Fréttablaðið - 03.09.2006, Side 74

34 3. september 2006 SUNNUDAGUR
FÓTBOLTI Knattspyrnudómarar
hafa verið óvenjumikið milli tann-
anna á fólki í sumar vegna ýmissa
umdeildra mála. Garðar Örn Hin-
riksson er þar ekki undanskilinn
en hinn skeleggi, sköllótti og söng-
elski dómari lætur sér fátt fyrir
brjósti brenna og heldur sínu
striki þrátt fyrir alla gagnrýni
sem hann fær.
„Ég man ekki nákvæmlega
hvar öll lætin byrjuðu í sumar en
allir tóku þátt. Það verður að segj-
ast eins og er að á tímabili var
ótrúlega leiðinlegt að taka þátt í
þessu. Ég er ekki að segja að við
séum heilagir því að sjálfsögðu á
að gagnrýna okkur eins og aðra.
Menn fóru bara töluvert yfir strik-
ið því við vorum kallaðir ömurleg-
ir án þess að menn hefðu nokkuð
fyrir sér í þeim efnum.
Mér hefur aldrei leiðst eins
mikið að dæma í fótbolta og fyrri
hluta þessa móts. Ég var ekki að
spá í að hætta en þetta var ofboðs-
lega leiðinlegt ástand,“ sagði
Garðar alvarlegur en þessi hasar
sem hann talar um endaði með því
að tveir þjálfarar voru sektaðir og
í kjölfarið róuðust þjálfarar nokk-
uð.
Svívirtur á skemmtistað
„Ég er búinn að prófa allt í þessu
og meira en margir aðrir. Ég hef
líka oftast verið milli tannanna á
fólki og fólk virðist elska að hata
mig,“ sagði Garðar Örn, sem seg-
ist hafa verið laus við öll leiðindi
utan vallar þar til í sumar.
Hann leysti Jóhannes Valgeirs-
son af hólmi í leikhléi í leik Fylkis
og KR. Skömmu eftir hlé dæmdi
hann umdeilda vítaspyrnu á Fylki
og helgina eftir mátti hann þola
svívirðingar á skemmtistað í borg-
inni.
„Mér var ekki sama um það. Þá
fór maður að hugsa til hvers maður
væri að standa í þessu. Ég hef ekki
lent í slíku áður út af boltanum en
slíkt hafði komið fyrir þar sem ég
hef verið viðriðinn tónlist og þar
hef ég fundið fyrir verulegum leið-
indum.
Samt spurning hvort það sé
ekki öfund því allir vilja vera
söngvarar og gefa út lög en það
vill enginn vera dómari.“
Reiður út í Óla Þórðar
Eins og áður segir hefur Garðar
Örn lent í ýmsu á sínum ferli og
ekki síður utan vallar en inni á
vellinum. Síðasta sumar sakaði
Ólafur Þórðarson, þáverandi þjálf-
ari ÍA, Garðar um að hata ákveðna
leikmenn ÍA-liðsins og vöktu
ummælin eðlilega mikla athygli.
„Ég heyrði þetta viðtal í útvarp-
inu og ég get ekki lýst því hversu
reiður ég var. Það sem ég hafði
umfram Óla var að ég sýndi still-
ingu því Valtýr Björn hringdi í
mig um leið og hann var búinn að
skella á Óla. Óli hringdi í mig
skömmu síðar og baðst afsökunar
en þetta er eitthvað það leiðinleg-
asta sem ég hef lent í,“ sagði Garð-
ar Örn, sem hefur gengið undir
hinum ýmsu nöfnum hjá knatt-
spyrnuunnendum og nægir þar að
nefna nöfn eins og raðspjaldarinn
og rauði baróninn.
Vorkenni Gillzenegger
Annað eftirminnilegt atvik sem
kom upp síðasta sumar var þegar
Gillzenegger skrifaði pistil í DV
þar sem hann réðst ómaklega að
Garðari Erni sem dómara og gekk
síðan lengra er hann gerði lítið úr
manndómi Garðars.
„Ég var rosalega hissa er ég las
þennan pistil. Ég átti aldrei von á
því að það yrði gengið svona langt.
Ég vorkenni greyinu sem skrifar
þetta því hann á greinilega við ein-
hver vandamál að stríða. Annars
var ég meira reiður út í blaðið
fyrir að birta þetta og reiður út í
ritstjórana þar sem þetta hafi ekki
verið lesið yfir.
Ég hef aldrei séð svona í
nokkrum fjölmiðli og mér fannst
það vera skandall að þessu væri
hleypt í gegn. Þetta var fullmikið
af því góða og svo á ég dóttur sem
er að byrja að lesa. Ég ætlaði fyrst
að fara í mál en hætti við þar sem
ég taldi ekki gott að blása málið
upp. Ef ég hefði gert það þá fannst
mér líka að ég væri að viðurkenna
að það væri lítið undir mér. Það
væri ekki gott ef ég ætlaði að
halda mínu striki á djamminu,“
sagði Garðar og hló létt, greini-
lega búinn að jafna sig á skrifun-
um.
Er fyndnasti dómari á Íslandi
Ekki er nóg með að ráðist hafi
verið að manndómi Garðars held-
ur var hann einnig sakaður um að
vera húmorslaus í sumar af
Tryggva Guðmundssyni. Ástæðan
var sú að hann spjaldaði Tryggva
er hann var að fíflast í innkasti.
„Ég vissi að þetta var húmor
hjá Tryggva en það sem menn
gleyma er að við dómararnir erum
með eftirlitsdómara sem dæma
okkur. Auðvitað langar okkur oft
að taka þátt í húmornum en við
getum það hreinlega ekki þar sem
það mun bitna á okkur. Annars get
ég sagt þér að ég er örugglega
fyndnasti dómarinn í faginu. Það
vantar ekki húmor í mig og það
geta margir staðfest,“ sagði Garð-
ar léttur en eflaust hugsa margir
sem lesa þetta viðtal hvernig hann
nenni að standa í þessu þar sem
það virðist vera stöðugt neikvætt
áreiti í kringum dómgæsluna.
Lét ekki amatöraumingja eyði-
leggja fyrir mér
„Fyrir nokkrum árum síðan lenti
ég í hroðalegum leik og þá ætlaði
ég að hætta en þetta var leikur í
neðri deildinni. Ég hafði rekið
leikmann annars liðsins af velli
fyrr um sumarið og félagar hans
ákváðu að hefna fyrir það með
stöðugum árásum á mig allan leik-
inn.
Ég svaraði, eins og ég er fræg-
ur fyrir, með því að veifa rauðum
spjöldum allan hringinn. Ég ætl-
aði að hætta um kvöldið en eftir að
ég náði mér niður hugsaði ég að
það kæmi ekki til greina að láta
einhverja amatöraumingja út í bæ
eyðileggja fyrir mér að gera það
sem mér þykir skemmtilegt.
Blessunarlega hélt ég áfram og ég
er FIFA-dómari í dag en þeir eru
enn að grafa skurði,“ sagði
Garðar.
Fjölmiðlarnir vandamál
Fréttablaðið fjallaði á dögunum
um starfsumhverfi dómara og að
sú neikvæða umræða sem dómar-
ar verði fyrir væri farin að hafa
þau áhrif að þeir íhuguðu að hætta
í dómgæslu áður en þeir þyrftu
þess. Hvað telur Garðar að sé hægt
að gera til að bæta ástandið?
„Fjölmiðlarnir spila mjög stórt
hlutverk og ekki bara blöðin heldur
líka sjónvarpsstöðvarnar sem og
þessi útvarpsþáttur sem hann Val-
týr Björn er með. Þar er valtað yfir
okkur hvað eftir annað án þess að
menn hafi nokkuð fyrir sér. Svo er
verið að kvarta yfir því að við nenn-
um ekki að tala við þá. Það er af því
að við komum aldrei sem sigurveg-
arar út úr slíku og skiptir engu
hversu rétt við höfum fyrir okkur.
Vandamálið finnst mér liggja í
fjölmiðlunum og ég les alltaf um
leikina sem ég dæmi og það fer
rosalega í pirrurnar á mér þegar
strákar sem kannski halda með
Val eru að skrifa um Val. Ef Valur
tapar leiknum þá bitnar það á dóm-
aranum. Ég finn mikið fyrir þessu
og sérstaklega ef maður er að
dæma úti á landi. Mér finnst menn
vera fulldómharðir á okkur og
vissa dóma án þess að hafa hug-
mynd um hvað málið snýst,“ sagði
Garðar, sem segir allt annað að
dæma í neðri deildunum í dag því
þar sé borin virðing fyrir sér.
„Það er búið að vera algjör
draumur í sumar að komast í neðri-
deildarleiki. Þegar ég mæti á leik í
annarri deildinni liggur við að
menn beygi sig niður fyrir manni.
Þetta er kannski fullsterkt til orða
tekið en það er allt annað í gangi
og hluti af því er að við erum laus-
ir við fjölmiðlana í þessum leikj-
um,“ sagði Garðar Örn Hinriks-
son. henry@frettabladid.is
FÓLK VIRÐIST ELSKA
AÐ HATA MIG
Umdeildasti knattspyrnudómari landsins er klárlega Garðar Örn Hinriksson.
Þrátt fyrir ungan aldur hefur Garðar lent í ýmsu á sínum ferli og sumt af því
miður skemmtilegu sem á ekkert skylt við fótbolta. Garðar Örn talar opinskátt
og af hreinskilni um líf sitt sem knattspyrnudómari við Fréttablaðið í dag.
EKKERT MÚÐUR Leikmenn komast ekki upp með neitt múður hjá Garðari Erni en
hann segir hér einum leikmanna Fylkis að halda sig á mottunni. FRÉTTABLAÐIÐ/ANTON BRINK
ÞAÐ ER ÉG SEM RÆÐ HÉR Garðar Örn les hér Skagamanninum Reyni Leóssyni lífs-
reglurnar í leik gegn KR síðasta sumar. FRÉTTABLAÐIÐ/VALLI
KÖRFUBOLTI Bandaríkjamenn
tryggðu sér í gær þriðja sætið á
heimsmeistaramótinu í körfubolta
sem stendur yfir í Japan. Banda-
ríkin mættu Argentínu í leik um
þriðja sætið og unnu með fimmtán
stiga mun, 96-81.
Dwyane Wade fór á kostum í
liði Bandaríkjamanna og skoraði
32 stig og var með 76,5% skotnýt-
ingu utan af velli. Næstur honum í
stigaskori kom Lebron James með
22 stig auk þess sem hann tók níu
fráköst og átti sjö stoðsendingar.
Hjá Argentínumönnum var Luis
Scola stigahæstur með 19 stig og
næstur á eftir honum var Andres
Nocioni með 18 stig.
Frakkar og Tyrkir mættust
einnig í gær í leik um fimmta
sætið. Mjög lítið var skorað í leikn-
um, sem endaði með sigri Frakka,
64-56. Florent Pietrus skoraði
mest Frakka eða 12 stig, auk þess
sem hann tók níu fráköst. Hjá
Tyrkjum var það hins vegar leik-
maður með hið stórskemmtilega
nafn Engin Atsur sem var stiga-
hæstur með 15 stig.
Í dag kl. 10:30 er svo úrslita-
leikurinn milli Spánverja og
Grikkja. - dsd
Heimsmeistaramótið í körfubolta:
Bronsið til Bandaríkjanna
DWYANE WADE Átti stórleik í gær þegar
bandaríska liðið tryggði sér þriðja sætið
á HM. NORDIC PHOTOS/GETTY IMAGES
Ungbarnasund
Námskeiðið hefst 5. febrúar nk. í Árbæjarlaug.
Sunddeild Ármanns
Barnasund
Sundnámskeið fyrir börn 2ja-6 ára
hefst laugardaginn 15. janúar nk.
í Árbæjarskóla
Innritun virka daga frá kl. 17:00 og um helgar frá kl. 13:00
í síma 557-6618 (Stella) og Eygló í síma 866-0122
6. september nk.
10.Septembe nk.Ná skeiðið hefst 9. september nk. í Árbæjarlaug.
Innritun virka daga frá kl. 17.00 og um helgar frá kl. 13.00
í síma 866 0122 Eygló eyglo@sjukratjalfun.is