Fréttablaðið - 25.05.2006, Page 87

62 25. maí 2006 FIMMTUDAGUR
sport@frettabladid.is
LA
N
DS
BA
N
K
AD
EI
LD
IN
FÓTBOLTI Mikill munur var á
umgjörðinni í kringum tvo fyrstu
heimaleiki Vals í Landsbankadeild
kvenna. Þegar undirritaður mætti
á fyrsta leik tímabilsins gegn
Stjörnunni á Valbjarnarvelli var
hann mjög hikandi enda leit ekki
út fyrir að þarna ætti að hefjast
leikur í efstu deild kvenna eftir
aðeins örfáar mínútur. Vissulega
voru leikmenn á vellinum að hita
upp en ekkert annað benti til þess
að þarna væri að fara af stað annar
af stóru leikjum kvöldsins í
kvennaboltanum.
Fáránlegt er að fara fram á
jafnt verðlaunafé í Landsbanka-
deild kvenna og í karlaflokki ef
umgjörð í kringum leiki á að vera
eins og í leiknum gegn Stjörnunni.
Fjallað hefur verið talsvert um
þetta í fjölmiðlum og hefur það
greinilega orðið til þess að Vals-
menn hafa tekið sig á í þessum
efnum. Á þriðjudag var síðan
komið að öðrum heimaleik Vals-
stúlkna og var ekki laust við að
maður hafi brosað út í annað þegar
nálgast var völlinn og Lands-
bankadeildarfánar blöktu af krafti
í vindinum, fánar sem hvergi voru
sjáanlegir í fyrsta leiknum.
Boltasækjar voru við öllu búnir
rétt fyrir leikinn og boðið var upp
á þá þjónustu fyrir áhorfendur að
forláta skortafla var uppfærð
meðan á leik stóð svo að auðveld-
ara væri fyrir fólk að hafa tölu á
Valsmörkunum sem og tímanum.
Einnig var vallarþulur sem kynnti
liðin fyrir leik en þessi þjónusta
var einfaldlega ekki í boði í fyrsta
leiknum.
Komið hafði verið fyrir vagni
frá ÍTR þar sem blaðamönnum
var boðin aðstaða og þótt hann
hafi verið staðsettur við annan
enda vallarins og hafi ekki verið
upp á marga fiska var þetta nú
boðlegra en í opnunarleiknum. Þá
sat undirritaður með penna sinn
og blað í stúkunni og reyndi að
skrifa eitthvað niður í kuldanum.
Í blaðamannavagninum var
ágætis bakkelsi í boði ásamt fínu
kóki, þó að óneitanlega hefði kaffi
verið hentugra í þeim mikla kulda
sem var þetta kvöld. Það sem
gladdi mig þó mest var að þarna
voru tilbúnar leikskýrslur fyrir
leikinn. Nógu erfitt hafði verið að
fá skýrslur í leiknum gegn Stjörn-
unni og var það Ómar Smárason
frá KSÍ sem á endanum reddaði
þeim eins og svo mörgu öðru í
þeim leik enda enginn starfsmað-
ur frá Val á staðnum til að sjá um
þessi mál.
Valsmenn gerðu þó sitt besta til
að bæta aðstöðuna og hafa greini-
lega lært af mistökunum. En ljóst
er að Valbjarnarvöllurinn er svo
sannarlega barn síns tíma og vart
boðlegur í nútímafótbolta.
Vallarklukkan var líklega búin
til fyrir stríð, aðstaða fyrir fjöl-
miðla er vægt til orða tekið bág-
borin og tréstúkan að syngja sitt
síðasta. Vil ég biðla því til verka-
manna á Hlíðarenda að setja kraft
í að gera völlinn þar tilbúinn, ég
hef fengið nóg af Valbjarnarvelli
og sumarið er ekki komið!
elvar@frettabladid.is
Valsmenn lærðu af mistökunum
Kvennalið Vals spilaði sinn annan heimaleik í Landsbankadeildinni á þriðjudag en mikið var rætt um
slaka umgjörð á fyrsta leik liðsins. Fréttablaðið mætti á staðinn og athugaði hvað Valsmenn höfðu gert í
sínum málum. Umgjörðin er á réttri leið og Valur hefur spilað ágætlega úr sínu á handónýtum leikvangi.
BÚIÐ AÐ FLAGGA Landsbankadeildar-
fánarnir voru komnir upp sem og Lands-
bankadeildarskiltin sem sögð voru hafa
farið í Kópavoginn í fyrsta leiknum.
FRÉTTABLAÐIÐ/VALLI
HÆTTULEG BLAÐAMANNASTÚKA? Blaðamenn fengu aðstöðu í þessum hrörlega kofa frá
ÍTR. Myndatökumaður RÚV vildi fá að færa skúrinn í leiknum en vallarstarfsmaður afréð
honum frá því þar sem skúrinn væri mjög ryðgaður og gæti hugsanlega hrunið.
FRÉTTABLAÐIÐ/VALLI
KLUKKAN KOMIN AFTUR Gamla leikklukkan
á Valbjarnarvelli var komin á sinn stað og
skilaði sínu hlutverki ágætlega.
„Það er svo erfitt að slíta sig frá þessu,“
sagði Bjarki Gunnlaugsson knatt-
spyrnumaður við Fréttablaðið í gær.
Bjarki ákvað að láta líkamann ráða eftir
síðasta sumar og lagði skóna á hilluna
eftir að hafa leikið með KR en síðast
þegar hann lék með ÍA skoraði hann sjö
mörk í jafn mörgum leikjum, sumarið
2002.
Bjarki var staddur með 2. flokki Þróttar
í Portúgal þegar Fréttablaðið hafði sam-
band við hann í gær, en hann þekkir til
þjálfara flokksins og fékk að slást með
í för. „Ég er að æfa með strákunum og
sjá aðeins hvernig skrokkurinn er. Ég hef
það alltaf bak við eyrað að koma mér í
form og spila í sumar en ég verð að sjá
til hvernig ég verð. Það er alveg ljóst að
ég þoli ekki mikið álag og það þarf að
vera skilningsríkur þjálfari sem tæki við
mér,“ sagði Bjarki sem hefur verið að
æfa með sínum gömlu félögum í ÍA að
undanförnu.
„Ég hef verið að æfa einu
sinni til tvisvar í viku með
ÍA og það hefur gengið
vel. Ég ákvað að fara
aðeins út til að sjá
hvernig líkaminn
brygðist við meira
álagi og því er ég
hérna í Portúgal.
Ég verð að taka
ákvörðun þegar ég
kem aftur heim en
það gæti vel verið
að ég spili eitthvað
í sumar,“ sagði Bjarki
sem er þó enn samningsbundinn KR
en ljóst er að hann er velkominn
til ÍA á nýjan leik. Ef hann
spilar í sumar, er því ekki
ráðið hvort það verður í
Vesturbænum eða
hjá ÍA.
„Það var alltaf inni
í planinu að hætta
uppi á Akranesi
með Arnari
bróður,“ sagði Bjarki
Gunnlaugsson, en tví-
burabróðir hans Arnar
er nú snúinn heim og
Ólafur Þórðarson, þjálfari
liðsins, segir að hann
geti vel notað Bjarka, sé
hann í lagi.
KNATTSPYRNUKAPPINN BJARKI GUNNNLAUGSSON: GÆTI SNÚIÐ AFTUR Í ÍSLENSKA BOLTANN:
Ætlaði alltaf að hætta á Skaganum
NBA „Við erum að synda gegn
straumnum og gerum okkur
þetta alltof erfitt fyrir,“ sagði
Flip Saunders, þjálfari Detroit,
eftir ósigur sinna manna gegn
Miami Heat á heimavelli í fyrri-
nótt. Leikurinn var fyrsta viður-
eign liðanna í úrslitakeppni Aust-
urdeildarinnar en Miami fór með
sigur af hólmi, þrátt fyrir hrak-
spár margra, sem töldu að
Detroit ætti sigurinn vísan.
Detroit hafa spilað til úrslita í
NBA-körfuboltanum undanfarin
tvö ár. Gott gengi liðsins hófst
þegar Rasheed Wallace var hluti
af skiptum við Atlanta Hawks og
síðan þá hefur byrjunarlið
Detroit samanstaðið af honum,
Ben Wallace, Tayshaun Prince,
Rip Hamilton og Chauncey
Billups. Þeir hafa spilað 160
deildarleiki og 48 leiki í úrslita-
keppninni saman og því fara þeir
langt á reynslu og samheldni.
Þrátt fyrir að spila aðeins í 27
mínútur vegna villuvandræða,
var Dwayne Wade í aðalhlutverki
hjá Miami, eins og svo oft áður.
Shaquille O‘Neal spilaði aðeins í
29 mínútur vegna meiðsla fyrir
Miami, en það skipti þó ekki
nokkru máli. Með baráttu og
dugnaðí innbyrti liðið 91-86 sigur
gegn Detroit þar sem Wade var
stigahæstur hjá Miami með 25
stig, en Richard Hamilton skor-
aði 22 fyrir heimamenn í
Detroit.
„Þegar strákarnir komast á
skrið er mjög erfitt að stoppa þá.
Það er eins og öll þriggja stiga
skot rati ofan í körfuna, það er
ótrúlegt að horfa upp á þá koma
sér aftur inn í leiki en maður
verður að nýta tækifærin sín.
Það er eitthvað sem þarf að kom-
ast upp í vana hjá okkur,“ sagði
Pat Riley, þjálfari Miami, sem á
tvo næstu leiki á heimavelli. - hþh
Úrslitarimma Austurdeildarinnar í NBA fer vel af stað með óvæntum úrslitum:
Miami vann Detroit á útivelli
SHAQ Var að vanda ótrúlega öflugur. Hér
treður hann með stæl í fyrrinótt.
NORDICPHOTOS/AFP
> Andri Berg til Fram
Andri Berg Haraldsson hefur ákveðið að
söðla um og ganga í raðir Fram. Andri
Berg kemur úr FH og hefur verið lykil-
maður í liði Hafnarfjarðarliðsins, jafnt í
vörn sem og sókn en hann skoraði 110
mörk í 24 leikjum fyrir FH á tímabilinu.
Á undanförnum vikum hefur handknatt-
leiksdeild Fram fram-
lengt sex samninga
og samið við þrjá nýja
leikmenn í meistara-
flokki karla og eru allir
samningarnir til þriggja
ára. Framarar hafa
fengið til sín Björgvin Pál
Gústavsson frá HK og Einar
Inga Hrafnsson frá Aftureld-
ingu, auk Andra. Þá hafa Jóhann Gunnar
Einarsson, Stefán Baldvin Stefánsson,
Guðjón Finnur Drengsson, Björn Ingi
Friðþjófsson, Sigfús Páll Sigfússon og
Rúnar Kárason allir framlengt samninga
sína við Íslandsmeistarana.
Heiðar Davíð í sjötta sæti
Íslandsmeistarinn í höggleik, Heiðar
Davíð Bragason, er meðal efstu manna
á móti í sænsku mótaröðinni í golfi eftir
fyrsta keppnisdag. Heiðar lék á 69 högg-
um í gær, einu höggi undir pari. Hann
er í sjötta sæti ásamt fleiri kylfingum en
keppni heldur áfram í dag.
FÓTBOLTI Danski miðjumaðurinn
Hans Mathiesen verður líklega
lengi frá vegna meiðsla sem hann
hlaut í viðureign Fram og Leiknis
um síðustu helgi.
„Útlitið er alls ekki gott. Lið-
bönd í hnénu á honum eru sködd-
uð, en hversu lengi hann verður
frá er erfitt að segja til um. Hann
verður líklega frá í það minnsta í
sex vikur,“ sagði Brynjar Jóhann-
esson, framkvæmdastjóri Fram,
við Fréttablaðið í gær. - hþh
Slæm tíðindi fyrir Fram:
Mathiesen frá í
langan tíma?
MATHIESEN Fjarvera hans gæti haft mikil
áhrif á lið Fram. FRÉTTABLAÐIÐ/STEFÁN