Fréttablaðið - 25.05.2006, Blaðsíða 81

25. maí 2006 FIMMTUDAGUR56
bio@frettabladid.is
X-Men: The Last Stand,
lokamynd þríleiks-
ins um stökkbreyttu
myndasöguhetjurnar
sem kenna sig við X,
var heimsfrumsýnd á
kvikmyndahátíðinni í
Cannes fyrr í vikunni.
Þórarinn Þórarinsson
hitti leikstjórann Brett
Ratner í Cannes og
ræddi við hann um
gerð myndarinnar en
hann tók við keflinu af
Bryan Singer sem leik-
stýrði fyrri myndunum
tveimur.
Það var engin lognmolla yfir fyrri
X-Men-myndunum en Ratner
keyrir hasarinn enn frekar upp í
lokakaflanum enda þurfa stökk-
breyturnar nú að berjast fyrir til-
verurétti sínum sem aldrei fyrr.
Lækning hefur verið fundin við
stökkbreytingunni sem gefur
X-fólkinu ofurkrafta sína og yfir-
völd eru mjög áfram um að upp-
ræta það í eitt skipti fyrir öll.
Þjóðfélagsgagnrýni með popp-
korni
Það er því nokkur broddur í mynd-
inni enda hægur vandi að finna
samsvörun með lækningunni og
til dæmis öfgakenndum hugmynd-
um trúarofstækismanna um að
hægt sé að „lækna“ samkyn-
hneigð. „Samfélagsgagnrýnin í
handritinu heillaði mig og mér
fannst ég verða að gera þessa
mynd,“ segir Ratner. „Það er frá-
bært að fá að gera poppkorns-
mynd sem hefur boðskap, vekur
upp tilfinningar og fær fólk til að
hugsa og velta fyrir sér afstöðu
sinni til lífsins.“
Báðar fylkingar ofurmenn-
anna, góða gengið hans prófessor
X (Patrick Stewart) og herskár
hópur Magnetos (Ian McKellen),
líta á lækninguna sem grófa aðför
að tilverurétti sínum og spyrna
við fótum hvor á sinn hátt og lýst-
ur vitaskuld harkalega saman. X
vill vitaskuld fara samningaleið-
ina en Magneto er einnig sjálfum
sér samkvæmur og vill ganga
milli bols og höfuðs á ofsækjendum
sínum.
Gamlir jaxlar og öflugir nýliðar
Magneto og X hafa báðir í sínum
röðum öfluga einstaklinga. Flest
þeirra eru orðin góðkunningjar
bíógesta. Hugh Jackman er í fylk-
ingarbjósti góðu gæjanna sem
Wolverine og hefur sér sem fyrr
til halds og trausts, Storm (Halle
Berry), Rouge (Anna Paquin) og
Iceman (Shawn Ashmore). Magn-
eto setur sitt traust á hina fláráðu
og banvænu Mystique (Rebecca
Romjin), Pyro (Aaron Stanford)
og fleiri stökkbrigði í grimmari
kantinum.
Skemmtilegir nýliðar ganga til
liðs við báða hópa og er þar mest-
ur fengur í Beast (Kelsey
Grammer), sem reynist Wolverine
dýrmætur liðsmaður, og Jugger-
naut, sem fótboltabullan Vinnie
Jones leikur, en hann finnur sig
vel í félagskap Magnetos.
Dr. Jean Grey (Famke Janssen)
skekkir svo myndina heldur betur.
Hún var nánasti félagi X í fyrri
myndunum en rís nú upp frá dauð-
um sem Phoenix, óbeislað náttúru-
afl sem gæti hæglega snúist á
sveif með illu öflunum. Það þarf
því ekki að hafa mörg orð um það
að úrslitaorrustan verður hin
harkalegasta og einhverjir liggja
eftir óvígir.
Óttast ekki samanburð við Singer
Leikstjórinn Bryan Singer flutti
X-Men og X2 með glæsibrag frá
myndasögublöðunum á hvíta
tjaldið. Hann gat þó ekki klárað
dæmið þar sem hann sneri sér að
endurlífgun Súpermans sem
væntanlegur er í bíó síðar í sumar.
Það kom því í hlut Ratners að loka
hringnum en hann er þekktastur
fyrir hasarmyndirnar Rush Hour
og Rush Hour 2 með Jackie Chan
og Chris Tucker í aðalhlutverk-
um. Rathner segist ekki hafa ótt-
ast það að feta í fótspor Singers.
„Ég var alls ekkert hræddur við
þetta. Kannski vegna þess að
mamma mín elskaði mig svo mikið
í æsku. Ég lenti líka í svipaðri
aðstöðu þegar ég gerði Red
Dragon og fylgdi í kjölfar
Jonathans Demme, Ridleys Scott
og Michaels Mann sem allir höfðu
áður gert myndir um Hannibal
Lecter.“
Sterkari tilfinningar
Ratner bætir því við að hann beri
mikla virðingu fyrir því sem
Singer hefur gert með X-Men og
hann hafi alls ekki verið að reyna
að stuðla að samanburði á milli
myndanna. „Þetta er bara ein X-
Men myndin til viðbótar og er
hluti af heild þótt ég hafi auðvitað
gert alls konar breytingar. Ég
vildi til dæmis styrkja konurnar í
myndinni og leyfa þeim að njóta
sín betur en í hinum myndunum
en fjöldi persónanna verður óhjá-
kvæmilega til þess að einhverjir
falla alltaf í skuggann. Mér finnst
Bryan samt hafa gert þetta mjög
vel. Hann gaf tóninn og lagði lín-
urnar. Það hjálpaði mér líka að
hafa samstilltan leikarahóp sem
hafði þegar gert tvær myndir um
þetta efni. Ég hafði því ekkert að
óttast og var ekkert að reyna að
gera betri mynd en Singer. Það
hefði verið tilgangslaust að reyna
að finna hjólið upp aftur. Ég vona
að niðurstaðan verði sú að áhorf-
endur geti sagt: „Vá! Brett ber
raunverulega virðingu fyrir
hinum myndunum tveim og per-
sónunum.“ Takmark mitt var að
gera tilfinningaríkari mynd og
reyna að vekja upp sterkari og
öðruvísi tilfinningar en hinar
myndirnar og ég vona að það hafi
tekist.“
SMS LEIKUR!
Sendu
JA FVC
á númerið 1900
og við sendum
þér spurningu!
Þú svara með því
að senda A, B eða C.
4S 3MS B A 463L 3ei K 11URñ
Aðalvinningur er stórkostleg ferð til London á slóðir DaVinci lykilsins í boði
Iceland Express. Innifalið í ferðinni er flug, gisting og "DaVinci Tour" um borgina.
Að auki fær vinninghafi DaVinci síma frá Sony Ericsson.
Aðrir vinningar:Sony Ericsson gsm símar • Bíómiðar fyrir tvo á DaVinci • DVD myndir • Tónlistin úr myndinni
• DaVinci tölvuleikir • Varningur tengdur myndinni • Fullt af Pepsi og enn meira af DVD og tölvuleikjum.
99 ksr skeytið. Vinningar afhendir í bT Smáralind
Tilfinningaríkur
lokabardagi X fólksins
STORM OG WOLVERINE Halle Berry og
Hugh Jackman eru mætt til leiks í þriðja
sinn. Wolverine hefur verið í forgrunni
hingað til en Brett Ratner dregur hann
nú aðeins til baka svo að konurnar fái
notið sín.
Hugh Grant er án nokkurs vafa
einn vinsælasti leikari Breta fyrr
og síðar. Hæfileikar hans til að
leika óframfærnar, hógværar og
feimnar týpur sem heilla fegurstu
konur heims upp úr skónum eru
ótvíræðir. Nægir þar að nefna
blómarósir á borð við Andy Mac-
Dowell og Juliu Roberts að
ógleymdri sjálfri Bridget Jones.
Grant vakti fyrst athygli árið
1987 þegar hann lék í kvikmynd-
inni Maurice en hún fjallar um
ungan mann í byrjun 20. aldar sem
áttar sig á samkynhneigð sinni.
Þar komst Grant í kynni við leik-
stjórann James Ivory sem réð
leikarann aftur til starfa árið 1993
fyrir The Remains of the Day þar
sem Grant lék á móti Emmu
Thompson og Anthony Hopkins.
Stóra tækifærið kom síðan ári
seinna þegar Four Weddings &
Funeral var frumsýnd en myndin
varð gríðarlega vinsæl. Grant hélt
áfram að hamra járnið á meðan
það var heitt og lék í óskarsverð-
launamyndinni Sense and Sensi-
bility. Fátt virtist geta komið í veg
fyrir velgengni Grants sem kynnt-
ist bresku ofurskutlunni Elisabeth
Hurley á svipuðum tíma. Árið
1995 var hann hins vegar gripinn
með buxurnar á hælunum eftir
næturgaman með vændiskonunni
Divine Brown. Flestir töldu að
ferlinum væri þar með lokið enda
er hin íhaldssama Hollywood ekki
hrifin af því þegar hulunni er svipt
af leyndarmálum borgarinnar.
Grant átti þó auðvelda endur-
komu með kvikmyndum á borð við
Notting Hill, Love Actually og
About a Boy. Grant tók sér fyrir
skömmu frí frá kvikmyndaleik
enda segir hann að gerð kvik-
mynda sé eitt leiðinlegasta starf í
heimi.
Divine varð honum næstum að falli
HUGH GRANT Snillingur í að leika ófram-
færna, hógværa og feimna Englendinga.
FRÉTTABLAÐIÐ / GETTY IMAGES
> Ekki missa af
Da Vinci lyklinum eftir Ron Howard með
Tom Hanks og Jean Reno í aðalhlutverk-
um. Þrátt fyrir að myndin sjálf hafi feng-
ið blendnar viðtökur gagnrýnenda þá
dylst engum að hér er stórsmellur á ferð
enda er hún byggð á einhverri vinsæl-
ustu bók seinni tíma. Robert Langdon er
fengin til að rannsaka dularfullt andlát
safnstjórans í Louvre-safninu og kemst
á snoðir um ótrúlegt leyndarmál sem
kaþólska kirkjan hefur reynt að fela fyrir
hinum kristna heimi.
I know what you ŕe thinking.
„Did he fire six shots or only
five?“ Well, to tell you the
truth, in all this excitement I
kind of lost track myself. But
being as this is a .44 Magnum,
the most powerful handgun
in the world, and would blow
your head clean off, you v́e got
to ask yourself a question: Do I
feel lucky? Well, do ya, punk?
Harry Callahan útskýrir fyrir glæpamanni hvað hann hafi
í höndunum í sígildu atriði úr kvikmyndinni Dirty Harry.
Allir vilja sínar fimmtán mínútur
af frægð. Raunveruleikaþættir,
Idol-keppnir og jafnvel Eurovision
eru lifandi dæmi um þörf almenn-
ings til að láta ljós sitt skína frammi
fyrir alþjóð. Kvikmyndin Ameri-
can Dreamz fjallar einmitt um
þennan heim þar sem venjulegu
fólki er att saman í keppni og látið
berjast innbyrðis um atkvæði dóm-
ara.
Hugh Grant leikur Martin
Tweed sem stjórnar þættinum
American Dreamz. Tweed gerir allt
til að auka vinsældir þáttanna og í
næstu þáttaröð hyggst hann bæta
um betur með næstu keppinautum
en þeir gætu ekki verið meira öðru-
vísi; suðurríkjadrósin Sally er
hvers manns hugljúfi á skjánum en
kvöl og pína þegar slökkt hefur
verið á myndavélunum en Omer er
hryðjuverkamaður sem elskar
söngleikjalögin á Broadway. Rúsín-
an í pysluendanum þetta árið er
síðan forseti dómnefndar en það er
sjálfur forseti Bandaríkjanna.
Þetta er fyrsta mynd
Hughs Grant í langan tíma en hann
tók sér gott frí frá kvikmyndaleik
fyrir tveimur árum en auk hans
leika þau Mandy Moore, Willem
Dafoe og Dennis Quaid stór hlut-
verk. Paul Weitz er leikstjóri Amer-
ican Dreamz en hann leikstýrði
kvikmyndinni In Good Company
auk þess að vera aðstoðarleikstjóri
í hinni feikivinsælu About a Boy
þar sem Grant var einmitt í aðal-
hlutverki.
Draumurinn um frægð
TWEED OG SALLY American Dreamz er einn vinsælasti raunveruleikaþátturinn og þátta-
stjórnandinn Tweed gerir allt til að auka vinsældir hans enn frekar.