Fréttablaðið - 25.05.2006, Blaðsíða 31

Ef þú fótbrotnar í fótbolta þá
ferð þú ekki í banka heldur á
spítala. Ef maður vill vinstri-
stefnu í pólitík þá kýs maður ekki
Sjálfstæðisflokkinn eða aðra
hægri-miðjuflokka eins og Fram-
sókn og Samfylkinguna heldur
Vinstri græna. Þetta er ekkert
óskaplega flókið. Það eru allir
flokkar úti um allt land að bjóða
fram undir flaggi vinstristefn-
unnar.
Vinsælustu kosningaloforðin
fyrir þessar sveitarstjórnarkosn-
ingar hjá öllum flokkum hafa
alltaf staðið á flöggunum okkar
sem og í stefnuskrám. Alltaf,
ekki bara núna fyrir þessar kosn-
ingar. Það er vissulega ánægju-
legt að sjá hversu miklu fylgi
okkar grunnhugmyndir, á borð
við gjaldfrjálsan leikskóla, eiga
að fagna fyrir þessar sveitar-
stjórnarkosningar. Hugmyndir
Vinstri grænna fá nær 100%
fylgi í þessum kosningum.
Það sem er síður ánægjulegt
er að þeim flokkum sem nú bjóða
fram stefnu Vinstri grænna að
meira eða minna leyti er síður
treystandi til þess að framfylgja
þeim hugmyndum þegar á hólm-
inn er komið en Vinstri grænum
sjálfum. Ef tveir einstaklingar
bjóðast til þess að veita barninu
þínu leikskólamenntun, annar er
lögfræðingur en hinn er leik-
skólakennari að mennt, hvorn
myndir þú velja? Þetta er
nákvæmlega sama spurning og
hverjum sé betur treystandi til
þess að tryggja framgang vinstri-
stefnunnar næstu fjögur árin í
sveitarstjórnum landsins: Vinstri
grænum eða einhverjum öðrum.
Valið hefur líklega aldrei
verið einfaldara. Það eru allir að
leggja áherslu á velferðarmál,
málefni þeirra sem standa höll-
um fæti, málefni barna og fjöl-
skyldunnar og það eru allir að
halla sér til vinstri. Til hvers að
ráða bakara til þess að gera við
fótbrot eða lögfræðing til að
gæta barna eða hægri-miðju-
flokk til þess að framkvæma
vinstristefnu? Til hvers að taka
sénsinn á öðrum en Vinstri græn-
um?
Höfundur skipar 9. sæti á lista
Vinstri grænna í Reykjavík.
Til hvers að taka sénsinn?
UMRÆÐAN
KOSNINGAR
DÖGG HUGOSDÓTTIR
FRAMBJÓÐANDI
Það er gaman að vera ungur fram-
sóknarmaður í dag. Ungt fólk um
allt land hefur fengið tækifæri til
að láta til sín taka í sveitarstjórn-
arkosningunum sem eru fram-
undan. Ungt fólk fær tækifæri í
Framsóknarflokknum og þá ekki
bara til skrauts heldur í baráttu-
sætum sem skipta máli. Stjórn-
mál snúast um hagsmuni og það
er mikilvægt fyrir okkur unga
fólkið að við eigum fulltrúa sem
berjast fyrir þeim málum sem
efst eru á baugi hverju sinni.
Hvort sem það eru mál er varða
byggingu nýs íþróttahúss, félags-
miðstöðvar, fjölbreyttari afþrey-
ingu eða eitthvað allt annað. Til
þess að sem bestur árangur náist
er best að ungt fólk vinni að sínum
eigin hagsmunum.
Meðal ungra framsóknar-
manna eru Birkir J. Jónsson,
yngsti alþingismaður landsins, og
Dagný Jónsdóttir, yngsta alþing-
iskona landsins. 4 af 5 aðstoðar-
mönnum ráðherra flokksins eru á
SUF-aldri eða yngri en 35 ára.
Ungu fólki er treyst til mikil-
vægra verka í Framsóknarflokkn-
um.
Um allt land eru ungir fram-
sóknarmenn að vinna hörðum
höndum þessa síðustu daga fyrir
kosningar. Við berjumst fyrir
þeim málefnum sem skipta okkur
máli og í sveitarstjórnarkosning-
um eru þau mismunandi eftir því
hvar við erum stödd á landinu.
Eitt eigum við þó sameiginlegt og
það er, að okkur langar öll að
reyna að bæta og breyta okkar
umhverfi. Við trúum því að við
getum haft áhrif og leggjum okkar
af mörkum til þess.
Ég hvet þig kjósandi góður til
að skoða stefnu Framsóknar-
flokksins í komandi kosningum og
er næsta viss að málefnin sem við
stöndum fyrir höfða til þín.
Við framsóknarmenn erum
athafnastjórnmálamenn og látum
til okkar taka og þurfum á stuðn-
ingi þínum að halda. EX-ið þitt á
best heima fyrir framan BÉ.
Gaman að vera framsóknarmaður!
UMRÆÐAN
KOSNINGAR
JAKOB HRAFNSSON
FORMAÐUR SAMBANDS UNGRA
FRAMSÓKNARMANNA
Fjölskyldan er hornsteinn sam-
félagsins. Kannanir sýna að fólk
sem gefur sér tíma til að sinna
fjölskyldunni er ánægðara í starfi
og afkastar ekki síður en þeir sem
láta vinnuna ævinlega ganga fyrir.
Í mótun fjölskyldustefnu á vinnu-
stöðum Reykjavíkurborgar vill F-
listinn byggja á sveigjanleika sem
gerir starfsmönnum betur kleift
að samræma vinnu og einkalíf.
Við viljum skapa forsendur til
þess að jafnvægi náist milli fjöl-
skyldulífs og atvinnuþátttöku og
að samþætting og samfella verði
eins góð og mögulegt er á milli
skóla, félagsstarfs, heilbrigðis-
mála og íþrótta- og tómstunda-
mála.
Á stefnuskrá F-lista, frjáls-
lyndra og óháðra, í Reykjavík er
lögð áhersla á heilsdagsskóla með
máltíðum, íþróttum, list og verk-
námi frá upphafi skólagöngu.
Börn verja flestum þeim klukku-
stundum sem þau eru vakandi í
leikskóla, skóla og við tómstundir
utan heimilisins. Þess vegna er
mikilvægt að búa þeim sem best
umhverfi. Hollur skólamatur þarf
að vera sjálfsagður hluti af skóla-
deginum og fjárhagur foreldra á
ekki að ráða því hvort börnin fái
mat. Staðgóður skólamatur vegur
þungt í að stuðla að bættu matar-
æði og heilsu barnanna í borginni
og mun vafalítið skila sér marg-
falt í sparnaði innan heilbrigðis-
kerfisins, enda getur næring í
æsku haft áhrif á heilsufar síðar á
ævinni. Góðar matarvenjur skap-
ast af umhverfinu sem börnin búa
við og það má í raun líta á það sem
hluta af náminu að kenna börnun
að njóta holls matar.
F-listinn lítur á samþætt for-
varnastarf í öflugu samstarfi
heimila, skóla, íþróttafélaga og
félagsþjónustu sem mikilvægan
þátt í sinni fjölskyldustefnu.
Þannig er ekki nóg að maturinn sé
góður heldur þarf öryggi og heilsa
barnanna líka að vera í fyrirrúmi
við uppbyggingu hverfa, skipulag
göngu- og hjólreiðastíga og hönn-
un lóða og mannvirkja við skóla og
leikskóla. Það er mikill kostur ef
sem flest börn geta stundað tóm-
stundir við hæfi innan hverfisins
og gjarnan í beinu framhaldi af
skóladeginum. Markmiðið hjá
okkur er að sem mest af tóm-
stundastarfinu geti farið fram í
skólanum með nánu samstarfi við
íþróttahreyfinguna, tónlistarskóla
og fleiri aðila. Þannig verður meiri
tími aflögu fyrir samverustundir
fjölskyldunnar að loknum skóla-
og vinnudegi. Auk þess má draga
úr endalausum ferðalögum við að
koma börnunum á milli staða. Við
viljum einnig að frítt verði í strætó
fyrir börn, unglinga, aldraða og
öryrkja, en því höfum við barist
fyrir lengi.
Við höfum meðal annars áhuga
á því að í hverju hverfi verði
hverfisvagn sem fari ekki út úr
hverfinu. Hraðvagnar aki svo á
milli hverfa og eftir aðalleiðum.
Markmiðið með að hafa hverfis-
vagn í hverju hverfi er að íbúarnir
komist leiðar sinnar innan hvefis-
ins, geti farið í búðina, heilsu-
gæsluna, sundlaugina, skólann og
á tómstundaæfingar. Hverfisvagn
gæti sparað fjölskyldum bæði
tíma, orku og fjármuni sem nú
fara í að aka börnum og ungmenn-
um þvers og kruss um hverfin og
út um alla borg.
Höfundur skipar 5. sæti F-lista
í Reykjavík.
Fjölskyldan í öndvegi
UMRÆÐAN
KOSNINGAR
ANNA SIGRÍÐUR ÓLAFSDÓTTIR
FRAMBJÓÐANDI
FIMMTUDAGUR 25. maí 2006 31