Fréttablaðið - 03.09.2006, Blaðsíða 2

2 3. september 2006 SUNNUDAGUR
SPURNING DAGSINS
KJARAMÁL Fjöldi flugumferðar-
stjóra íhugar að fara á biðlaun og
hætta störfum þegar rekstur flug-
leiðsöguþjónustu flyst frá Flug-
málastjórn yfir til Flugstoða um
áramótin.
Öllum flugumferðarstjórum
hefur verið boðið starf hjá nýja
fyrirtækinu. Ekki er víst að allir
taki því vegna undanfarinna deilna
um kjaramál flugumferðarstjóra. Í
lögum um réttindaskyldur er
ákvæði um að ef störf séu lögð
niður hjá ríkinu eigi menn rétt á
biðlaunum.
Samkvæmt Lofti Jóhannssyni,
formanni Félags íslenskra flugum-
ferðarstjóra, á um helmingur allra
flugumferðarstjóra hjá Flugmála-
stjórn rétt á biðlaunum í hálft eða
eitt ár. Munu þeir allir hugsa það
vandlega hvort þeir noti tækifærið
og hætti störfum. Loftur segist
sjálfur íhuga alvarlega að taka ekki
við starfi hjá nýja félaginu.
„Einhverjir munu fara á biðlaun
þar sem það er skynsamlegasta
ákvörðunin fyrir þá, meðal annars
vegna aldurs. Svo er annað mál
hvort einhverjir fara á biðlaun
vegna kjaradeilna og ósættis. Ég
veit að margir eru að hugsa um að
nota tækifærið hreinlega og hætta
því þeim líst ekki á framhaldið,“
segir Loftur.
„Í nýja fyrirtækinu verða
nákvæmlega sömu yfirmenn og
hjá Flugmálastjórn. Ég er einn af
þeim sem eiga biðlaunarétt og er
alvarlega að hugsa um að nýta
hann.“
Hann segir ekki marga þurfa að
nýta sér biðlaunarétt til þess að
Flugstoðir lendi í vandræðum með
skort á flugumferðarstjórum. „Ef
svo fer að margir sjá þann kost
bestan í stöðunni að fara á biðlaun
og hætta störfum er hætt við að
Flugstoðir hefji sína starfsemi á
óstyrkum stoðum.“
Hjördís Guðmundsdóttir, upp-
lýsingafulltrúi hjá Flugmálastjórn,
segir biðlaunarétt starfsmanna
vera í skoðun. „Ef margir flugum-
ferðarstjórar kjósa að nýta sér
þennan rétt og hætta störfum verð-
ur bara að skoða það mál.“
salvar@frettabladid.is
Flugumferðarstjórar
íhuga biðlaunarétt
Flugumferðarstjórar eiga rétt á biðlaunum þegar starfsemi Flugmálastjórnar
flyst til Flugstoða. Formaður Félags íslenskra flugumferðarstjóra segir marga
íhuga að nota tækifærið og hætta störfum. Hann sé sjálfur að hugsa málið.
FLUGUMFERÐARSTJÓRN Hætt er við að starfsemi Flugstoða hefjist á óstyrkum stoð-
um kjósi margir flugumferðarstjórar að nýta sér biðlaunarétt sinn. Upplýsingafulltrúi
Flugmálastjórnar segir það mál verða skoðað ef til þess komi, en biðlaunaréttur
starfsmanna sé í rannsókn.
ATVINNA Bónus býður nú starfs-
fólki sínu allt að hundrað þúsund
krónur fyrir að finna nýja starfs-
menn í verslanir fyrirtækisins.
„Við borgum fimmtíu þúsund ef
nýi starfsmaðurinn er ennþá í
vinnu eftir þrjá mánuði og stoppi
viðkomandi í sex mánuði bætum
við öðrum fimmtíu þúsundum
við,“ segir Svanur Valgeirsson,
starfsmannastjóri Bónus.
Svanur segir að alls vanti tíu
til fimmtán manns í verslanirnar
í heild til þess að fullmanna þær.
„Þessa dagana eru allir að aug-
lýsa eftir fólki og auðvitað er
freistandi fyrir fyrirtæki sem
vantar starfsmenn að bjóða nýju
fólki gull og græna skóga. Við
viljum hins vegar frekar fara
þessa leið og umbuna þeim starfs-
mönnum sem við erum með fyrir
og eru tilbúnir að leggja sig fram
við að hjálpa okkur að manna búð-
irnar.“
Þetta er ekki í fyrsta skipti
sem þessi leið er farin við að
manna verslanirnar. „Við gerðum
þetta líka í fyrra og þetta mæltist
vel fyrir þá og mælist vel fyrir
núna.
Við kynntum þetta fyrir helgi
og nú þegar eru komnir inn þrír
nýir starfsmenn svo ég er mjög
ánægður með stöðuna.“
- eö
Bónus borgar starfsmönnum sínum fyrir að finna nýja starfsmenn í verslanirnar:
Fá hundrað þúsund krónur fyrir að finna nýtt fólk
VERSLANIR BÓNUS Starfsfólkið reynir nú að fá vini og vandamenn með sér í vinnuna.
Róbert, er búið að selj’ ann?
„Helst vildi ég fá að berj’ ann.“
Sjónvarpsmaðurinn Helgi Seljan hætti
nýlega á NFS og fór yfir til RÚV. Róbert
Marshall er framkvæmdalegur forstöðu-
maður NFS.
ÍRAN, AP Írönsk stjórnvöld lofuðu að aðstoða við að
halda vopnahléið í Líbanon, á fundi með Kofi Annan,
framkvæmdastjóra Sameinuðu þjóðanna, í Íran í gær.
Ísraelar hafa lengi sagt Írana selja Hizbollah vopn, en
með vopnahléinu er búið að banna sölu á vopnum til
samtakanna.
Jafnframt ítrekuðu íranskir stjórnmálamenn að
háttvísi bæri að gæta í kjarnorkudeilu þeirra við SÞ.
Íranar neita að hætta auðgun úrans, þrátt fyrir
fyrirskipun Öryggisráðs SÞ þar um. Þeir segja
kjarnorkuframleiðslu sína vera eingöngu í friðsam-
legum tilgangi, en vesturveldin óttast að þeir hyggist
framleiða kjarnorkuvopn. Á miðnætti á fimmtudag
rann út frestur sem Öryggisráðið gaf Írönum til að
hætta auðguninni, en Íranar virtu ekki það bann. Því
getur Öryggisráðið beitt Írana refsiaðgerðum, en til
þess mun ekki koma á allra næstu dögum. Fyrst verða
frekari samningaviðræður reyndar til hlítar og mun
Javier Solana, utanríkismálastjóri Evrópusambands-
ins, funda á þriðjudag með helsta samningamanni
Írana í kjarnorkumálum, Ali Larijani.
Annan ræðir í dag við forseta landsins, Mahmoud
Ahmadinejad, sem hefur ítrekað sagt opinberlega að
Íranar muni ekki hætta kjarnorkuvinnslu. - smk
Fundur Kofi Annan með Írönum í Teheran í gær:
Íranar aðstoði við vopnahlé
Í TEHERAN Kofi Annan, framkvæmdastjóri Sameinuðu þjóð-
anna, t.h., og Manouchehr Mottaki, utanríkisráðherra Írans, á
fundi þeirra í gær. FRÉTTABLAÐIÐ/AP
LÖGREGLA Lögreglan á Akranesi
var kölluð út um hálf sex leytið á
föstudaginn til þess að losa
fjögurra ára dreng sem sat fastur
í brunnopi. Brunnurinn er á
leikvelli í bænum en ekki er vitað
hvers vegna hann var opinn.
Drengurinn var að leik á
vellinum þegar hann datt ofan í
brunninn og festist. Móðir
drengsins óskaði eftir aðstoð
lögreglu og var hún dágóða stund
að losa barnið, sem eðlilega var
orðið ansi óttaslegið. - eö
Lítill drengur festist í brunni:
Var orðinn
mjög hræddur
DANMÖRK Reykingar eru fitandi
fyrir ungt fólk, kemur fram í
nýrri rannsókn sem danska
krabbameinsfélagið lét gera.
Í frétt Politiken segir að þó að
sífellt færri byrji að reykja
ánetjist ákveðinn hluti unglinga
enn reykingum viljandi í þeirri
trú að þær muni hjálpa þeim að
grennast.
Reyndin er þó sú að hið
gagnstæða gerist.
Fyrstu tvö árin sem unglingar
reykja bæta þeir að meðaltali á
sig tveimur aukakílóum, sýnir
rannsóknin, sem náði til 1.700
unglinga í efstu bekkjum
grunnskóla. - smk
Ný dönsk rannsókn:
Reykingar fitandi
fyrir unglinga
Bílvelta í Borgarfirði
Ökumaður missti stjórn á bifreið
sinni í Norðurárdal um sexleytið í
gærmorgun með þeim afleiðingum
að hann valt og endaði úti í Bjarna-
dalsá. Ökumaðurinn, sem var einn á
ferð, slapp lítið meiddur en bíllinn er
gjörónýtur.
Einn stútur
Lögreglan í Borgarnesi stöðvaði einn
ökumann í fyrrinótt vegna gruns um
ölvun við akstur og reyndist hann
töluvert drukkinn.
Ekið á kindur
Ekið var á kind í Hvalfirði í gærmorg-
un með þeim afleiðingum að hún
drapst. Önnur ær hlaut síðan sömu
örlög á Holtavörðuheiði seinna um
daginn.
LÖGREGLUFRÉTTIR
Bílbeltið bjargaði
Bílvelta varð um tíuleytið í gærmorg-
un í Hestfirði fyrir botni Ísafjarð-
ardjúps. Ökumaðurinn, sem var
einn í bílnum, var í bílbelti og slapp
ómeiddur en bíllinn er talinn ónýtur.
LÖGREGLUFRÉTTIR
Ekið undir áhrifum
Lögreglan í Reykjavík stöðvaði átta
ökumenn fyrir ölvun við akstur í
fyrrinótt og gærmorgun. Að sögn
lögreglu voru þetta í flestum tilfellum
ökumenn sem voru ekki búnir að
sofa almennilega úr sér áður en þeir
fóru af stað á bílnum.
LÖGREGLUMÁL Þjófnaður átti sér
stað í Þjóðleikhúsinu í gærkvöldi
en lögregla handsamaði þjófinn
fljótlega fyrir aftan leikhúsið.
Hann hafði þá losað sig við þýfið
og var sporhundur sóttur til þess
að rekja ferðir hans um
nágrennið í þeirri von að það
kæmi í leitirnar.
Lögregla og starfsfólk
Þjóðleikhússins voru ekki tilbúin
að tjá sig um hverju var stolið
áður en blaðið fór í prentun í gær.
Þegar Fréttablaðið hafði samband
við Tinnu Gunnlaugsdóttur
Þjóðleikhússtjóra var hún stödd í
Færeyjum þar sem Þjóðleikhúsið
var að sýna Grænalandið. Hún
vissi ekkert um málið en sagði
hins vegar viðtökur Færeyinga
við sýningunni afar góðar. - eö
Þjófur í Þjóðleikhúsinu:
Dularfullur
þjófnaður
SPORHUNDUR LEITAR ÞÝFIS Lögregla
var með skó þjófsins í poka til þess að
koma hundinum á sporið.
SKÓGRÆKT Hæsta tré á Íslandi er
sitkagreni sem vex á Kirkju-
bæjarklaustri, en það mældist
23,7 metrar á hæð. Þetta kom
fram í könnun skógfræðinema við
Landbúnaðarháskóla Íslands.
Næstar að stærð voru alaskaaspir
í Hallormsstað og í Múlakoti í
Fljótshlíð sem mældust 23,1
metri og 22,5 metrar.
Hæsta tréð af innlendum
stofni reyndist vera í Vaglaskógi í
Fnjóskadal. - hs
Hæstu trén yfir 20 metrar:
Hæsta tréð er
á Klaustri
HALLORMSSTAÐARSKÓGUR Þar mældist
alaskaösp 23,1 metri.