Fréttablaðið - 25.05.2006, Blaðsíða 17

FIMMTUDAGUR 25. maí 2006
Á GÖNGU Tennessee-búinn Preston Wolfe
hélt upp á 66 ára afmælisdaginn sinn í
vikunni með því að ganga 66 mílur, rúma
106 kílómetra. Hann blés vart úr nös enda
gönguhrólfur mikill. FRÉTTABLAÐIÐ/AP
Skagstrendingar og aðrir íbúar
Höfðahrepps fjölmenntu á sam-
eiginlegan framboðsfund beggja
framboðanna í sveitarfélaginu
sem haldinn var í félagsheimilinu
Fellsborg á dögunum.
Fjórir efstu menn Lýðræðislist-
ans og Skagastrandarlistans fluttu
framsöguræður og síðan spunnust
líflegar umræður og spurningum
utan úr sal var svarað.
Á fjórða hundrað manns eru á
kjörskrá í Höfðahreppi og er talið
að á sjöunda tuginn hafi sótt fram-
boðsfundinn, sem var hin besta
skemmtan og um leið fróðlegur að
sögn eins fundarmanna.
Fjölmenni á
framboðsfundi
Sundglaðir Seltirningar geta tekið
gleði sína á ný því gagngerum
endurbótum á sundlaug bæjarins
er að ljúka. Lauginni var lokað
fyrir nokkrum mánuðum og þurftu
bæjarbúar að sækja laugar í
öðrum bæjarfélögum á meðan.
Hátíð verður í lauginni í dag
milli 14 og 16 þar sem léttar veit-
ingar verða í boði. Laugin verður
síðan opnuð klukkan 6.50 í fyrra-
málið og geta Seltirningar þá
stungið sér til sunds. Má segja að
ekki sé seinna vænna að opna
laugina svo að bæjarbúar geti
skeggrætt pólitíkina á loka-
metrum kosningabaráttunnar.
Aftur synt á
Seltjarnarnesi
SYNT AF KAPPI Sundlaug Seltjarnarness
verður opnuð til sundiðkunar í fyrramálið.