimar eru svæði Gusts.
FRÉTTABLAÐIÐ/HEIÐA
SELDAR EIGNIR Á
HÖFUÐBORGARSVÆÐINU*
*þinglýstir kaupsamningar, heimild Fasteignamat ríkisisins.
300
250
200
150
100
50
0
FJÖLDI
17/3-
23/3
190
24/3-
30/3
214
31/3-
6/4
207
7/4-
13/4
114
14/4-
20/4
93
21/4-
27/4
169
������������
��������������
��������������
�������
����������
����
Álftanesskóli hefur verið starfræktur frá árinu 1978. Hann tók við af Bjarna-
staðaskóla frá 1889 til 1978, sem var til húsa á Bjarnastöðum sem nú hýsa
skrifstofur sveitarstjórnar Álftaness. Skólinn hefur vaxið jafnt og þétt á síð-
ustu árum og 1998 varð hann einsetinn. Skólinn verður heildstæður grunn-
skóli á næsta ári þar sem nemendur í 1. til 10. bekk nema listina að lifa og
læra. Þessi þróun hefur verið hæg en örugg en lengi vel var skólinn einungis
barnaskóli með 1. til 7. bekk. Nemendur í dag eru 375 en á næsta ári verða
þeir 450 þegar 10. bekkur bætist við. Árið 2009 er áætlað að nemendur verði
600. Álftanesskóli er byggður í 9 áföngum en þann fyrsta teiknaði Ferdínand
Alfreðsson. Skólastjóri Álftanesskóla, Sveinbjörn Markús Njálsson, segir
skólann eins og ungling sem vaxi hratt upp úr fötunum sínum. Þetta stendur
til bóta því nú er verið að ljúka við þarfagreiningu á síðasta áfanganum,
stórri nýrri viðbyggingu. Um hana sjá Gláma Kím arkitektar.
ÁLFTANESSKÓLI
FRÉTTABLAÐIÐ/VALLI