Fréttablaðið - 01.08.2006, Síða 42

1. ágúst 2006 ÞRIÐJUDAGUR30
Leikarinn Colin Farrell hefur verið
orðaður við meðleikkonu sína í
myndinni Miami Vice, kínversku
stórstjörnuna Gong Li. Þau hafa
sést mikið saman að undanförnu,
meðal annars í eftirpartíi eftir
frumsýningu myndarinnar í Bret-
landi. Viðstaddir segja að Farrell
hafi bara haft augun á Gong Li og
þau hafi gert sér dælt hvort við
annað inni á staðnum en horfið
stuttu síðar upp á hótel í miðborg-
inni. Gong Li verður fertug á þessu
ári á meðan Colin Farrell er aðeins
þrítugur og er því tíu ára aldurs-
munur á parinu.
Ást á tökustað
NÝTT PAR Colin Farrell og Gong Li hafa sést
mikið saman að undanförnu.
FRÉTTABLAÐIÐ/GETTYIMAGES
Nú n SKJÁEINUM í gegnum Digital Íslandærðu
Fyrir þá sem ekki geta vakað verða tónleikarnir sýndir kl. 21.30 á miðvikudagskvöldið
og úrslitin kl. 21.30 á fimmtudagskvöldið.
Fylgjumst með ótrúlegum árangri Magna í kvöld kl. 1 eftir miðnætti í beinni
útsendingu á SkjáEinum. Úrslitin verða svo sýnd í beinni útsendingu á miðnætti annað kvöld.
Rock on Magni
E
N
N
E
M
M
/
S
IA
/
N
M
Einhverjir mest sjarmerandi tón-
leikar sem haldnir hafa verið á
Íslandi fóru fram á Borgarfirði
eystri síðastliðið laugardagskvöld.
Fjöldi fólks hafði lagt á sig heljar-
innar ferðalag til þess að komast á
staðinn, keyrt á lélegum vegum og
farið yfir hættulegar heiðar.
Ferðalagið var hins vegar fljótt að
borga sig því um leið og komið var
yfir Njarðvíkurskriður blasti við
manni hið krúttlega þorp á Borg-
arfirði eystri, sem síðar átti eftir
að bjóða upp á rómaða kvöld-
stund.
Hin sjarmerandi og þokkafulli
tónleikastaður var því mun frekar
í aðalhlutverkinu og listamennirn-
ir voru meira í aukahlutverkum.
Allt skipulag var líka til fyrir-
myndir og í raun hægt að segja
að ekki hafi verið veikan punkt að
finna í þessu smávaxna þorpi þetta
ágæta laugardagskvöld. Áhorf-
endur og gestir staðarins virtust
líka allir vera ánægðir með að
vera viðstaddir enda var upplifun-
in nær öll þeirra.
Tónleikarnir sem slíkir voru
einnig hin besta skemmtun. Emilí-
ana var krúttleg og sæt eins og
endranær og geislaði á sviðinu.
Meðlimir Belle & Sebastian stigu
síðan á stokk stuttu á eftir Emilí-
önu og heilluðu viðstadda enda
fátt annað hægt þar sem andrúms-
loftið var eins og best verður á
kosið. Söngvari Belle & Sebastian,
Stuart Murdoch (sem var ískyggi-
lega líkur Bryan Adams), gældi
líka við áhorfendur í Bræðslunni
og hann, eins og hinir meðlimir
sveitarinnar, virtist skemmta sér
konunglega.
En eins og áður segir voru það
ekki tónleikarnir sem slíkir held-
ur Borgarfjörður eystri og and-
rúmsloftið sem þar ríkti sem stóð
upp úr. Er þetta annað árið í röð
sem haldnir eru tónleikar í Bræðsl-
unni en í fyrra spilaði Emilíana
þar ásamt heimamanninu „heims-
fræga“ Magna. Tónleikar á þess-
um tíma árs eru því orðnir að hefð
sem vonandi verður haldið við.
Jafnvel væri gaman ef hægt væri
að halda litla tveggja daga hátíð
en ef tónleikarnir á næsta ári
verða eitthvað í líkingu við þá sem
fóru fram um helgina getur eng-
inn kvartað. steinthor@frettabladid.is
Listamennirnir í aukahlutverkum
FRÁBÆR Belle & Sebastian sýndi og sann-
aði að þar er á ferð frábær tónleikasveit.
SPENNT Fólk á öllum aldri skemmti sér konunglega á tónleikunum. FRÉTTABLAÐIÐ/HÖRÐUR GLEÐI Ekki er annað hægt að segja en að áhorfendur hafi verið himinlifandi með tónleik-
ana. FRÉTTABLAÐIÐ/HÖRÐUR
Í SÖLUHUG Heimamenn stjönuðu við gesti og buðu meðal annars upp á sjálflýsandi dót til
sölu. FRÉTTABLAÐIÐ/HÖRÐUR