Fréttablaðið - 25.05.2006, Blaðsíða 16

25. maí 2006 FIMMTUDAGUR16
nær og fjær
„ORÐRÉTT“
„Ég var að koma frá Cannes í Frakklandi,
þar sem ég var á kvikmyndahátíðinni,“
segir Marín Magnúsdóttir, framkvæmda-
stjóri ferðaskrifstofu- og atburðafyrirtækis-
ins Practical.
„Ég sá um hádegisverð sem var í boði RIFF,
Reykjavík International Film Festival. Hann
sóttu kvikmyndaframleiðendur, gagnrýn-
endur og fréttamenn auk þess sem Val-
gerður Sverrisdóttir ráðherra mætti.“ Um
130 þáðu boðið til málsverðarins, sem var
á ströndinni í Cannes. Gestir fengu hluta af
Íslandi í gjöf og hlustuðu á íslenska tónlist.
„Hver og einn fékk gjafapoka og í honum
voru þrjár krukkur, sem á stóð á ensku
Piece Off Iceland. Í einni var lítill poki með
vatni úr Snæfellsjökli. Í annarri krukku var
hraunmoli úr Heklu og í þeirri þriðju fjalla-
gras. Svo skreyttum við veisluborðin með
svörtum sandi úr fjörum Snæfellsness. Það
vakti mikla lukku.“
Marín segir Cannes skemmtilega borg: „Ég
verð að segja að það var gaman að sjá
fræga fólkið. Ég sá Samuel L. Jackson og
Penelopé Cruz. Greinilegt var að margt fólk
fór á hátíðina til að sjá þá frægu og beið í
röðum fyrir utan hótelin. Ég var hins vegar
svo heppin að þau gengu framhjá mér.“
Marín hefur ferðast víða á árinu: „Í vikunni
fyrir Cannes var ég í Brussel. Practical
skipulagði stóra sameiginlega veislu Marel,
Eimskips, Landsbankans og Icelandic
Group. Hún kallaðist Taste the Energy
eða Finndu kraftinn og var í tengslum við
sjávarútvegssýninguna þar, þá stærstu í
heimi. Veislurnar tvær voru eins og svart
og hvítt en báðar virkilega skemmtilegar.“
Stutt er í helgina, en þær eru gjarnan
annasamar hjá atburða-
fyrirtækjum. Um þessa
helgi sér Practical um
400 manna starfsdag
hjá einu af stærri fyrir-
tækjum landsins: „Þar
ætlum við að vinna
með gildi fyrirtækis-
ins. Við skiptum fólk-
inu upp í hópa eftir
áhugasviði, vinnum
með því yfir daginn
og endum á stórri
veislu um kvöldið,“
segir Marín. „Það
er nóg að gera hjá
mér og virkilega
skemmtilegir tímar
fram undan.“
FR
ÉTTA
B
LA
Ð
IÐ
/VA
LLI
HVAÐ ER AÐ FRÉTTA? MARÍN MAGNÚSDÓTTIR FRAMKVÆMDASTJÓRI
Frá Brussel og til Cannes
Ekkert getur klikkað
„Við erum án efa með besta
vatnsvæðið á landinu, og því
söluvæna ímynd. Við erum
með frábært lið í markaðs-
setningu og búnir að skrifa
undir samninga.“
BIRGIR VIÐAR HALLDÓRSSON
VATNSÚTFLYTJANDI. FRÉTTA-
BLAÐIÐ.
Er heyrnin slæm?
„Ég hafði aldrei heyrt um
þetta og það hafa aldrei
nein mál um símahleranir
komið inn á mitt borð á
mínum langa stjórnmála-
ferli.“
HALLDÓR ÁSGRÍMSSON FORSÆTIS-
RÁÐHERRA. MORGUNBLAÐIÐ.
„Ég ljóstra því hér með upp að ég
og Trausti Bjarnason ætlum að
gera eitthvað frábært saman fyrir
söngvakeppnina að ári,“ segir
Sveinn Rúnar Sigurðsson lagahöf-
undur. Saman áttu þeir félagar 33
prósent allra laganna í undan-
keppni Sjónvarpsins fyrir Söngva-
keppni evrópskra sjónvarpsstöðva
í ár. Þjóðin valdi Silvíu Nótt og þar
með lag Þorvalds Bjarna Þor-
valdssonar, Congratulations.
„Við ætlum að taka Eurovision
með trompi að ári liðnu. Við skor-
um á Þorvald Bjarna að taka þátt
einu sinni enn. Það er ekkert
gaman að vinna nema að slá hann
út,“ sagði Sveinn Rúnar, sem kom
til Aþenu fyrir keppnina, ásamt
kærustu sinni Önnu Dögg Einars-
dóttur, til að fylgjast með. Sveinn
kynntist Trausta í undankeppninni
og í næstu viku gefa þeir út plötu
með Höllu Vilhjálms auk þess sem
þeir hafa síðan þá látið lög á plötur
annarra listamanna.
Sveinn Rúnar samdi lögin 100%
hamingja í flutningi Heiðu Ólafs-
dóttur, Mynd af þér með Birgittu
Haukdal og Útópía í flutningi Dís-
ellu Lárusdóttur sem kepptu til
úrslita í ár. Trausti átti lögin And-
vaka sem Guðrún Árný Karlsdótt-
ir söng og Þér við hlið sem Regína
Ósk Óskarsdóttir flutti í úrslitun-
um. Sveinn Rúnar samdi einnig
sem kunnugt er lagið Heaven sem
Jón Jósep Snæbjörnsson flutti í
Istanbúl fyrir tveimur árum og
lenti í 19. sæti. Magnús Þór Sig-
mundsson samdi textann.
„Ég hef, allt frá því ég fór með
Jónsa til Istanbúl, reynt að sam-
eina áhuga minn á framandi stöð-
um og tónlist. Það fer ofsalega vel
saman að ferðast í maímánuði,
þegar sólin er hátt á lofti, og sækja
Eurovision heim og skoða sig um í
leiðinni,“ segir Sveinn og bætir
við: „Ég hló mikið að finnska
söngvakeppnissérfræðingnum
Thomas Lundin þegar hann sagði
mér í Tyrklandi að Eurovision
væri ekki bara árleg uppákoma
heldur lífsstíll. Mér fannst hann
taka heldur djúpt í árinni, en ég
verð að viðurkenna að ég hef
gaman af þessu og fylgist vel með
keppninni ár hvert.“
Spurður hvort keppnin hafi
fært honum frama sem höfundi
segir hann að ekki hafi staðið á
tækifærunum.
„Þau hafa gefist í Finnlandi. Ég
hef gert töluvert mikið af tónlist
fyrir þann markað út frá tengslum
sem ég náði í Istanbúl. Ég er einn-
ig búinn að gera músík fyrir Arg-
entínu og er hingað kominn til að
skrifa undir samning í Aþenu um
að nota megi lagið Heaven sem
einkennislag Höfðaborgar í Suður-
Afríku á afríkönsku.“
Sveinn Rúnar hvetur lagahöf-
unda til að taka þátt í Söngva-
keppni evrópskra sjónvarpsstöðva
gefist tækifærið. Hann segir að
viti menn hvernig eigi að selja
tónlist og við hverja þeir eigi að
tala sé hægt að fá helling út úr
keppninni, jafnvel peninga, í það
minnsta meira en íslenski mark-
aðurinn gefi af sér.
gag@frettabladid.is
DÍSELLA LÁRUSDÓTTIR Lagið Útópía í
flutningi Dísellu. FRÉTTABLAÐIÐ/DANÍEL
HEIÐA ÓLAFSDÓTTIR 100% hamingja í
undankeppni Sjónvarpsins. FRÉTTABLAÐIÐ/DANÍEL
BIRGITTA HAUKDAL Mynd af þér flutt af
Birgittu. FRÉTTABLAÐIÐ/DANÍEL
Sveinn skorar Þorvald á hólm
SVEINN RÚNAR SIGURÐSSON Lagahöfundurinn Sveinn Rúnar stefnir að því að semja full-
komið lag í Eurovision að ári ásamt Trausta Bjarnasyni. Saman áttu þeir þriðjung allra laga í
úrslitunum í undankeppni Sjónvarpsins í ár. FRÉTTABLAÐIÐ/GVA
„Búum við í frjálsu landi?“ spyr Anna
Marta Guðmundsdóttir, bóndi á Hest-
eyri í Mjóafirði, þegar hún veltir fyrir
sér leikreglunum sem eru viðhafðar
í kosningabaráttunni. Önnu Mörtu
hugnast illa núverandi fyrirkomulag.
„Er það frelsi að safna háum fjárhæð-
um í kosningasjóði svo þeir ríku geti
náð kosningu? Það held ég ekki. Allir
eiga að hafa jafna möguleika á að
auglýsa sig og kynna sig og ná kosn-
ingu. Það á ekki að fara eftir fjárhag
frambjóðenda og stuðningsmanna
þeirra.“
Anna Marta vill að núverandi
fyrirkomulagi verði breytt og í stað
þess að hver flokkur eða listi hagi
auglýsingum að vild fái þeir ókeypis
tíma eða pláss í fjölmiðlunum. „Allir
eiga að fá jafnt. Í útvarpi og sjónvarpi
á að vera sami tími fyrir alla fram-
bjóðendur og blöðin eiga að birta
efni þeirra óbreytt og óstytt. Enginn
þarf að greiða fyrir umfjöllunina enda
þjónar það þjóðinni að fá að kynnast
frambjóðendum.“
Anna Marta segir núverandi fyrirkomu-
lag bjóða heim hættunni á mútum. Að
menn leggi peninga í sjóði frambjóð-
enda og ætlist til að fá fyrirgreiðslu í
kjölfarið. Slíkt sé algjörlega óviðunandi
og því þurfi að haga málum með
öðrum hætti en nú er.
HVAÐ SEGIR ANNA?
KOSNINGARNAR
Búum við í
frjálsu landi?
Sveinn Rúnar Sigurðsson lagahöfundur hefur fylgst með
Eurovision úr salnum síðan hann fór út með lagið sitt
Heaven. Hann er staðráðinn í að vinna keppnina að ári.