Fréttablaðið - 03.09.2006, Blaðsíða 71

SUNNUDAGUR 3. september 2006 31
FÓTBOLTI 3-0 sigur Íslands í gær
gegn Norður-Írum var jöfnun á
besta árangri íslenska landsliðsins
á útivelli í undankeppni EM. Einu
sinni áður hefur Ísland unnið 3-0 á
útivelli en það var gegn Litháen
11. júní 2003.
Þetta er þó ekki besti árangur
Íslands á útivelli í öllum leikjum.
16. júní 1976 sigraði íslenska liðið
Færeyjar 6-1 í vináttuleik í
Færeyjum en stærsti sigur Íslands
á útivelli í undankeppni HM kom
20. október 1997 þegar Ísland
sigraði Liechtenstein 4-0. - dsd
Sigurinn gegn Norður-Írum:
Metjöfnun á
útivelli í EM
FÓTBOLTI Lawrie Sanchez,
landsliðsþjálfari Norður-Íra,
kvaðst afar óhress með varnar-
leik norður-írska liðsins í leiknum
gegn Íslandi í gær. „Varnarleikur
okkar í fyrri hálfleik var skelfi-
legur og Íslendingarnir nýttu sér
það til fullnustu og komust í 3-0.
Eftir það voru úrslitin nánast
ráðin,“ sagði Sanchez í samtali
við breska sjónvarpið.
Áhorfendur á Windsor Park
bauluðu á sína menn þegar þeir
gengu af leikvelli í dag. „Þetta er
í fyrsta sinn sem ég heyri
áhorfendur baula á okkur á okkar
heimavelli, en eins og við
spiluðum í dag áttu þeir fullan
rétt á því,“ sagði Sanchez. - vig
Þjálfari Norður-Íra:
Áttum baulið
fyllilega skilið
LAWRIE SANCHEZ Afar ósáttur við sína
menn.
Kári Árnason:
Fékk astmakast
FÓTBOLTI Kári Árnason þurfti að
yfirgefa völlinn á 34. mínútu í
gær en hann fékk astmakast
strax í upphafi leiks og átti því
erfitt uppdráttar.
„Ég stóð bara á öndinni og þó
að maður hafi reynt sitt besta er
það erfitt við þessar aðstæður.
Við höldum að þetta sé eitthvað í
umhverfinu en ég var líka
slæmur á æfingunni í gær. Það
var þó ákveðið að láta reyna á
þetta í dag en gekk því miður
ekki upp,“ sagði Kári.
Eyjólfur Sverrisson landsliðs-
þjálfari sagðist við Fréttablaðið í
gær ekki eiga von á öðru en að
Kári yrði búinn að ná sér fyrir
leikinn gegn Dönum á miðviku-
dag. - esá
FÓTBOLTI „Þetta var frábær leikur
og ég var þokkalega sáttur við
eigin frammistöðu en fyrst og
fremst liðsins alls,“ sagði Brynjar
Björn Gunnarsson, maður
leiksins í gær. „Fyrri hálfleikur
var með því betra sem við höfum
sýnt í langan tíma og allt virtist
ganga upp á miðjunni og köntun-
um. Við héldum boltanum vel og
Eiður datt vel inn í plássið sem
við sköpuðum. Við náðum því að
skapa gott spil innan liðsins,“
sagði Brynjar.
Hermann Hreiðarsson sagði
andstæðinga íslenska liðsins hafa
verið gott lið þó að það hefði ekki
náð sér almennilega á strik. „Þeir
eru mjög skipulagðir og hafa
unnið lið eins og England,
Finnland og Eistland. En við
einbeittum okkur fyrst og fremst
að okkur. Við unnum okkar baráttu
á vellinum og sýndum svo hvað
við getum þegar við erum með
boltann.“
Hermann lenti nokkrum sinnum
upp á kant við sóknarmanninn
David Healy og lét hann heyra það.
„Hann reynir að sparka boltanum í
mig og fiska gult spjald á mig. Það
var óheiðarlegt og ég sagði bara
mína skoðun á því.“ - esá
Brynjar Björn og Hermann:
Sýndum hvað
við getum
Fyrirliðinn Eiður Smári Guðjohnsen jafnaði markametið fræga í gær:
Spiluðum stórskemmtilegan bolta
FÓTBOLTI „Það gefur augaleið að við spiluðum frábær-
an fyrri hálfleik í gær. Hlutirnir duttu fyrir okkur og
við uppskárum eftir því. Það var meiriháttar að jafna
markametið en eins og ég sagði fyrir leikinn hefði
það gerst einhverntímann og aðalatriðið var að við
fengum þrjú stig úr leiknum,“ sagði Eiður Smári
Guðjohnsen landsliðsfyrirliði við Fréttablaðið eftir
leik.
„Norður-Írarnir komu mér ekki á óvart. Ég held að
við höfum náð að drepa þær hættur sem þeir sköpuðu
og við vörðumst vel á móti, sem ein liðsheild. Þar að
auki spiluðum við örugglega einn skemmtilegasta
sóknarbolta sem íslenskt landslið hefur sýnt í lengri
tíma.“
Eiður segir að varnarleikurinn sé vissulega mikil-
vægur en liðsheildin sé það sem skipti fyrst og fremst
máli. „Eftir þennan leik getum við tekið hrósinu sem ein
liðsheild. Við erum með kraftmikla stráka, unga stráka
sem eru með mikla hlaupagetu og þess á milli mjög vel
spilandi leikmenn. Þegar við gefum hver öðrum sjálfs-
traust sést hvað við getum gert.“
Eiður naut sín vel í sínu hlutverki á vellinum þar
sem hann fékk að spila nokkurn veginn frjálst hlut-
verk í sóknarleiknum. Hann fékk mjög góða dóma í
enskum fjölmiðlum og var m.a. valinn maður leiksins
hjá Sky. „Ég var skapandi í fyrri hálfleik og Gunnar
Heiðar var með góð hlaup sem ég var að reyna að
finna. Ég hefði svo getað skorað mark undir lok leiks-
ins en það verður ekki á allt kosið. Vissulega getur
það verið strembið að halda einbeitingunni allan leik-
inn þegar hann spilast svona. Við vorum smeykir við
að gefa eftir og bakka. Það gerist oft ósjálfrátt.“
Landsliðið heldur heim í dag og hefur undirbúning
sinn fyrir leikinn gegn Dönum á morgun. „Nú slöpp-
um við af, náum orkunni aftur upp og byrjum undir-
búninginn fyrir Danaleikinn af fullum krafti.“ - esá
FÖGNUÐUR Íslensku landsliðsmennirnir
fagna hér marki Eiðs Smára í gær.
FRÉTTABLAÐIÐ/VALLI